但馬屋 (新都會廣場)

營業中

休息中

同朋友係附近行完街～6點半就食晚餐了～ 想打邊爐 但又怕交叉感染～ 行過又見到呢間餐廳係1人1鍋～ 入去前仲會量體溫同埋消毒雙手先會入去👍🏻👍🏻 入坐前會叫我地每人揀返自己喜歡既湯底～我就揀左蕃茄湯底～朋友就揀左昆布同美顏湯底～ 仲有可以揀埋肉類既級數～ 因為我地主要食菜比較多～ 所以就揀左個最基本既餐～ 出奇地～ 我地3個都覺得豬好食過牛😂 但都係食左好少肉～ 佢另外菜類、丸類、麵類任你自己夾 喜歡食咩就夾咩 唔好浪費就可以了🙌🏻 最後仲有飲品同雪糕都係自取～ 百幾蚊都算不錯既選擇👍🏻👍🏻

同朋友行葵芳，見到哩間<但馬屋> 個名幾特別！而且係任食，一於同朋友試下！因為係肺炎期間，入坐之前都會探熱！我地選佐個289既套餐，有和牛食，佢既種類唔算多，但牛就非常ok，而且食得出唔係差，同朋友一直都係食牛，無點食其他配菜，所以配菜少d 我地都ok既飲品大概就10種左右！唔算太多！不過佢個牛肉就非常好，鐘意牛肉既朋友可以試下

2個大人1個小朋友去，因為個小朋友唔使收錢，所以俾張2人枱我地😤，放食物都唔夠位放，係小朋友唔知個煲係熱，我覺得咁對客人唔得囉，所以咁嘅公司我永遠都唔會幫襯，叫朋友都唔好幫襯，請貴公司檢討。

每次經過都大排長龍，就知有幾受歡迎。佢有5種湯底揀，今次揀左藥膳麻辣火鍋，打邊爐緊係食辣先過癮，加上有啲藥膳味，感覺上好養生咁。🤣🤣食物方面，基本嘅打邊爐材料都有，丸類、菇類、菜等，都有好多選擇。比較特別係有羽衣甘藍，應該一般火鍋店都唔會有。而且肉類都好新鮮。90分鐘任食，時間都充足，仲食得好飽，比起其他火鍋店，更有cp值。

應該係呢幾個月最後一次邊爐疫情未完都吾可以再邊爐啦一人一邊爐係吸引既地方大家可以試自己想要既湯底我可以食到啲菜食肉獸又可以起勢淥肉除左揀定既肉👉🏻個人覺得揀中價都okay外面自助款式都okFill得都快仲有好多款hagen dazes❤️❤️希望各位邊爐狂今年再有機會烚下烚下😷

糖媽🧑🏻生日🎂繼續帶住佢走日系風格🇯🇵😎齊齊黎烚吓烚吓🥢 齊齊黎試下<但馬屋>呢間經常爆滿👩‍👧‍👦且性價比算不俗💰既Shabu Shabu 和牛🥩放題店入座時間分為6️⃣0️⃣分鐘 / 9️⃣0️⃣分鐘時間限制下, 食得有點趕😭個人建議選擇黑毛和牛🥩套餐(可向下試埋澳洲🇳🇿穀飼牛🥩、丹麥🇩🇰豚肉🐽) 5️⃣款湯底任選(我地試左千夜鍋&美肌鍋)仲可以任揀其他唔同既配料、哈根大師雪糕🍦同埋飲品) 糖媽🧑🏻推介羽衣金蘭👍🏻<日本產🇯🇵黑毛和牛🥩午市放題套餐60mins>黑毛和牛既雪花好靚好吸睛👀 切得幾薄身🔪 肉同油脂分佈幾平均🤤烚下烚下🥢之後肉質幾腍幾有牛味🐂 有好輕微入口會溶既口感👍🏻👍🏻👍🏻食完黑毛和牛🥩再試澳洲🇳🇿穀飼牛會被比下去🤦🏻‍♂️ 感覺有點似無咁肥既肥牛🙈我地試埋丹麥🇩🇰豚肉🐽。。繼續狂食黑毛和牛🥩吧🙈🙈🙈千夜鍋係日本🇯🇵常見既鏗魚湯底, 有鏗魚鮮味, 比較清淡美肌鍋相對會濃味d~ 骨膠原就多d💋1️⃣人1️⃣鍋唔使怕洗筷子🥢

今日同朋友黎食開年飯自己叫左個美肌鍋湯底👍🏼野食同飲品方面都唔錯👍🏼啲野好新好乾淨，坐得舒服👍🏼唯一覺得可以改善嘅係，個雪糕真係好難潷😀女仔黎講真係要用盡手臂嘅力先潷到🤔同埋90分鐘原來好快過，下次黎要食快啲先得!!

記得第一次食但馬屋，個豉油湯底好差，冇咩味。之後好耐都冇再食佢。到第2次食有所改善，個湯底好食好多，澳洲穀飼牛好好食。諗住佢改善左會keep到，就諗住食好啲，食個黑毛和牛，點知瀨野，個湯底又變返冇味，黑毛和牛變左cheap cheap肥牛，千祈唔好以咁貴可以為可以食到日本嗰啲和牛咁靚，佢仲差過一田，吉吉島買嗰啲。牛涮鍋啲和牛好佢多多聲。仲有就係，啲醬油碗冇晒，我同個亞姐侍應有禮貌咁講“唔該，我想問下有冇豉油碗”，個亞姐望完答我“等呀”，然後走左去，要叫第2個侍應先加。

經常見到呢間門口有好多人排隊，今日見要食個早飯，所以５點幾就黎食。誰不知咁早都已經有人排緊隊，睇黎呢間野可能真係好好食。大約等左１５分鐘左右，就入得喇。我同朋友都揀左個「澳洲產長期穀飼牛放題套餐」千夜鍋（乜都無）美肌鍋老實講，見到呢兩個湯底真係得啖笑，可能係我期望太高跟住就出去拎野食，食物款式唔算多，但就夠特別。以上兩幅相已經係成間餐廳既野食了。不過，雖然係咁，佢Ｄ　牛肉都真係幾新鮮同好食既，呢度扳回一城。最特別係呢度有冰菜同羽衣甘藍，呢兩種菜我諗一般火鍋度都唔會有。本人第一次食冰菜，食落原來好爽口，好新奇。

食物質素同環境都還好。但有一位相信係經理級別的女員工(黑色工作服既大肚婆)態度超差，問野就黑哂臉，之後叫佢特登唔過黎，又拎啲污糟餐具過黎俾我用，根本就係趕客😕令我對哩間餐廳既印象大打折扣！！原本仲好開心想好好食一餐飯，點知受到咁既對待，一間本來尚有水準既鋪頭竟然會有咁樣既員工，感到好失望。絕對唔會介紹朋友去食，俾錢仲要受氣！員工的態度完全係反映左間鋪既管理好有問題，咁樣都可以做到管理層員工，揾客黎出氣，垃圾餐廳！

呢日心血來潮想打邊爐，就揀左不嬲人氣高既但馬屋。Walk in拎飛既情況下等左半個鍾。12點1點入去會等更耐。環境大座位少呢樣令到唔會同一時間好多人沖去拎野食。佢午餐有定量或放題，有60或90分鐘選擇，牛既款式唔及晚市多，不過勝在夠平。我揀左60分鐘黑毛和牛，對我可以不停放食物入口我覺得可以，其他細食既話可能太短時間了，嗌貴既就唔抵，得60分鐘。外面係任拎菜，菇，丸，等等，都新鮮啊不過選擇唔多，質素取勝。好過d唔新鮮。普通黑毛牛油花唔多，唔算特別，不過咁既價錢食到和牛都ok。不過，佢上菜既速度有點慢，第1次等左15分鐘，其實係因為得60分鐘唔夠時間姐，哈哈。整體午市好抵食，食左勁多，回晒本！

但馬屋既LUNCH一直都非常爆，今日特登用APP拎飛，終於準時1點可以入座食夠60分鐘。今日我同同事都簡左牛肉豬肉SET，每種4-5片，牛肉不及豬肉好食，可能豬肉片較多油脂，輕輕一淥後肉質彈牙有咬口。再加任食配菜雪糕及飲品，整體而言都幾抵食。不過我地不太滿意湯底，首先美顏湯底好似普通雞湯咁，而麻辣湯又不夠麻辣，食落都只係豬骨湯加辣油。不過都明呢個價錢黎講，食物質素算係咁，蔬菜類都多選擇而且看似洗得乾淨，所有丸類都好食，特別係魚餅同墨魚丸。另外拉麵都係推介！當然唔少得任食既哈根大師，LUNCH黎講$87食到咁多野真係幾抵!

牛豚肉高質，可惜供應食物的選擇不多。如可提供多啲其他食物種類更佳。一人一鍋也十分好，好適合同朋友家人食，不用筷子橫飛，很乾淨，而且照顧到不同口味既人。另外，服務質素也可，能迅速回應客人需要。

10月25日（五）晚於葵芳新都會分店用餐，打算與朋友慶祝生日（共3人），朋友們事前已告之這間很多人等位，於是一放工就去取飛，取飛時間為1833，於門口當值的職員沒有告訴客人要等幾耐，亦沒有任何指示牌提示大約要用多少等候時間，如果有提示牌，我絕對不會等！！！！結果這次未慶祝生日之前，已經被其差的服務給弄㷫了。最後我們由1833等到2100才可安排入座.用足2. 5小時才能被安排入座，這2.5小時裡，門口叫飛的不停只叫1-2人檯，起碼叫了30-40個號碼都是1-2人檯，但3-4人檯只叫得10個號碼都無！！！！當我們等了1.5小時左右，已經有不同的客人作出投訴，大多數是3-4人飛 /大檯客人。。。之後有個類似高層的餐廳同事見到有客人投訴，就出黎對門口同事講唔好入1-2人檯住，入返大檯！我想問下，係咪即係本身有大檯 / 可合併細檯做大檯的情況下，你們依然會只做2人檯生意？而不招待3人以上的客人呢？如果係的話，咁不如直接擺塊牌係門口叫人唔好攞飛！！如果要你用2. 5hrs等檯，但限時用膳時間為90分鐘，這件事情合理嗎？如果朋友你想去試這間餐廳的話，請三思！不值得！！

行開新都會，見到有好多人排緊依間自助任食邊爐，於是就排埋一份啦，係門口見到佢D裝修唔錯，湯底都幾特別咁，而且D配搭都幾多Wor!等左成粒鐘，終於有得入去食，我地編左個門口位。D餐具都幾別緻，幾QQ，一人一鍋幾得意。我地叫左澳洲谷飼牛餐($198per each)，任食1.5小時，我一人叫左味噌雞白湯，一人叫左麻辣湯。煲仔細細，但湯可以無限Fill的。先上左一D肉類，有D豬同牛。食落肉質麻麻地，無乜肉既味道。之後就出左去拎配料喇!佢有每人一個木盤比我地裝配料。不過個木盤有D wujo x(野食既種類唔算係話太多，有三至四個凍櫃+一個雪糕櫃+一個飲品櫃有唔同既丸類同腸仔等等既急凍食物都有D菜類如瓜、Corn等等亦有唔同日式Sauce同配料我就整左個傳統Garlic+Spring onion菜同Goo類反而幾多，連羽衣甘藍都有所以我地都比較拎菜類多，因為款式特別。另外佢有香茅蜜糖茶，係特別之作，幾好另外佢有Hagan darz雪糕，不過要自己不，好硬，而且無Refill，排完隊先話無，勁晒時間總結: 依間放題邊爐真係麻麻地，D食物質素好一般，款式不多，而且埋單係400幾蚊，唔值依個價錢，而且