影片
更多
2009-05-24
55 瀏覽
好友食神同好友食家"乜都放入窿"同為本月壽星, 食飯慶祝當然走唔甩啦, 而地點更加不能馬虎, 皆因一位係食家, 另一位係食神, 比食家更加咀刁! 於是起初決定去新斗記, 奈何一早爆晒, 唯有再諗另一間啦, 最後師傅揀左呢間食店, 希望兩位壽星食得開心啦!一早訂定位, 預算十四人應該有少冇多啦, 所以應該夠坐, 怎知師傅低估左兩人嘅號召力, 最後召集竟然有成十七人, 一圍坐唔晒, 師傅拿拿聲打去食店加位, 好彩得到食店嘅通力合作, 先至唔會冇位坐, 特此對呢間食店送上萬二分謝意!食店職員同師傅確應留枱時, 亦順帶問下師傅需唔需要預留食物, 既然問得師傅亦不客氣, 於是留左一隻阿嫲雞，三份海虎蝦同埋一個南瓜蒸掛骨; 到左食店再柯打一客例湯, 土魷蒸肉餅. 三色蒸蛋, 粉絲雜菜煲, 蜆介鯪魚球, 竹筒飯, 實行黎個九大簋!先講下個例湯, 師傅已經唔記得係咩湯, 不過就記得個湯底好清, 唔油仲冇味精, 所以都幾好味, 作為開餐前第一道菜, 濕濕個口, 真係唔錯; 跟住就係阿嫲雞, 肉味重雞身滑, 而且煮得啱啱好又唔會過老, 加上個汁好好味, 真係食到停唔到口, 掂呀; 海虎蝦分別揀左豉油王煎同
一早訂定位, 預算十四人應該有少冇多啦, 所以應該夠坐, 怎知師傅低估左兩人嘅號召力, 最後召集竟然有成十七人, 一圍坐唔晒, 師傅拿拿聲打去食店加位, 好彩得到食店嘅通力合作, 先至唔會冇位坐, 特此對呢間食店送上萬二分謝意!
食店職員同師傅確應留枱時, 亦順帶問下師傅需唔需要預留食物, 既然問得師傅亦不客氣, 於是留左一隻阿嫲雞，三份海虎蝦同埋一個南瓜蒸掛骨; 到左食店再柯打一客例湯, 土魷蒸肉餅. 三色蒸蛋, 粉絲雜菜煲, 蜆介鯪魚球, 竹筒飯, 實行黎個九大簋!
先講下個例湯, 師傅已經唔記得係咩湯, 不過就記得個湯底好清, 唔油仲冇味精, 所以都幾好味, 作為開餐前第一道菜, 濕濕個口, 真係唔錯; 跟住就係阿嫲雞, 肉味重雞身滑, 而且煮得啱啱好又唔會過老, 加上個汁好好味, 真係食到停唔到口, 掂呀; 海虎蝦分別揀左豉油王煎同埋避風塘, 先講豉油王煎, 味道過咸令口感驟降, 咁咸莫非似師傅? 而避風塘就整得香香辣辣, 確實惹味, 可惜海虎蝦肉身過實, 唔多夠鮮味, 師傅覺得d蝦雪得太耐, 所以真係一般; 另一道預留左嘅南瓜蒸掛骨, 賣相真係相當之得, 完隻南瓜上, 內裡就載滿排骨, 排骨肉身夠鬆, 加上個汁而好味, 所以真係唔錯!
土魷蒸肉餅嘅肉餅夠鬆, 味道唔會過濃, 可惜唔多覺有土魷, 但整體仍算不錯, 三色蒸蛋就蒸得幾滑, 不過就幾淡口, 味道一般, 可以啦; 粉絲雜菜煲就幾多粉絲, 雜菜亦夠嫩, 都唔差; 蜆介鯪魚球炸得脆卜卜, 而碎骨唔算多, 都算唔錯; 竹筒飯冇咩特別, 不過勝在個飯都幾乾身, 可以啦!
總括黎講食物質素都算中上, 環境就幾舒服, 服務態度友善, 而價錢經濟抵食, 埋單每位都係百二蚊到, 絕對抵食; 師傅覺得呢間食店嘅家常小菜都幾好味, 所以有機會都會再黎, 而呢一餐家常便飯賀雙星, 食得非常開心, 所以笑臉值得一比!
張貼
