但馬屋 (新都會廣場)

營業中

休息中

今日放工去咗葵芳行街，瘋狂購物之後梗係要瘋狂咁食，補充下體力呀嘛～經過但馬屋，見到唔係好多人等位，估計半個鐘內應該可以入坐，於是就攞飛，等食大餐！啱啱第一輪啲食客食完，等左冇耐就有位等位期間，已經決定要$289一位嗰個黑毛和牛放題。湯底就要麻辣同埋甘露窩。坐低都冇5分鐘，湯底同埋第一round牛肉同豬肉已經出現咗！得90分鐘，要把握時間！牛肉切得好薄，淥一陣就食得！成碟牛肉都好靚仔，脂肪嘅紋理好靚牛肉口感好軟滑，肉味都好濃郁！兩個湯底都好夠味，唔點調味料食都好好食唔好以為佢第一碟先靚仔，係由頭到尾個水準都keep到！呢兩碟已經係第二次加單嘅牛肉，質素依然好高！除咗牛肉同豬肉，配料選擇都多。另外仲有一個蔬菜櫃，放左啲菜同埋菇。溫室菜苗好好食，又係淥兩淥就食得；萵筍真係好少係放題食到，我估我哋食咗十幾件！仲有啲魚蛋都幾好食，非常爽口彈牙不過響鈴就一般，唔係好脆。飲品自己倒，除咗呢啲凍飲，仲可以自己沖熱茶同埋飲雪櫃嘅罐裝/枝裝飲品。我哋主要飲蘋果汁，一人飲咗兩杯食到飽飽之後，都要排隊拎雪糕。如果啲雪糕係杯裝，就更加方便！Overall 呢間shabu shabu值得encore，價錢雖然唔係

最鍾意就係打邊爐！今日約fd 打一人一鍋，自選湯底no problem~因為我地兩個都係豬控，所以簡左北海道夢之大地豬放題我簡千夜鍋，佢簡蕃茄芝士湯千夜湯清清地，但好甜，咩餸都好夾，朋友果個聞到一陣陣芝士味，應該都唔錯一開始就上左兩碟豬同一碟牛，好明顯個北海道豬係完勝左..呢間菜既選擇非常多！除左羽衣甘藍，另一便仲有埋秋葵，岩晒我地呢d 又鍾意食，又重視健康既人調味醬都有好多隻！好鍾意個大阪燒汁，甜甜地同豬肉好夾夢之豬close up因為好薄，見住即場機切，放入湯look 一look 就食得，同平時食肥牛差唔多時間而佢脂肪味香得之餘又肉質彈牙，係非常優勢既肉 我最後一個人啪左差唔多三盤見唔見個金屬machine?就係靠佢即切肉仲有哈根大師任食，我到last 15min 先醒起，食唔到好多，提大家要預時間今晚有朱古力，士多啤梨，拖肥，同埋夏威夷果仁四隻味，唔知係咪晚晚一樣呢

很喜歡葵芳但馬屋的飲食格局！一人一鍋的放題形式，湯底有多個選擇，包括千野鍋、甘露鍋、藥膳麻辣鍋、美肌窩、意式番茄芝士鍋。特別推介是各種牛肉，有日本產特選黑毛和牛肉、日本產黑毛牛肉、嚴選牛肉，還有豚梅肉、豚腩肉，肉味鮮甜多汁，配上自己的湯底喜好，可説是沒有飽膩的感覺。除了以上肉類，還可自行在食物BAR枱中隨意挑選不同的火鍋食品，種類雖然不多，唯勝在食材新鮮，尚能滿足大家口腹之慾。火鍋過後，當然不少得任食的Haagen-Dazs雪糕，有五種口味選擇，美味！

之前食過佢嘅其他分店嘅午餐，覺得佢嘅配料同埋牛肉都好出色，今次黎開葵芳睇戲，知道呢度有間分店，就決定去試吓佢嘅晚市我哋大概七點鐘嚟到，發現排隊嘅人超級多，但係店員好好，同我地講定可以最快安排到座位嘅時間係幾點，等我哋可以行住街等你唔使企喺度我哋一行三人被安排坐係一個卡位，可能由於新開嘅關係，所有裝修同埋餐具都好乾淨，特別喜歡呢間餐廳係一人一鍋，野食好快煮熟同埋好滾，所以基本上雖然得90分鐘，但都一定夠時間食我哋今次試佢平少少嗰隻牛套餐，發現質素都好唔錯，油脂分布都好平均，而且都好有牛味，我哋三個人食三款唔同嘅湯底，我個人最鍾意係美肌鍋，材料夠豐富另外佢個豬肉都好出色，好香好淋，平時食呢啲放題我好少再叫豬肉去食，但係呢度嘅豬肉係可以令到我最後食咗三碟蔬菜配料選擇好多而且都好新鮮醬料都好齊全，而且醬汁係倒出嚟，比起成碗擺喺度你自己裝更加衛生最後驚喜佢係有Häagen-Dazs嘅雪糕，有四款出邊比較少機會食到嘅味道，正

但馬屋今日同朋友去葵芳打邊爐，去咗但馬屋。日式嘅邊爐，乾淨清潔，最啱我哋鍾意食肉嘅朋友。我餐廳嘅座位雖然都唔算太寬敞，不過好欣賞四人座位中間有塊木板，分隔了兩張二人枱，食客就唔會感到尷尬，亦都唔怕啲湯汁彈到去隔離。湯底有幾個選擇，有千野鍋、甘露鍋、藥膳麻辣鍋、美肌鍋、意式番茄芝士鍋。每一個鍋都各有特色。千野鍋 :以鰹魚精華經長時間烹調而成的日式清湯甘露鍋：甜豉油的甜味，配料有日本特選黑毛和牛藥膳麻辣鍋：加入六種藥材，有助帶走體內寒氣，促進代謝。美肌鍋：含豐富骨膠原，滋補美容意式番茄芝士鍋：番茄的香甜配上濃郁芝士，配料有澳洲穀飼、洋蔥、蕃茄、椰菜和香腸晚膳放題套餐，六個選擇：日本特選黑無毛牛放題＄329日本產和牛及黑豚放題套餐$299日本黑無毛牛放題＄289北海道大地豚放題＄248牛肉放題＄179每種放題嘅肉類都差不多，不過＄329 ,可以點選嘅牛肉種類比較多，有五種肉類可以點選，可日本產特選黑毛和牛肉、日本產黑毛牛肉、嚴選牛肉、豚梅肉、豚腩肉。最後我哋一致揀咗日本產和牛及黑豚放題套餐$299日本產和牛黑豚。嚴選牛肉、日本產黑豚肉係無限添加，真係好啱鍾意食肉嘅朋友。個人最鍾意就係日本和牛

勁耐冇去葵芳 好想掃街Shopping但今次係黎試但馬屋架😍一人一火鍋好正下架🤤我地要左嚴選牛肉放題套餐 ($179)湯底我揀左美肌鍋 清淡得黎可以養顏配料方面都好多選擇 連我最愛嘅貢丸都有至於飲品係任飲架 仲有哈根達斯食添啊👅P.S 不過途中發生左啲唔開心事件有人唔小心倒左啲鼓油埋黎啲職員即刻拎成堆濕紙巾黎幫我👍🏻________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

某次經過這裡到附近餐廳跟中同飯敘，很多食肆還有胃納招呼街客的時候，這間的街客已經需要取籌等運到，引發了我要試試它的念頭。這裡是做日式特式火鍋生意，提供了幾種很特別的湯底，我們點了比較大路的藥膳麻辣湯及意式蕃茄芝士湯。湯底以外就是不同價位的重點選擇。90分鐘任點任食來說價位尚算合理。值得欣賞的地方就是每人一爐一鍋，這樣便可因應自己的情況可以多了很多不同的安排！食物站的食物多元化及安排井井有條，令人安心。這有賴服務人員不時補充食材及管理，讚！少見的食物如羽衣甘藍也有提供。飲料的選擇也不少高價的雪糕也可任添任食，店主是做善事來的嗎？湯底味道要清的清丶要濃的濃，味道調較得不錯，加上高水平的食材，不消一刻便做出很引人的食物！腐皮及海帶還可看到打結的模樣。結賬時才驚覺先前DIY的醬料原封不動放在桌上，只因湯底實在很美味！這間是不單只重視食品質素丶還花心思在安排上的食店，難怪遲來的要在門外等候良久了。

近排見到好多朋友都食呢間火鍋放題我同老公當然都唔執輸要去食番餐啦!! 今日又係星期日食個開心飯為聽日既BLUE MONDAY 打打氣. 我地可能BOOK 得好早7:00就開始食所以人唔算多, 一去到就已經有枱. 入去前就要選好邊隻牛肉, 有 $189, $199, $289, $399 同埋$429俾我地選擇. 我地就會係最保險選擇左中間 $289既和牛同黑豚套餐. 湯底選擇都好正嫁, 係一人一鍋!! 所以可以好貪心咁同老公一人一個口味. 我就選擇左美人鍋 (雞湯) 老公就叫左一個麻辣鍋. 醬料都有齊俾客人任用仲要冇另加收費! 我地見到一個好特別既汁~就係燒汁! 攞左番去襯和牛真係好夾! 好滋味!一入到去我當然就要出去睇下有咩食啦. 嘩食物種類都好多呀! 仲要樣樣都好整齊乾淨! 所有食客都好斯文, 最正既係任食既地方都有雞同魚可以任食,樣樣都好新鮮...  真係好正呀!攞完野食埋位就已經見到我地既湯底同埋和牛啦!!! 嘩... 真係冇諗過D 牛肉會係咁靚嫁!! 一片片雪花紋遍佈得好平均! 真係好靚呀! 仲有一碟黑毛豬都一樣. 同平時食牛X 牛X 個D既質素真係差好遠但係價錢都係差不多!

但馬屋早前知道葵芳開了一田超市，這天決定去葵芳逛逛，發覺新都會裝修後變了很多，商店也變得不同，閒逛時見到一個間但馬屋滿多人排隊，心想一人一鍋已很久，今天就選定你填飽我的肚子。有大量材料供大家選擇，醬料也是自取的。有不同款式套餐供大家選擇，今天選了黑毛和牛放題。雖然是一人一鍋，但湯頭點了不同味道，有甘露鍋、美肌鍋、藥膳麻辣鍋，個人覺得甘露最好味，帶一點甜，藥膳麻辣如可再辣一點更佳。*黑毛和牛油脂分佈均勻，肉味濃，最好的是可以任食，吃到停不了口。叫了不同的食材，粟米入口爽甜，萵筍十分清甜。

今日同媽媽家姐一齊dinner，每晚經過都會覺得呢間但馬屋都好多人排隊，所以趁住今日早啲嚟排隊試下係咪真係咁好食！入座前需要預先選擇湯底，我揀咗番茄芝士鍋、媽媽揀咗千夜鍋、家姐就揀咗美肌鍋，不過大家都覺得番茄芝士鍋係最濃味，最好食嘅！呢度嘅食物比一般放題店更多選擇，連好少有嘅秋葵、羽衣甘藍、響鈴等都一應俱全。除咗有汽水雪櫃外，亦都有一渣渣嘅果汁，不過就咁擺晒係度唔係雪住或者浸住冰水就失色咗啲!我地叫左最貴嘅特選黑毛和牛放題套餐，質感比平時食開嘅更有牛味，不過相對上好似比較肥，但係食落好香，有入口即溶嘅感覺。另外都有一碟豬送俾我哋，豬肉反而幾出色，薄薄一片質素都唔錯！呢度有無限量Haagen-Dazs供應，仲有新味選擇添：薰衣草藍莓雪糕同櫻花櫻桃雪糕，一共有4種，不過最後太多人排隊等，我哋冇食到就走咗lu~

平時見到呢間嘢出面排晒隊，今日終於試咗！係安排枱之前，已經揀好湯底，一坐低就有得食啦，唔洗等雖然係放題但一啲都唔馬虎，每碟肉都切得靚一靚，疊得高一高，我地叫左$268 嘅xx肉，肉同脂肪嘅比例好好，完全唔會好似出去食果啲放題咁，淥完之後舊肉縮到唔見左，誠意十足！ 每人都有一煲，我就揀左美肌煲，同行朋友們分別揀左鰹魚醬油同咪蕃茄芝士，個人覺得蕃茄芝士湯底係三個之中最出，最濃味。碗嘅造型都好似個煲咁，好搞笑行到出去攞野食見到好多仙氣飄出黎，原來係配菜區嘅雪櫃保持温度嘅效果。配菜區有好多選擇，包括依排好興嘅superfood羽衣甘藍，我覺得打邊爐食羽衣甘藍係好食架，因為我平時生食羽衣甘藍唔係咁中意佢陣味，但火煱就可以食好多 哈哈 其他菜類，菇類都有架！飲品區: 除左必備嘅汽水飲料之外，仲有一渣渣嘅蘋果汁，橙汁，竹庶汁同埋fruit punch 添呀!!! 配料區都一應俱全:-有好多丸俾大家揀，例如貢丸，豬肉丸，墨魚丸，魚糕，龍蝦丸。。-呢度可以夾雞肉同魚，雞肉有驚喜，好滑！-麵類有公仔麵，伊麵同埋最愛的烏冬-仲有最受女仔歡迎嘅秋葵呀！

但馬屋位於葵芳新都會廣場，早前經過見到好多人等位，放棄了今天見到唔喺太多人，於是試下等左 大約15 分鐘，就已經有位了有多款晚市套餐放題，價格由179-329不等，用餐時間為90 分鐘湯底亦有6 款之多，一人一鍋，自己可以揀選喜愛湯底千夜鍋用左鰹魚精華煮成日式清湯，味道鮮美美肌鍋含骨膠原，遭遇合女士既我黑毛和牛，薄薄一片，油脂分佈平均，賣相唔錯食落牛味香濃，幼嫰多汁，配上柚子醬油，味道更鮮黑豚肉，入口爽脆，冇豬燥味，肉質鮮美魚蛋彈牙，鮮味，唔粉，好好味，忍不住要encore 貢丸，菇味濃郁蔬菜、什菇新鮮多汁食埋Häagen-Dazs™ 雪糕，呢餐十分滿足

食火鍋放題我一向會肉類質素高既店去幫襯，原因係肥柑子一向眼闊肚窄，食慣好野，唔想將浪費時間同肚皮位置係唔好既食物度。今次幫襯但馬屋，因為知道呢間係日本遠道而來既過江龍，食物質素有保證，所以就算要等位，都一於等到有位入座，好好品嚐一流和牛。首先去到店外已經有人排隊，幸好人數不多，而早一輪食客都已經接近埋單時間，所以只係稍等一會已經有位。入到去發覺裝潢新淨，光猛通透，長長既凍櫃放滿不同種類食物，而且仲有Haagen-dazs雪糕櫃，真係想食和牛前先食過雪糕。我同柑太點左個$298既黑毛和牛放題，我就點了個美肌鍋，她就點了千夜鍋。即是雞湯鍋及鰹魚湯。千夜鍋有清香的鰹魚湯，入口帶點昆布的清香，清甜不膩。美肌鍋有雞肉的骨膠原，絕對是美肌首選。第一輪黑毛和牛上檯，發現和牛油脂滿佈，入湯焯一焯後入口即溶，和牛的牛肉味及油脂即時充滿口腔內，味道令人一試難忘。豚梅肉亦非常嫩滑，即使煮得稍耐，肉質仍然鮮嫩多汁，絕不老韌。這裡最大的好處是可以有大量的羽衣甘藍供食客食用，這種近年非常流行的蔬菜已經成為坊間的健康食物的首選，幾乎任何與健康有關的食物都會和它拉上關係。在這裡卻有一大盤一大盤供你拿回去焯熟，對降低食

人人在葵廣掃街，我卻求吃得舒服，行過來新都會廣場，但馬屋和牛加黑豚肉90分鐘放題，$299一位，價位合理，周末排隊人龍不絕，要食趁早！湯底五選一，一人一鍋形式，所以一家四口來到，各自各精彩（笑）我和細妹選了甘露鍋，即是甜豉油壽喜湯底，調味不俗，起碼不會過甜。老公點了意式蕃茄芝士鍋，蕃茄味極都濃郁，加熱後香味四溢，芝士味則不是太感覺到（個人覺得反而更好，不會太飽滯。）肉肉肉肉肉來了～ 但馬屋最有名的就是他們的肉是用日本產和牛，一上桌果然不同凡響，油脂分佈平均，刨成薄薄一片，一涮即熟，即食，有入口即溶效果，牛味也十分濃郁，貨真價實的和牛，幸福感升天！吃日式涮涮鍋，通常只顧著吃牛肉，但馬屋的黑豚肉非常不錯，也是刨得薄薄的，不怕涮太久影響口感。不得不提，但馬屋沒有以tablet下單作招徠，但每次下單，一、兩分鐘就送到，吃得超級爽快，是放題最重要的節奏！（收碟也很勤快，不怕堆得一枱都是碗碗碟碟。）肉以外的食材和飲品是自助型式，蔬菜種類繁多，連比較少見的響鈴山根也有。唯獨沒有豆腐，總覺得甜豉油鍋沒豆腐欠了點甚麼的（苦笑）其他丸類麵食，冷凍櫃馬力強勁，以保食材新鮮。粟米夠甜，秋葵夠新鮮。聽說秋葵水溶

又打風又暴雨，最好就係匿埋係商場，是日到了葵芳hea，之後就揀左食但馬屋，打個邊爐先。六點來到，有自助攞票機，又唔係等好多張咋喎，一陣就有枱，點了$299的日本產和牛及黑豚餐，呢個價錢有日本和牛？係咪真㗎一人一鍋，細細個爐但火力都幾猛，一陣就滾的。飲品有罐裝汽水，茶等，仲有一jar jar放枱上的果汁，但只能一杯杯的斟，不能全jar拎走。醬料自助bar有豉油，辣醬，蔥，芫荽，蒜等，還有麻醬但不是日式芝麻醬，有點失望呢。自己點了千夜鍋，是鰹魚昆布湯，湯底很清，不會蓋過肉味。和牛，色澤不錯呀。黑豚肉亦很靚～牛肉很薄一淕就熟，很嫩，基本上不用點咬了。豬有點口感，較厚身同大塊，都好滑喎。蔬菜自己拎，有羽衣甘藍仲有蓮藕片，秋葵等，正Encore的牛keep到水準再encore都係靚牛，無魚目混珠！食飽唔少得食雪糕，自己整真係有點吃力，而且人龍好長呀90分鐘食飽飽，上牛快，收碟快，食左好多牛好滿足呀～