住家菜 (已搬遷) 新店位置

今日在尖沙咀中心上課，中午十二點半食午飯，主觀認為尖東食店偏貴，這家倒尚可。午餐$38包一碗蕃茄牛骨湯、一道菜、一碗不太多的飯及一碗甜品。先逐一點評：1. 自稱冇加味精的蕃茄牛骨湯：相對其他食店的湯較清淡，蕃茄少加牛骨一件，單點$182. 怪味雞：味不濃，肉較實3. 麪豉蒸馬友魚：麪豉不少，但竟然可以用清淡來形容這道菜，相信鹽的份量很少。4. 菠蘿炒牛肉：牛肉鬆軟，一定加了很多鬆肉粉。5. 椰汁黑糯米：頗杰、很少甜味、沒有椰汁香*我寧願加少少用菜代替那個所謂的甜品就更好。**想坐卡位要早點訂位。總結：不講究的話，非常好的一頓午餐

雖然呢間野要行得遠d, 不過我爸係附近返工都成日黎食lunch, 應該都幾好味早2日打電話去book位, 態度唔錯當日上午有人打黎confirm, 阿姐姐問我駛唔駛order定佢地既招牌菜因為當時唔知咩黎, 所以就話唔駛點知睇下openrice好多人讚既菜式, 原來就包括2款招牌菜於是打電話返黎問仲有冇得order, 好彩都有, 應該係同一個姐姐聽電話, 態度仍然好好去到時坐係窗口位卡座, 位置算舒適寬敞, 無餐牌, 只有落單紙, 都幾平民化既感覺而且落單紙上一早幫我地tick左2款招牌菜, 好細心 點左...招牌亞麻雞佢有全雞 & 招牌2款, 招牌只有4分1隻, 夠3個人食佢話係秘製沙薑雞, 的確好味, 比平時沙薑雞有小小唔同, 而且加左芝麻, 雖然我對佢無嘜好感, 但都覺得好味雞肉好嫩, 唔會煮到「un」炒四季豆好多豆 & 肉碎, 炒得好好味, 不過都幾多油, 所以撈飯最好南瓜排骨盅唯一有影相既菜, 因為造型實在太特別! 佢真係原隻南瓜入面放排骨煲!排骨比較多骨少肉, 有d唔習慣, 入面既南瓜粒煮得稔身d, 個南瓜盅就無咁稔, 不過都好好食雖然唔肯定係唔係無味精, 但的確係一間非常

回港後第一次寫食評。因為吃得太開心。四月三十日,一行八人到住家菜吃晚，見到有虎蝦賣98元五隻，因為八個，叫二份多了兩隻，叫三份又少了一隻，好在寫單的人識，跟我們說我們可以叫八隻,20元一隻，叫了豉油王煎虎蝦，太好了。黃金蝦又可以去殼．咸魚蓉肉餅可煎至小脆好好味．招牌雞OK．服務真的很好．

復活節假期，同fds去尖東食晚飯。一行6人，叫咗一個例湯+5個小菜。是晚例湯係豬肉雞腳煲唔知咩料。真係幾夠火候，味道幾濃，有陣陣果皮味。鐵板燒豬肉份量較少，用鐵板上。豬肉幾淋滑，無被嗱過，有肉味。蜜汁蒜香骨好味，不過略嫌排骨仔太細舊，唔夠啖啖肉。味道幾香幾惹味，甜甜地，同平時嘅蒜香骨唔同，唔係炸到脆嗰隻。雜菜煲就普通料，菜較淋，湯底唔係太香。西蘭花花枝片不過不失，西蘭花爽口，花枝片唔會太韌。琵琶豆腐大大舊，又炸得外皮夠脆，不過略嫌咸咗少少。最後仲有糖水送。是晚糖水係 --- 西洋菜糖水！！！嘩，我真係第一次飲呢款湯水。個侍應話係西洋菜糖水時，真係以為自己聽錯。賣相同西洋菜湯無分別。不過就係甜嘅。其實係糖水夾硬加d西洋菜落去。好在西洋菜都嫩，無渣。環境都ok, 唔會話太嘈，可以傾到偈。

環境/服務 GOOD第一次去, 地方闊落, 員工有善手腳快... 食物品道, 平平, 無驚喜; 其中2味 招牌雞-鹹咗dd, 梅菜肉片- 淡咗dd...仲有1味 xx排骨, 間中一兩舊中間生的, 仲係紅色-生肉紅色 我唔想生虫, 無興趣去第二次...

第三次來吃晚飯.朋友仔選呢一間,因之前一次留下超好印象.沒有訂位.我最早到,要等.只等了五分鐘,門口接待姐姐見我一個人,即使朋友未到齊,都一樣安排卡位給我.如此貼心的服務,真的要讚.三個人,叫了三個小菜和一煲老火湯.西蘭花炒花枝,味道幾好,但花枝略少.炒蛋角,兩個朋友都話超好味,勁似屋企阿媽煮的感覺.蜜蒜排骨,少少甜,但份量稍嫌細碟.今日老火湯是節瓜雞腳豬骨.三人分一大煲,像飲極飲不完~~另叫了一碗上湯米粉,普普通通.本來想叫碗粥,但原來夏天才有,噢...侍應個個都好有禮貌,環境又乾淨,食得自在又舒服.如果奉上的水係熱而不是凍冰冰就更好了.

-Stunning steamed fish (with ginger, soy sauce), perfectly done & fish so fresh it was mouth-melting.-Delicious prawns (v large size), deep fried in salted egg & batter mix. Rich, amalgamate of flavour, goes well with steamed white rice.-Very flavourful pork & fish broth, savoury and bone warming, served piping hot in a claypot at your table. Perfect start to the meal.

我地上個月去食飯，去到門口老公就睇到話九點入座就有例湯送，咁我地睇一睇錶差五分鐘，所以就問個職員現在入去有無，假如無就唔入住，咁個職員見到都係差少少又無人等住，所以就俾我地入去俾埋例湯我地，那晚的例湯係青紅蘿蔔湯，我地飲了一啖就知道係用所謂的「高湯」唔係用味精，不過亦都唔係佢地標榜的好似係屋企飲的老火湯，屋企煲湯點會用「高湯」煲呀？我地叫了三個餸、一個土魷馬蹄啄肉餅、三杯酒雞煲同埋個好似什麼鮮腐竹浸莧菜。這個菜我地就覺得可以接受佢話係少油，都幾清，但係個肉餅一上枱就知佢講大話，自己寫啄肉餅，根本係用機攪碎的免治肉，完全冇口感可言，我真係好想叫佢老闆出來問下佢點解這個係叫啄肉餅，自打嘴巴，唔係用人手啄就唔好咁大個字話俾人知係啄肉餅，好乞人憎，又油，好難食。個雞煲油到死，一睇就知佢用好多油起鑊，又唔會用第二個煲上枱，所以好油、又咸。或者好似老公話可能係希望諗住真係可以食到係屋企住的菜咁，所以對這間住家菜好失望，一定唔會有第二次。最後送個麥米粥，都唔係好甜，甜度可以接受，但係就應該加了生粉令佢咁杰呀!

朋友極力推薦,仲話平日都要訂位. 七點幾去到都仲有好多吉檯; 坐低睇睇餐紙,好似點心紙一樣自己剔. 小菜選擇頗多,更有原條蒸魚,而價錢普通小菜約四十至五十蚊左右,都唔算貴.例湯 - 唔記得乜湯. 好在無味精,湯夠濃; 唔好在無湯渣(唔係話完全無,不過全部都係骨!).什果咕嚕肉 - 好少會用到什果,又唔會話好特別,只係多幾粒唔同的生果. 個汁幾酸,standard的咕嚕肉.煎肉餅 - 好有魚香,外層煎成微脆夠香口. 最重要係唔會過鹹,一向好怕肉餅會太鹹,但這個味道剛剛好,簡直係送飯良伴!魚湯浸時蔬 - 個湯都幾夠味,幾好食.食完仲有紅豆沙贈送!一如舖名,好有住家菜feel,價錢又唔係太貴,真係好適合那種平時唔煮飯的'無飯家庭'. 惟一問題係地點較為隔涉,比較方便駕車人仕.

昨日下午到尖沙咀帝國中心食「住家菜」。一行五人點了數款小菜客飯share食。先來冬瓜旺菜薏米湯一碗，味道清清地，適合近排炎熱嘅天氣。菜膽蒸雞嘅雞肉幾有雞味，只是肉質鞋了少少，可以接受。糖醋小排骨，糖醋汁略杰，末能帶出小排骨嘅味道。XO醬炒花枝片，味道微辣，幾惹味。花枝片亦炒得脆口，唔錯。南乳齋菜煲，so-so喇！飯後有紅豆沙一碗，唔起沙，味道麻麻。既然係送嘅，都算OK。

2009年自第一次試過這裡出品後, 就已成為我們的 "飯堂"~~ 一黎泊車方便, 搭lift 直達,就算天氣不好, 亦不成問題~~ 二黎無味精湯水對我哩d 二人家庭, 真是方便不過了 !!黎到必點係例湯, 天天不同, 湯夠火候,料亦足, 湯甜不帶邪味, 有家既感覺 !! 較喜歡係栗子雞煲, 雞入味, 但栗子未夠淋, 如能再淋一點就更好 !! 鹹魚煎肉餅亦不錯,西檸雞亦炸得夠鬆, 檸汁不過酸過甜, 恰當調味!! 只是每次糖水未能令我滿足, 除這之外, 其他確實有水準 !!這次4人叫了5餸, 大家都非常滿足盡興 ~~

街坊友消息都幾靈通，知自己咩事，今年轉死性唔玩大龍鳳，約出來吃餐家常便飯聚聚舊，談談近況，平平地打道到尖東吃「住家菜」。忙完公事趕過來，大伙兒早已在長檯坐定定等吃，看看點餐紙，都是些簡單家常小菜，要了馬蹄蒸肉餅、糖醋骨、鮮腐竹浸莧菜、老少平安、桂花炒素翅，亦唔少得廣東人餐前指定動作老火湯。出菜效率極高，轉個頭例湯連六味小菜將檯子放得滿滿的，老火湯是冬瓜瘦肉滾湯，夠熱又有瘦肉及冬瓜的甜味，吃不出有味精，不錯。看隔離檯咕嚕肉水汪枉，轉而叫添丁糖醋骨，排骨肉多骨少，斬得細件吃得不夠過癮，還幸肉醃得鬆腍夠味，而糖醋汁以甜主略帶微微醋酸，味道似八珍甜醋，個人言而，還是覺得夠糖唔夠醋。馬蹄蒸肉餅，薄身肉餅，混入馬蹄、土魷及少量鹹魚，機打的肉餅吃起來「實的的」，加上放得太久，吃起來有點酸味，原打算用汁來撈飯的，但見狀最後還是打消念頭，餐牌上另有煎肉餅，似乎薄身肉餅是煎的較好吃。桂花炒素翅做法特別，是炒蛋白加上備好的蛋黃絲撈作一起之作，沒有「桂花」效果，雖然略濕但吃起來蛋香十足，轉個頭已清碟。老少平安，是百福豆腐打散撈上一些肉粒煮成，豆腐比例太重又欠魚肉，是無色又無味又無嚼口的一味菜，吃完是一頭暮水。

又係聽人講呢度成日full, 好好味, 點都要試下既星期一晚黎開呢頭等朋友收工, 7.15pm黎到, 仲有位, 不過當然無卡位喇, 但我地2個都霸左4人檯叫左2餸1湯, 西蘭花斑片阿麻雞(侍應話係是日推介, 最後一碟)湯就係東瓜豬骨惹米(大約係咁)個湯絕對ok,無味精既, 不過2個人飲唔到一壺, 因為我個fd貪有湯渣喎, 如果唔係叫一人份量, 都夠2個人飲架餸方面, 個雞都好味既, 不過碟西蘭花斑片好似咸左d, 我地覺得有味精, 送飯就ok囉, 其實佢d料係唔差架, 不過d味道咸左d, 如果真係加左味精就好唔得囉最後未食完就送上紅豆沙西米露, 又想趕人走

財政拮据，約朋友出來吃中午飯也要選擇一些便宜的地方，好彩朋友一直在尖東搵食，知道有咩平野帶我去吃。做到冇停手既打工仔，中午時份可以平平地吃番餐家常菜，感覺總比吃飯盒要好得多。這裡的中午套餐有五款選擇，價錢同樣是三十八個大洋，經濟實惠，正合我既生活水準。想了一想，要兩個套餐，加碟菜了事。套餐揀了霸王雞和麵鼓蒸豬肉。先送碗湯，係冬瓜豬骨湯，材料豐富，湯底清甜，肯定是沒有加味精的靚湯。正如KC所言，香港地愈來愈少地方斗膽公然放味精的了。腐乳通菜，顏色翠綠，感覺新鮮，咬落爽脆，點上些少腐乳吃是不錯的，但我個人更喜歡以腐乳醬送飯，這窮等人家的吃飯技倆，實是美味，又切合我既風格，很快便幹掉一碗飯。霸王雞下了很多的薑蔥絲，對辦！雞肉嫩滑，雖然鮮味不足，但有薑蔥絲搭夠，也是一味好送飯的餸。麵鼓蒸豬肉是另一味家常菜色，這裡的麵鼓味道調得剛好，不會太重味，豬肉嫩口，唔係死實實的那種貨色。咸咸地又有點薑絲伴著，也不差呢。飯後送糖水，薏米糖水清潤不過甜，可以收貨。

好友食神同好友食家"乜都放入窿"同為本月壽星, 食飯慶祝當然走唔甩啦, 而地點更加不能馬虎, 皆因一位係食家, 另一位係食神, 比食家更加咀刁! 於是起初決定去新斗記, 奈何一早爆晒, 唯有再諗另一間啦, 最後師傅揀左呢間食店, 希望兩位壽星食得開心啦!一早訂定位, 預算十四人應該有少冇多啦, 所以應該夠坐, 怎知師傅低估左兩人嘅號召力, 最後召集竟然有成十七人, 一圍坐唔晒, 師傅拿拿聲打去食店加位, 好彩得到食店嘅通力合作, 先至唔會冇位坐, 特此對呢間食店送上萬二分謝意!食店職員同師傅確應留枱時, 亦順帶問下師傅需唔需要預留食物, 既然問得師傅亦不客氣, 於是留左一隻阿嫲雞，三份海虎蝦同埋一個南瓜蒸掛骨; 到左食店再柯打一客例湯, 土魷蒸肉餅. 三色蒸蛋, 粉絲雜菜煲, 蜆介鯪魚球, 竹筒飯, 實行黎個九大簋!先講下個例湯, 師傅已經唔記得係咩湯, 不過就記得個湯底好清, 唔油仲冇味精, 所以都幾好味, 作為開餐前第一道菜, 濕濕個口, 真係唔錯; 跟住就係阿嫲雞, 肉味重雞身滑, 而且煮得啱啱好又唔會過老, 加上個汁好好味, 真係食到停唔到口, 掂呀; 海虎蝦分別揀左豉油王煎同