信州日本料理

營業中

休息中

假日到中西區閒逛，選擇左靠近西環碼頭嘅日本料理作午餐。Set Lunch比起晚餐嘅價錢相宜好多！lunch set 包括沙律 味噌湯 刺身和茶碗蒸。茶碗上桌時熱辣辣，味道帶有濃濃蛋香，質地吃起來很細滑。底層有些少蟹柳同菇，吃起來味道更豐富。點左個刺身拼盒，包括七款魚生。每款刺身有兩件，再加配一碗白飯。大拖羅呈淡粉紅色，帶有不少油脂，入口即溶，沒有難咬嘅筋，味道相當唔錯。劍魚腩較為薄切，不過魚香充足，十分好吃，腩位油份充足，入口油香四散。三文魚厚切，質地紮實，唔會好腍，非常新鮮。大蝦彈牙爽甜，沒有腥味，水準不錯。其餘剌身都保持住高水準，$220黎講相當抵食！

Ventured to the west end for lunch today. The weather was brilliant so my friend and I targeted to pick a restaurant along the shore-side. We felt like something filling yet refreshing, and that led us to Shin Shu Japanese restaurant.The restaurant was very spacious. We arrived at around 12:15 and it slowly filled with people in 15 mins. There were a lot of choices for lunch sets, and each set include a main, a crab roe salad, egg custard, a bowl of rice, miso soup, and a dessert.The Chawanmushi

這幾個月久不久都會到西環覓食, 因為很多特色小店, 也注意到信州日本料理超受歡迎的, 就找了個星期六去吃個午餐看看水準如何餐廳正正在堅彌地城海旁轉角, 門面很低調裡面也走簡約風旁邊是吧枱午餐共有二十款可供選擇, 刺身、壽司、燒物和魚生飯都有, 每份午餐還配有蟹籽沙律、茶碗蒸、麵豉湯和甜品, 很豐富好久沒獨食壽司, 就點了個壽司拼盤茶碗蒸先到, 蛋蒸得嫩滑有蛋香, 更有銀杏、冬菇、魚板和蟹柳作配料, 很有誠意接著是蟹籽沙律和麵豉湯, 蟹籽沙律小小一碟, 以生菜為主, 醬汁份量剛好, 很清爽的感覺; 麵豉湯超熱的, 味道溫和, 有滑豆腐粒、柳松菇和海帶增添口感 壽司拼盤 ($160) 從左到右分別是拖羅、油甘魚、三文魚、深海池魚、真鯛、甜蝦、松葉蟹、海膽、燒玉子及吞拿魚腩小卷拖羅表面泛油光, 肉質軟嫩肥美, 油脂雖不是太多但也算有點驚喜; 油甘魚厚切又新鮮, 油脂豐腴, 可惜上面的柚子鹽味道太搶, 其實油甘魚本身選料已經很好, 單吃就足夠了; 三文魚是腩肉的部份, 厚切又油潤, 但吃過拖羅和油甘魚之後好像被比下去了深海池魚肉質彈牙淡口, 幸好店家的醬油也不會太濃, 沒有蓋過池魚本身的味道;

這天來到西環的爹核士街，幾乎都是被西餐廳佔據的，平日的晚上，少了假日的喧鬧，沿着海旁漫步到盡頭，眼前出現一間小店，推門而進，店內格局陰沉昏暗，很難說得上是一間高級日本餐廳，設計以黑色為主調，配合木製傢俬，挺有個性，予人實而不華的感覺。環視完畢，找了個靠窗的位置坐下來。點了兩客料理長刺身壽司精選，Omakase內的菜式非常多，有九道餸菜，全都是以最新鮮的海鮮食材為主。第一道是開胃冷盤 – 旬前菜三碟，包括有鮑魚、饅魚漬及鹽焗腰果。由於鮑魚早已醃製過，所以味道相當突出，既有醬油的香味，亦有海鮮的鮮甜味道，而且鮑魚入口較嫩，而裙邊則有點彈性，非常好味，把鮑魚切粒有點畫蛇添足，如果原隻放在咀裏的話應該更滋味。鰻魚的味道頗有層次，鹹味的燒烤醬汁與鮮甜的饅魚的鮮味混合在一起，而魚塊因為以醬汁醃製過，所以魚肉變得有點結實。而鹽焗腰果是自家製的，入口香脆，非常有咬口，佐酒首選。跟接着是日本季節生蠔，生蠔內加入了檸檬汁、 酸汁及辣蘿蔔蓉以辟除蠔腥味道，而蠔肉非常飽滿及肥美，入口時味道細膩，蠔味突出，有回甘的鮮味。第三道菜是刺身盛5種，包括針魚，劍魚，拖羅，帶子、牡丹蝦。店員表示吃刺身味道應由淡至濃，才能

走進嗲核士街 好多酒吧餐廳任君選擇近街尾位置 寧寧捨捨有間日本野好隨心入左去 麻雀雖少 五臟俱全lunch set 包晒沙律 湯 主菜同甜品平平地$88已經有得食 不過我㨂左最貴嘅7款刺身嘅拼盤 另外有白飯一碗每款刺身有兩件 大蝦刺身鮮甜到不得之了拖羅入口即溶 三文魚唔肥 但同樣吸引食飽飽蒸蛋先送到 即叫即蒸 非常嫩滑蒸蛋底部有蟹柳同菇 增加口感

今次是第二次來信州了，專一的我，再次吃了我最愛的日本料理！西京麵鼓燒銀雪魚！這道菜看似簡單但其很花功夫，小女子多次想在家中嘗試都還未動手呢，原因是銀雪魚要用白麵鼓味淋等，起碼醃2-3日才可入焗爐焗。所以呢，還是到日本餐廳吃好了這裡的午餐相對其他日本料理餐廳來說，價錢算合理，而且材料新鮮，份量適宜。所以就算在灣仔上班，都會搭的士來吃。隨午餐會奉上蟹子沙津，茶碗蒸蛋，白飯和麵鼓湯，十分豐富！先吃了蟹子沙津，蔬菜很新鮮，蟹子爽口。茶碗蒸蛋，非常滑溜，配搭白果魚蛋份外清新。銀雪魚，一如既往，肉質清甜嫩滑，白麵鼓的香氣夾雜著味淋，日本料理酒等調味料，味道非常出色。我尤其喜愛這裡的白飯，粒粒分明，日本米是有咬口的，但煲得剛剛好，不是每家餐廳都做到。吃畢整頓午餐時，店員奉上了一粒芒果糯米糍，皮薄且不太甜，好吃。步出餐廳，即看到藍天白雲和大海，非常寫意。

一連三日假期正式展開訓醒第一時間去搵好野食 慢遊港島時日心情係食日本野 信州係我首選❤️午市套餐有湯有沙律有甜品 都係$88起先黎麵豉湯同蟹柳沙律 沙律幾好食喎 唔會太多沙律醬我㨂左至愛嘅三文魚+帶子海膽飯三文魚有別於出面店舖 唔算肥不過好鮮帶子兩大塊 厚切之餘 勁鮮甜 至愛嘅海膽不得之了 又多又甜 勁抵食👍🏼食飽飽再來一口雪米糍 大滿足

星期六返半晝，放工後打算享受一個人嘅時間，放空吓。行到嚟堅尼地城，向海邊走呀走，沿途有好多酒吧、甜品店、西餐廳、日本料理店等。今次由最近海邊嘅日本料理店度試下佢嘅lunch menu先。Lunch menu選擇都算多，由天婦羅、壽司、刺身、燒物定食都有，價錢都算大眾化。跟餐包埋茶碗蒸蛋、蟹籽沙律、麵豉湯、珍珠飯同甜品。叫咗個燒鰻魚御膳定食，三大塊鰻魚肉接近大半條鰻魚，燒到色澤光鮮，呈標準嘅燒鰻魚咖啡色，仲有微焦。魚身唔算多細骨，食落都夠腍。而珍珠飯質感較為粘糯，一啖魚一啖飯，感覺簡單而飽足。未食主菜前，前菜茶碗蒸蛋熱辣辣，蛋好滑，仲有淡淡蛋香。蒸蛋內配料有一片魚蛋、蟹柳同白果，算多料。而蟹籽沙律呢，味道清爽清甜，蟹柳、蟹籽同青瓜絲嘅比例都平均。值得一讚係餐具好日式，配合菜式，充滿家庭融洽嘅感覺。

好耐未食過魚生，約朋友仔食個lunch 先 $220剌身拼盤，total7 款既係14件，件件都成吋厚，呢個價錢真係抵食，剌身好食重點係新鮮有吞拿魚腩, 立魚, 劍魚, 油甘魚, 立貝, 三文魚, 牡丹蝦我最鐘意食牡丹蝦,大大隻,鮮甜彈牙$160 壽司11 件。8款魚生，3件卷物 呑拿魚腩卷、海螺、海膽、深海池魚、立魚、三文魚、間八、油甘、拖羅魚生新鮮,無渣海膽入口即溶,口中仍有餘香,實屬佳品其他都比一般市面新鮮大件,回味無窮~一set 有齊麵士湯，蒸蛋，沙律，甜品 沙律值得一讚,生菜爽脆,生息不少~荔枝味羅米糍

嚟緊搬屋有排忙，趁有時間就同朋友食個晏先大家都鍾意食日本嘢，今次揀咗個地點悠閒嘅西環去信州日本料理啦午餐配蟹籽沙律、茶碗蒸、白飯同麵豉湯心大心細揀咗好耐，最尾揀咗刺身拼盤因為唔同魚生飯刺身拼盤係配白飯，雖然喺日本刺身配白飯係平常事不過始終食唔慣，不過朋友食西京麵豉燒銀鱈魚咁我哋Share食就可以食刺身嘞刺身有赤貝、拖羅、油甘魚、三文魚、池魚同深海池魚全部都厚切口感一流，拖羅入口即溶西京麵豉燒銀鱈魚味道濃送飯就一流，銀鱈魚鮮嫩肥美食完豐富既午餐再去西環碼頭行下，悠悠閒閒又過咗一個下晝

小弟開飯格言: 若覺晚飯消費高，選擇午餐便相宜。事實上，這是飲食業的定價常態，就算午及晚市用料一致，食物用料相約，但午餐的收費往往較晚飯便宜大大的一截。不止一位做飲食的朋友跟小弟說過，其實午餐收入只是用來補貼租金及人工，用料所佔的成本比例，較晚市為高。曾在西環的信州吃過一頓Omakase ，對他們的食物質素念念不忘，今天約了一位友人午膳，決定二訪西環信州，再次驗證一下小弟格言是否正確。友人點了HK$220 的刺身併盤午餐，小弟則點了HK$160 的壽司併盤午餐，且看看質素及份量如何！飛魚子沙律中午定食沒有前菜，只提供沙律，飛魚子沙律是最常吃的日式沙律，差不多任何價位的日本餐館都有供應，要把它弄得難吃，很難！只要用的蔬菜爽口，併上飛魚子及混入QP蛋黃醬，便相當可口，這裏提供的蟹子沙律用上了西生菜而不用青瓜，感覺上爽脆感畧遜，口感一覺，味道則可以。茶碗蒸隨之而來的是茶碗蒸，感覺味道跟晚上吃的完全一致，蛋滑有木魚湯味，放了少許冬菰，多了一重菇菌香氣。麵豉湯香港日式料理的麵豉湯都比較淡口，因為香港食客只當它是一碗湯水，而日本人會以湯佐飯，所以偏鹹。這裏的當然亦是偏淡，但這裏的有着一種平日喝麵豉

唔係成日都可以去旅行，唯有每逢假日都去一啲新地方，當自己係遊客咁，遊覽下一啲未去過嘅地方！始終香港仲有好多地方未去過！今次就來堅尼地城，因為有咗地鐵之後真係方便好多！出地鐵後沿路一路行諗住行去海邊行下，沿途好多食肆，見到呢一間日本餐廳好似好正宗，價錢又合理，就入去試吓！兩個人分別點左刺身拼盤同埋壽司拼盤！侍應首先送上熱辣辣嘅麵豉湯，麵豉味剛好，唔太咸，入邊有少少滑滑豆腐同海帶，幾好味，令剛剛淋左小小雨嘅我暖暖身！隨即送上一碟蟹籽沙律！椰菜好鮮甜，蟹籽每一粒都脆卜卜，配上一絲絲嘅蟹柳絲，好醒胃！我同朋友都大讚呢個沙津！然後燉蛋都好快奉上，個燉蛋好香好滑，好似豆腐花咁，不過蛋味十足，最底層仲有一片日本魚蛋、蟹柳同銀杏！日本魚蛋同蟹柳味道都好甜！有響日本食嘅感覺！食完咁多前菜之後，其實我都半飽狀態！點知主菜刺身拼盤同埋壽司拼盤一利原來份量有咁多！刺身拼盤入面有池魚、油甘魚、甜蝦、拖羅、鰹魚、三文魚同劍魚。每樣刺身都有兩片，好豐富！我同朋友share剛剛好！壽司拼盤同樣選擇豐富！呑拿魚腩小卷、海螺、海膽、深海池魚、立魚、三文魚、間八、油甘、拖羅。同朋友share嘅關係我唔係全部都試哂，但食落每

自細都會間唔中去下西環堅尼地城, 因為有親戚住係果頭, 細個俾我既感覺都係一個舊區, 但似乎過左咁多年, 加埋地鐵都可以到達之後, 多左好多不同食肆, 間間都裝修得好靚, 沿途行過見到一間日本料理餐廳係海旁, 見到佢個午餐MENU就忍唔住入左去食LU我點左個刺身拼盤 (7款)有吞拿魚腩(拖羅), 立魚, 劍魚, 油甘魚, 立貝, 三文魚, 牡丹蝦拖羅太吸引, 一上菜就食左, 食完先發覺唔記得影入口即溶, 好香濃的吞拿魚香, 口感更是似有還無的鬆化牡丹蝦- 食蝦刺身最鍾意果種稠口既感覺, 夠大隻無污穢油甘魚- 油脂量極盛兼平均, 好香既魚油香劍魚- 劍魚既口感亦有入口即溶既感覺, 油香充足, 但比油甘魚少左份鮮味三文魚- 厚切三文魚, 由於食材夠好, 連簡單既三文魚都十分好食立魚- 一向都唔太愛好, 因為覺得味道好淡, 有淡淡既魚味之餘都唔會有腥味粒貝刺身- 非常之爽口, 味道甘甜又嫩滑爽口甜品 - 糯米滋- 正常既糯米滋, 但每次作為甜品都非常合適, 唔太甜又唔會太大份。

一直覺得要吃個似樣的日式午餐，最好去銅鑼灣或中環。今次來到西區此小店，環境乾淨企理，食物質素也不錯。本來很想試這𥚃的omakase, 但由於我這次時間上有點趕，沒辦法可以慢慢品嚐，所以我打消了此念頭，只好轉移視線到壽司lunch set。定食包括有蒸蛋丶麵豉湯、壽司及雪米糍作甜品。 蒸蛋很滑，味道和質感都及格。壽司新鮮好味，而且有我最愛的拖羅和海膽。百多元的一個set,算是交足貨了！

生活中太多繁瑣事, 假日再屈在家中會好痛苦, 所以今日決定同鼻B去西環食野, 再行下海傍。係沿海位置搵到呢間日式小店, 立刻被午市餐牌的海膽刺身飯所吸引。餐廳裡面比較幽暗憩靜, 開放式廚房可以見到裡頭乾淨衛生, 所以食得好安心。午市餐牌有天婦羅、刺生、燒物及魚生飯四大類別。每款都配有味蟹籽沙律|茶碗蒸蛋|味噌湯|白飯。蟹籽沙律為餐前帶來了小清新, 青瓜生菜爽脆。茶碗蒸蛋蛋味香濃, 內有彈牙魚片、白果, 唯口感不夠滑溜。味噌湯內有海帶豆腐及柳松菇, 細心的店家提供的湯是熱燙的。三文魚帶子海膽刺身飯期待己久的主角到喇!  三文魚及帶子超級厚身, 色澤光亮。 今日影相全部無用濾鏡, 但顏色都鮮艷奪目, 食材既新鮮度直接由照片反映出來。三文魚入口即化, 魚味不算濃但口感出色。帶子十分鮮甜而且嫩滑, 啖啖肉既口感令人好滿足。海膽滑如奶油, 入口先係甜再食到海膽特有既鮮味。好喜歡刺身飯所用既珍珠米, 飽滿有彈性, 黏度及酸度適中, 而且仲有少少紫菜作點綴。甜品以香芋雪米糍作結。滿足的一餐能夠令人暫時忘記煩惱, 希望事情總會得以平息吧。