影片
更多
2019-02-24
12364 瀏覽
收工時間約埋同事嚟食慶生飯，話得慶生飯就梗係要食好d! 就揀左喺佢返工樓下開左無耐既日式邊爐但馬屋！好彩嚟之前都知佢好受歡迎，一早訂定位，如果唔係應該要排好耐隊先有得入，呢度裝修幾簡潔，地方闊落，環境都幾乾淨，怪唔得吸引到咁多人嚟！坐定定之後就梗係要去拎配料，撈醬汁，醬汁整齊地排好在自助bar, 除左鼓油，仲有芝麻醬，同專為壽喜燒比較香口既醬汁，當然唔少得蒜蓉，辣椒呢d醬汁配料！配料真係應有盡有，菜類，丸類，腸類，少少魚類，雞肉，麵等！加上又有牛肉豚肉任食，真係未必食得晒添！菜類選擇特別多，一陣食多d牛肉都唔怕無菜！最令我驚喜既係竟然有爽口既冰菜供應！除左配料任食外，仲有罐裝飲品任飲，有汽無汽任君選擇！除左罐裝飲品外，仲有新鮮既果汁供選擇，唔想飲太甜既罐裝飲品，可以自己倒返杯果汁飲！我叫左個期間限定紅酒壽喜燒！先用肥美既和牛開鍋，煎到d牛油出嚟再放入洋葱同和牛片，煎出嚟既和牛片非常香！和牛片賣相非常吸引，亦都係佢哋既主打項目，呢盤和牛係限量供應，每個餐跟一set ,食晒就無，不過真係夠晒一人享用！煎出嚟既和牛非常香，牛味十足，牛肉同脂肪入口就完全溶化在口中，加上日本嚟既温泉蛋，點少少
好彩嚟之前都知佢好受歡迎，一早訂定位，如果唔係應該要排好耐隊先有得入，呢度裝修幾簡潔，地方闊落，環境都幾乾淨，怪唔得吸引到咁多人嚟！
坐定定之後就梗係要去拎配料，撈醬汁，醬汁整齊地排好在自助bar, 除左鼓油，仲有芝麻醬，同專為壽喜燒比較香口既醬汁，當然唔少得蒜蓉，辣椒呢d醬汁配料！
配料真係應有盡有，菜類，丸類，腸類，少少魚類，雞肉，麵等！加上又有牛肉豚肉任食，真係未必食得晒添！
菜類選擇特別多，一陣食多d牛肉都唔怕無菜！最令我驚喜既係竟然有爽口既冰菜供應！
除左配料任食外，仲有罐裝飲品任飲，有汽無汽任君選擇！
除左罐裝飲品外，仲有新鮮既果汁供選擇，唔想飲太甜既罐裝飲品，可以自己倒返杯果汁飲！
我叫左個期間限定紅酒壽喜燒！先用肥美既和牛開鍋，煎到d牛油出嚟再放入洋葱同和牛片，煎出嚟既和牛片非常香！
和牛片賣相非常吸引，亦都係佢哋既主打項目，呢盤和牛係限量供應，每個餐跟一set ,食晒就無，不過真係夠晒一人享用！
煎出嚟既和牛非常香，牛味十足，牛肉同脂肪入口就完全溶化在口中，加上日本嚟既温泉蛋，點少少就更香甜嫩滑，再無需要加入其他既醬汁，徹底體驗和牛既鮮味！
煎完左一陣和牛，我見d牛油同肉汁都滲晒出嚟，就加入紅酒濃湯變打邊爐，慢慢享用夾返嚟既配料！(感覺上有d 似雞煲變打邊爐的感覺haha)
提提大家，千祈要留返少少個肚既位置食哈根大師雪糕！真材實料，食多幾杯都抵返晒！
朋友對我呢餐生日飯都非常滿意！佢話下次介紹埋d朋友落嚟食lunch!
張貼
