但馬屋 (新都會廣場)

營業中

休息中

新年同朋友約左去一人一鍋～朋友揀左蕃茄湯底，覺得都幾惹味！我就鍾意試新野，所以今次揀咗特別嘅紅酒鍋，貪佢可以兩種食法。食完壽喜燒，再加清湯打邊爐。呢個壽喜燒特別之處就係會包埋食材嘅，當然都可以自己出去拎啦。跟餐嘅有豚肉一份，蔬菜拼盤一份，仲有兩支紅酒汁同鰹魚汁。望住佢壽喜燒個食法，其實都唔係太清楚，店員都好貼心，見到我地唔太明白就自己主動過嚟幫手。食壽喜燒第一樣嘢，當然就係開咗個爐加熱個鍋先啦，當個爐熱咗之後，就可以放舊和牛脂肪落去加熱，好香嘅和牛味啊燒熱咗個煲後， 就可以加少少紅酒汁落去整壽喜燒啦酒精揮發後就開始變到甜甜地同濃濃地，呢個時候就加少少鰹魚湯落去啦，食完壽喜燒，之後就可以叫店員加清湯打邊爐啦！除咗羽衣甘藍，仲有唔同種類嘅菜，例如娃娃菜、生菜、冰菜、蘿蔔等等，蘿蔔一出場好多人都會爭住拎，事關佢唔似出面啲邊爐鋪切到大大舊，而係好細心咁切到好細片，我地都拎咗幾片食，好清甜，誠意推介大家試下蘿蔔！最後梗係要拎多幾球Hagen daz做飯後甜點！

年廿八洗邋遢，汁左成日屋，夜晚就同爸爸媽媽哥哥三個人去屋企附近食野。 天氣凍凍地，媽媽提議打邊爐，但又唔想食吉邊，就揀左新都會廣場的但馬屋打邊爐。 好在我地食得比較早，唔使排隊等好耐。我們4個人安排坐卡位，環境乾淨舒服，待應哥哥好耐心招呼同介紹今日有咩特色鍋。我地就趁過年前食好少少揀左日本特產黑毛和牛及北海道大地豚放題套餐。呢到係一人一鍋，佢有五款唔同的鍋俾你揀，仲有一款特別的紅酒鍋，有藥膳麻辣鍋、千夜鍋、意色蕃茄芝士鍋等等⋯媽媽食得辣就揀左麻辣鍋，個鍋一來麻辣味勁香，又足料，真係有大大粒花椒的～以為食落會好重藥材味，又唔係，食落又香又麻，真心有驚喜，啱曬鐘諗食辣的人士。我唔食得辣就揀左千夜鍋，用鰹魚烹調的日式濃湯。佢的鏗魚味唔太濃亦唔太淡，味道剛剛好。用來滾黑毛和牛，超夾，利用鏗魚帶出肉的鮮味，食到Lam Lam 利👍👍呢到火鍋配料款色好多，一人一個木盤自助任拎，有特式花枝丸、自家手打粟米魚餅、健康芋絲等⋯蔬菜種類都有好多，有打邊爐必備娃娃菜、生菜、金針菇同埋Super Food—羽衣甘藍。打邊爐真係好少見，同埋成本都好高，呢間鋪頭都好有心機好dump本。新鮮爽脆，除左和牛必食回本之

新年注定肥幾磅，今晚但馬屋變豬之旅。係門口已經聞到 d 香香既肉肉味啦。一入到去見到配料區 d 冷氣勁足，狂標煙。lunch time , 叫左澳洲牛果個60mins 放題。連埋加一大約$164 , 有得食北海道豚肉。隻豚肉好好食，好甜既肉質，脂肪比例又岩岩好。而牛亦唔會 hi 口，有牛香，價格算係實惠。一人一鍋確實方便又快熟，哈哈。揀左鏗魚湯同埋蕃茄湯，兩款都非常好。佢配料區有 d 第度無見過既料，都幾好食，拉麵唔錯，仲有個豆皮結勁種豆香味。白魚蛋我亦好喜歡！飲品有款我第一次見既道地翡翠 lemon ,味道稍甜但挺為討好@@甜品有四個口味既哈根大師，藍莓，花生，草莓，焦糖。都非常好吃啦，而且唔硬，好易畢無做大曬鬼的話，店舖仲會獎你$29 coupon 下次用 tim 不過得30天期限，好急。。。但係牛陣都可以用啊，哈哈哈~有機會下次再來吧。

今晚一家人去左葵芳新都會既但馬屋打邊爐，試下佢新既期間限定紅酒壽喜燒呢個湯底係但馬屋先有，出面冇得食，都幾特別紅酒同湯底分開2個壺，可以自己調配紅酒既份量店員教我地先爆香大蔥、洋蔥、牛油，再加入湯底同紅酒，令湯底更香食和牛仲可以沾蛋汁，食落更嫩滑爸爸要左千夜鍋，長時間烹調既鰹魚精華，呢個湯底食和牛就最啱呢個set最正就係和牛可以任食，每一塊和牛都係既叫即切，夠哂新鮮，而且唔同部位既牛都好靚，食落又滑又香出面自助吧仲有好多菜同丸類，仲有Haagen Dazs雪糕，每人仲有一枝芒果糯米雪條，食落有糯米既綿滑，又有椰汁既香味，食到捧住個肚走

過年前忙到癲左呢晚收工約左屋企人食飯佢地提議去但馬屋一收工佢地就已經去攞位都唔洗點等就有位可以食1.5小時$289 一位 食日本產黑毛和牛～火鍋湯底我要左美肌鍋有豐富既骨膠原 啱哂各位貪靚既女士們任食既和牛 落order後即切夠哂新鮮 雪花幾靚 脂肪分佈平均外面仲有自助火鍋配料各種丸類瓜菜都應有盡有當中比較少見既有冰菜同羽衣甘蘭魚片都幾滑貢丸同花枝丸都好爽口最後食埋Haagen Dazs 雪糕同埋限定既芒果糯米雪條食到超級飽

葵芳附近食晚餐，揀左呢間但馬屋Tajimaya，食日式火鍋放題 <3 我地揀左$248 北海道大地豚放題，一人一個小鍋，再各選自己喜歡的湯底我地分別叫左藥膳麻辣鍋，同女生最愛的美肌鍋，清清甜甜，十分推薦！另外材料方面，全部都十分新鮮！主角牛肉豬肉好味就不在話下，其他蔬菜丸類等等都乾淨又衛生，料又靚！仲要提一提呢到啲雲耳超級大塊，一定要試試〜汽水啤酒任飲，應有盡有❤︎甜品方面，有Haagen-dazs 幾款口味雪糕任食，非常有誠意

今天選了葵芳的但馬屋來醫肚，它有2個時限供選擇，分別是60分鐘和90分鐘。我今次選了較便宜的60分鐘和選了嚴選牛肉午市定量套餐。牛肉非常鮮嫩，再加上多款自助形式的配料食物和雪糕，在短短60分鐘已經非常飽肚。

食物款色種類不過不失，如果有多d就更好不過牛肉份量得5片，口感一般有牛味自家製飲品很好，包裝罐裝飲品選擇亦多甜品需時等候，特別是午飯時間大家都差唔多整體比吉野家高級

聖誕節陪爹娘一齊食飯今次黎到但馬屋 食火鍋都係同普遍嘅日式火鍋店一樣採用一人一鍋 方便分流人數😂而娘親係唔食牛肉嘅 咁一人一鍋就非常之啱啦由於特別的假期 所以就更改左餐牌上的費用但就無阻客人數量 仍然有大量人等位亦可在電話app取飛 非常方便 食材放置在冷凍櫃 應該可減低食材變質碗上印有但馬屋字樣 碗及醬油碟很特別牛肉及豬肉都不錯 但平日的牛肉似較好假期的價錢比較不化算 還是留待平日先去

雖然我地係最後1枱走，但枱上電鍋未食完就給服務員收走，電鍋內還有很多食物。如果佢問我們然後才拿走電鍋會比較好些，這樣感覺不太舒服，我都知道她要趕收工，如果她想拿走電鍋同食物我是會同意她做法，但她在我們出去拿東西，不在坐位時拿走電鍋，真的令人有點不開心。

睇完牙醫，已經是三點幾了。呢個時段 毋須排隊 吃個一小時 基本套餐。有兩點想講：這類 一人火鍋，自然想到 牛字頭的 幾間火鍋店，心諗 一定有啲 日式炒飯或白飯 供配咖哩。竟然 冇wor。所以，火鍋啲湯未滾但又肚餓冇飯食，咁就食住雪糕先啦！第二點 想講嘅 係 枱面冇匙羹要自己出去拿。（在熱水機前）自己去拿，當然不是問題，只是覺得奇怪。我相信啲職員 每天 都要回答 「邊度有匙羹 ？」。食物種類 是合格的 ， 但就 不及 尖沙咀的牛字頭了食物質素及環境 也不錯。遇到的員工是有禮的。但若要排隊等位，就唔值。因為，市場有好多選擇。

#小秘書 已經係第二次幫襯 但馬屋 Tajimaya。睇嚟 #新都會分店 比 #APM 寬敞得多👀 我哋避開飯市時間，人龍比較短，等咗十分鐘左右就有位。我哋唔算係 #食肉獸，所以無比多少少錢揀 #放題，六十分鐘嘅定食就夠喇！話就話係係定食，但係每個人都會有一份豚肉、一份牛肉，加埋無限量添加嘅蔬菜、肉丸、麵食、果汁、汽水、雪糕... 根本就食都食唔哂🤪 雖然我哋揀嘅係價錢最平嘅肉，不過質素一啲都唔失禮，起碼我對佢嘅賣相同口感都滿意！#小秘書 咁啱有少少感冒，所以將錯就錯叫個 #麻辣藥膳鍋 做湯底，希望迫哂啲寒氣出嚟... 其實講到底都係自己為食啫😆

但馬屋已經係新都會開左一段日子無論lunch定夜晚我都食過好多次因為真係幾有質素同埋會想再去但馬屋係90分鐘放題任食邊爐湯底總共有五款，千夜鍋、藥膳麻辣鍋、甘露鍋、美肌鍋同埋蕃茄芝士鍋，之前仲有限定冬陰功湯！同埋主要選擇要咩種類嘅肉，有平有貴，有澳洲牛，亦都有黑毛和牛選擇左之後，食曬就可以再添！但都有個set係只係得一碟牛加一碟豬嘅，如果唔係食肉獸都夠，因為仲有好多其他配料可以食有好多菜菜仲有啲丸呀麵呀咁仲有飲品選擇都好多！汽水、橙汁、蘋果汁、熱茶等等重點係，有HaagenDazs 雪糕無限任裝😻😻😻每日都會有4隻味選擇！而味道都算係成日換呀！需要一提嘅係，餐廳接受2星期前嘅訂座，可以預早訂左先！因為有一次星期日晚，同朋友由7點等到成9點先排到入去食

但馬屋次次去都多人到痴線, 門口總有好多人排住隊..最近新出左一款冬陰公湯底, 湯底係一人一鍋,可以滿足唔同人既要求, 入面會有隻蝦仔, 湯底既味道算係濃,配料同醬料都係日式為主, 唔好諗住會有沙爹醬等既野出現就可,主要配料都唔太大特別, 都係一般火鍋既料,呢到比較正, 既係牛, 所以一般黎食都係主打牛嫁啦,所以一般都會食多D牛牛嫁啦, 呢到D牛比較薄同滑, 口感算係唔錯, 所以我地叫左好多黎食.其次正既就係雪糕, 呢到雪糕都係HAAGEN DAZs為主嫁啦,咁佢味道一般有4款, 多數都係有d出名/新款食, 佢地每一定時間會換下口味, 唔係成日都係呢d, 因為之前我都有黎過所以知.另一邊有菜類, 中和下食既肉.

这经常大排长龙，今日终可一试。选了I39元午市放题及寿喜烧汤底，员工有礼貌而效率高，牛肉厚而滑，相当鲜味，蔬菜款多而干净，饮品罐装人任取，排列整"齐，四款Hagaen dias 雪榚亦美味，物超所值，难怪大受欢迎。