但馬屋 (新都會廣場)

營業中

休息中

今次我來係食打邊爐放題, 晚餐等候時間120mins, 因為係星期五晚上七點鐘. 大約九點鐘才入.食物 肉類都很多選擇, 環境好舒適 冷氣空間亦做得很好. 飲品選擇都算好多, 湯底比較特別. 而且我最喜歡就是一人一鍋, 很方便, ""唔熟有擺返落去就可以""哈哈.平均消費220蚊, 今次因為我哋選擇咗澳洲產長期殼飼牛, 牛好食,並不是"燈照"那麼薄, 牛肉唔係肥, 是紅色多過白色!!!自助櫃檯的蔬菜選擇亦算很新鮮 而且種類都比其他連鎖店特別, 見到師傅現場即時切牛肉豬肉,可以睇到非常之新鮮!!!

我同老婆較早時間係觀塘食過但馬屋，發覺食物質素好，款式多，所以今次經過葵芳，想再試一次，就中晒伏了。今次食一個定量肉粗類餐，$79蚊 一碟肉。第一，牛肉同豬肉真係薄到紙咁，夾起上嚟係可以透光，我相信成碟牛肉，一共6塊左右，總重量都不過10g. 肉量份量少得驚人。另外，服務質素有待改善。我由15:55進場坐下，理應是吃60分鐘，但16:10 有位職員向我們說，已經吃到超時，有無搞錯，前後15分鐘就話要走？咁佢拎左張單嚟，話我係由15:00進場，咁我堅決否認，再拎埋我同老婆入場張合照上嘅時間作証明，成件事情周旋左好耐先可以解決。令我最不快嘅係個位職員強烈要求我埋左張單先去處理我係咪3點鐘進場，同埋期間有成6-7個職員圍住我咁去講我由3點食到4點要趕我走咁。最後，由個較話得事嘅職員去check 全場人單，先發現到有人入錯單，（我食千夜鍋同美肌鍋）而我上一手未埋單就走左（上一手係食兩個千夜鍋）。成件事完左後，一句對唔住同唔好意思都無。服務態度冷淡，真係好無禮貌。唔明點解同觀塘差咁遠。

幫襯但馬屋都好多次！以食平價日式shabu shabu嚟講簡直無得輸呀！我每次都係食黑毛和牛嘅！肉質唔差！服務唔錯吖！好過係屋企打邊爐！至於其他嘅食品:菜、丸類都唔差！飲品類嘅選擇都算喺咁架喇！

突然心血來潮想去打個邊爐，即興就去左葵芳睇下有咩好選擇。行行下就喺新都會見到呢間但馬屋。望落去舖頭都乾淨企理，環境都幾舒服，一於就試一試呢間野得唔得。雖然都算早食飯，但係都要輪左一陣先有位，不過都唔算等左好耐。但馬屋主打日式任食火鍋，實行一人一個鍋，每個鍋都可以叫一款牛肉或者豬肉既，亦有多款湯底任君選擇。我地今晚主要都係叫左北海道夢之大地豚肉呢個set，而湯底就叫左三款湯底，分別有美肌鍋、意式蕃茄芝士鍋同埋甘露鍋。湯底好快上枱，我最期待係美肌鍋，睇落去唔油膩，口感幼滑，應該係雞湯底，再放中藥藥材，就咁飲都覺得好味。再黎講下蕃茄芝士鍋，蕃茄味唔算好濃，但係滾滾下湯底好越來越濃，配合肉類食材，最後個湯底好似羅宋湯咁。甘露鍋最貼近日式火鍋，因為味道最清甜，完全帶出食物本身既味道。到大地豚肉出場，北海道豚肉果然肉質鮮甜，肉味都好濃郁。值得講下既係，不斷見到店員將肉類即刨即上枱，絕對唔係一早刨定。而且，啲肉去得快，先保持到食物新鮮，好味之餘，食都食得放心。其餘任飲任食既飲品同食物都有一定水準，而且仲有任食既哈根大師！

今天放假和太太拍拖到新都會廣場逛逛。經過間餐廳，散發出好誘人嘅牛肉未決定去嚐一嚐。較西化的日系風格，色彩鮮明得來帶點原始，很喜歡木材的器具。除了肉類要經侍應下單外，其他食材是自助形式，吃多少拿多少，款式繁多之餘又不浪費。除了一般坊間的罐裝飲料，也供應一些果汁，喜歡不會太甜。極富肉味的豚肉油脂均勻的黑毛和牛，入口即溶，急急追加了三碟新鮮嫩滑的粟米芯和羽衣甘藍令人驚喜，普遍來說任食火鍋主打是肉類，想不到蔬菜也如此高質素，平日不太茹素的我也吃了一些。一人一鍋（千夜湯底）加自選調味料任食 Haagen Dazs 四款雪糕，香軟滑溜，encore 了兩遍，性價比十足，交通便利，值得推介！

一起身，都沒有特別吃早餐，然之後就出發來到葵芳這間但馬屋，其實上次已經在觀塘但馬屋吃過，就是覺得質素不錯，這次再來午市自助餐。午市，由於不想太趕，因此選擇了90分鐘澳洲穀飼牛肉任食，這次選了壽起鍋。澳洲穀飼牛肉，當然沒有上次的和牛那麼高級，但是味道也相當不錯，如果沒有煮得過熟的話，牛肉也充滿牛味，而且薄薄的，入口溶化。相對來說，其實豚肉亦都不錯，亦都是薄薄的，有少許脂肪在內，豚肉都充滿肉香，不算太瘦，亦都一點兒也不乾。外邊的配料，有一種芝士丸，味道普通，另外其他丸類都不覺得特別出色；友人就發現一樣東西缺少了，感覺非常不自然🤔，但是，我有沒有察覺，原來是葵芳分店沒有粟米！真是搞笑，為何火鍋一定要吃粟米呢？萵筍味道清淡，但是厚切就比有口感，爽甜，甜味其實很大機會就是壽起燒的湯底提供的，甜甜的湯底，越吃越甜。拉麵亦都相當不錯，即使煮得久，亦都不會非常軟林，保留少許彈力，味道非常好。飲品可以見到最新的白色可樂，但是其實味道極差；還是點最原始的可樂，或是喝杯雜果賓治都不錯。其他就有哈根大師的雪糕，最尾都沒有朱古力味，吃其他也可以。臨尾再加的牛肉，賣相立即差得多葵芳分店，店內不少上班一族，人流眾多

※本文以用餐當日的環境、服務和食物質素為準，口味亦因人而異，文章只作參考之用。/開業無耐既日式Shabu Shabu 但馬屋，據說係日本人氣過江龍，夜晚經過成日都見唔少人排晒隊。一人一鍋制，每人都可以揀自己喜愛的湯底。限時90分鐘任飲任食，牛肉即叫即刨，出面仲有各款自助配料，仲有haagen dazs雪糕任食！小妹一星期食左兩次，第二次食左$179個隻牛，味道都唔錯!牛肉價錢由$179-$329不等，有六種價位可選擇；湯底有五款，分別為千夜鍋、藥膳麻辣鍋、甘露鍋、美肌鍋和意式蕃茄芝士鍋。餐廳環境都算大，用左不少綠色植物佈置，配搭木枱木椅，環境比較似Cafe多過火鍋店，也頗舒適。配料要自己出去夾，選擇唔算多但都足夠！最重要有至愛既芝士魚腐同響鈴！（如果可以每款配料都加返名牌會比較好，因為有時真係唔知個樣配料係咩黎）自助醬料區自助飲品櫃，仲有一大樽既橙汁蘋果竹庶汁等供應；仲有任食既haagen dazs雪糕，但佢唔係一杯杯，係自己‘不’個種，總共有四款口味我倆叫左以鰹魚精華所熬出既「千夜鍋」同埋「麻辣藥膳鍋」，加湯會加返原本隻湯底，唔怕沖淡，感覺良好。 不過整體都係麻辣湯底味較突出，食落比

成日都去新都會廣場，見到開左間但馬屋，我地其實都幾鍾意食放題牛肉打邊爐，呢間勝在新開，裝潢新，乾淨，食物唔錯，價錢都幾公道，所以都值得一試嘅！呢個係晚餐menu, 湯底都有好多款揀，我地揀左有辣有唔辣，其實d湯底邊款都好，都幾夠味嘅，而且佢地加湯嘅時候，D湯都係濃郁，唔會hea你比淡嘅水，所以食到後期湯頭都保持到原味。揀左250蚊個餐，有牛有豬，D肉都幾好食，肥瘦適中，同埋唔會好似紙咁薄。加上佢地加肉都快，好慷慨。至於配菜都有好多款選擇，飲品有罐裝及涼茶類，最驚喜係佢地有公仔麵，因為D.湯底食到最後，落個公仔麵其實好夾架，所以呢間但馬屋喺涮牛肉放題界中，個人覺得都可以再encore!

每次去襯日本，例排都會去食但馬屋！但係依家唔洗等去日本...都可以係香港食到𡃤！超開心😋呢回第一次到訪葵芳新都會廣場新開冇耐嗰一間，揀咗個90分鐘$199澳洲榖飼牛放題，仲可以每人一鍋！鍋底我哋分別order咗個藥膳麻辣鍋(好有麻辣味)同意式蕃茄芝士鍋(蕃茄味濃)。湯夠味；啲肉完全可以唔使加豉油等其他調味料。不過最估唔到嘅竟然個豚肉好食過牛...而且入口即溶👍👍👍另外，佢個魚柳超新鮮...冇骨大大舊又啖啖肉！仲有佢啲雞係用雞肶肉！一啲都唔求其！飲品方面，除咗有罐裝飲品，仲有甘蔗水，雜果賓治同果汁。甜品有HaganDazs 雪糕！PS: 1) 按唔同食客需求，餐廳係Lunch/下午時段分別有60/90分鐘唔同嘅收費套餐，或set-lunch。2) 手機app (Tge Gulu) 有得book檯, 超方便！

係樓下睇完悍戰太平洋2!!係時候搵野食...兜左新都會一圈~見好似呢一年都無打過邊爐...咁岩又新開但馬屋...咁岩湯底又咁吸引....一於試下啦~~真係唔好彩~諗住5點幾食晚餐唔洗同人逼~點知已經FULL左~由於佢5點開始晚市~即係最快要6點半先有位........................有人好餓又好想打邊爐...所以唔轉目標啦~@@一心一意等到6點半~果然可以入場了!淡口味既我叫左個美肌鍋~重口味的她叫了意式蕃茄芝士鍋~呢個係$199殼飼牛既餐~原來係用盤既形狀黎分牛肉種類~食到最尾先知囉-_-就係因為想食穀飼牛所以比貴$20~ 唔食嚴選牛肉~老實說都唔知上面係咩肉=_=因為最尾我地問佢有無拎錯肉比我地...佢答: 我地用盤黎分架!唔會錯~所以最肯定呢盤係穀飼牛!!!美肌湯好似水咁...有2-3件雞碎...減開肥既我覺得...用水打邊爐幾合我風格~唔錯的~無咁肥~意式蕃茄芝士湯就好似純蕃茄湯咁~甜甜的~自助吧係拎野飲同菜~雪糕~野飲有橙汁蔗汁~茶~菜有羽衣甘藍*V*幾特別~全部都好新鮮~雪糕有4款~哈根大師的~@@總結:環境都算乾淨~唔知開耐左會唔會好油~大量卡位~但拎菜位

自從葵芳新都會廣場 大變天之後, 都冇去過,  人流越嚟越多, 多咗好多特別嘅商店, 逛逛真的不錯, 差不多六點鐘, 經過但馬屋, 發現原來已經有人等位, 羊群心態之下, 我都等埋一份啦, 今次羊群係冇錯嘅! 佢嘅日式shabu shabu, 個湯底我點咗嫲辣, 辣得好到位! 夏天食辣野, 又唔會出汗, 因為冷氣又夠,  舌尖上感受到佢嘅麻辣, 配埋佢新鮮嘅鹿兒島豚肉, 切得非常之薄身, 浸一陣就食得! 越切得薄身, 吸收湯汁就著愈多, 真係非常之滋味,  麻, 辣, 並於一身,出面仲有任食嘅 配料, 例如魚柳, 菜,丸物,  多款式選擇另外佢就有任食haagen dazs, 食咗咁多火鍋配料之後, 食番一杯haagen dazs簡直係 爽

日式自助放題火鍋吸引之處在於地方乾淨企理、座位舒適、食物尤其肉類因其來源地而質素有保證，所以我和其他正在耐心排隊等位的食客一樣，對但馬屋的表現特別期待。今次一行4人食左北海道夢之大地豚放題套餐$248/人，限時90分鐘。除了大地豚肉同精選牛肉任食之外，仲有大量蔬菜、丸，甚至有雞肉同魚柳選擇，超過三十種款式配料任君選擇。湯底的命名還真有趣，我們點了美肌湯鍋，意式芝士蕃茄鍋和甘露鍋。看賣相似乎美肌的雞湯鍋最足料，芝士蕃茄鍋只有淡淡的蕃茄味道，沒有芝士的蹤跡。至於甘露鍋則是醬油色的輕咸味。自助夾選的食物存放在凍櫃內，看圖片的凍櫃口噴出的陣陣煙霧便知有多冷，更能為食物保鮮。即炸的響玲因無需冷藏，貼心用木盤地置於櫃上的小長枱，放便客人自取。薄切特選牛肉偏瘦，一燙便熟透了，配蕃茄湯底最美味。如喜愛上等雪花牛肉，也有黑毛和牛套餐$329等著你，豐儉由人。最欣賞這裡不論蔬菜還是肉食都有多樣選擇，即使同桌朋友嗜葷還是素都能滿足各人要求，一人一煲更不用怕自己不吃的食物和別人的撈在一起，完全是自給自足的最佳享受。最後當然不少的壓軸的Haagen Daz雪糕，我的天啊，甚至有四款味道揀！我當然選最愛的咖啡味，

啱啱轉左公司,搬咗去 葵芳返工,  朋友即興話不如去  葵芳食飯啦,順便 行街,無理由一場來到 掃街架嘛,上網 見到呢間但馬屋, 其實之前係apm都有食過,今次就試下 葵芳分店啦! 去到餐廳已經見到好多人 排隊 等位，好彩都唔算等咗好耐 ，就入得有得食啦！入到去入面,多數都係卡位,2人嘅話,就會坐4人位,中間有塊板隔住,所以都幾好,2個可以靜靜地傾下計,唔會好似搭枱咁, 成間店光猛，又坐得舒服,未食都已經加分, 佢係一人一鍋嘅火鍋任食放題 ，放題時間有90分鐘，一入去就爭取時間, 揀咗湯底同套餐先,  湯底有 千夜鍋 , 美肌鍋 ， 藥膳麻辣鍋， 甘露鍋 ，意式蕃茄芝士鍋  ， 最後選左 意式蕃茄芝士鍋, 貪佢酸酸地,應該幾開胃,   朋友食千夜鍋,  即係 日式清湯, 佢話 清清地又唔會搶啲食材味喎,  套餐 價錢由$179到$379, 我地就揀咗$299 套 餐, 日本產和牛及黑豚放題套餐, 肉類就係落單嘅, 其餘 都係自助形式去攞嘅！和牛用木盆載住， 肉味香濃，色澤靚 ， 脂肪比例分佈平均， 油花分佈均勻 ， 淥一淥就食得，好食！ 除左可以任叫和牛豚肉，仲可以出去自助拎其他食物，

今日同朋友去葵芳行街，掃街掃到厭厭地，見到呢間但馬屋好多人排隊，睇到個menu又唔係好貴，就心思思拎左飛仔排隊等食啦，好彩都唔算等咗好耐，就有得食啦！佢係類似xx家 一人一鍋 火鍋 ，其他肉類 配料 任食， 放題時間有90分鐘。，一入到去就有得選湯底同套餐，湯底有 美肌鍋 ，千夜鍋， 麻辣藥膳鍋， 甘露鍋 ，蕃茄芝士鍋等等，都幾心大心細架！最後選左 美肌鍋 ，一聽到有豐富骨膠原，都唔駛諗其他喇！原来係雞湯，入面有 杞子 ,   雞肉，清清地啱晒我。朋友選咗 千夜鍋，原來係 以鏗魚淆製而成嘅 日式清湯， 清清地又唔會搶晒啲食材嘅味，到 肉類 方面， 佢可以選不同檔次的牛肉， 價錢由$179至$329，由 嚴選牛肉到日本特選黑毛和牛都有，豐儉由人，當然，價錢就根據你選擇唔同等級嘅牛肉，今次我們選了$299日本產和牛及黑豚放題套餐，肉類係ORDER，其餘配料都係自助形式去攞，咁就唔怕擺到一檯都係啦.自助 食物方面，真係有surprise!! 本身以為都係普通火鍋，來來去去都係嗰啲，點知都幾多野食，連  羽衣甘藍， 秋葵同蟲草花都有， 全部都好新鮮， 佢地又會不停refill， 丸類都好岀色，

之前去大阪有幫襯過，抵食又好味，居然在香港開設海外分店，當然要捧下場啦! 是晚與兩位友人一起晚餐，到了葵芳這家新開的但馬屋，當天時間約7點，但裡面經已人頭湧湧了，門外亦有很多人等位，證明過江龍都深受香港人歡迎喔! 門外約等了10分鐘，才可安排入座，外面設有多款火鍋配料，供應周全。 有肉類、丸類、麵類、飲品櫃及調味吧 我點的是HK$249中價餐，有6款湯底供自選，我與老公選了美肌湯底及蕃茄濃底。HK$249的套餐有豚肉/肥牛，都是任食呀! 我覺得牛肉較豚肉好吃，豚肉不太有味道，其實來到一大碟份量都挺多的，不過我們前後都END CALL了兩轉。 個人覺得蕃茄鍋較美肌鍋入味，濃味些更香，美肌鍋來的時候本身已有雞件在內，感覺有些腥味。 濃濃的蕃茄鍋烚肥牛真的不錯呀! 入座至吃完給我個半小時左右，但其實任飲任食1小時已經很飽很足夠了。