住家菜 (謝斐道)

營業中

休息中

傻鬼屋企成日無飯開, 今日胃口又麻麻, 就搵間清清地的菜館, 一來照顧下自己個胃, 二來等佢重溫下家庭口味. 去到住家菜, 睇到Menu, 忍唔住已經叫左三送一湯, 食野時四圍望, 發現其他二人桌食飯都幾乎係咁, 不過湯有分煲同碗之分, 有D枱就叫2碗湯, 有D叫1碗, 我同傻鬼未來過穩陣D, 就叫1碗. 湯- 木瓜豬骨湯, 幾清甜, 碗比飯碗大, 差不多可以倒3-4碗, 我就飲完都唔覺口喝, 但傻鬼就話少少有, 但都算ok阿麻雞- 招牌菜, 說穿了是鹽焗雞, 但雞滑口, 不錯脆卜蝦- 也是招牌菜, 這個就值得一讚. 少見廚師的細心, 開背挑蝦腸, 修剪了蝦頭及蝦腳, 加上外殼脆有蜜汁, 本身蝦也身鮮, 口感豐富, 傻鬼食到蝦頭都醉晒, 可見非常開胃麵豉炒油麥菜- 原本想叫的係豆豉鯪魚油麥菜, 但傻鬼笨笨叫炒油麥菜, 咁待應就問我地要蒜少定麵豉炒, 我同傻鬼二話不說, 梗係都試下麵豉炒啦! 不過, 老實講, 味道不算太濃.補充事件:1. 服務來講, 其實都ok, 待應有禮, 但收枱都快, 不太適宜傾計2. 記得訂桌, 可以"優先"安排坐位3. 廁所"好怪"(不是污糟呀!), 或者不應談

噚晚去咗食第一次, 野食一般, 又唔算特別平,叫咗:1. 阿嫲雞- 雞肉滑, 但只是用沙薑加麻油調味,味道ok, 但唔特別2. xo醬炒虾 - 虾唔多, 又無味, 幾細碟3. 白菜仔琶琵豆腐- 我見隔離枱那碟好吸引, 但食落無味, 只有魚肉加豆腐加冬菇粒4. 例湯- 黃豆番茄排骨湯, 最好味, 好清甜, $10一碗夠2人飲5. 免費糖水- 清保涼(點解只有水, 一粒料都無?)服務態度一般, 但真係好趕, 食飯食到好緊張, 一坐低就催落單, book位時我問佢分店會唔會無咁趕(因早看過食評) , 那位人兄說一樣, 無分別, 預每枱食45 mins 至1 hr。

每星期例必與男友到此食飯。這裡的服務都幾好，不過真的好趕——趕住做下一輪生意。免收加一，价錢比一般同類食市平。現在『利舞臺』七樓開設了分店，地方比較大一點，不過就要收取加一服務費。

2006年5月5日因為上尼睇過d食評~~~所以之前醒水打電話訂左位~~~留左湯(紅蘿蔔,粟米,豬骨~好似屋企阿媽煲果d!~味濃!)同留左阿女麻雞(正)!!!~~~好味道!!!~~底食!!!~~但都有小小唔好就係趕人走~~因d野上得快~~跟住就問仲要唔要~~然後就極快速上糖水(海帶綠豆沙~唔太甜~啱啱好)!!!~~~推介阿女麻雞~~~是日例湯~~~黃金蝦(香脆~唔油膩!)~~~仲有係d咕嚕汁嘅送!!!~~~

D送好有住家feel，感覺幾健康。食lunch 0既時候聽到隔離講：唔該添大半碗飯！不過過左12:30就開始多人，都幾full。

都係因為雜誌效應見佢賣得咁行又係由樓上私房菜轉地舖開業價錢唔貴就決定一試提醒有心試既朋友一定一定要訂位星期六晚訂左七點半七點十分去到已經聚集左好多好多食客等位而大部分都係有訂位既客人walk-in客已經唔再接真係唔知係因為雜誌效應定還是佢D熟客回頭撐場眼見都有好多食客都係同店員打晒招呼好不熟絡似乎口碑都不差由於店舖小小最後兩個人都要搭台先可準時入座叫左三餸一湯一白飯例牌阿麻雞-其實即係沙薑盬焗雞, 味道略咸, 但都不錯, 似乎係招牌菜, 台台必叫金銀蛋莧菜-好多好大片既咸蛋皮蛋, 蛋白亦平均包住莧菜, 好耐無食過咁足料既金銀蛋莧菜黃金蝦-蝦需細, 但蛋黃並無過多過咸, 每隻蝦身都有薄薄既咸蛋黃包住, 非常好味, 絕對物有所值, 價錢亦經濟實惠, $53食到咁好味既黃金蝦, 真係無話可說是日例湯一煲-沙參玉足候頭姑湯, 足料, $30飲到有水準既住家湯, 亦係每台必叫, 另有一碗散叫, 份量亦足, 都只係十蚊埋單$178無加一, 服務效率快, 店員雖忙但亦醒目有禮, 食物質素高如果人小小又想食住家菜係銅鑼灣絕對係不錯既選擇

我地叫咗三個餸一個湯都好好味清清地但係又好入味...岩晒怕肥既人價錢喺銅鑼灣黎講都好抵不過係地方唔太好...而且d waitess好似趕住趕住咁...呢餐座落到埋單都係半個鍾...

2005年12月2日本想去打邊爐，但有點飽滯，於是又來吃住家菜。沒有訂檯，不過早到(6:30pm)，稍等即可入座。鄰檯有一男一女也是每道菜都拍照留念，難道是....openrice的網友？遲些看看有否相關的食評例湯($10碗) - 保持水準清蒸左口魚($68) - 新鮮，不過蒸得略為過火，不夠滑。沙爹粉絲肥牛(~$42) - 醬汁惹味最好伴飯，可惜肥牛較。豆鼓雞煲(~$42) - 雞肉滑，鼓汁惹味，不錯。飯後送南瓜西米糖水- 清清地，不太甜，但別人或會嫌太稀。因為好旺，可以好快收拾碗碟，未食完飯已把糖水送上。可能有好多人會不滿這樣的服務，但小店想做多轉，也令其他客不用等太長時間，大家睇開些。畢竟店小人多嘈雜也不是久留之地。

我星期5總共3個人夜晚黎食,已經訂左位都要等幾個字,我地叫左半隻雞,西蘭花花枝片,一煲湯,仲有咸蛋雞蛋蒸肉餅,雞同肉餅都幾好味既...西蘭花就麻麻..埋單$204...等位等左幾個字,但係坐左半個鐘野都未食完就狂趕你走..一早拎定糖水黎..D野未食晒就走埋黎問你要唔要..我煲湯有一半剩都收走...由我坐低到埋單坐左9個字都冇...D野食係okay..但係D野好味的地方週圍都有,我又唔係打算坐你3幾個鐘,唔駛趕卦..應該唔會再黎...

烏頭有黃油, 蒸得剛熟, 滑! 最正係鹹檸, 簡直係整道菜的靈魂.其他菜式一般都唔錯. 不過一定要訂位!!

阿M同朋友準備食晚飯，毫無頭緒之下入左哩間食店，食店細細間，入到去無人招呼．唯有問下店員喇，原來係要訂位咁巴閉既，不過待左一陣都有位；其實我隔離既食客都係無訂位啦．．．好啦，五臟腑奏樂了：－１．今日例湯－蓮煲章魚，加左陳皮，都幾好飲；２．亞麻雞－招牌菜之一，好滑，好入味；３．瑤砫雙菇菜心－汁液撈飯，好甜啊．４．每人送一碗－蓮子意米糖水，唔太甜，幾好．最後，趕客既意識都幾明顯，職員在左右穿插．ｄ客人有無訂位架呢？總括來講係一餐家常便飯，平平地，又幾好味．有位知深既律師都來吃．

2005年10月12日住家菜是小頭和x2 的晚飯首選，水準不錯又平，地點又方便。不過這兒好旺，如果不預訂，要好早(六時半前)或較晚(約九時)才有位。即使已預訂，晚飯時段也要人齊才可入座。每晚有例湯($10碗夠二人飲用，$30煲)，今晚是南瓜薏米排骨湯，清甜好味。之前試過蘋果雪梨瘦肉、粉葛赤小豆都十分不錯。三杯雞- 麻麻，味道有些怪。較喜歡阿雞和金針雲耳蒸雞等傳統菜。奇異果芒果炒牛柳粒- 牛柳幾腍，有芒果香味，芒果粒也香甜。蒸黃立- 有成兩條，蒸得剛好，肉滑味清鮮。每晚都有幾款魚可選擇，$42-$68。試過紅燒魔鬼魚，鐵板上熱辣辣，肉好滑，好特別。飯後送糖水，今晚是西洋菜蜜，不過甜又清潤。糖水也常轉變，有五花茶、渣渣等。價錢好平，一湯一飯三小菜埋單也是$165。其他小菜如滑蛋蝦仁，蒜香骨都好吃，鮑魚雞粒竹筒飯足料又不肥膩。總括來說是值得光顧的小店。但晚飯時段好多人，一定要搭檯，也較嘈雜，食完要走不是傾計的地方。

上星期黎完,我d朋友又話想試下,約下約下就14人一齊食,一張長枱,好似開會咁!唔知咁多人,留得半隻阿麻雞,2煲湯(好彩佢仲有2煲)同一條魚,攪到呢幾樣每人得一d,不過今次總算可以試到佢其他好多野,如下:1.阿麻雞--推介啦!真係好正,想食要打電話留定!2.湯x4--同上!3.桂花魚--d肉勁滑,蒸得剛剛好,每日有幾款魚選擇,可 打電話問同留定!4.什果嚕佬肉x2--個汁好味,不過唔夠脆,同埋肥小小仲 好!5.咸魚茸煎肉餅x2--推介!一定要試!6.鐵板牛柳--食左一嚿,印象中好似麻麻!7.奶油津白--幾香,唔錯!8.花枝片西蘭花--食左1嚿西蘭花,無特別(花枝片比朋友 食哂!9.咸旦雞旦啄肉餅--勁推介!正過任何地方!(不過最尾先 黎,有d朋友都無食!)10.魚香茄子煲--同出面食差唔多,不過好似唔夠咸魚香 味!11.豉汁蒸魚雲--擺得太遠,無食!不過佢地話好好味!(希 望係騙我啦,我都無得食!)12.金針雲耳蒸雞--好滑!全碟清哂!(金針雲耳都好正)13.雞煲--唔知咩雞煲(佢有幾款,唔知呢個係邊一個, 只係記得有d蒜頭係度),總之都係好好味!*糖水係南瓜西米露(

唔係一定冇得食!!!想食雞魚又一定要早, 但係早食就好易被人趕走... 有d矛盾。招牌咸魚煎肉餅有d油, 有d少, 咸魚味唔多出, 不過幾香口, 豬肉比機攪好食。勝瓜炒牛肉係呀姐推介。瓜少肉多。好多配料(如洋蔥, 雲耳等), 食味似酒樓味。xx豆腐係鐵板上, 又係好多豬肉, besides仲有幾舊冬菇。芡汁好杰, 豆腐有幾舊酸的。例湯要留咁巴閉?! 唔錯。$30/8碗份量係抵飲。糖水個西洋菜蜜好驚喜! 好得手! 清甜潤喉!可能對住家飯有一定渴求, 所以要求高左少少。我覺得"住家菜"的菜式都係介乎於酒樓同茶記中間。location都係consideration。因為同區冇乜呢個價位的家常菜食, 所以佢咁爆係正常。不過, 願唔願等咁耐呢...呢層就要諗下先。

Set lunch $32，包括老火湯、白飯、小菜及糖水，小菜有大約4款可選擇。小菜試過咸菜蒸豬肉和沙拉骨，兩者味道都不錯，豬肉幾嫩，不"un"，而後者的sauce很開胃。糖水是西洋菜水，很清甜。食物整體來說都不錯，惟食具清潔方面就麻麻地，筷子和碗子都有些食物殘餘，而柸子口亦有些"bung"!