影片
更多
2019-02-23
233 瀏覽
自從幾年前喺大阪食過但馬屋之後，都對呢間日式火鍋念念不忘，有幸進駐香港，可以一再品嚐，今日放工就梗係約埋一班朋友過嚟朝聖啦！釋放食飯時間，都好多人喺門口等位，咁就梗係啦用呢個價錢可以食到咁高質素嘅放題火鍋，真係好抵呀。好彩我一早就已經係apps度攞咗位，所以好快就可以入左啦。裝修簡潔明亮，富有現代感。侍應話俾我知最近新出咗個紅酒湯底，據我所知紅酒具有抗氧化保持年青肌膚嘅功效，作為貪靚一族嘅我就梗係要試吓呢個新口味又可以美容嘅湯底啦。而且配嘅係澳洲上級長期谷穀飼牛，真係而家諗返都仲好回味啊。點左餐之後，店員好快就已經攞咗個鍋出嚟啦，但係點解冇湯底嘅？原來仲有一疊配菜，店員好細心咁教我首先將啲黃牛脂肪放落個鍋度整香佢先，跟住再放啲洋蔥同埋香菜落去爆香佢，之後再放兩件牛肉，落去爆香佢，香氣撲鼻。炒多兩炒就可以放啲紅酒湯同埋魚湯落去啦。紅酒湯底出場啦。主角牛肉上場啦，紅白分明，賣相好靚，脂肪比例比較少，而且牛味好重，肉質彈牙爽口，放落個湯底度滾幾滾，唔使點醬油，已經好夠味，真的不錯👍🏻醬料方便選擇都好多，但係我覺得個湯底已經夠晒入味，所以都已經唔需要啦。除咗牛肉出色，都仲有其他配菜，菜類，菇類
侍應話俾我知最近新出咗個紅酒湯底，據我所知紅酒具有抗氧化保持年青肌膚嘅功效，作為貪靚一族嘅我就梗係要試吓呢個新口味又可以美容嘅湯底啦。而且配嘅係澳洲上級長期谷穀飼牛，真係而家諗返都仲好回味啊。
點左餐之後，店員好快就已經攞咗個鍋出嚟啦，但係點解冇湯底嘅？原來仲有一疊配菜，店員好細心咁教我首先將啲黃牛脂肪放落個鍋度整香佢先，跟住再放啲洋蔥同埋香菜落去爆香佢，之後再放兩件牛肉，落去爆香佢，香氣撲鼻。炒多兩炒就可以放啲紅酒湯同埋魚湯落去啦。紅酒湯底出場啦。
主角牛肉上場啦，紅白分明，賣相好靚，脂肪比例比較少，而且牛味好重，肉質彈牙爽口，放落個湯底度滾幾滾，唔使點醬油，已經好夠味，真的不錯👍🏻
醬料方便選擇都好多，但係我覺得個湯底已經夠晒入味，所以都已經唔需要啦。
除咗牛肉出色，都仲有其他配菜，菜類，菇類，丸類，等等都係任食，而且擺放得乾淨整齊，又新鮮。
飲品選擇夠晒多，而且又夠晒冰凍，果然作為呢餐飯嘅錦上添花。
作為甜品仲有免費任食嘅Häagen-Dazs雪糕，但係因為啲牛肉太好食啦，食得太多太飽，已經冇能力再去試吓啲雪糕添
張貼
