但馬屋 (新都會廣場)

營業中

休息中

今日去葵芳接人收工 ， 又想打邊爐 就選擇左依間但馬屋， 見佢有三間分店 應該無伏啦， 而且又有日本產黑毛和牛放題$320 就去試試佢。用左Apps 排隊一去到立即入去 90分鐘 320 +1 。一人一鍋 我地選左麻辣 &蕃茄鍋 ，味道都係一般 無特別， 但麻辣好d . 首Round 會有豬+牛肉 其他自己出面拎 ， 兩樣都正常 ， 出面菜/丸選擇好小 味道正常。 飲品雪櫃有鋁罐 汽水 茶 ， 仲有有汽檸檬茶 幾好飲 多左氣。 牛肉好伏 ， 雖然頭一轉係正常 ， 之後質素一直轉差 ， 去到第四轉 終於要投訴 ， 有職員換返多d脂肪嘅牛肉 ， 兩份放係一齊根本完全唔同， 街市68蚊 同 128蚊嘅分別 ，唔投訴就一直食平價貨 。 成個感覺好差 。90分鐘有d急 ， 一夠鐘就立即收鍋 ， 其實我都食左一半雪糕 俾多2分鐘我都可以掛...

我與朋友也十分十分喜愛一起手打邊爐的而但馬屋也是我們分喜愛的邊爐Hot Pot餐廳之一，它的價錢不是貴，屬便宜偏中價位的任食邊爐餐廳。而我們一致也覺得 葵芳分店比起Apm分店好太多了，服務已經是沒有得比，apm的職員服務也真的差點極點。而湯底上，不知道為什麼apm分店的很淡很水，但葵芳分店的但馬屋湯底味道很濃郁，味道十分足夠。而食物種類上也是包羅萬有，最令我心心眼的是，菜類它會有羽衣甘藍和 Häagen-Dazs雪糕。以這個價位來說，真的十分抵吃呢！

今天原本想食燒肉，但未找到已經好肚餓，剛巧經過但馬屋不用排隊就衝進去了。放題套餐可選60和90分鐘，我們選了90分鐘的嚴選牛肉放題，吃得輕鬆一點。肉類方面，牛肉我們覺得一般，沒有很突出，不知和牛會不會好一點？反而豚肉有點驚喜。湯底選了藥膳麻辣鍋和甘露鍋，兩個都夠味亦不太油膩配料選擇方面，驚喜是有羽衣甘藍，整體蔬菜ok而丸類和其他選擇不太多。飲品有一般罐裝飲品，此外有美肌排毒水和雪梨茶。甜品是Häagen-Dazs雪糕。放題來說不算貴，但這個價錢應該還有很多選擇。

復活節假期嘅最後一日同男朋友＆佢媽咪嚟新都會打邊爐我哋早一個鐘頭已經上app攞咗飛 去到舖頭已經係 6：45了……但係由於太多人嘅關係都仲要等多成半個鐘先有得入座， 等候嘅時間我哋已經決定好揀咩餐好多人等緊位呀，餐廳入面都full晒有六個鍋底 我揀咗美肌鍋男朋友揀咗藥膳麻辣鍋佢媽咪揀咗千夜鍋我哋 一致決定揀澳洲穀飼牛放題套餐見到成張枱 放滿曬啲鍋 同埋食物就覺得好興奮，食指大動因為我哋都肚餓了等咗咁耐侍應放咗啲牛肉上枱後，我哋就出去夾菜為免食咁多肉，加上佢媽咪減緊肥 所以我同男朋友夾咗好多椰菜菇＆金針菇等等男朋友嘅藥膳麻辣鍋，一睇個樣我見到都覺得辣呀，因為我唔食得辣佢反而無辣不歡，不過就咁聞都覺得佢個鍋好香我嘅係美肌鍋，望落去滿滿嘅骨膠原未食都覺得好美肌啦對面嘅就係男朋友媽咪嘅千夜鍋 其實係一啲魚湯嚟嘅，用魚淆成嘅湯底話明係放題， 加上我哋又勁肚餓梗係狂食啦，要食番個回本至得哈哈哈啲牛肉真係好食到不得了，薄薄一片好快就淥熟，而且又嫩滑唔使點咬雖然又未去到話入口即溶嘅地步 但點啲豉油，就咁吞都得了又滑又有牛肉嘅香味，反而豬肉我哋就覺得冇咁好食，我覺得佢啲豬肉有少少鞋對比起牛肉嘅話，就爭咁

之前見呢間嘢好多人排隊，而我又中意打邊爐，一於試下啦，點知咁伏...嗌左個90分鐘套餐既$189牛，啲牛好鞋好難咬開，而且冇乜牛味，出面可以選擇既食物都好少...仲會有個戴眼鏡女職員不停行黎行去望住你食嘢，又不停揾嘢執，例如筷子套，紙巾等等，令人好不安...味道真係好普通，自己買材料翻屋企食仲好味，呢個價錢係同類型既店舖會有更好既選擇，加上正值疫情期間，點可能冇生熟筷子提供？總之唔會再幫襯啦，奉勸大家唔好徙錢～

今日好想食shabu shabu，本來只是想食一個套餐，去到門口叫肥仔揀，點知就揀咗最貴既90分鐘黑毛和牛放題套餐$289/人，😪肥仔果然為食～～晚市食shabu shabu就試得多，午市其實都係第一次，呢個套餐其實比起晚市抵食好多，套餐包日產黑毛和牛及豚肉.90 分鐘Lunch Menu 60分鐘 Lunch Menu揀好湯底，今次試下美肌鍋，雖然鍋裡有兩大舊雞肉，但是其實個湯冇咩味，甚至我覺得有豬味，下次都係唔好試新嘢！坐低一陣就上咗湯底、兩份黑毛和牛、一份豚肉，賣相唔錯，但是食落竟然有d韌，就算一熟就撈都係韌，食唔到有乜和牛味！ 覺得綠楊的日牛的和牛更柔軟更有牛味.日本產黑毛和牛美肌鍋，大愛皇帝菜😋以呢個價錢食黑毛和牛放題係抵，但是質素就見仁見智，shabu shabu 現在都好幾間，各有優勢，呢間我就喜歡佢有皇帝菜、羽衣甘藍、哈根大師雪糕，而且質素很高😋

呢間但馬屋每次行過都好香，今次終於試到喇。其實同牛一牛涮鍋真係無乜分別，都係屬於豬肉同牛肉質素中挺、蔬菜同丸就唔算多選擇。不過有樣野幾好就係一人一鍋，夾野都近啲方便啲；醬料有炸蒜、芫荽同新鮮辣椒，但啲麻醬就唔好味，唔係丘比果隻。整體都食得過既～

今日同friend嚟呢度打下邊爐，見到呢間長期有人排隊想試好耐，午市都好抵下，二百幾蚊放題經過重重掙扎我決定揀藥膳麻辣鍋，朋友揀咗蕃茄芝士鍋。但係我個麻辣鍋越食越鹹，好快就已經去到可以唔使點醬料就咁烚都有味嘅階段😂。所以我會比較推介朋友嘅蕃茄芝士鍋，雖然芝士存在感一如所料不高，但係蕃茄鍋比較清甜，一路打邊爐唔會越食越鹹！👍🏻very nice牛肉都幾高質素，一睇就知係靚牛，而且薄切食落舒服啲唔會咁快飽，可以慢慢嘆，啱女仔胃口。最令我驚喜嘅係配料區，估唔到竟然會有海底結同埋筍！！！超難得啊！所以我夾咗勁多最後當然係唔少得食埋Häagen-Dazs！

已經黎過好多次，本身都好鍾意食。今日由12點幾係Gulu拎左電子飛，打算係附近行一陣等到號碼。本身冇幾耐之前睇係叫到13，我22號想話係葵涌廣場行過去應該啱啱好。點知啲號碼突然飛得超快，我已經係跑過去都叫左去27。之後我好好態度同門口個派飛女仔講，啲號碼突然飛得太快，我跑過黎都飛左去27，可唔可以通融下幫我安排返。但係呢個女仔就話我過左3個號，叫我重新排（當時已經叫到51）但我隔離嗰個男仔都係啱啱行過黎補飛，佢23號（都一樣超過左3張），但係就俾嗰個男仔補。如果你話係個個都係咁，我都可以體諒你地係因為規矩。但係隔離個男仔一樣係過左3張飛，點解就可以呢？我覺得好唔公平。同埋Gulu個app都係剩10個號既時候先通知，明明係啲號飛快咁過，幾乎幾秒跳一個。希望你地可以改進下。

平時好少會Lunch就食任食打邊爐，但無奈唔知幾時先有返晚市，所以今日的起心肝去食但馬屋。出發之前喺GULU 個app攞定飛，本來去到應該時間啱啱好，但等停車場部𨋢等咗好耐，等到啱啱過咗號。好彩過咗三個號碼以內，唔駛再排過。我哋四個人分開兩張枱，我就要$159最平嗰個90分鐘任食plan,另外兩位就食$189嗰個。$159個plan嘅牛肉脂肪比例無咁高，牛味就無乜分別，所以我覺得$159個plan會好啲。每張枱都有兩個木兜出去拎配料，一張枱有一隻夾，有自己個夾感覺幾衛生。甜品方面有4個味嘅雪糕，啲雪糕好硬，𢳂兩球已經手都軟。如果喺夠鐘之前食曬所有嘢，就可以問店員拎29蚊現金卷下次用。店方希望用少少回贈鼓勵大家唔好浪費食物呢個概念非常之好，但張現金券淨係可以晚市用而且一個月之後到期，我唔知有無機會用到呢一張現金卷呢？

在限制令六點後沒有堂食前一日來到 但馬屋 ‧ 來個一人一鍋烚烚下，標榜高質日式黑毛和牛，朋友說每次晚上經過都見唔少人排隊。但今日不多人，可能是我們提早食晚飯關係。入內都算大仲好寬敞，走大自然裝潢風，白色牆壁綠色植物佈置，再配搭木枱木椅，給人感覺滿舒適。餐牌一人一鍋每人都可以揀選自己喜愛的湯底。限時90分鐘任飲任食，牛肉價錢由$109-$389有六種價位可選擇；至於湯底有五款，分別是藥膳麻辣鍋、千夜鍋、甘露鍋、美肌鍋和意式蕃茄芝士鍋。我們倆分別叫了辣藥膳鍋和美肌鍋，兩款湯底唔太濃烈味道還算可以，辣藥膳鍋更為比較惹味不太辣。出面仲有各款自助配料例如丸、菜、菇、麵要自己出去夾，選擇唔算多，還有自助醬料區，自助飲品櫃提供普通飲料；對於我來說重點係haagen dazs雪糕任食，有4種味道朱古力、芒果、士多啤梨、椰子唔錯!日本產特選黑毛和牛上盤堆疊得很美，粉嫩的好新鮮；一整片滿滿的雪花紋烚幾下已經食得，入口肉質好幼嫩，油脂濃好好食😋。豚梅肉普普通通。整體來說對我倆算是好唔抵食，因為我倆好細食，如果你是個喜歡食牛肉而且好大食的人真的很不錯選擇。

近年日式火煱大行其道，餐廳装修時尚乾淨，在限聚令的影響下，一至兩人平平地也可以嘗嘗打邊爐的心癮，除了肉類及海產類外，其餘蔬菜，配菜類選擇也不小，又有Haagen Dazs雪糕及多款飲品選擇，任飲任食，一次過滿足了"快靚正平"的欲望。午市可選定量套餐， 又或限時60/90 分鐘放題。冷霧氣迫人可使蔬菜，菇類的新鮮度及衛生度加強配菜有多款丸類及麵款選擇一定可以飽肚離塲醬料擺設也衛生乾淨，但豉油略咸雪糕超硬，要超過5分鐘才能成功裝滿一小杯，也因此阻礙及加長了其他人的輪候時間，有些尴尬，亦造成人龍，有侍改善。選了千夜鍋 ~ 稀釋滾水湯，淡而無味。意色蕃茄芝士鍋 ~ 只有淡淡的蕃茄膏味。日式湯底真的不能跟廣東及四川湯底相比嚴選牛肉豚肉盛合一客$89肉質外觀超新鲜，但入口感覺一般。

今日同2位舊同事慶祝生日，去左葵芳的但馬屋，一人一鍋，可以揀自己喜愛的湯底，無辣不歡的我，梗係要揀麻辣湯底啦，但可惜都係唔辣的🥲食物方面，我地揀左$198的價錢，肉類主要牛，豬，外面也有好多食物，難得有羽衣甘藍呢隻咁貴的菜，食多幾塊好易回本，而且好有益！飲品有罐裝茶類，汔水醬汁比較有特色，我用左日式醬油不錯到最後大有哈根達斯雪糕，係香蕉味架，真係未食過😅唯一美中不足係等位比較耐，其他食物，飲品各方面都很好！

因為疫情關係我地飯腳好耐無一齊堂食藉住中秋前夕齊齊去挑戰但馬屋我地一早禁定飛仔分左兩張檯唔算等左好耐雖然兩張檯隔開好遠總算大家可以聚一聚有飯腳試過食90分鐘任食放題結果食唔切出面自助吧所以今次我地選了食60分鐘午市定量套餐我選了牛肉一盤牛肉黎到賣相都唔錯湯底選了千夜鍋味道都唔錯清清地出面自助吧打邊爐該有食物都有菜、丸、配菜有不少選擇連我最愛的烏冬都有而且質數都算唔錯醬料出面自己拎野飲係出面雪櫃雪糕🍦都有得食基本上呢60分鐘大家都好忙唔會有時間傾計食完真心大滿足今餐真係抵食而且質數好好難怪永遠咁多人等位值得再encore

中秋節前夕，當然要跟同事食好點當做節啦。我們第一次lunch time食但馬屋，在12點15分就要攞定飛，要等佢第1輪食完，時間就剛剛好。我們選了$98，60分鐘火鍋(每人有一碟牛），牛的質素真是好，外面的菜，丸，麵，飲品，雪糕都可以任食。湯底有5-6款選擇，我選左千夜湯，其實就是昆布湯底，都可以啦，清清地。菜方面除了一般的娃娃菜，生菜，仲有萵筍，蟲草花丸都不差，貢丸和牛丸都是好食的最意想不到的是雪糕，是haagen-dazs小杯裝，真係超級抵食因為趕住返工，食60分鐘是好趕，一去到就要攞菜，好在他個鍋是小小，可以好快滾，時間一到就真是要交枱，出面仲有好多人等緊位。整體真超級抵食，比起我上一篇那間，但馬屋cp極高