但馬屋 (新都會廣場)

營業中

休息中

前幾日男朋友生日，一於食餐好既，佢就建議去食和牛放題，咁就黎近近地既但馬屋豪一次我地晚市食，星期五6:15pm用手機拎飛，黎到7:35pm先入得，真係好爆，記得要預早少少～今次揀左$309/人既日本產黑毛和牛及北海道夢之大地豚既放題，入座起計時90分鐘，時間尚可，唔會太趕～好快店員就拎左兩碟和牛同一碟豚肉過黎，就咁睇呢碟和牛色澤一般，但雪花尚算分布平均，肉質都唔錯～而豚肉色澤相對靚，無乜豬羶味，好食！但第二次refill牛果時中左伏，店員竟然比左其他較低級數既牛，無咩雪花，而且肉質鞋口，同和牛天淵之別，完全浪費quota，很不爽同店員理論後，佢地比番應有和牛比我地，雪花超靚，食落入口即溶～當晚我同男朋友每人食左好多碟和牛，加一碟浪費quota既牛，同埋總共3-4碟既夢之大地豚，其他配料無食過咁滯，非常飽！如果大家都想回本既話，建議一入座可以先食雪糕～～當晚我一座就食左焦糖麻糬味雪糕，一黎無人排，二黎可以等湯滾，真係分秒必爭！整體黎講，食物質素高，但店員有少少古惑，有時refill既食物會貨不對辦

自從係大阪食完但馬屋一直都好想再食直至日前係Openrice’s 發現原來香港有分店就約埋朋友去食首先要提一提大家，要提早時間去拎位因為比較難約同多人個日同朋友食中午時間中午有分60分鐘/90分鐘任食入到起坐底，都係日式火鍋店格調，乾淨同整齊我同朋友選左90分鐘 $169一元 再加一首先比大家睇下d牛，普通 但refill好快，店員都好主動不停refill呢方面真係值得一讚日本餐廳既員工我同朋友分別叫左千夜鍋同麻辣藥膳鍋食物方面菜類選擇多，最特別係有羽衣甘藍🥬 丸類都出色 ： 芝士魚腐整體感覺好好，會再黎試黑毛和牛

新都會的但馬屋向來都是熱門選擇，經常排很長隊！今日我們一行5人，各有不同口味，避免點菜的煩惱，一於放題任食，又有飲品和雪糕做甜品，perfect這次為免等太久，已預早用app取票輪候，但可能細枱比較多，所以一個號碼都等了差不多半小時。連鍋底也是一人一鍋，各自點了麻辣、鰹魚、美人、醬油鍋都點遍了。$199套餐的澳洲牛質素不錯，性價比適中。看上去有部份比較肥，而當灼熟了後吃下去時，肥的部份不太搶味，因為牛味很濃呢。其他蔬菜、雞、魚、配菜的部份在外面自取，質素中上，比較特色的有羽衣甘藍。最後值得一提，現場有4款口味的 Haagen-Dazs雪糕任食😁

每次經過但馬屋，門口總係堆滿人群，無他嘅，佢真係抵食得嚟質素唔錯。呢日收工約埋同事一齊嚟打邊爐，我哋一行六人，一早喺app到拎定飛，等咗大約40分鐘。湯底有五款：分別係千夜鍋、甘露鍋、藥膳麻辣鍋、美肌鍋同意式芝士蕃茄鍋。晚市放題套餐成人價錢由$179起，牛肉/豬肉/雞肉都係任食，落order叫店員上就得；另外仲有自助火鍋配料吧，有各式丸類，菇類，蔬菜自助任食，連蟲草花同羽衣甘藍都有！飲品方面同樣都係自助，汽水、果汁、香茅蜜糖茶等，種類都唔少。最開心係雪糕有Häagen-Dazs任食😋

前排朝早11點幾同呀媽經過葵芳，見到但馬屋未開門門口已經大排長龍，結果我地都一齊排今次我地揀左一小時嚴選牛肉午市放題，而湯底就分別揀左甘露鍋同蕃茄芝士鍋呢到既牛同豬都值得一讚，肉質鮮嫩，一點都唔鞋口，而且解凍技巧好，無咩雪藏味，非常好食；而外面凍櫃亦提供左好多唔同種類既蔬菜同火鍋丸等，全部都好出色！整體黎講，呢到食物質素高，refill速度算快，即使食一個鐘亦唔覺得好趕，難怪咁多人黎排隊食～賣單後店員見我地無浪費任何食物，就比左兩張$29晚市優惠券，咁有社會企業責任，下次一定再光顧

晚市成日都見到葵芳但馬屋門口大排長龍，一直都想試下佢地嘅火鍋，今次早啲嚟攞飛終於成功食到啦。男友揀左豉油湯底而我就諗住試下新嘢，叫左佢地新出嘅冬陰功湯。隨了本身的湯底外，侍應會額外比一盤泰式蔬菜盤你，入面有多種泰式香菜同香料，等你可以隨意添加青檸或者子彈辣椒放入湯底，調較自己鍾意的湯底酸辣度。不得不提冬陰功湯底入面本身仲有蝦同魷魚等海鮮，比起其他湯底更足料抵食！湯底味道酸甜濃郁，有椰香味，就算陣間食多啲牛肉都唔會濟，特別開胃。第一輪上枱嘅牛肉同豬肉質素都好好，色澤紅潤鮮豔，油脂花紋分布平均。味道方面，豬牛兩者都肉味濃郁，帶有油香。過後幾轉嚟嘅牛肉就比較肥啲，個人都係比較鍾意食偏瘦嘅牛肉多啲。出面自選任食嘅火鍋配料都有唔少選擇，而且睇得出蔬菜都喺非常新鮮，仍然保持翠綠。而我最期待的就係有得任食 Haagen Dazs雪糕，食多幾杯都已經回本啦！飽吃一頓之後門口長長嘅人龍終於散去了，如果要食但馬屋嘅話就記得要預先用手機app或者到場親身攞定飛，唔係都好難有位。

上次去新都會已經想試，但人太多， 今日一心早去拎定飛，6點到等20分鐘左右就有， 因入座就計時， 所以都係等齊人先入最好同一般邊爐一樣， 先揀湯底， 揀左美肌， 朋友揀左甘露， 美肌無特別， 甘露就濃d, 再睇價錢， 拎左有牛有豬既基本餐(不是特選), 都要$3xx一位， 本身心諗都算貴， 但食完就覺得都好值，牛同豬好高質， 雪花好靚，出面拎既食物亦好豐富， 菜都有好多種， 醬料齊全夠用， 另外不得不提飲品都有哂zero plus個d, 好岩減肥人士(雖然減肥就唔應該邊爐), 仲有香茅蜜糖水， 又係好好飲， 總括值回票價， 但因人多， 好準時就要你交檯

成日都見到葵芳新都會既但馬屋門口排曬長龍。 其實俾佢新出嘅冬陰功湯底吸引咗好多次，今日見同男朋友兩個都早收工，終於的起心肝嚟排隊試下。 我哋食咗 ＄289既日本產黑毛和牛放題套餐， 除咗日本黑毛和牛之外，佢以下嘅澳洲長期穀飼牛都可以任食，仲有丹麥皇冠豚肉。 其他嘅火鍋配料都係自助形式。出面嘅雪櫃有飲品任飲，但總類唔多，呢度仲有特色嘅蜜糖香茅茶， 而我地249以上嘅套餐就包埋象啤放題。😋 我哋都係主要食日本黑毛和牛， 牛肉好香好嫩滑，唔算好肥 有咬口。最後有4款Haagen Dazs雪糕作結☺

我一早都話咗自己唔係一個 #做家務 🧺🧹 嘅好材料😕 係咁二執吓公司個 #文件櫃，就比啲 #塵蟎🦠 搞到我個鼻塞咗幾日、而家就連把連聲都沙埋😷既然食極藥💊都無反應，一於 #以毒攻毒，去 但馬屋 Tajimaya 整個 #藥膳麻辣鍋 開吓聲🤣 咪睇 #小秘書 #肥嘟嘟，實質擺唔到幾多嘢落肚👉🏻👈🏻 所以我只係揀咗個$109嘅 #定量套餐🥢 志在「熱」吓身、排吓毒。雖然話就話係 #定量，🐮🐷嘅份量都唔少，而且 #肉味 同 #質素 都ok喎🤤 除咗肉食🥩，#餐廳 仲提供大量不同種類嘅 #蔬菜🥬 + #肉丸 做配菜，而每次我一定加啲 #蟲草花 落湯補一補💪🏻 唔知係咪心理作用定咩呢🧐 食飽咗又真係好似好咗啲喎🦠

今晚收工約咗朋友去但馬屋聚餐 呢度好適合三五知己過嚟食飯，一人一鍋自己揀自己鍾意嘅湯底唔使同人爭今日點咗職員推介既冬陰功湯底，呢款湯底超級濃味，本身個湯底冇辣味，如果鍾意食辣嘅餐廳另外準備咗啲辣椒，有需要可以加入適當份量增加辣度冬陰功湯底會跟呢個菜盤，裏面都係一啲香料等等嘅配菜，可以按個人喜好加落去我哋叫咗個北海道夢之大地豚放題 牛肉可以任點嚴選牛(上) & 穀飼牛(下)，豚肉都係任點，仲有配菜、飲品、雪糕任點我自己比較喜歡下面依款，肥肉比例較高，入口較嫩滑豚肉質素唔錯好嫩口好多丸類選擇，菜類好fresh，人流多，食材自然比較新鮮，仲見到職員不斷refill

葵芳新都會2樓有間但馬屋shabushabu, 成日都排隊好多人， 可能是因為葵芳較少這類型的餐廳。最近他有一個冬陰公湯底， 朋友剛從泰國回來超喜歡冬陰公湯， 所以我在跟他快來一起試試這個一人一鍋冬陰公湯底。他是任食形式的，我們選擇$199的澳洲穀飼牛 放題套餐，有兩款牛肉，澳洲穀飼牛和嚴選牛肉和丹麥皇冠豚肉冷藏櫃入面有一些遠慮香菇貢丸蝦丸仲有一啲比較特別嘅例如白身魚肉，馬蹄魚滑，芝士豆腐，三文治魚丸， 豆皮結蔬菜方面又羽衣甘藍響鈴卷鈣鮮菇秀珍菇健康山獅子油麥菜娃娃菜鮮冬菇等等醬汁有酸汁，大阪黃金燒汁，日式醬油，日式麻醬，炸蒜蓉，辣椒，蔥花，芫茜，當然不缺少啦！ 但係今日都陰公湯底非常濃郁，所以我都冇攞其他醬料雪糕方面有 Haagen Dazs 四款雪糕， 當然不用錯過啦香茅蜜糖茶糖茶潤喉香茅可以清熱， 喜歡泰國特色的你一定喜歡。說時遲那時快， 他為我送上了都要跟湯底還有一盤蔬菜盤， 蔬菜盤可以refill的， 蔬菜盆有青木瓜絲， 通菜， 秀珍菇，泰式白茄子， 車厘茄辣椒，青檸。食辣原來真係可以停不到口， 牛肉豬肉基本上一涮就可以食，我們基本上都沒有出去拿太多丸類啦， 但是食慾已經很飽

食過兩次，兩次都係唔同聚會去食的，坐的位置其實偏窄，坐得唔算舒服。牛肉肉質可以，但湯底太淡同太水，所以唔會專登去排隊或者會想追住食！可能新都會只得一間放題任食火鍋，所以好多人排隊，但我如果唔係好想食火鍋，都未必會有下一次。唯一想讚美係員工上肉類時會講明呢款係咩肉，同有禮貌。

最近太太愛上打邊爐，本人愛食牛肉，今日收工，就相約在葵芳新都會廣場既但馬屋食晚飯。呢間餐廳出名用靚牛肉，以日式火鍋作招徠，裝修新潮，環境乾淨，以90分鐘任食，吸引不少年輕顧客。雖則是任食，食材一點也唔會馬虎，丸類有成十款之多，蔬菜同樣有大量不同既選擇！調味料方面，除咗有一盤打邊h爐醬油和中式香料之外，還有專為食牛肉而備既日本燒汁、麻醬和酸汁，本人覺得酸汁加和牛是絕配，酸汁不但可以中和油脂豐厚既和牛，可以提升味道，更可以多食幾片😋。餐廳最近推出咗冬蔭功鍋，喜好冬蔭功湯既我當然不會錯過，$249 蚊一位，仲可以任飲象啤。酸中帶點微辣，加上海鮮、香茅和檸檬葉等等既香料食起上來開胃又好味，最合適夏天享用，用埋黎打邊爐更是畫龍點睛。太太點咗佢最愛既藥膳麻辣鍋，既麻又辣既湯底，令人越食越上癮。二話不說，當然先品嚐牛肉，日本黑毛和牛：牛肉切成薄薄一片，上面佈滿雪花般油花，放入湯中2秒就食得，肉類柔軟，美味回甘。北海道夢之大地豚肉，相比牛肉，肉質硬了一點，但油脂一點都唔輸蝕，同埋美味。飲品應有盡有，一定有一款合適你。甜品有Haagen-Dazs 四種口味供應，女士們記得留點時間同「胃置」呀😋😋。餐廳牛

上次食完火鍋加任食 Haagen Dazs雪糕之後上左癮，上網見但馬屋都有得任食 Haagen Dazs雪糕，即刻book位食，餐廳長期爆滿，記得要Book位啊！一入到去非常田園既氣息，牆上面有好多裝飾，全部都係食物，望住口水都流外面既自助位係吧枱咁，連調味都有非常多選擇，我最中意既芫茜炸蒜係必落，非常香口，另外調味料上面有豆腐可以拎架！醬料位既左邊係蔬菜類，最特別既係有羽衣甘藍同通菜，菜上面就有響鈴同生根，菜類非常新鮮呢一邊係種類非常多既丸類，仲有切成片既萵筍同白椰菜花，萵筍較少見，仲有牛肉粒放湯可以增加肉味。Haagen Dazs雪糕有4種味道簡，夏威夷果仁、芒果、呍呢嗱&朱古力味，旁邊仲有2支醬可以吱上雪糕表面。冬陰功鍋$249今次既火鍋係一人一鍋，唔怕食人口水尾，又唔怕落左人地唔中意食野落鍋度，簡直係貼心火鍋冬陰功鍋有盆配料比客人，想酸少少可以加青檸，想辣少少可以加泰國辣椒仔，仲有我最愛既芫荽，今次落幾多芫荽都唔怕！丹麥皇冠豚肉雪花分明，肉類新鮮，滾熟後亦依然嫩口，不錯，唔食牛既淨食豚肉都抵！澳洲產長期穀飼牛（下）牛味非常濃，放入鍋數秒見轉色即可，非常非常嫩滑，完全唔會韌，而且

朋友話，未搵到個靚價位買機票去泰國，不如去但馬屋食住個 Tom Yum Goong 鍋頂下隱先。重點係，朋友佢好食得辣，我只食到10小辣，一人一個鍋，就唔怕辣死我啦。冬蔭功鍋可以 DIY 湯底，辣椒份量、配料落多落小、邊隻味想重啲輕啲，都可以自行調較，落晒啲料後，泰式風味出晒黎！呢到嘅環境仲要好田園下，食食下會以為自己已經去左泰國。出面嘅配料都唔惹小，有好多丸瓜菜俾大家任夾，而我最鍾意呢杯香茅蜜糖茶，甜甜地好解渴，我成晚淨係飲佢！