住家菜 (謝斐道)

營業中

休息中

男朋友帶左我嚟呢度食飯, 佢話不如我請你食住家菜啦, 我俾佢嚇親, 以為佢自己煮, 又或者搵第個女人煮笑就講完, 講番食物, 住家菜標榜係無味精的製作, 也吸引了平時食慣味精的我的注意, 因為食得太多味精, 個人都唔舒服, 之但係喺出面食飯, 食到味精就在所難免的了我地兩個人, 但係都叫左好多嘢食, 例湯係葛湯, 可能無味精, 味道唔算好濃, 不過火喉就夠了, 所以飲的時候唔會覺得好濁, 阿麻雞係男友大力介紹, 話好好食, 我就覺得一般, 因為唔係好鍾意食麻油, 食到我條脷都痺了仲有一味莧菜雙蛋就清清地, 幾啱我, 有皮蛋同咸蛋, 浸落莧菜湯食幾好食, 肉餅都唔錯, 有種咸香的味道, 幾好, 無味精都有咁嘅味, 合格有餘了唔夠喉再要多個蒸水蛋, 叫完有點後悔, 因為最後食唔哂, 但試過蛋係蒸得幾滑的!服務好好, 侍應好親切, 仲好有禮貌, 俾到我舒服的感覺!

燭光晚會前醫肚，維園附近食乜都貴，一般茶記起碼40蚊落樓，最平的小巴黎在屯門食到厭哂，最後花小姐發辦行遠些少，幫襯謝斐道的「住家菜」。此店標榜著「無味精」，Home Feel的廣東菜，老火湯幾乎每檯都有，本晚的是鯊魚骨煲響螺，算不錯，對於飲慣湯如本貓，就無乜特別。小菜方面點了3個，分別是蜜餞蒜香排骨、鐵板鳳陽豆腐和檸檬蒸烏頭，條魚蒸得唔錯，起碼肉不會「鞋」；其餘兩個菜都甜甜地，適合送飯。花小姐少吃排骨、魚怕多骨，最期待的是豆腐，點知個豆腐加了豆瓣醬，見上面少少椒絲怕辣…伯母跟草小姐勸喻下終於肯吃些少，就是嘛！豆瓣醬只甜不辣。一如過往，加菲貓肩負清場責任，幾乎包起三碟餸。埋單兩舊多點，平均40-50蚊一碟，免加一兼有甜品送，都幾抵食；服務員又非常醒目，適時添茶遞紙巾，唔錯唔錯。

星期五晚約九時到謝斐道住家菜晚飯，二人共點了一小菜及一炒飯，每碟五十多元。待應說九時後本店送湯，隨後湯送上。結賬時，朋友沒有看清楚單便負錢，共一百四十多元。等找錢時，我對朋友說，五十多元一小菜，不收加一，應不需這麼多錢，是否收了例湯的錢。到男待應找錢時問他，他說這段時間不送湯，我說我們沒有叫湯的。他回問是那個待應送？我答是一名女待應，他說這裡全是女待應，我指出那個女待應後，我看著男待應沒有問那名女待應便直接到收銀處。我懷疑他根本是知道的。男待應再回來找錢時，態度欠佳的說：「今次個湯算我請你飲啦，其實無湯送架！」我回應說：「你應該話俾你同事知。我根本無叫湯，是你同事自已放低的！」男待應再態度欠佳的回應：「得啦！」但當晚我聽到待應們對每枱都說九時後送湯便把湯放低的。我想這是他們的手法，因大部份客人都不會小心檢查單上的價錢，他們便這樣從中得益。各位結賬時請小心查單。

今日, 終於有時間去住家菜食lunch (2:15pm) 因為行街行到過時才吃lunch, 人客不多, 3, 4 枱人, 不用等位. 如果以$38特餐, 吃一餐家常飯: 有湯(添飲), 一餸, 一飯, 一糖水, 已很滿足, (當然要餸菜合口味)才稱得上滿足啦!可能因以口碑太好才來, 所以有點失落, 但會再來幫襯, 因為:1. 湯(蓮藕豬骨) 好好飲, 真係無味精2. 叫了一碟(苦瓜炆排骨) 好好味, 好似有少少果皮, 好香3. 個人慣常食好少野, 但因食物合口味,最終 吃畢全碟及一碗飯, 一碗湯及半豌糖水(羅漢果桂圓片糖)由於糖水不合口味, 所以放棄咗佢

3個人咁岩去CWB行街梗係要試下"傳說中"好好食既住家菜啦,,,早少少訂左枱,,準時去到都要等多5分鐘左右先入座,,,環境一般啦,,比想像中細既鋪頭,,但有卡位都幾OK,,,菜牌掛哂係個WALL度,,大大隻字有埋價錢好清楚,,,夜晚無套餐,,只有散叫,,白飯9蚊碗但水準OK既,,,例湯咸魚蒸肉餅阿麻雞蟹子黃金蝦球豆豉X魚油麥菜D野都OK大碟,,由$50-80不等,,,有是日精選,,有咩魚呀寫哂出梨,,,味道其實就不太出眾,,但無失望,,,間野主張無味精,,我朋友就話D野比較淡,,,我個人覺得個湯就真係比較淡,,但D小菜都正常,,,咸魚非常好食,,果陣咸香係個口度遊走,,,阿麻雞必食,,雞夠滑同個汁幾惹味,,,黃金蝦佢就用左炸既煮法,,可能咁樣易上咸蛋黃D啦,,,豆豉X魚油麥菜最失色,,第一次食依個菜係有汁既,,,一樣啦,,未食完就上幾碗糖水俾你,,OK啦D服務,,,期望愈大,,失望愈大,,可能其他餸好D啦,,,

同事話要食這間店,我又未食過,試下係咪咁好先得.我們兩個人,可以食兩款餸,叫了餸後送來湯.是日無味精湯是冬瓜旺菜意米湯,湯入面放入蠔士,好清香.飲完又真的沒有口渴.瑞士汁雞雞醃得唔夠入味,加上超細隻,還差過自己在家煮.反倒排骨卻不錯,軟軟淋淋又夠味,最重要唔會似酒樓那些排骨那樣淋得古怪,不錯,吃到差不多時送上紅豆沙糖水,糖水唔熱的,最好都只是不太甜,惜豆味不重,麻麻地38元一個餐有湯有飯有糖水,在銅鑼灣區來說己算抵食.最最重要白飯任裝,點都會夠飽呢

呢日俾tama拋下~唯有同個(男)同事去食lunch~於是就去左呢間好近公司嘅餐廳食~門口標榜著住家菜~哈~後來先發現係佢個名~呢度d裝潢都算唔錯~又唔多人~d枱都好大張~坐得幾舒服~兩個人食左蜜糖豬扒&腰果西芹炒牛柳粒~兩款餸都幾住家feel~唔多油~又整得幾好味~豬扒同牛肉都ok~一個set包埋湯,白飯同糖水~今日有節瓜章魚豬骨湯同清補涼~三者都係任~

由sogo一直行落去,都唔知食咩好。結果行行下到左呢間,朋友試過話ok,就入去試~顧名思義,主打係住家菜及老火湯.雖然只係兩個人,但又好多野想試~一碗是日老火湯: 蘋果..青紅蘿蔔...豬骨...死啦唔記得左個名, 總之係潤的..味道都ok, 最重要係飲完後真係唔口渴,一碗份量都夠兩個人飲~沙爹肥牛煲: 同茶餐廳質素差唔多, 但唔代表唔好,都幾惹味 金銀蛋菜: 無莧菜,最後我地選左菜心,諗住冬天菜心靚. 但最後效果麻麻, 係唔夾...我地應該叫例如豆苗果d, 會夾d~整體都ok, 份量偏少啦...一班男仔食可能就差d

第一次到住家菜的分店食晚飯，叫了中式牛柳，好淋但不是太熟，及太大塊了，阿嫲雞(例牌)，沒有雞味及不知是什麼醬味，薑汁抄芥蘭，芥蘭好好咪，還叫2個白飯，飯後送紅豆沙。食物都好普通沒有什麼特別，環境方面都好細，待應好有禮貌。

從前常來的小店已經超過3個月無黎啦..冇黎既原因係..超熱...同排隊太耐....早2日同女友行過見門口冇人等位.....當係門口考慮入唔入去之際...門口帶位姐姐熱情地叫了..我一聲李生.....估唔到..佢記得我姓咩..呢個動作令我不好意思推卻..就決定比多次機會呢間小店啦....一入去..發現原本相熟的樓面已面目全非..不過一般已言服務都算ok 令我卻步的原因..冷氣.亦已換了新的.....可以令我安心進食了...不過食物先係自打....點了幾個從前常叫的小菜湯一煲(45)--粉葛赤小豆湯...味道依舊 火侯十足..正正正鎮江小排骨--甜中帶酸的一個醒胃小菜士汁蒸王立倉...魚係新鮮的...不過因為太大條.,.蒸得過火左....有小小鞋..不過88蚊真係抵食面醬由麥菜...夠味..不過唔係好夠油同獲氣.... <--可能呢d係佢地標榜既小油冇味精啦整體而言..水準係keep 到....比以前坐得更舒服..因為冇咁多人..聽帶位姐姐講係因為利舞台令人流冇以前咁西利..可以食得舒服d ..最好的是...冷氣...可以用個凍字黎形容..飲住湯都唔覺熱...所以都keep 住再黎

利舞台果間去過好幾次, 呢間都係第1次嚟.28/7 7點左右到 半滿同honey例牌order 3個餸+例湯, d野都好快嚟, 食物方面同利舞台果間差不多, 味道ok.但冷氣唔夠, 1路食住d熱野, 都好辛苦吓...(honey仲係好怕熱果隻, 辛苦+倍)今次寫食評主要想講佢地既服務勁唔得, 勁趕客~事例: 我放底筷子無耐, 但honey仲食緊, 佢無lala埋嚟收咗其中1隻碟 (但仲有餸响度), 收之前乜都唔講, 真係勁無禮貌. 食到半路又無lala上埋個甜品比我地, 雖然話唔駛$$啫, 但張枱又唔係大, 我覺得佢地好夾硬嚟囉.原來我地既經驗未算差, 最攪笑係坐我地隔離果2個女士.(聽佢地講國語, 可能係遊客)話說佢地order咗2個酸菜 (個樣好似炸菜, 用個骨碟裝住) 當前菜食啦.點知個個侍者行埋佢地張枱到, 都會將果碟酸菜當垃圾咁收起or想倒咗去, 如是者攪到佢地哭笑不得, 都唔知好嬲定好笑 (我諗佢地都有d嬲), 正當其中1個提議想話走唔食之際, d餸又嚟咗喎...睇見都等佢地無奈...總之呢間野唔會再去, 佢既趕客招數就嚟拍得住'x翠小籠包'.

為了盡量多嚐不同的食物，女友跟自己都早已加入"無飯"準夫妻的行列。是日是為了尋回住家飯的感覺又好，又或是來試無味精的小菜又好，最終目的也是為了食物而來。 其實早已想來這裡用膳，奈何自己記性日漸"退化"，以至錯過了來這兒的不少機會。店內的位座尚算可以接受，雖然檯子貼近但仍未至要跟別人"貼"著來吃。 午飯餐牌的選擇很少，只能在六項小菜中揀其一。也不知何解就要了咕嚕肉，或者是想來點開胃小菜吧......是日例湯為清補涼，如店內標榜真的全無味精，如此"珍品"當然不會放過，即舉碗要求再添加。咕嚕肉真的如同家中煮的小菜，醬汁跟肉是明顯的先肉後汁。話雖如此，味道卻是溫和的酸甜味，有點像熟悉自己口味的老婆，特意為自己調味而去做的感覺。肉質鬆軟有汁且有嚼頭，炸粉做得頗薄而脆口。因為醬汁實在令人醒胃，不消一會便把整個"靚仔"吃得一粒不剩了。後來覺得近來吃得太多肉，即要了一小碟的腐乳通菜。腐乳醬如一般自己在家中所吃的，加入了一點點白糖進去，來增加腐乳的味道。可恨的是沒了白飯來配合，味道是有點過濃了。最後附送的糖水本來滿有期待的，可是其溫度只暖非熱，頓時令到滿意感大打節扣。在我吃畢結帳的時候，才發現這裡的白飯

有o的大不如前 最唔歡欣係個栗子雞煲, 有血水出, 栗子係超硬 = 未熟!!!! 下次都係叫番住家撈飯蒸野o個o的, 未試過出事ai o麻服務水平不錯, 不停有加茶

昨晚與老公都是第一次光顧, 點了一個叫"蜜x卜卜蝦, 一個叫亞麻雞(招牌菜), 一個例湯(赤小豆豬骨).......真的十分驚喜!!!先講個湯, 很熱很熱, 飲得出是沒有味精的, 忍不住要多叫一客...怪不得每張檯都有客order一大煲。再來卜卜蝦, 很正, 100分。最後亞麻雞,d味似沙姜雞, 不過仲好食dd...服務好好, d亞姐好有禮, 好留意周遭的情況, 很主動替客人加茶換碟。唯一個缺點係d飯真係好硬。

其實, 這間店的東西真的好吃嗎?好像總是客似雲來...吃過2次, 第一次是與男友第一次見面吃的晚飯......難吃...真難吃......只是不想說出口.......第2次, 男友說去這間店吃晚飯, 我開頭呆了一呆, 之後嘗試提議其他食店, 但他說"很想"去這間店吃晚飯.....我只有接受.......吃了沙拉骨, "不知什麼上素之類的菜"....味精湯一煲(其實是我自己覺得他們落了味精, 沒有實質證據)...我吃了一件沙拉骨, 我忍不住跟男友說:「這是一碟垃圾」.....我想只要一個人有心機一點去煮都可以比他們煮得好吃.......其實對這間食店我不想說得太多......但很認同下面"嘴叼叼"所說....「臨走還聽到鄰座的人說常來光顧!?相信他的人生比我快禾我知道不是別人要求低,只是我嘴太叼」有些錢是應該花的, 吃飯的錢是更值得花的, 但與買衣服一樣,我寧願花數萬多元去買一個紅色鱷魚皮手袋,也不願花數千元去買一個MMJ.......愚見一則......