住家菜 (謝斐道)

營業中

休息中

哩間係公司附近，所以成日食，誇張果陣可以日日食🤣🤣🤣感覺健康啲！同埋平丫嘛Lunch set 有湯 - 飯 - 湯水！湯 - 佢話冇味精，但有時好明顯飲到有！😟菜脯柱貝炒蛋 - 啲蛋好碎～～～佢其他餸都幾好每日有唔同款比你揀包你唔會悶😁😁😁講下佢有咩餸，真係超多款洋蔥薯仔炆雞、蒸黃花魚、蒸肉餅、小排骨豉油雞、勝瓜雲耳炒牛肉、椒鹽豬扒、花雕酒浸雞、肉鬆蒸水蛋、涼瓜炒肉片、京都豬扒、腐乳蒸滑雞、紅燒獅子頭、西芹粟米雞丁、葡國雞、梅菜蒸豬肉、椰菜炒牛肉湯水都有幾款～係附近上班人士嘅恩物‼️

由利舞臺開始支持佢哋, 講真咁多年, 真係有情意結星期五嚟食飯兩個人食過四百幾蚊, 講真真係唔係特別平叫咗佢哋永遠唔會令人失望嘅老火湯非常之淡, 水咁樣蒸魚 咁多年來從來未失望過 👍🏻👍🏻👍🏻其他餸: 真係唔知道發生咩事難食左咁多最後想講兩件事！ 1. 你哋部卡機，已經壞咗幾年，一係你哋就正正經經話唔收卡，大大隻字寫住只收現金！ 講真四百幾蚊兩個人，中菜其實真係唔係特別平，咁你都唔收信用卡，真係點樣有競爭力？？ 同埋部卡機壞咗幾年.. 次次咁樣同客講，你哋好唔好意思？2. 好啦 比現金，你哋啲阿姐，打散$20散子，兩個$5，四個兩蚊，兩個一蚊。真係好鬼死老土… 就算咁多年情意結，講真真係對你哋好失望，今日第一次，覺得你哋真係好小氣

Lunch set 可以係是日幾款餸中簡一款，包強調冇落味精ga湯，任裝白飯同是日糖水。$55 冇加一黎講幾抵食，但只可以選一樣餸，如果可以雙併會更好😜 湯飲完冇口渴，個人覺得糖水比飲出色，場內姐姐服務態度都好好，會回頭😆

這間中式小菜小店，主打住家式小菜，推廣少油少鹽的健康菜式。今日和家人食過，果然菜如其名，味道清淡得來十分合我們的口味阿麻雞叫了半隻，份量也不少，而且很有雞味，不知廚師用什麼做法，整得很特別，味道很好，連我不太喜歡吃雞也吃了幾塊。西蘭花花枝片炒得很好吃，西蘭花新鮮又翠綠，花枝片炒得很爽，而且大大塊美味可口。金銀蛋莧菜煮🉐️十分好味，用料十足，金銀蛋很多而且蛋白不會太碎，湯底亦不會過鹹。蔬菜浸在湯上濕濕地幾好吃。蜜味蒜香骨有大量洋蔥，加上特製的蜜汁，伴着惹味的排骨，送飯很好。今晚的老火湯是粉葛，煲得夠火喉，而且有很多湯渣，真的像住家湯一樣。

其實肚腩工時都好長，忙起上黎OT到凌晨都係家常便飯，好難每日都大魚大肉🐷身體都未必頂得順🥹要講呢幾年食得最多次嘅餐廳應該就係呢間主打無味精的住家菜啦😋甘荀雪耳海底椰湯 $25呢度嘅老火靚湯似屋企煲咁足料同埋濃，肚腩中意佢唔太甜都唔太咸😁通常飲碗湯暖下個肚仔先開始食野🤩招牌亞麻雞(例) $65好中意呢個招牌菜😆雞皮上邊有好多芝麻，同埋都有調過味，有種咸香，仲有秘製醬汁點😍雞嘅烹調手法既可以同時鎖緊肉汁，又唔會太肥🐣涼瓜炒豬肉 $75由細到大都驚食苦瓜，但係人大左，好似苦瓜冇咁苦🥲唔知大家有冇同感呢？加左豆鼓炒，遮到苦瓜嘅苦味，肉薄薄嘅炒得好香😋柱貝魚湯雜菜煲 $75呢個係清淡首選😍好多唔同嘅菜，有白菜仔、生菜、西蘭花、油麥菜、菜心、菇類🥬🥦又有蝦米魷魚絲，魚湯清得黎又香，所以係必叫😋通常都會送糖水呀😚我地去食嗰晚有腐村薏米，之前都試過喳咋、南瓜西米露等。如果大家想食勁啲，都有沙嗲肥牛粉絲煲、茄汁大蝦、各式蒸魚、竹筒飯😝

每次經過「住家菜」都好想試 因為每次都好多人排隊 今日帶住爸爸媽媽 最好就係食中菜 唔知點解同男人食中菜實無錯😂去之前已經打定電話問有無位 店員已經好細心 答完有位 再問埋使唔使留定條魚 證明住家飯 有條魚會令成餐飯豐富好多👍🏻今晚餐飯條魚揀左「烏頭」用豉汁蒸 再叫埋鹹蛋蒸肉餅、翠肉瓜炒豬肉片 加兩碗白飯 真係食緊住家飯👍🏻👍🏻所有餸都無落味精 全部餸都係新鮮滾熱辣 要小心慢慢食 唔係就會燙親咀😂鹹蛋蒸肉餅既豬肉同肥膏好均勻 好滑 送飯一流❤️翠肉瓜炒豬肉片好有穫氣 正常份量 豬肉片都係正常size 唔錯～豉汁蒸烏頭係最後先到 條魚好新鮮 蒸到剛剛好 證明廚師好有經驗👍🏻我地食到成條魚連骨都無剩😂好好味 值得一試❤️❤️住家菜既店員全部都好親切 好似真係自己既姨媽姑姐煮飯比你食甘 有求必應 唔會嫌你麻煩 飯後仲有糖水送 好有愛👍🏻👍🏻

簡簡單單食個小炒晚餐，見到招牌主打係少鹽少油嘅住家菜就去試咗。價錢算幾唔錯，晚餐每位大約$100就已經有湯、主菜、白飯，仲送甜品。雖然豆豉鯪魚油麥菜本身都算係多油嘅菜式，但如果主打少鹽少油，呢道菜嘅鹽同油又真係多咗啲。沙拉骨份量唔算真係好多，但一定夠食，味道都唔錯。老火湯都幾入味，而且應該都真係冇落味精。反而送嘅清補涼糖水唔會太甜而且味道都幾好。撇除佢唔係佢自己所講咁少鹽少油，呢度嘅食物性價比都算係唔錯嘅。

都市人日日都大魚大肉，食好多味精落肚有時都會掛住屋企靚湯想食得清淡啲比我遇到<住家菜>，就可以滿足到以上嘅願望——————————————————🔸是日精選小菜($53/每款)由於同同事一齊食晏，可以每人叫一款share今次有洋蔥豬扒、蒸魚同蒸雞呢個價錢嚟講真係無得彈$53包例湯、小菜連飯加甜品仲要日日唔同，唔怕會撞款又悶想食得健康必選‼️——————————————————住家菜 (謝斐道) (銅鑼灣)銅鑼灣謝斐道460-462號楊耀熾大廈地下

今天中午11:30提前半小時預定排骨餐，12:00準時自取，結果漏左我的單。低素質餐廳不但沒有解決問題，反而要我在那裡繼續等。在我催促多次之後，才向後台詢問是否有我的單，之後，讓我繼續等待。大概等到40多分鐘，前後非常多人都取走餐，才給我餐。服務態度非常惡劣，且不承認是他們的問題。不會再來！可怕😱奉勸各位如果想要吃這家餐廳，要先看看這家店的水準。這家店菜色真的很一般，服務及訂餐非常惡劣，影響心情。

話說新年前買了一個盆菜，雖然事隔都有兩、三個星期，但是還是想寫一篇食評去讚揚這個盆菜。😆話說新年前已經想物色一個性價比高的盆菜，不單止想材料豐富，也希望湯底不要太鹹，不然會很口渴🥵。誰知在新年前，我幫襯開的小店推出了盆菜，其實我對他們已經很有信心，因為他們是主打住家菜，所以絕對不會是味精菜色。🥳由於我是deadline當天報名，所以店主說已經沒有送貨服務了，那麼我們就自取了。到步後已發現桌上已有準備好的一個個盆菜，也感受到店主為了弄盆菜已經疲憊不堪。但仍然不厭其煩地教導我們如何吃盆菜，認真專業。👍🏻真實的盆菜與海報差不多，相當足料，雖然是4-6人餐，但它的材料超大，冬菇要剪開才可以吃。😮它還有海蔘、大花膠、流浮山金蠔、新鮮南非鮑魚、茄汁大海虎蝦、魚肉釀福袋等等，當然還有蘿蔔、豬皮、雞等基本食材，整個盆菜雖然要$1088，但還是覺得性價比很高！😋還有，它亦附上了一碗湯汁，不像過往的湯汁充滿味精令人很渴，家人都讚我買得好！😁如果下年他們再推出盆菜，我一定會幫襯的！🥰

這家餐廳幫襯了很多年，那時主要幫襯它尖沙咀的分店，一班朋友吃着住家Feel的味道，確是讚口不絕。👍🏻沒想到自從在港島上班之後，可以幫襯它在銅鑼灣的分店，而它提供的餐單每天不同（星期日除外），一個餐+一個湯+一碗糖水，只售$48，加上吃到的是它聲稱不加味精的住家菜，絕對是打工仔恩物。🤣當天我挑選的是津白獅子頭，配上紅青蘿蔔豬骨湯以及芋頭西米露。津白獅子頭很有上海風味，濃味的醬汁配上青淡的津白，加上獅子頭很有肉味，配上白飯超級開胃。😋而紅青蘿蔔豬骨湯沒有溝水，所以很入味。🥰還有芋頭西米露，芋頭很入味，暖暖的甜在心頭。😍吃完過來，真的超級飽肚的。性價比真的超超超超高！難怪有這麼多打工仔來買外賣吧！😚😚

銅鑼灣舊底味道既中式牛柳🥰.果個汁酸甜都岩岩好.牛柳整好軟滑有咬肉感西籣花沙魚塊🥰.同樣味道好.唔咸.魚塊質肉冇一夾就散👍🏻例湯.木瓜雞腳花生.個人覺得咸左dd.整體好既👍🏻👍🏻👍🏻羅漢果糖水.👍🏻👍🏻👍🏻

光顧住家菜有十多年了，今年因為疫情關係，一直沒有機會再去⋯⋯昨天難得早起跟肥老公出去辦事，午餐就想到在這裏買外賣了。生意挺好呢⋯⋯我們11:30去到，還怕未有食物供應，誰知已有兩、三個外賣了！一個套餐才48塊，有餸、湯、飯、甜品，在銅鑼灣區算抵食了⋯⋯要了冬菇馬蹄蒸肉餅、菜甫貝柱炒蛋。回家打開一看，全部都是大大份的！餸、湯跟普通茶餐廳比較，真的做到少油少鹽，有家煮的味道（當然比我這個半地獄廚娘的出品好味得多）⋯⋯糖水是腐竹糖水，也不會太甜。結果還剩下一碗湯、大半盒飯，留了少少蛋和肉餅，第二天午餐自製湯飯，也非常滋味！實在太抵食了！

外賣完 等左好耐 之後仲要打返黎串返你同你講個地址錯 等左兩個幾鐘 話吾係個層 之後話係我講錯態度超差 比人感覺吾好 就算邊方錯 都吾應該打返黎鬧個客 以後外賣都吾會叫呢間 無質素

近期發覺好多連鎖店越黎越多，又唔想煮飯但麻煩， 想搵啲高質住家菜都好難搵到。 好彩有朋友推介銅鑼灣哩間住家菜嘅餐廳。叫得哩個名，當然想試食下係咪真係咁有料哩間鋪頭每都有精選靚湯，而我個日係養生老火湯蘋果雪梨豬骨湯，個湯濃郁得黎但唔似出黎嘅味精湯，非常清甜，無乜油，真係有家嘅味道而今餐係午餐時段，有唔同嘅餸可以配合，連蒸魚飯都有得揀，實有一款啱你口味，而且價錢抵食，大概都係50蚊左右，可謂平靚正，如果平時比較忙，無時間煲湯返屋企食住家菜，哩間餐廳可以暫時滿你哩方面嘅食慾