住家菜 (已搬遷) 新店位置

幾位舊同事生日。食過京。西。日。意菜之後，不如飲啖靚湯呢～左上：要訂的亞嫲雞。果然入味非常！右上：無味精住家湯。正～左下：菜葡煎蛋。大碟又好味。右下：莓子骨？細細粒好易食。左上：ＣＲＡＢ客西蘭花。好味！右上：琵琶豆腐。外脆內軟～左下：西季豆。個底係豉油，有Ｄ奇怪～右下：訂位時講明就會免費送。都好大個下架～仲有糖水送添！我地食早輛７－８。３０ＰＭ，其實有小小趕；差不多食到一半已經見到有成幾十人係門口等。。。有唔同國籍添～我估呢間都幾出名～８個人都係食左６百幾。好抵食！

所謂在家千日好,以前做囡時,返到屋企飯來張口,媽媽飯的日子,確是永遠讓人懷念的.現在有了自己的家庭,自己也要上班,很難經常煮飯,所以久不久會很想吃住家菜.始終沒有味精的餸菜,才能讓人百吃不厭,然而巿面上標榜不含味精的餐廳並不多.今天阻住早放,本來想吃好時沙嗲,但看到長長的人龍,就只好放棄,轉戰住家菜.要吃住家菜,提醒大家千萬不要去他們的銅鑼灣分店,該店的難吃程度,真的不可同日而喻...一踏入餐廳,侍應巳有禮上前招呼.旁邊後來又坐了一對小情侶,看上去舉止十分有禮,原來是日本人.看上去不大起眼的侍應,立刻上前慢慢解釋,竟然吐出的是聽上去十分流俐的日語!樹該兒呢!之後餸來了,侍應又再主動上前教他們如何吃,真的是十分好的服務態度,為香港人爭光呀!言歸正傳,點了.例湯-唔錯呀,有豬骨係入邊..沙拉骨-錯唔的選擇,啖啖肉,無骨的,感覺好肉,唔係太好味.今日個汁好次粟米湯的份量唔夠多,有點生粉左少少.班塊還可以.但上次來吃好味好多,今日有點失準.估唔到佢呢個送的馬蹄露並不馬虎.唔算太甜,咬落去又食到馬蹄肉.差唔多成舊水個人,唔算太平,因為人少的關係吧,四個人來吃其實比較好.....見到好多廿幾的後生

阿佬約咗我7點鐘放工尖沙嘴食飯，點知7點幾佢仲起公司，激死我呀！最後我哋都照原定計劃嚟到主家菜，不過見到個接待員面口就唔多歡容。座位有點陜窄，整個晚餐手袋同外套都只能放在大腿上。我哋叫咗個例湯、蝦醬蒸豬肉同埋金銀蛋莧菜。例湯用原個小瓦煲上枱，材料足，湯清甜，飲不出味精。蝦醬蒸豬肉，豬肉夠淋蝦醬野味，剩食、餸飯都合適味美。金銀蛋莧菜上湯淡香，咸蛋和皮蛋份量適中，莧菜鮮嫩。

中秋節食月餅，蓮蓉食多了，所以翌日食清d。紅日當然要放假，點可以自己煮，兩個人就走去食住家菜。中午十二點幾，對面酒樓要排隊，住家菜就只有幾枱客人。午餐每份58蚊，有湯、飯、餸(自選，有幾十款可選，可惜未必有)、糖水。不用加一。蒸魚有兩款，本來選蒸驢魚，可惜職員指已賣清，所以只好選冬菜蒸黃花，另外選蝦膏蒸豬肉。首先出例湯--黃瓜煲豬骨，味道好，我自問就無能力煲出這麼好的老火湯。蝦膏蒸豬肉 : 蝦膏味剛好，不會太咸，豬肉有點爽，可能是肉青，份量不少。冬菜蒸黃花 : 黃花魚好新鮮，size比想像中大，蒸得好滑。綠豆沙 : 看似不錯，可惜豆太細，味道一般。不用加一，湯及餸都味道好，可以食得飽飽，抵食。不過食前要看清楚食具清潔與否，因為當天有粒飯在湯匙上。

踏入生日月，朋友好有心的為我慶祝。由於我們一行三人都是第一次來這間餐廳，朋友選擇的原因是看見食評大家都讚好，而且在book位時說明慶祝生日，就會送上免費壽包。因為早已book了位，加上是平日，一到埗已立即入座，無需等候。看過之前的食評，我們點了以下的菜式：上菜速度及店員的招呼都不錯，而且會自動自覺得幫忙加茶，值得一讚！大家都吃得很盡慶，絕對會再來光顧的一家店可惜的是朋友在book位時沒有預留招牌菜”女麻女麻雞”，下次一定不會錯過的！！！

我在尖東工作. 由於住家菜的午餐只係$40一位, 有標榜"無味精"的老火湯, 一款五選一的小菜, 無限白飯同粥加天天不同的糖水, 幾個同事叫幾款, 相當豐富, 好滿足. 咁呢度就自然成為我和公司同事的飯堂, 一個星期最少一次黎開餐. 有時朋友過黎晚飯聚舊, 我都會選擇呢度, 因為人唔多, 可以慢慢傾, 慢慢食, 近窗口重有少少海景. 可惜近兩個星期, 發覺"無味精老火湯"已經加左味精, 一飲已經發覺鹹左同口乾, 以前一飲而盡, 而家飲唔哂. 而小菜味道亦稍見退步.

今日個同事帶左我黎呢度食晏, 之前都有聽過, 但遲遲都未去, 因為離我公司較遠, 今日趁阿頭唔起公司, 早d行過去試試 ! 佢地有幾個套餐選擇, 我同同事撰左咖喱雞同豉汁蒸排骨加多碟菜, 佢呢度環境都唔錯, 裝修幾chinese, 地方都幾大, 不過坐下坐下都差不多坐滿。講返d野食先, 我地叫左兩個餐share, D 野食都好好味, 好新鮮, 最緊要係佢D野唔油, 幾好幾好! 個餐跟埋個老火湯, 唔記得左好似叫牛蒡唔知咩豆湯, anyway 飲果時真係覺得同出面餐廳有分別, 飲得出係比較濃, 好真材實料! 我同同事都覺得正, 差不多食完, 侍應送上糖水, 原來呢個係送既, 又幾好wo, 一D都唔甜。埋單都係四十幾蚊一個人, 咁又唔貴啊 ! 家陣d快餐都要三十幾, 仲要加錢先有味精湯或其他飲品, 又無糖水送, 呢個餐都真係唔錯，搵日真係要同d friend 再黎試下佢個晚飯先 !!

話說星期四上晝由大陸番落嚟，咪響尖東附近搵個老友食飯。以前同佢嚟食過住家菜，見個湯冇加味精，再食過。今次叫咗京都肉排，老友叫雞(好似係貴妃雞)。隻雞都OK，不過個京都肉排真係出事喇雖然京都肉排個醬係好濃味 (仲要過濃)，不過都蓋唔過塊肉排嘅臭味。唔知係佢啲豬嘅「so」臭味定係天氣炎熱導致有少少腐臭味。P.S. 我上次嚟食都係$3X (唔記得實數)，依家加到$40。唔該加咗價就唔好降低食物質素得太離譜啦!

由一間店舖食到現在有三間店舖，實力仍在。 賣點無味精，少油少鹽少糖，好配合大時代嘅趨勢!是日例湯係合掌瓜煲豬骨，無味精，足料又清甜，大大煲都係$45蚊，平靚正!雜果咕嚕肉 – 雜果用車喱茄、火龍果、珍珠提同菠蘿，絕不馬夫。 豬肉嫩口唔肥，炸得適中，汁液酸甜適宜，好香口!蟹肉桂花炒素翅 – 配搭出奇咁甲，炒得幾少油，份量足夠，要讚!勝瓜雲耳炒肉片 – 普通，無特別!琵琶豆腐 – 豆腐加料炸得相當脆，有蝦米，食時有咬口，好受歡嘅菜餚，好快售罄。黑糯米酒雞 – 酒香非常，雞鮮肉嫩，略嚴油膩!黃金蝦 – 蝦炸得好香口，殼仍軟軟，肉質鮮嫩，蛋黃份量同火喉控制適中，好好味道，會再去食品!家常便飯好去處，價錢同份量好合理，仲要味道好，係我飯堂之一。 記住要訂位，基本上唔可以坐得耐，食完已經請離席，要傾計就要去另一地方。 伙計快快送上中式糖水就要走，但日日都坐無虛席，叻叻囉!

近日很想吃琵琶豆腐，才發現很多茶餐廳已經沒有這個菜，好友提起住家菜有，便決定到住家菜一趟~訂了19:30，到達時店內大約有8成的食客吧，比我想像中要少呢，或者現今香港的下班時間延遲了，弄得大家的晚餐時間也延遲吧！看了像點菜紙，首選當然是這裡著名的無味精健康老火湯，我們只點了一碗，2個人很足夠了。再點了今趙的主角脆香琵琶豆腐、西蘭花炒班片及西汁牛柳。無味精老火湯：是晚的老火湯是老黃瓜，入口很有住家的感覺，很溫暖，老黃瓜也很香，湯面沒有多餘的油，最重要是沒味精及夠熱，由於我個人實在很喜歡飲湯，這個推介喔！脆香琵琶豆腐：賣相很吸引，豆腐炸的夠乾身，淋上汁減低了熱氣感~ 豆腐咬下去內裡有冬菇粒、素翅等材料，這兩種材料令豆腐吃起來有點咬口，蠻有心思的。個人比較喜歡吃乾身，外層炸得脆脆的，下次還是叫走汁~ 西蘭花炒班片：一向很怕魚腥的我，對這碟菜毫不抗拒之餘還帶點欣賞。班片入口肉質很實，卻不失滑口的感覺，一般街上吃的都是偏散的班片，可是這裡處理得很好，西蘭花亦炒得剛好，這道菜實在有驚喜呢！西汁牛柳：賣相還可以吧，味道有點像中式牛柳，但加了微微的辛辣味道；牛柳的處理不錯，起碼沒有梳打粉的味道，亦吃得

一家三人，一早訂位到住家菜食晚飯順便興祝埋父親節。Hahaaa，好奇怪原來訂晚飯要2:30pm過後先得，12:00pm打去係唔得的，乜咁死板架！我們一共點了四菜一湯 住家老火湯真材實料正宗老火湯，感覺到無落味精，好飲。平均三人可飲3、4碗 。阿嫲雞 (例牌) 其實類似盬焗雞嘅做法，咸味適中，肉質唔鞋好滑，有肉汁好味呀！放雞隻碟仲好別緻呢！鎮江小排骨個人最欣賞係這味，送飯就最好不過，調味做得不錯，汁的份量和味道恰到好處。排骨好入味，酸酸甜甜細細粒咁。茄汁大蝦賣相唔錯，火候也控制得好，蝦幾爽又大隻，碟上有8、9隻到，汁料配搭非常討好，唯獨入味程度可以改善 。粟米班塊味道鮮味，斑塊好淋，肉質較厚口感一流，可見選料優質，算喜出望外。粟米汁不過不失而偏淡了。用餐完畢後仲有西米糖水送，唔太甜，okay！這兒份量最適合5-6人，唔多唔少，樣樣試下。 價錢合理呀，坐得舒服，更棒的是用某bank VISA卡仲平左約$50添，正呀！唯獨服務就普通，Waiters傾計多，甚少主動添茶呢！

訂了座位, 不過還是要等一會才能入座...看看菜單, 選擇眾多, 同一個菜有多種煮法。下單上菜也很有效率,不消一會服務員便把餸菜、白飯全都送到了...雞(忘了名字,但有相)挺入味的,但雞本來已經太瘦,肉不多,可惜可惜... 奶油津白,很香濃的奶油味,但吃不出金華火腿的味道。斑塊炒時蔬,好味好味。南瓜排骨盅,裡面也有不少排骨呢,而南瓜整個已經去皮,可以整個吃啊! 黃金蝦,極好吃! 有哪個在家會煮出這麼豪華的菜式啊? 我們還點了個粉葛湯,也是很有味道的!最後有糖水送,是蕃薯糖水,遺憾是個超甜的薑汁水。

五一假期阿婆阿嬤同埋老豆媽咪來呢度探我，諗住一定要揾幾間好食又方便遊玩嘅餐廳。記起上次組聚打算喺尖沙咀食好彩，但喺因為乜位，臨時改在住家菜，組爸話好彩風景靚，味道好，我不嫐都覺得嗰次沒食好可惜。本來諗住借今次的機會一償心願，點知在openrice上看見好彩罵聲一片，住家菜的照片卻誘人到極，於是再一次改為在住家菜食。參照其他食家的意見，提前兩天book咗位同埋叫咗阿嬤雞，南瓜排骨盅。到餐廳後叫了飽汁雞粒竹筒飯，雜果咕嚕肉，腐竹蝦干菜心，老火湯。菜上得好快，我仲未盛完1碗湯，幾個菜便紛紛上桌。不過南瓜排骨盅就頗用了些時間，可能因為蒸南瓜不是件能速成的事，不過我反而覺得放心，至少餐廳唔喺敷衍顧客。腐竹蝦干菜心呢道菜其實我沒覺得有嘛嘢特別，但喺我媽咪就話好清爽，不過菜心的確很新鮮，配料也頗具匠心。南瓜排骨盅真喺話名不虛傳，內壁的南瓜已經呈半熔狀態，使排骨有說不出的甜香，而且味道層層遞進，滲入肺腑，滲入了肉味的南瓜滋味真是絕美。真是遺憾上的有些晚，腹中空間有限，不然如果用中間的湯汁拌白米飯一定是人間至味。材料讓人覺得健康又滋補，賣相也是一流。唯一美中不足的是南瓜蒸的不夠爛，可能是考慮到它還要充作

今次係小妹第二次黎呢一間餐廳食飯地點有點吊腳 不過夠靜 一大班人傾偈偈得耐都唔怕俾人趕訂左半隻出名的阿嫲雞非常惹味然後仲訂左個排骨南瓜盅南瓜好"林'好甜好入味 排骨都好好味 送飯一流竹筒飯好香好好味 值得推介另外仲食左蜜糖蒜香骨 鴛鴦炒飯 豆豉鯪魚油麥菜 炒雜菇仲送糖水 紅豆沙 唔太甜arm arm 好雖然碟碟都細細碟不過7個人埋單每人都係$80!!又好食又抵食 一定要讚!!!

又係一餐老朋友聚聚舊、慶生日嘅飯局，當中多數都係講健康之人，再者，又要地點方便就腳，度咗幾個地方，最後選上住家菜，除咗以前自己都試過，覺我唔錯外，都係基於食評偏向好評多，穩穩陣陣咁，希望一眾老友食得開心又啱合味！免得到時等位，預早一星期前訂位，兼訂定阿麻雞同南瓜排骨盅，因為都算係招牌菜，較搶手，訂定穩陣。仲有，訂位時問個侍應，因有朋友生日，有無壽包供應，有嘅話諗住留半打賀賀壽星仔女，佢哋飯後送糖水我都知架啦，點知佢話可以安排埋壽包，仲要係免費添，真係無諗過咁窩心！閒日7:30pm去到，竟然坐滿，都要等10min添，我哋一共6個人，留咗阿麻雞同南瓜排骨盅，再叫多一個住家老火湯、兩個餸同一個竹筒飯，加埋糖水、壽包，應該差唔多夠皮！住家老火湯 $45原瓦煲上，一煲夠分7、8碗，今晚係木瓜雪耳煲豬骨，雖然無話湯渣另上，但晌煲內都撈到唔少雪耳、豬骨，足料證明；大部份城市人都唔多湯水，雖然感覺唔及屋企煲嘅咁濃湯味，但依個都算係住家靚湯嘅替代品，至少飲落無味精，唔渴喉。阿嫲雞 $95（半隻）聞說係老闆嘅嫲嫲做沙薑雞嘅私房做法，步驟幾繁複，點做就唔知，唯一知佢係好似以飯煲焗成，所以做法比較健康，而且，