影片
更多
2009-07-08
23 瀏覽
燭光晚會前醫肚，維園附近食乜都貴，一般茶記起碼40蚊落樓，最平的小巴黎在屯門食到厭哂，最後花小姐發辦行遠些少，幫襯謝斐道的「住家菜」。此店標榜著「無味精」，Home Feel的廣東菜，老火湯幾乎每檯都有，本晚的是鯊魚骨煲響螺，算不錯，對於飲慣湯如本貓，就無乜特別。小菜方面點了3個，分別是蜜餞蒜香排骨、鐵板鳳陽豆腐和檸檬蒸烏頭，條魚蒸得唔錯，起碼肉不會「鞋」；其餘兩個菜都甜甜地，適合送飯。花小姐少吃排骨、魚怕多骨，最期待的是豆腐，點知個豆腐加了豆瓣醬，見上面少少椒絲怕辣…伯母跟草小姐勸喻下終於肯吃些少，就是嘛！豆瓣醬只甜不辣。一如過往，加菲貓肩負清場責任，幾乎包起三碟餸。埋單兩舊多點，平均40-50蚊一碟，免加一兼有甜品送，都幾抵食；服務員又非常醒目，適時添茶遞紙巾，唔錯唔錯。
此店標榜著「無味精」，Home Feel的廣東菜，老火湯幾乎每檯都有，本晚的是鯊魚骨煲響螺，算不錯，對於飲慣湯如本貓，就無乜特別。
小菜方面點了3個，分別是蜜餞蒜香排骨、鐵板鳳陽豆腐和檸檬蒸烏頭，條魚蒸得唔錯，起碼肉不會「鞋」；其餘兩個菜都甜甜地，適合送飯。
花小姐少吃排骨、魚怕多骨，最期待的是豆腐，點知個豆腐加了豆瓣醬，見上面少少椒絲怕辣…伯母跟草小姐勸喻下終於肯吃些少，就是嘛！豆瓣醬只甜不辣。
一如過往，加菲貓肩負清場責任，幾乎包起三碟餸。
埋單兩舊多點，平均40-50蚊一碟，免加一兼有甜品送，都幾抵食；服務員又非常醒目，適時添茶遞紙巾，唔錯唔錯。
張貼
