但馬屋 (新都會廣場)

營業中

休息中

一人一鍋打邊爐真心推介但馬屋. 不過人就勁多, 次次都要等好耐. 是次選擇了 澳洲產長期毇飼牛放題套餐湯底就選用美肌鍋其實好老實. 間間火鍋放題都差唔多 但係但馬屋出面D配料算多菇, 菜 (有冰菜, 羽衣甘藍), 丸, 肉(雞, 牛), 麵, 響玲加上雪糕都有4隻口味, 仲要係Haagendazs而飲品除了罐裝, 仲有一果汁可以選擇不過下次就最好提早訂位啦... 因為真係好多好多人呀.

葵芳新都會廣場越開越多食肆，放題反而選擇較小！今次選了日本放題作午餐，假日這家但馬屋都大排長龍，唯有食午餐避開人潮！今次選了午餐一人60分鐘放題，午餐放題由109-189不等，本人選了日本產黑毛和牛189元，他們的放題除了任食主食肉類外還有疏菜及Haagen Dazs 雪糕🍦任食！這次點的黑毛和牛很不錯鮮味而家肉質淋身，所以也追加點了豬肉來吃，和牛當然較美味但個人認為豬也是很不錯的！追加了二碟牛二碟豬要留一下肚子吃雪糕呢！十分滿足

葵芳嘅日式火鍋第一時間諗到新都會廣場嘅但馬屋。款式算係好多。價錢唔貴。冇得挑剔。有時五想去港式火鍋。得閒可以試吓日式嘅都唔錯。推介推介。仲有嘢飲同雪糕添。蔬菜種類仲好多。

同老婆想去打邊爐原來喺葵芳揾間啱食嘅打邊爐係難到登天跟住去咗呢間但有馬但係冇訂枱定，係冇得訂枱呢，我唔知了足足等咗一粒鐘我呢啲性價比之王就梗係揀最平嘅HKD 179啦食90分鐘兩個人位置係咁，正常啦湯底有幾款我同老婆都係食日本嘅壽喜鍋呢度個名叫甘露鍋先講我呢度大讚嘅牛肉 平時去開其他呢一種嘅日式火鍋鋪頭 嗰啲牛肉如果你叫最平嘅，普遍都係比較鞋 呢度嘅牛肉，好嫩有牛味，HKD 179食到呢個質數 我唔能夠想像我叫貴啲會係靚成點係咁以拖拖水就食得勁正最勁嘅係連豬肉都非常之甜美 絕對係可以食得過配料方面，我覺得特別既有白身魚 同埋其他舖頭冇嘅一啲凍肉 但係你話係咪今次打邊爐嘅重點 其實絕對唔係，因為我大部分時間都係食牛肉，我相信我一個人食咗六碟飲品方面，勁過人嘅有罐裝嘅維他檸檬茶 但係我見到有冬瓜茶 實在係忍唔住一完要飲冬瓜茶 最正嘅就係原來冬瓜茶 都係道地呢個品牌其他有啲鮮果汁，我就完全冇飲啦 茶包都有雪糕係哈根大師不用多說不過呢度就冇topping嘅亦都冇我好想食嘅朱古力味對我來說唯一要彈嘅就係呢度嘅蔥係用中式嘅水蔥 而唔係日本嘅細蔥 當然對於一啲唔鍾意食蔥又或者係普普通通鍾意食蔥嘅人係

今日去左葵芳行街，到晚飯時間打算食d野，見到呢間但馬屋大排長龍。見到日本產黑毛和牛放題每位$298，有齊紅酒壽喜燒同埋涮涮鍋兩種食法，咁吸引當然要排埋一份!雖然客人很多，店員的服務態度仍是很好，很細心幫我地起爐，值得一讚!每枱有鰹魚清湯和壽喜燒汁各一，睇大家鍾意個壽喜燒濃d定淡d, 自己調節。重頭戲出來啦!日本黑毛和牛紋路細緻，肉質鮮嫩，入口即溶，咁高質素食三兩碟都回本，最難得嘅係，re order的質素同first order完全一樣：真材實料黑豚肉也沒有讓和牛專美，燒起來又滑又香!打邊爐必備的丸和菜都樣樣齊全，美肌鍋的味道比較清新，個人覺得與壽喜燒是互補，交替著吃不會愈吃愈膩。自助區飲品除了常見的罐裝飲品，還有雪梨汁和竹蔗茅根等健康之選。最後必推haagandaz 雪糕任食，尤其是花生醬味，一試難忘!!!

今次係等一次同屋企人一齊黎食，係平日嘅晚飯時段，一去到都見到有好多人等候。我地要7人枱，所以覆等候嘅時間都需要大約一個鐘左右。係佢地汁枱嘅時候，為左節省更多嘅時間，有人已經會係入席前問定你地要d咩湯底。湯底嘅種類都有好多嘅選擇。我最後揀左蕃茄湯底。枱上邊會有一個木盆，比顧客自行出去拎嘢食，而木盤會比顧客自己循環再用。所有食品同蔬菜都會放喺冷凍櫃。另外肉食嘅話，你食完佢會再補給，仲會新鮮切。整體評價非常好。環境乾淨闊落！

去開新都會行街，發現有新式食法，用鑄鐵鍋整壽喜燒，幾盞鬼。材料有日本雞蛋丶和牛丶和牛脂肪丶各式蔬菜同兩款口味喜薵燒醬料。預好一人蔬菜份量，款式多樣化。先用和牛脂肪起爐，爆香京蔥同洋蔥，之後加醬汁煎熟和牛，醮蛋汁食。自己煮幾得意。和牛油花均勻，甘香油脂同濃郁牛肉味一齊爆發！打邊爐點少得冰凍啤酒！本想弄金菇和牛卷，但一見和牛熟了就忍不到口放入嘴...冰菜超新鮮，爽口到一個點。無限order的和牛，作為食肉獸的我，KO 到4碟，不太瘋狂。粟米亦超甜，推介。配料比起上次多了肥牛(左下角)欣賞新鮮蔬菜補充快捷，最繁忙晚餐時間仍然密密添滿。以 Haagen Dazs 雪糕作結，非常滿足。

每次同朋友食飯都鍾意去打邊爐，而且仲會揀日式任食，因為一大班男仔，個個都係食肉獸，就梗係去食但馬屋啦，而且見到佢新開張，絕對抵食呀，適逢食飯時間，都要等下位架，不過好彩閒食90分鐘，都唔會等得太來，入到去就梗係睇下有啲咩食先啦。湯底方便選擇有好多，我個人就比較偏愛蕃茄啦，因為入面總會有龍龍嘅芝士香味架，配料方面選擇好多，而且夠晒新鮮，乾淨又整齊，唔會污煙漳氣，蔬菜方面仲會有羽衣甘藍，冰菜都有啊，全部都係我鍾意食嘅菜，果然難得。講返主角啲牛肉，上枱鮮紅色，上面點點白，可以見得肥瘦均勻，淨係睇個外型，都知道係上等牛肉，放落個鍋度滾幾秒就食得，入口鮮嫩，充滿肉汁味，配上我哋呢個特有嘅蕃茄湯底，果然滋味呀。環境光亮，設計新穎，而且坐得又好舒服，服務員態度親切有禮，是不是都會幫我地執枱，服務果然一流而且仲有豚肉可以揀，一啲都唔俾牛肉差，充滿鮮肉味，而且入口一啲都唔鞋身，好誘惑。飲品方便選擇都好多架，估唔到連雜果賓治都有，真係覺得好驚喜。食飽飽之後仲會有甜品，真係估唔到會係Häagen-Dazs雪糕，真係唔係間間都可以有Häagen-Dazs，既然咁難得，我哋真係食足三碗啦。

近期要覓食日式火鍋的話, 相信無論是觀塘還是葵芳的但馬屋都不會陌生, 多次到訪竟被我發現連韓國人, 日本人以及少不了的普通話人都來這裡覓食。被評為五星滿分, 主要因為無論選擇自由度, 湯底的驚喜, 配料的多樣化以及甜品的性價比都非常滿意👍, 要食靚嘅牛肉其實唔需要多, 單點一碟靚靚澳洲牛都可以滿足到有質素的日式火鍋。當然有任我食的羽衣甘藍以及秋葵已經可以滿分😝, 但要有說服力當然要試盡一切才比到滿分,小弟由最初貴價黑毛和牛90分鐘晚市放題, 到嚴選牛肉定量60分鐘午市放題都試齊, 得出結論是你點食得抵! 😋 另外, 最近新加了一個冬陰公湯底更加推介要試試啊👍

同幾個朋友lunch唔知食乜又去左打邊爐唔洗等位直入是正的服務好個鍋同d肉好快就到出面菜呀丸呀都好新鮮野飲既話我地中意飲既都有冬瓜菜好味🤘🏼不過可能有人會覺得過甜總括黎講價錢合理 野食有水準 環境乾淨 會encore

收工時間約埋同事嚟食慶生飯，話得慶生飯就梗係要食好d! 就揀左喺佢返工樓下開左無耐既日式邊爐但馬屋！好彩嚟之前都知佢好受歡迎，一早訂定位，如果唔係應該要排好耐隊先有得入，呢度裝修幾簡潔，地方闊落，環境都幾乾淨，怪唔得吸引到咁多人嚟！坐定定之後就梗係要去拎配料，撈醬汁，醬汁整齊地排好在自助bar, 除左鼓油，仲有芝麻醬，同專為壽喜燒比較香口既醬汁，當然唔少得蒜蓉，辣椒呢d醬汁配料！配料真係應有盡有，菜類，丸類，腸類，少少魚類，雞肉，麵等！加上又有牛肉豚肉任食，真係未必食得晒添！菜類選擇特別多，一陣食多d牛肉都唔怕無菜！最令我驚喜既係竟然有爽口既冰菜供應！除左配料任食外，仲有罐裝飲品任飲，有汽無汽任君選擇！除左罐裝飲品外，仲有新鮮既果汁供選擇，唔想飲太甜既罐裝飲品，可以自己倒返杯果汁飲！我叫左個期間限定紅酒壽喜燒！先用肥美既和牛開鍋，煎到d牛油出嚟再放入洋葱同和牛片，煎出嚟既和牛片非常香！和牛片賣相非常吸引，亦都係佢哋既主打項目，呢盤和牛係限量供應，每個餐跟一set ,食晒就無，不過真係夠晒一人享用！煎出嚟既和牛非常香，牛味十足，牛肉同脂肪入口就完全溶化在口中，加上日本嚟既温泉蛋，點少少

自從幾年前喺大阪食過但馬屋之後，都對呢間日式火鍋念念不忘，有幸進駐香港，可以一再品嚐，今日放工就梗係約埋一班朋友過嚟朝聖啦！釋放食飯時間，都好多人喺門口等位，咁就梗係啦用呢個價錢可以食到咁高質素嘅放題火鍋，真係好抵呀。好彩我一早就已經係apps度攞咗位，所以好快就可以入左啦。裝修簡潔明亮，富有現代感。侍應話俾我知最近新出咗個紅酒湯底，據我所知紅酒具有抗氧化保持年青肌膚嘅功效，作為貪靚一族嘅我就梗係要試吓呢個新口味又可以美容嘅湯底啦。而且配嘅係澳洲上級長期谷穀飼牛，真係而家諗返都仲好回味啊。點左餐之後，店員好快就已經攞咗個鍋出嚟啦，但係點解冇湯底嘅？原來仲有一疊配菜，店員好細心咁教我首先將啲黃牛脂肪放落個鍋度整香佢先，跟住再放啲洋蔥同埋香菜落去爆香佢，之後再放兩件牛肉，落去爆香佢，香氣撲鼻。炒多兩炒就可以放啲紅酒湯同埋魚湯落去啦。紅酒湯底出場啦。主角牛肉上場啦，紅白分明，賣相好靚，脂肪比例比較少，而且牛味好重，肉質彈牙爽口，放落個湯底度滾幾滾，唔使點醬油，已經好夠味，真的不錯👍🏻醬料方便選擇都好多，但係我覺得個湯底已經夠晒入味，所以都已經唔需要啦。除咗牛肉出色，都仲有其他配菜，菜類，菇類

閒日星期四當天, 約左朋友去旦馬屋食生日飯,我地就叫左個$199 有澳洲穀飼牛既餐, 大概6點半左右, 唔需要等位就入左去, 限時90分鐘一坐低左就好快黎左個湯底!我就叫左個美肌鍋, 朋友就叫左個千夜鍋, D野一齊就當然夾個肥牛碌碌去!因為佢切得好薄, 好快就熟左, 直接放入口, 就發覺D肉無咩味.......而且碌完縮到咁樣又一粒粒,有密集恐懼症既我覺得有D恐怖,可能係我見識少, 唔知咁樣正唔正常,不過個湯底真係發覺無咩味道,同清水差唔多......我朋友個千夜鍋就好勁鰹魚味!然後食到後半段, 開始飽飽地, 就開始同朋友傾下計, 望下望下就發覺自己白色既湯底有粒黑色野,撈上黎睇有腳既!心諗出面食野, 一隻半隻蟲, 緊有既, 無事既,就繼續食, 慢慢發見2隻, 3隻, 4隻...........第4隻仲要唔係黑色係啡色!!我唔知D 蟲邊到走出黎, 直覺係D 食材(菜,菇之類洗唔乾淨)個一刻我同朋友已經反左胃, 飽哂咩都唔想食, 就即賣單走人。個侍應收野個陣可能覺得點解我地咁浪費,但我地真係見到D野食就好怕, 因為唔知道自己食左幾多蛋白質蟲落肚, 又覺得投訴都無咩意思, 所以如果下次食真

早上陪老婆去完產檢，老婆想食火鍋。我們選了葵芳新都會的但馬屋，12點前到的話一定拿到籌。午餐有60分鐘和90分鐘可選，分定量套餐(肉類是定量)，放題套餐(肉類是任食)，蔬菜都是任食的。我們選了定量套餐(牛肉及豚肉)。湯底方面都有5個選擇，我們都不約而同選了千夜鍋，希望清淡一點。千夜鍋淡淡的魚湯咸味，可帶出食物最原始的味道。醬料可以隨自己喜好混合，喜歡勁蒜及勁芫莤。蔬菜方面有西生菜、娃娃菜、芽菜等，較為特別的是羽衣甘藍及冰菜。個人覺得冰菜口感很好，也與湯底非常搭配。仲有蔥、菌菇。夜市會有豆腐，午市未見有。另一凍櫃有一堆丸呀、蔬菜呀。定食套餐，每人都有一盤薄切的肉片，新鮮快熟，真是不錯，很少雪藏味。 飲品有罐裝汽水、果汁、茶。如果想食多點，建議飲熱茶，可清熱消滯。自助火鍋真的很正，而且是一人一鍋，可明正言順自私食。

見但馬屋新出左紅酒壽喜燒鍋，之前係日本食過壽喜燒後就愛上左，所以情人節前夕，同老公黎黎試下一人一鍋試下先。但馬屋係食90分鐘既放題。我就當然擇左期待已久既紅酒壽喜燒，而老公就點左個千夜鍋。紅酒壽喜燒醬係呢度店自家調製，同湯底分開2個壺，可以自己調配紅酒既份量店員起初會講解食法，先爆香牛膏、大蔥、洋蔥、再放入和牛，再加入小量湯底同紅酒壽喜燒醬，令塊肉入味，煮大概幾秒就可以夾出嚟食。壽喜燒配生蛋嚟食，超好食呀。同我係日本食既差唔多高質，正！呢個set佢已經執好一份配菜，好細心。唔夠食自己先出去再拎。配菜有幾款出面無既，一個係已經燒過嘅豆腐，另一個係冰菜。真係估佢唔到連呢隻菜都有。而老公打邊爐佢就主要走出放題區，驟眼睇都有好多火鍋配料任揀，包括有丸類、芝士腸、菇類、豆腐、響鈴，連羽衣甘藍都有。自助飲品吧有果汁同罐裝飲品任飲。日本產黑毛和牛，很新鮮既顏色，和牛油脂分布均勻，放落鍋中碌一碌，食落口真係特別滑，牛味濃郁。第二round既牛質素都無下降👍🏻👍🏻最後仲有Haagen-Dazs雪糕任食。老公仲仲話生日要再黎食過呀😆