住家菜 (已搬遷) 新店位置

每次在尖東吃飯都會經過住家菜。一查之下才知原來在Openrice好評如潮，自己真有眼不識泰山！星期日晚到達時嚇了一跳 － 不但座無虛席，有些檯還放在餐廳外的長廊。餐廳的裝修本來不錯，但這樣的格局打了折扣。從接待處到侍應服務不錯，雖不是笑面迎人，但總算有禮、認真、有效率。訂檯時已經留了阿麻雞和南瓜排骨，現再加例湯（節瓜響螺湯）、菜脯肉碎蛋角和鮮腐竹蝦乾浸菜。阿麻雞很難形容，有點像沒有沙薑味的沙薑雞加了蒸魚豉油味的汁。。。雞肉頗嫩，有少許雞味，不過不失。菜脯肉碎蛋角很美味，菜脯很爽口，不太鹹，蛋亦有蛋香（我真的很喜歡吃蛋），但肉碎好像失了蹤。南瓜排骨賣相一流，是那種上桌時大家會“哇！”一聲的菜式。排骨份量夠，不硬，不是很多肥肉或很多骨那些，味道也好。。。只是，排骨的味不像是與南瓜一塊兒燜，倒像豉汁蒸排骨裏的排骨。。。鮮腐竹蝦乾浸菜夠鮮味。例湯亦很甜，夠火喉，響螺味則奉欠。當晚糖水是蕃薯糖水，很稀，沒有吃完。。。以這樣的價格換這樣的質量，倒無可厚非，但光從味道來評，則只算一般。

每次朋友生日總會煩惱去哪裡食飯慶祝, 想找食物特別的店, 又想要好味道的, 但更加想要一個能坐久聊天的地方...原定是想去TST的小南國, 但去到才發現店鋪正在裝修不営業... 走出商場, 看到對面帝國中心"住家菜"的招牌, 沒選擇的選擇, 就試試吧!!可能因為是平日的關係, 尖東一帶的食肆都比較靜... 住家菜的店面還算大, 但當時只有幾張枱坐著食客, 所以我們一到就馬上有位子了。我們一行六人點了：阿麻雞(半隻), 脆香琵琶豆腐, 鎮江小排骨, 魚塊西蘭花, 粟米魚肚羹, 泰式咸魚炒飯, 老火湯(一窩), 三個白飯, 糖水(免費)點菜的時候, 侍應說阿麻雞一般要預訂的, 即場點的話就要看廚房有沒有多煮的...而這次有多煮的, 我們就有食神了!! 阿麻雞很好味, 一上枱不久就幾乎清光, 雞很有鮮味, 內質又很滑有咬感, 調味也剛剛好!! 正!! 大家實在太餓了, 食物一上枱就搶食了, 其他食物都沒來得及拍照...哈哈~脆香琵琶豆腐則一般, 豆腐中釀了一些粉絲及我不知道的東西, 之後豆腐拿去炸, 外板很脆, 但略嫌汁不夠, 比較乾身, 也比較淡味~~鎮江小排骨一上枱就聞到好大的醋味, 有

係呢到附近返學一路有食開住家菜~都打篇食評同大家分享下啦有食開呢間下晝飯都知日日都有唔同選擇,仲有湯同糖水,唔知有無人知道白飯係可以任添呢特別要讚叫TONY既待應,佢既態度真係非常好!!由我地企門口睇餐牌到我地叫野食,賣單佢全程個笑容都勁好住家菜係尖東既開飯之選

今日同朋友團拜...我地就去了 "住家菜" 食... 金銀旦時蔬 - 冇味精唔錯. 不過味道比較淡粟米班塊 - 啲魚好好味, 一啲都唔似雪魚...添丁甜酸骨 - 味道好味. 不過啲骨太肥了泰式虾醬炒飯 - 味道比較咸, 如果少啲油會更好...最唔好就係只食得 1.15 hr...一夠時間就趕我地走, 真係好冇引囉...由於係朋友幫我訂枱. 所以事前一啲都唔知道. 如果一早知道一定唔會黎!!!

提早幾日訂左枱 同埋留左個 南瓜排骨盅.一共11人, 叫左10送一湯.賣相真係同大家相中一樣甘靚,味道亦完全成正比.推介南瓜排骨盅.成個車瓜批左皮可以食, 肉質夠實唔會林pet pet.排骨多但唔算多肉, 不過好林唔攝牙.仲有d西蘭花.黃金蝦.夠蛋黃味, 唯一就係冇除殼.冇得將面頭同肉一齊食.蛋白蟹肉西蘭花.面頭既汁夠多夠厚."皮趴"豆腐.同平時食開有d唔同,形狀有點"機械式製造", 食唔係好滑.不太推介.鐵板牛肉, 咕嚕肉, 老少平安.正常.另外仲有叫 老火湯 同 腐竹上湯浸時蔬. 都係正常.今次送蕃薯糖水. 正常.食物份量對於11個人黎講少左d,甘既叫法應該岩 7-8人食.但係價錢真係底. 肯定會反黎再食.只係地點唔太就腳.(尖東P1地面直行, 過左酒店同尖咀中心, 就會見到starbucks, o係starbucks上面)service方面唔錯,成晚都坐滿, 佢地都keep住忙,但你叫到佢地, 佢地都會即時幫你, 有禮貌有效率.

the food is pretty good generally, however, the service is horrible. Instead of serving the cake rather secretly, they interrupted us by asking if we would like to have the cake served when we had not yet finished our meal. And, they tended to expel their customers after requesting the bill paid. Awful waiters!!!

自從來香港兩個月,除了在家煮飯,每星期都會有兩天會在外面吃飯,幾乎都會先上開飯喇看食評,但是畢竟每個人的口味不同,對於哪邊環境長大所以又有所分別,幾乎每次吃完總都會有油膩又不舒服,價位都頗貴,有種不划算的感覺!!有天,朋友們介紹了一家在尖東這邊的住家菜,讓我一吃上癮也介紹了給從台灣來香港玩的朋友~清淡又好味,這是朋友們吃完的感覺!!我想這裡的確是可以招待朋友來吃飯的地方,感覺很棒,雖然我看到很多人食評寫服務態度不好,我倒是想幫她們伸冤一下,我總共去了兩次,兩次都幾乎是外面排隊很忙的時間,但是我們都有因為南瓜盅,預約住桌面,除了第二次有小遲到一下,但也沒有因為這樣就態度差,反而直說你們不來怎辦的親切口語,甚至很注意我們的上菜順序,也幾乎都會看到服務生主動來問要不要白飯,跟清潔桌面還有上甜品!!價位我也覺得不算太貴,這樣的菜色跟服務,我都會多給小費呢!還有些菜色~

尖東而家無之前咁靜, 多得海傍幾間新開的酒吧, 扒房帶旺, 晚飯都會間中泊好架車於幸福中心, 之後再行過去睇有咩食今次唔想食扒, 上左帝國中心二樓, 梨花園同佢二選一, 想起今晚想食清啖d, 於是就揀住家菜, 飲吓湯簡單的一碟西蘭花花枝片, 蒸水蛋, 中式牛柳同一煲青紅蘿蔔例湯, 便成為今晚的晚餐, 餸菜的風格屬小品形式, 沒有大酒樓大師傅的鑊氣, 碟頭都比較細碟, 正如店名--"住家菜" , 都真係幾住家菜的個例湯我覺得仲可以住家菜一d, 味道太濃, 但又唔係因為骨頭多而成, 你明架啦, 雖然未必係味精, 但我都係想要一煲似阿媽煲的湯多d, 不過其他食物都算ok的

我昨天去了吃吃了一道叫海虎蝦, 一碟5隻, 要了茄汁味$20一隻, 一碟共$100念住貴唔會太難食, 點知d蝦是臭架仲好臭tim, d肉又梅未放入口, 聞都聞到好臭想叫職員換但聞完後,話呢d唔是臭, 是蝦香唔肯換, 之後整碟都是放係到當場冇言, 佢當我未食過蝦我真是唔知蝦香是臭架其他野食亦是超淡, 淡而無味用$100換一個教訓 以後都唔會去食

清清地, 食餐"住家菜" , 都幾好的 特別係成日食好多味精的餐廳, 清一清腸胃, 唔錯! 唔錯!呢間住家菜, 都幾好生意, 要等位架, 可能附近的OL, OG, OOL, OBOY等等食得飯盒多, 都特別鍾意嚟飲碗湯, 清菜淡肉一餐同太興的STYLE好唔同, 住家菜都真係唔多味精, 好似我今次食的肥牛粉絲煲, 炒白菜同梅子蒸排骨, 都好似在家食咁, 依家搬左出來住, 已經唔係日日返阿媽度食飯, 食完呢餐之後, 搞到我有想聽晚就返阿媽遮食飯TIM特別鍾意食碟梅子蒸排骨, 夠酸, 排骨半肥瘦, 兩個人, 成碟清哂, 特別推介

每天在外覓食~惹來不少朋友羨慕~~但絕不處於無限金錢mode~~~但吃得太多有時也會懷念家中的湯水小菜~~有湯料的老火湯~~除了天鴻。蛇王二。有時大快活和太興也會是隨心選擇~~~書展大戰一役之後~落船後不想再等位再人逼人~就向尖東方向進發~~住家菜的總店吃得多~但尖東分店的晚市還是第一次來~~午市印象平平http://www.openrice.com/restaurant/commentdetail.htm?commentid=1982040Weekday晚上維持八九成入座率~二人被安排在靠邊的半梳化位~~雖然只得二人~但店員也主動將兩張檯拍埋好讓我們有多些位置放戰利品~~想先叫煲老火湯邊吃邊選小菜~但是日老火湯是番茄薯仔湯~~~小比最怕澱粉質溶於水的湯水~~唯有放棄~~改選餐牌中其他湯羹~最後跑出的是豆腐魚雲湯~添丁甜酸骨與及鮮腐竹蝦乾浸白菜仔~~鮮腐竹蝦乾浸白菜仔[$50] : 正常是湯水先到~但出乎意料之外是青菜作第一道菜~~面層的鮮腐竹豆味不濃只算中庸之水準~但白菜仔份量多~無沙爽脆~加上大量薑絲蒜粒爆香後帶出味道而非以化學調味料作主軸~味道夠住家添丁甜酸骨[$50] : 一路

因為朋友早到，她六點九就到了，所以不用等位，但本來我們也有訂位的。粟子炆雞-------好夠味！雞每件細細塊，我們五人食亦冇話每人一件就分完，粟子較硬身，爽。豆腐班塊-------豆腐頗多，班塊比較大件，大概每人一件已全煲只剩豆腐，豆腐滑溜，班塊厚厚的，口感很好，好像吃中式魚FILLET一樣。鎮江排骨-------這個我覺得甜，比較膩，但其實食完好想再食，細細粒咁，好易食。不怕甜的人，應該好愛這一味！我只是嫌甜了點，但也覺得很好味。鮑魚雞粒竹筒飯--------這個我食不出鮑魚，但雞粒在竹筒內都很香，飯不濕，粒粒都分明。這個不錯的選擇。花枝西蘭花----------這個沒有特別，我覺得或者呢度係食住家菜，不應有任何鑊氣吧！這個吃得很平淡，沒有驚喜。當然花枝也不錯，不靭。例湯一窩----------估唔到細細煲原來有好多湯同料，每人可以有二碗。送的甜品是紅"祖" 糖水---------很清新，好喜歡佢用呢款糖水作飯後甜品，紅, 綠豆沙太厭了。這是甜了一點的。

21-6-10 星期一要招呼遠道而來的親戚又要揀一間清清淡淡嘅，又要平嘅，又要方便就腳仲要方便我睇波嘅我只諗到呢間，大大隻字寫住不加味精商場內有部大電視，可以涼冷氣，坐定定睇波又可以係上層望落去睇電視當日係葡萄牙對北韓，賽果係7:0我地一邊食飯，一邊聽到樓下大嗌一大嗌，侍應哥哥先報告賽果，之後我就衝出去睇喇場面攪笑，7:0，勁呀...好似拉到好遠，返來呀)))*******************************************************先黎一煲湯，西洋菜湯，$ 45 一煲老火湯，好甜亦好潤欖菜肉鬆四季豆 $ 48切到短短的豆角，有少少爽口感蚧子黃金蝦 $ 75好食，不過如果剝殼之後炒會更加好，稍為不方便阿麻雞 $ 180 一隻雖則係冰鮮雞，但雞肉鮮嫩亦無雪味，醬汁似豉油雞鮮腐竹蝦乾浸時蔬 $ 50未食大白菜時無問題，即係腐竹蝦乾草菇都好好食但食到大白菜時，妹妹發現酸咗，即刻換過另一碟鐵板蒜爆牛柳粒 $ 58牛柳粒好腍，好惹味，唔洗用牙力咬開架豆豉鯪魚油麥菜 $ 48油咗少少，不過都可以接受到嘅食到呢到菜，我發現好多餸都會落草菇架你地睇下呢碟餸，又有草菇，

今日約了朋友去 "住家菜" 食 lunch...我都好耐冇黎喇... 我地 3 個人, 所以叫了 3 個 sets 金銀菜干豬骨湯 - 啲湯好甜. 冇味精, 真係好好飲....咖哩雞 - 味道 ok. 不過太少雞喇. 而且啲雞切得好細舊 勁多薯仔...no good 呀京都豬扒 - 味道唔錯...啲豬扒唔係好肥. so good 蒸魚 - 我好怕啲魚 "腥" 估唔到佢地整到唔太腥. 我食 lam lam 脷呀油菜 - 一般. 冇特別腐竹薏米 - 好 "傑" 呀.....no good

訂枱時有人會問要唔要訂亞麻雞+南瓜排骨盅既然係招牌菜訂左試下原本訂左7:30但後來佢cfm枱時話人多要我地延遲15mins但去到唔算多人都仲有枱剩喎......張order list已經寫左原本訂左嘅菜成張list都好多選擇最後5個人點左4餸1飯 亞麻雞半隻$98其實係沙薑雞上面有芝麻雞肉都幾嫩滑 金沙蚧肉西蘭花係雞蛋咸蛋，都唔錯但好似唔多覺有蚧肉蜜燒卜卜蝦 因為唔知咩係卜卜蝦所以叫左試下以為份量唔多但都有起碼6隻甜甜地幾特別喎 南瓜排骨盅 $80 賣相相當不錯全個南瓜裡面好多排骨 鴛鴦炒飯 $62整體ok但我覺得汁多左d可能鴛鴦炒飯本身係咁掛送糖水但佢今次送嘅糖水係五花茶乜五花茶係糖水黎嘅咩？？？？不過送嘅就試下我嫌佢太甜但其他人飲晒喎服務：waiter上菜時會主動提醒唔好一開始切個南瓜要食咁d排骨先咁樣唔會漏晒裡面d野出黎加水速度都尚可唔會左叫右叫先會過黎倒水食完再坐多個幾兩個鐘都冇人趕唔話得啦$100唔駛可以坐幾個鐘算幾抵o架喇！