但馬屋 (新都會廣場)

營業中

休息中

今日朋友帶左我去最近喺香港新開嘅但馬屋去食打邊爐放題。由於佢又抵又好食所以生意比較好，等位等左陣就可以入到去了。點餐方面，我哋聽咗店員嘅推介叫咗個北海道夢之大地豚配以澳洲產長期穀飼牛放題套餐。佢嘅肉類，即使係比較貴重嘅肉類，係任叫任食的，有乜需要即管出聲，快夾妥，抵讚。另外佢出面有自助bar，各種不同類型的飲品，甜品哈根大師雪糕，蔬菜同前菜任拎任食，正。鍋底方面，佢有好多款揀，我地揀左今期嘅主打泰式冬蔭功湯，配以一大盤冬陰公湯配料，酸酸地辣辣地的泰國味道返來了，醒神又醒胃！肉類方面，呢一個餐配上了澳洲產長期穀飼牛，比一般美國或者澳洲牛味道更有口感更有肉味更少肥膏更健康，入口依然嫩滑不痴牙。當然佢其他雞肉，美國牛等都不錯的。至於北海道夢之大地豚方面，同喺日本食嘅豚肉一樣，肉味非常之重，爽口彈牙，又不肥膩，紋理又靚，一個字，正！喺日本食但馬屋的味道返來了！太多好野食唔晒咁多野，下次一定要帶定一大個胃來再大吃一餐!

呢日 #小秘書 本來預咗睇完戲先食飯，點知即場嘅戲飛賣淨頭兩行，唯有等下一場🤪 ... 仲有兩粒鐘，點都要搵啲嘢攝吓時間🤔 不過可能時間尚早，但馬屋 Tajimaya 門口只有兩三枱人喺度等位，烚吓烚吓就最啱用嚟kill time😏#小秘書 一於 #以毒攻毒，叫咗個 #藥膳麻辣湯底 嚟去吓濕氣，因為食唔到太多肉，我哋無揀 #放題，要咗一碟🐮肉就夠哂皮😉 雖然係咁，#但馬屋 嘅 #蔬菜、#肉丸、#飲品 都係60分鐘無限量供應嘅🤤 我覺得佢哋嘅食物都比「其他對手」新鮮，#蔬菜吧 冷氣長開，地方感覺比較乾爽。不過每當繁忙時間真係有排等😅 今日0等間時間可以到此一遊... 正啦🤣

多人等就以為會有好野食？卻換來一肚氣！1.）衛生環境差劣，多處冷氣機不停滴水！仲要係攞野食既位置不停滴水！2.）多處通道被職員及清潔職員，水筒，雜物阻塞，想出去攞野食或者返埋位都好似障礙賽一樣。3.）職員服務態度差劣，好聲好氣叫唔該讓一讓條路返埋位，清潔呀姐可以大大聲話：唔知喎！你行到咪行囉！(但成架垃圾車同埋佢自己完美塞住成條行人通，而另外剩低既通道就成地冷氣機水，另一批職員仲清緊。）完全無路行；職員加湯，完全唔理人地本身係用邊一種湯。

夜晚7點去到，等到8點半，終於可以入平時經過都好多人等90分鐘火鍋放題我地揀左藥膳麻辣鍋仲有蕃茄芝士鍋我地揀左嚴選牛肉 其他自助形式自己攞重點有雪糕草莓，芒果，抹茶，藍莓。

推薦指數：🤩🤩🤩但馬屋一向好評如潮，人氣高企。拎左飛都起碼要等至少半小時，今日就等左40分鐘先有位，好期待好想食今次個和牛放題火鍋🤗我地嗌左「日本產黑毛和牛放題套餐」，每位要HK$309。🐮🐮🐮價錢相對地高但牛肉品質亦相對好，如果係牛魔怪的食就食和牛套餐啦！放題式的和牛任叫一定回本，重點係唔洗就住就住食好爽呀！點左千夜鍋🥴個湯底非常淡，淡如清水。呢樣野有D失望，但好彩和牛質素唔錯，每塊都油脂分佈平均，快淥3-5秒已經剛好! 再沾上按自己喜好而調的醬料，不錯不錯。唯獨係個湯底太普通，下次可能嗌第二款湯底會更好。外面有自助吧，可以自己夾唔同的食物。各類的菜、麵食、丸類、豆腐、雞肉、魚肉、香腸等等，款式都幾多。整潔乾淨，但排隊的人實際太多，而用餐只有90分鐘。又要排隊拎野食野飲又要等湯底，其實真正享用的可能少過60分鐘。😶🥵但馬屋另一賣點係有任食Haagen Daz雪糕球。😬但一直長龍不斷排隊裝雪糕，去到最後都無時間食。所以如果以性價比黎講，但馬屋我覺得未算太高CP值。因為由等位排隊至用餐體驗，感覺都係太趕，排得隊黎都無咩時間食。就算叫左和牛套餐，都未有時間真正食到好多。😯而可再改善的係湯底

門口派位，全部派俾4人坐位或以上先，2人枱要等多60個以上，都要把枱合埋，俾4人飛先。而4人飛只排緊幾個位。非常不平衡。最搞笑係最後剩下一啲定死的4人坐位，而無得拆出來，焗著留空，非常差食物ok.都算新鮮，算係補翻些分。牛肉亦算來得快。

對於愛吃火鍋的我們，主打日式火鍋放題的但馬屋幾乎是我倆經常出沒的飯堂。今日放假又天氣麻麻，留在商場活動的我們當然又出動來放肆一番。但馬屋的晚餐是一人一鍋的90分鐘放題餐，湯底有五款，牛肉豚肉也有幾個級別可以選擇。是晚我們就選了嚴選牛肉餐，湯底分別選了蕃茄芝士鍋，還有我最愛的甘露鍋。嚴選牛肉，我地覺得其實已經也算很不錯。除了牛肉，當然唔少得佢既火鍋配料區！雖然丸類唔算太多款式，但勝在配料都新鮮。還有我最愛的海帶結和腐竹結🤤菜類選擇，其中還有任食放題較少有的羽衣甘藍🥬飲料區食飽飽，當然唔少得甜品🍦是每次都期待的Haagen-Dazs環節～通常它有4款選擇 今天有我們喜愛的夏威夷果仁🍨總括來說，$179就可以任食比同等價格任食邊爐的高質素牛肉及Haagen-daze 雪糕，但馬屋是一家CP值十分高的餐廳！所以才令到我們一去再去🤤🤤

今日一行四人去但馬屋食午市放題，原本打算食$79定量套餐，不過最後想食耐啲食多啲肉所以揀咗$139嘅90分鐘嘅套餐。雖然叫嚴選牛肉午市放題套餐，但其實個餐包咗牛同豬肉，仲可以任食Haagen-Dazs 雪糕😍。我哋分別揀咗千夜鍋同美肌鍋。自助bar枱有好多款火鍋配料揀——各款丸、脆皮腸仔、菇、菜、麵、烏冬，甚至我最愛嘅獅子狗同波波（生根）都有！啲丸同獅子狗都好彈牙，菜同菇都好食，不過烏冬就碎咗啲，好難夾搞到腍得濟。飲品種類都有好多，我就揀咗冬瓜茶。每盤豬肉同牛肉份量都好多，啲肉質都好靚。淥完之後都好腍好易咬，爸爸媽媽都讚好👍🏼！值得一提係個美肌鍋，入面有隻雞翼，超黃油、好滑！除此之外當然要怒食雪糕回本！不過keep住好多人排隊，但我都食晒四隻味（夏威夷果仁、朱古力、雲呢拿同抹茶），好飽好滿足。🤤要飲返啲熱茶消滯😂。可能個場一路都好多人，有部分員工好急躁，不過都有啲態度好好。總括嚟講都食得幾開心，可以再食！

近排放半日，特登和同事一行七人搭的士去葵芳嘅但馬屋食lunch。去到都幾多人排隊，而且因為我哋七個人，都等左10-20分鐘。同事話北海道大地之豚好食，所以點左個90分鐘放題。除咗大地之豚之外，其實都有兩款牛肉係可以任點，不過唔記得係乜嘢肉。湯底有好多選擇，但係我哋大部份都係揀咗美肌鍋。呢度最好嘅地方係一人一鍋，乾淨衛生好多，又唔驚其他人啲野未熟。同埋佢嘅配料都有好多選擇，不過今次就冇粟米。飲品都係任飲。最正係有四種味嘅Häagen-Dazs雪糕任食，可惜我依家唔食得😞雪糕，望住啲同事食左幾球，真係好想食😩咁我唯有食多啲牛同埋豬返本。北海道大地之豚真係好滑，同埋比其他兩種牛好食。所以同事通常係食豬多過牛。其實唔係牛唔好食，只不過係豬好啲，如果點再貴啲嘅牛，就應該牛嘅質素會好食d。

一人一窩高質日式火鍋至從喺葵芳開左之後，每一次都見到有長長人龍喺度等。今日試過都覺得午餐係比較抵食，叫日本和牛任食，質素係幾高。其他配菜都多選擇仲有蟲草花，甜品有haagadaz雪糕。加湯都會加番湯唔係加水。上肉都上得快，職員會主動問加唔加。服務唔錯，不過假期黎就要等一等啦！

睇完戲又係食飯的時候，行了幾個圈終於揾到想食的嘢，就係好多人等位的但馬屋，午飯時間係要耐心等候。門口寫著用餐時間分60同90分鐘，有套餐或放題，牛肉放題都分三等級，揀咗最平$109湯底有五種口味，這裏打邊爐係一人一鍋，唔使就人，可以揀自己喜愛的口味，非常衛生。蕃茄芝士湯，但無芝士味雖然係平價牛，但質素都唔錯，自己都食咗四碟除左肉類之外，雪櫃放咗好多新鮮的蔬菜、菇類、瓜類、丸類、豆腐、公仔麵、烏冬等等有自家製的雪梨茶、酸梅湯，唔會太甜，適合打邊爐飲甜品係大人細路都喜愛的雪糕

去左但馬屋食佢個一人一鍋🍲除左任食自選產地既牛同豚肉之外，佢個自助吧都幾多選擇🤗我最鐘意就係佢有好多唔同款既菜🥦咁就連火鍋放題都可以食得健康啲啦👍🏻-仲有唔少得既飯後甜品呀🍨佢係有Häagen-Dazs雪糕任食，應該係每日都會有隨機四款味。今晚有Belgium Chocolate呀勁開心，依隻味真係冇得輸😍🤤-如果諗住食既話，記得早幾日book位呀❗️本身都有早一日call去訂枱，但都話已經full左要去到walk in等喇🙈

我去過這裏吃超過五次，我認為嚴選牛肉的肉質不太好，有點硬，但是貴一級的套餐，即是穀飼牛肉就不同了，我知牛肉比較軟和鮮，肉質較好。火鍋的湯底我認為最好吃的是番茄芝士湯，湯底裏會有一片芝士和幾片蕃茄，湯底的味道十分濃郁。而那裏有自助火鍋配料，那裏的魚蛋非常好吃，公仔麵也是不錯的。外面還會有Häagen-Dazs的雪糕任吃，每一次的雪糕都是不同的 ，大多數是雲呢拿口味以及朱古力口味，我認為這間店的價錢不算太貴 ，只貴210多，性價比非常好

同同事farewell, 因為有幾位同事都唔食牛所以一人一鍋邊爐,其實都幾唔鍾意以牛既級數去決定食邊個SET, 唔食牛果D緊係揀平既黎食, 食牛果D又緊係揀好食架啦,咁中間好難取得平衡, 不如分單嗌仲實際....收工時間食,好多人等緊呀,好在有BOOK位!有幾款湯底揀, 豉油鍋要跟上一級既牛先有得點,咁冇啦我地食Cheap野冇得揀豉油鍋,幾個同事揀左個所謂膠原美肌, 個湯食唔出有咩特別,我就唔食牛既, 所以都只係食豬, 一般般囉, 都係咁上下, 至於出去拎既就除左菜都只係菜好食, 不過菜就有好多款可以揀,羽衣甘藍仲成棵樹咁添!出面野飲斟晒又冇refill, 得返D一開波已經係度又冇人吼既橙汁, 局住飲..雪糕最多人排, 等到可以挖已經冇晒朱古力味,到佢fill返又話要埋單, 所以都係食唔到~唔...唔會有下次嚕~真係冇咩野食! 計埋加一, 咁既價錢可以食第2間邊爐加壽司放題~

母親節前一日既下就去左葵涌廣場行街！買首飾既一個姨姨推薦左我地去食呢間一人一鍋🥘佢話五點前入座都仲係計lunch價錢🙈🙈🙈我地最後成功趕係4:45入座！限時60分鐘自選湯底，一行四人揀左一個雞湯，兩個蕃茄同一個醬油湯！每個湯都正正常常，但蕃茄感覺開胃啲！牛肉我地只係揀左最平個種！出面有得任領丸呀蔬菜個啲！但一個鐘實在太趕，而佢啲牛肉泥得好慢！所以最後只能chur爆甘食！不過最正係有得任食hagandaz 其實只要食得多雪糕已經值返個$120🤣🤣🤣另一個好既地方係除左汽水佢仲有蘋果汁、雪梨汁、雜果賓治同烏梅汁！呢樣媽咪like會為左任食個4款hagandaz 而食多幾次😆😆