但馬屋 (新都會廣場)

營業中

休息中

入餐廳時，完全唔知有時間限制，岀面既餐廳，通常你入座前會提醒反客人佢地有時間限制既規定。但到叫餐，一直都唔知。直到差唔多夠鐘時，問反點解起初無提及呢個規定。服務員竟然黑面，然後離開。跟住另一個服務員，就過泥收我地既碗碟。令人感覺客人賴死唔走甘。有時間限制唔係問題，至少比客人知道，同無需要黑面同做到甘過份去收枱上既食物。。。。對呢間「但馬屋」感覺非常差！

之前一直經過見到都覺得呢間好吸引好想食，但每次都好多人係出面等。今次就決定Lunch黎試下，睇下係咪真係咁正🤤🤤我地大概十二點半到，個陣就唔洗等位，可以直接入去食！🤣Lunch時段分別有60分鐘或是90分鐘的Menu，而當中可選定量套餐或放題形式。至於湯底亦有千夜鍋、甘露鍋、藥膳麻辣鍋、美肌鍋和意式番茄芝士鍋，可因應個人喜好選擇合適的湯底😊最終我和男朋友選擇了90分鐘的嚴選牛肉放題，而我就要甘露鍋，甘露鍋即是甜豉油，男朋友就較喜歡意式番茄芝士鍋！呢個嚴選牛肉我已經覺得好好食了😭佢望落去色澤好好，唔會太多肥肉，反而豚肉個人就覺得麻麻地！我覺得呢度既配料好新鮮，比起其他日式火鍋好似再有多啲選擇！！同埋環境都好好，坐得都好舒服😌重點係呢度仲有得食Haagen-Dazs雪糕，有四款口味，分別是比利時朱古力、曲奇呍呢嗱、焦糖脆餅同抹茶。有Haagen-Dazs雪糕梗係要留肚食，因為唔係間間日式火鍋都有Haagen-Dazs雪糕任食～我真係太愛太愛呢間了😍😍比我既整體感覺好好！！每個人比呢個價錢食咁既質素，我覺得真係可以啊😆💓

第二次食但馬屋，今次是食午市放題，星期日很多人等位，午市放題要1:00才開始叫位入坐，所以等了很久，但原來可以於手機app遙控取籌，下次想食就一定要用手機取籌跟上次一樣叫了番茄芝士鍋，但其實應該是沒有下芝士的，但我喜歡番茄所以都會繼續支持蕃茄湯，一人火鍋方便之處就是可以吃自己喜歡的湯底和食物。放題包括豬肉和牛肉任食，有幾個不同價位的牛肉和豬肉可以選擇，但其實都分不清各款牛肉的等級，所以就叫了最平的一款。今次的牛肉十分有水準，我跟朋友二人吃了10盤牛肉，可說是值回票價，豬肉亦都很不錯其他火鍋配料例如蔬菜、豆腐等等都是任取，而甜品方面就有雪糕任食，所以性價比是挺高的。當日吃完午市放題已經飽得不用吃晚飯😆

又係落雨既日子天氣清涼好想食d暖野去左等老公放工差唔多6點見無乜人就入去開餐喇我地揀左嚴選牛肉 $17990分鐘放題我最鐘意就係一人一鍋我地都係揀左甘露（甜豉油）雖然係最平果款牛肉但質素都ok呀都幾新鮮仲有好多配料即食麵、烏冬、南瓜、菜。。。都係我至愛之前有秋葵、芋絲今日無出現過🙈汽水任飲仲有蘋果汁、雜果賓治、雪梨汁、酸梅湯唔飲凍野仲有熱綠茶揀還有我至愛哈根大師雪糕之前有出現過士多啤梨味今日又係無🙈

每個月幫襯你哋幾次，但唔會再有下一次請都唔去。係個湯底裏邊有曱甴比差唔多$400去食曱甴🤬仲有一碟牛肉係都唔新鮮黑啡色，雪櫃裏面嘅飲品係唔凍，菜裏面有蟲，服務態度越嚟越差徹底失望冇下次😊

今次分別揀佐美肌鍋以及藥膳麻辣鍋，美肌鍋淡淡地帶有一種清甜既味道，而麻辣鍋辣度方面唔算太勁，鐘意食辣既可能需要自己係醬料度加多小小辣椒調味黎到食物既部分，揀既係澳洲產長期穀飼牛放題套餐，牛肉睇得出係新鮮肉而且食佐幾輪都無質素參差既情況出現配料有多達20種不同選擇，最令人驚喜既係魚肉大舊得黎唔易散，而且連菜類都有10種以上既款式，不論鐘意食菜定係鐘意食肉既都可以得到滿足另外記住臨走前唔好唔記得仲有4隻口味既häagen-Dazs雪榚等緊你總評：呢個價錢食到呢種質素既放題係幾值得去既，而且佢地既服務態度同埋上菜速度都值得一讚，最後因為晚市時間都幾多人，排隊時間需要最少30分鐘，所以就建議大家可以早d訂位咁就唔洗餓住個肚咁睇人食啦

終於食倒大排長龍既但馬屋果然無令人失望，牛肉同豬肉都好食好新鮮，而且唔會越上越差，蔬菜類仲可以揀冰菜同羽衣甘南，不過丸類就比較少。甜品方面可以無限食Haagen daz 仲要有當季最新口味。人均2xx 好抵食。

試左日本過江龍Shabu Shabu 但馬屋一去到已經人頭湧湧限時90分鐘任飲任食 要把握時間一入座即刻點肉一人一鍋制可以揀自己喜歡的湯底牛肉即叫即刨 上得快 5分鐘內已經出哂就算係最平既$179嚴選和牛都夠嫩同有牛味澳洲穀飼牛 牛味係最重 唔點調味料都OK牛肉切得好薄 一落去真係叫聲Shabu Shabu就可以食蔬菜櫃配料選擇都多 基本既蔬菜同菇都齊全🥦🥒有特別少少既萵筍同菜苗選擇甜點有四款haagen大師雪糕任食令我好滿意 唔係一杯杯 係要自己整一球球 可以隻隻味都試少少😈環境似Cafe多過似火鍋店 舒適既 自助飲品櫃有一大樽蘋果汁橙汁竹庶汁重點一提係加單既牛質素依然好高 真係難得雖然價錢唔算好平但質素有保證但馬屋值得再去既

同事介紹，話呢間幾抵食😋，趁牛飯時間偷個閒出黎。明知會多人，所以12點未到就到左排隊😛。🔸一人一個鍋最好既地方係唔使就人口味😂。揀左蕃茄湯，好正。餐可以係任食午/一盤牛，睇下您食到幾多，價錢都唔同。其他菜呀、丸吖、可以揀既料都唔少，仲有雪糕食。🔸我地五個人五個獨立鍋，連埋生餸、調味料碟、熟食既碗，其實唔多位。個單人鍋都要好睇住火，因為細所以有機會滿瀉。不過對於食慣一人鍋既我就問覺麻煩。🔸絕對抵食之選。以日式火鍋放題黎計，但馬屋算係比起其他日式火鍋放題高出一班。野菜選擇夠多，配料醬汁亦算有多款式，牛肉亦可保持到一定水準，唔會只有肥肉嘅肥牛。可以encore！

幫襯咗咁多次雖然唔係好好食 牛肉亦只係不過不失。但係喺新都會廣場唯一一間所謂嘅放題火鍋。 排隊冇問題 不過門口侍應服務態度真係超級咁唔好！😡😡淨係鍾意招呼大枱 人哋10幾人一去攞飛唔使四個字就入 我哋去等， 由五點幾開始攞飛 問佢大概幾耐佢話下一round 大概六點半到就可以入去了，結果我地等咗兩個幾鐘头 到7.30先喐咗三次兩個位 個號碼仲要係中間好多人走咗冇等位先至移動咗幾個no 好聲好氣問下佢點解一直放唔放細台？態度超級惡劣 你等得咪等囉 係咁架啦！想嚟食嘢，等兩三個鐘头啦！唔該你幫幫忙已經等咗2個幾鐘！ 根本就唔想放細枱 做少啲嘢 兩個人想去食嘅話 你預咗等位等四個鐘囉。以後都吾會幫襯！之前去咁多次就算等位都冇咁受氣。前線員工都咁嘅服務態度！仲話幾出名？最基本嘅服務態度都冇 ，冇下次。

My friends wanted to have a hotpot date, so we head to try Tajiyama in Kwai Fong. So crowded on a ‪Friday night‬ and we queued for around an hour or so to get inside. I sticked to the sweet soy sauce (Sukiyaki) base as it is always my favourite. We chose the Japanese Kuroge Wagyu set and the beef was quite nice for the price of $289 per person. Apart from queueing it was a happy dining experience.

有個朋友葵芳，星期日約佢見下食下飯，預左成個新都會廣場星期日食飯會超多人，本來諗住行返去葵廣嗰邊食就算，但係行下行下都三點幾，居然見到但馬屋唔駛排隊! (試過之前星期日晚巿時間去，真係七點等到八點半等足個半鐘)咁就唔駛諗，直接決定食牛放題。限時1.5小時，揀左個$169澳洲產長期谷飼牛放題套餐同 Dashi湯底嘅千夜鍋 (唔係好鐘意太重味嘅湯底，因為剩係食到湯味，其他咩味都食唔到)，因為好怕啲牛好多肥膏 (所以唔係好鐘意食肥牛) ，而且都係諗住放題式咁食, 只要佢唔係好差，平平地其實都會滿意嘅。先黎兩盤澳洲牛同豬肉，啲牛肉都唔算太肥喎。其他菜類同配菜都不時補貨，最後兩個人係食左6盤牛同1盤豬。但馬屋嘅放題係供應  Haagen Daz 自助雪糕， Haagen Daz 都有質素保証，不過佢啲味道都係一啲好特別嘅味道...今次食嘅哩兩球係黄桃同埋茉莉花紅桑子，聽落有啲怪，但都幾好食，同埋如果唔係咁樣自助拎，平時都好難會諗住比錢買哩啲味黎試。老實講其實本港好多牛肉放題都係提供緊相似嘅嘢，有唔同價戔嘅牛、自助醬汁、野菜、配菜、雪糕等等；一分錢一分貨，想食好啲咪就叫貴啲啲牛。但馬屋我認為係唔錯

次次經過但馬屋都好多人，幾次都食唔到費事等位，但今日早左，所以就食下呢間野做午餐啦🤗🤗咁佢就同一般火鍋放題有少少似，不過呢一間係一人一鍋嘅，多啲火鍋湯底選擇。可是，佢嘅火鍋配料就比較少，所以有少少失望，但係基本嘅冬菇啊，魚蛋啊，同埋菜類嘅選擇都多，素食嘅朋友都可以黎試吓。咁講返佢啲肉啦，份量雖小，但係如果本身唔係好大食都OK嘅，因為賠了係無限添加。我自己就選擇左佢嘅蕃茄湯底，因為本身好鍾意食蕃茄，朋友就揀咗美肌喎，好似有雞肉, 都覺得唔錯，因為價錢幾平，如果唔係咁多人嘅話可以再食🤗

係葵芳新都會既”但馬屋”，為左吾洗企係鋪頭等位，我同我既友人都會係 The Gulu 先攞飛！ 差吾多到我地既時候我地先行過去，真係好方便！一人一鍋，可以跟自己既習慣甘打邊爐，又衛生啲。

【葵芳但馬屋一人一鍋壽喜燒火鍋 豬牛放題】一人一個10分衛生 配料非常之多 午市晚市都係好抵食最好食就係烏冬麵配呢個燒左嘅牛肉 超級滋味食到停唔到口 人多最好電話預約期間仲可以紅酒汁壽喜燒 汁偏甜 牛肉較簿身 脂肪分佈平均 牛肉再𤏪埋蛋 火侯自己調教 脂肪牛香味俱全 豬牛任叫 食完壽喜燒 食到膩 再轉火煱 配料有豆腐 冬菇 雞件 魚蛋等 當然牛肉都可以任叫 最後淥個烏冬 一個價錢 兩種享受 好飽肚 甜品仲有 Haagen Dazs雪糕 餐廳提供午市同晚市