住家菜 (謝斐道)

營業中

休息中

今日去左銅鑼灣食lunch平時黎親銅鑼灣食野都會經過呢間住家菜見到入面都好多人幫襯今日咁岩又經過開 決定一試佢既lunch因為最近疫情關係所以唔算多人lunch 的選擇唔多咁我地都係㨂左豉油雞飯🐔每個餐都係跟老火靚湯同甜品-西米露但美中不足的地方係佢地冇飲品選擇最多都只係加錢要可樂嗰d但冇水吧沖茶啡不過算啦 健康d 飲湯仲好😇強調冇味精的老火靚湯 好好飲！今日係青紅蘿蔔豬骨湯一黎到已經好飲到比我飲哂 又足料👍同埋上菜都好快 可能因為唔多客坐得都好舒服跟住豉油雞飯都好好食 雞肉夠嫩滑 豉油又夠香整體黎講係唔錯 值得推薦

今次要介紹既係一間我好鍾意食都食過無數次既餐廳：住家菜！而家香港越黎越多連鎖店，返屋企煮飯又麻煩，比我搵到呢間高質住家菜真係覺得好幸福 🤩 中環收工落銅鑼灣食個飯再逛下之後搭巴士返屋企fit哂~一坐低姐姐就會話比我聽當日既老火湯係咩，今次就係蕃茄黃豆薯仔豬骨湯，我地兩個人就嗌左一煲，份量岩岩好，大部份人如果兩個或以上都會直接嗌一煲，呢排凍凍地飲煲湯暖胃就至岩。湯本身好好飲，係住家既味道，我地兩個飲到一啲都無剩 😆其實回想當初第一次黎係因為想飲老火湯，不過之後成日回頭幫襯係因為佢啲小菜都超好食! 我地成日都嗌既兩樣係西蘭花炒斑片同咸蛋蒸肉餅，聽落真係超級平常既住家菜但係真心整得好好味！西蘭花炒得剛剛好，而啲斑片真係一流！極有斑片味同口感超正！係我食過最好食既炒斑片！咸蛋蒸肉餅都係極出色，肉餅配埋咸蛋同埋蒸豉油再撈埋白飯真係好好味，都係我食過最好食既蒸肉餅！雖然已經來過好多次但好多時都係嗌返呢兩味 😂 因為真係好食到無諗住試其他哈哈 🤩 兩個人一煲湯兩小菜加埋飯食左$244，考慮埋個食物質素真係好抵！強烈推介既住家餸 🤗

呢一間相信係銅鑼灣返工既都會知道，黎呢到其實都係為左可以飲碗湯。出面雖然都有唔少專係飲湯既鋪到，但係性價比就無呢間咁好。全部加埋50幾蚊其實係今時今日既香港已經係難搵。不過呢到都算係術坊飯堂黎，所以如果人太多就要俾下耐性等下位啦。上菜速度都好快手，而且唔會好飲出面餐廳咁食飽就吹你走。記得上一次黎都係好多年前，雖然當年就當得味道唔太好，但係當人大左再黎返飲淡湯就會覺得心頭有返種溫暖既感覺，可能係因為已經好少再有機會成日飲湯水，掛住媽咪既味道。

If you are missing some lovely home made Chinese soup without MSG, this is the place for you! First of all, staff are so friendly and the owner is so lovely that he made all the amazing recommendations for us to try! Especially love the ginger chicken which you don’t get to eat this kind of style elsewhere and the owner told us that they used their grandmother secret recipe to make it! The sweet and sour pork is sooo yummy and again this is recommended by the owner! Love this place and will defi

今日天陰陰🌂費事行咁遠食晏，咁就見到呢一間住家菜見到噤多人排隊，就走過去睇下。好彩排咗一陣就有位，叫咗一條冬菜魚🐟同豉油雞🐔。呢個套餐真係好抵又有湯又有糖水！今日個湯係木瓜雪耳，冇味精好足料，飲完都唔怕頸渴！而且嗰條魚都好食，但我有啲懷疑嗰啲係梅菜？其實冬菜同梅菜，我真係唔係好識分好食就得！個豉油雞都唔錯，！個糖水係薏米腐竹糖水，仲要係幾好食認真講句$53蚊個套餐，真係抵到爆！仲要喺銅鑼灣呢邊，佢都係收噤平。最緊要係佢上菜速度勁快，如果趕住食個晏過嚟食飯真係唔錯！原來佢仲有外賣嘅，又多個選擇喇！

今日同朋友係 #銅鑼灣 行街，想搵間有住家feel既餐廳食🍚！最後搵到呢間真係叫「住家菜」既🤗🤗🤗等左差不多10分鐘就有位！首先叫左一煲「蘋果雪梨豬骨湯」🍲！再問下員工原來佢煲湯真係好足料！仲要晚晚都唔同！絕對唔係例湯咁簡單！之後叫左一個「咸魚茸煎肉餅」😋咸魚煎到好香好好味！送飯一流👍🏻仲有佢個招牌菜 「阿嫲雞」🐓D雞肉好滑好嫩好入味！誠意推介🙌🏻食飽飽諗住叫埋單😌點知員工同我地講仲有糖水送！清甜滋潤養顏既「紅棗水」😍好有愛💕既「住家菜」！下次會帶埋屋企人泥食👨‍👩‍👦‍👦

✴住家菜 |#銅鑼灣 .今日忽然心血來潮好想飲湯，碌下openrice 發現佢。其實之前食過一次lunch，但成日食飯都無諗起，今日實在太想飲湯 就決定去食，順便試一試真係無味精。.佢竟然係咕嚕肉ge汁，朋友想食咕嚕肉所以岩哂佢口味。 佢份量幾多1碟有9隻，都大大隻。食得出有炸過，掛左汁，肉質爽彈🦐.三杯雞 份量十足，有落九層塔 冰糖 甜甜地！略微不夠酒味 和可以加辣就更惹味啦。但煲內有大量蒜子和洋蔥 好岩送飯🍚.我地叫左一人份ge湯，本身以為係飯碗一碗份，點知係一大湯碗，好彩叫之前有問定，唔係叫左一煲又會飲唔哂。 聞落好有sogo成日比人試ge湯包個d味。 第一啖唔咸仲好有肉味。飲得出好真才實料，不禁一啖又一啖！有新鮮准山 養生之選☺.🔶每日老火湯 $22位🔶茄汁蝦碌 $108🔶三杯雞煲 $78

其實我係比佢大大既招牌住家菜吸引到,行埋去睇見佢主打無味精,加上見到有人排隊,心郁郁要試。店員會先為客人落單之後先入座。坐落唔洗一陣間就有得食。唔記得當日係咩湯,但好甜好好飲。海南雞夠晒嫩滑,無半點油膩感。添丁小排醬汁酸甜開胃,好快食左一碗飯。油菜簡左芥蘭,同出面食好唔同既係,佢唔會有一大PAT蠔油係面。白飯可以添,午飯套餐送湯送糖水,而且不設加一**原來每日既湯水同糖水都唔一樣嫁** 回頭率10/10住家菜地址 :銅鑼灣謝斐道460-462號楊耀熾大廈地下電話號碼:31050456營業時間:星期一至六11:30 - 15:00;18:00- 22:30 。星期日全日休息

平時放lunch都會過黎銅鑼灣食 今日又黎<住家菜>😋 因為好抵食 味道又ok👍🏻每日既午餐都係唔同餸，有5-6款可以簡$50 包一款餸，白飯，湯，仲有糖水!! 😆同男友order左雞翼🐓同蒸倉魚 🐟，加$17有豆苗D餸好好味，菜係白烚冇油，感覺好健康😋湯好大碗 飲落真係冇味精👍🏻 差唔多食完姐姐就會俾埋糖水而且d菜都黎得好快，所以如果遲左黎要等位都可以等一陣。$50我覺得好抵食，下次會再黎😋

我地未夠七點來到，本身兩個人食，坐左兩個人位是搭枱。但後來家人都黎到食，再加多個位，員工問我們個位仲有幾耐到，我地答5分鐘左右。但係都仲未安排換位，仲不停咁問我們另外果一位仲有幾耐到，有分別嗎？最後咪又係要換枱，唔通個家人一個鐘後先黎到咩，咁我地都食完 N 年啦。換左枱之後，我發現個碟同碗都有污糟，有冇洗過呢？？？？呢度d湯係幾好飲嘅，蒸蛋都唔錯嘅，西蘭花就正常囉。但係個腐乳蒸滑雞就麻麻哋啦，有少少酸味，完全唔夾囉。最後同以往一樣都係送糖水嘅。不過呢間野真係越來越無禮貌，我知你多人排隊，但都唔洗咁無禮貌囉。。。。

以前在銅鑼灣工作的時候這個餐廳是我們的飯堂首先叫了一碗湯其實一碗湯的份量已經足夠夫妻飲而且這湯是沒有味精飲完之後係唔會有口渴嘅感覺然後叫了例牌亞麻雞老公非常喜歡吃這裏的亞麻雞每次來都必吃然後係食過返尋味嘅咸魚煎肉餅呢個肉餅係唔會有油膩嘅感覺而且鹹魚平均分布喺肉餅上非常好吃落去好像吃豬肉乾咁最後係我個人喜歡嘅西芹炒牛肉因為覺得呢一疊好抵好多牛肉👍🏻好鍾意食完之後最後會有糖水我因為今次叫得太多食得太飽所以冇食多個紅豆沙喺呢度食嘢絕對有家嘅感覺

今日忽然心血來潮好想飲湯，碌下openrice 發現佢。其實之前食過一次lunch，但成日食飯都無諗起，今日實在太想飲湯 就決定去食，順便試一試係咪真係無味精。menu太多選擇，好多都好想試。最後男朋友揀左個茄汁蝦碌。見到隔離枱食個栗子雞球煲好香好吸引，我地都2話不說叫左煲。🔶鯊魚響螺排骨湯 $20 評分10/10首先上枱ge係鯊魚排骨湯。我地叫左一人份ge湯，本身以為係飯碗一碗份，點知係一大湯碗，好彩叫之前有問定，唔係叫左一煲又會飲唔哂。聞落好有sogo成日比人試ge湯包個d味。第一啖唔咸仲好有肉味。飲得出好真才實料，不禁一啖又一啖。🔶茄汁蝦碌 $100 評分 9/10佢竟然係咕嚕肉ge汁，男朋友想食咕嚕肉所以岩哂佢口味。佢份量幾多1碟有9隻，都大大隻。食得出有炸過，掛左汁，肉質爽彈🔶栗子雞球煲 $72 評分9/10雞件數量多，又有栗子🌰栗子好甜，好好食，數量都多。 好好食！推薦你點👍🏼最後仲送五花茶，味道不甜，清熱goodps. 服務好好，會主動加茶，又會主動換碟👍🏼👍🏼👍🏼

一個無飯主婦成日出街食，食黎食去唔係味精野就係一d唔健康又無益既食物。今日黎左銅鑼灣，比我搵到間住家菜食，感受一下家的味道😋😋呢度標榜佢既食物係無味精👍🏾👍🏾餸菜既選擇都算多，而且價錢都好親民，分分鐘可能抵過自己買餸住😱😱我地叫左1️⃣2碗甘荀粟米排骨湯2️⃣鮑魚雞粒竹筒飯3️⃣涼瓜炆排骨4️⃣黑糯米酒雞甘荀粟米排骨湯——— 清清甜甜，好香栗粟米味，而且碗湯係有湯渣比埋我地，非常足料，飲得出一d味精都無👍🏾👍🏾👍🏾鮑魚雞粒竹筒飯———飯既味道好香，用竹筒盛裝亦都好有特色。諗住碗飯唔會有好多鮑魚粒，但都比想像中多，而且炒飯中還加了翠玉瓜、冬菇等等。口感非常豐富👍🏾👍🏾👍🏾👍🏾👍🏾涼瓜炆排骨——涼瓜唔會太苦，但又有甘香味，食落甘甘地，而排骨都炆得好軟腍，而且非常入味👍🏾👍🏾👍🏾👍🏾街 竹北黑糯米酒雞———呢款餸平時係屋企都唔會有機會煮到。個煲好足料，酒味唔會太重，但亦都有糯米酒香。雞已經好入咪，而且雞肉好滑溜🤤🤤🤤食埋d配料。呢一餐又飽又滿足

有時出街食得多或者OT少左返屋企食飯都會想叫餸食飯同掛住媽咪煲湯🏡呢間sell家既味道同無味精☺️-老火湯 $20/位 $50/煲一位都好大碗，有4-5碗仔2個人都夠飲👍🏿好足料每次來到都一定會叫-薑蔥魚腩煲 🐟 $88魚腩走過油，外脆內滑 拎出來果陣仲滾住😍啫啫魚腩煲🤣-西蘭花牛柳粒 🥦 $78有好多牛柳粒🐮 唔會過熟但又夠鑊氣-最後仲送糖水😋😋😋😋是日杏汁西米露比較少見，好滑飲完覺得皮膚都滑左😂

今日去左銅鑼灣食住家菜，朋友知我鐘意飲湯介紹我黎食，$50有主菜、湯同甜品無加一真係好優惠，今日有苦瓜排骨, 黃花魚,炒牛肉，炆雞, 菜揀，我地今日有4個人，一人叫左一個送，苦瓜排骨, 黃花魚,炒牛肉，炆雞，整體黎講味道都算可以，黃花魚最好味，都叫大條，送菜都好有住家菜味道，今日個湯係蕃茄黃豆湯，都幾大碗同鮮甜，整體黎講都算幾抵食，我地係12點4到，1點左右開始有人要排隊入去食了，不過好多人食完都走，我好想食沙薑雞，但五係日日有，下次去試下先。