享樂烘焙

營業中

休息中

大前日（20-4-2024 Sat) 晏晝同老公行荃灣買嘢，我哋經過呢邊，於是又入去買呢篇食評https://www.openrice.com/zh/hongkong/review/%E3%80%90new-%E3%80%91%E9%96%8B%E5%BF%83%E6%9E%9C%E5%B8%83%E7%94%B8%E8%8F%A0%E8%98%BF%E9%85%A5-%E4%BA%AB%E6%A8%82%E7%83%98%E7%84%99ly-bakery-e5411648介紹嘅開心果布甸菠蘿酥食，睇到呢度有唔同味嘅布甸菠蘿酥，有焦糖布丁菠蘿酥有大甲芋泥大福菠蘿酥，我都係決定要$32.00嘅開心果布甸菠蘿酥，俾錢時，店員提醒要呢日食咗佢。我哋去到附近商場坐低影完相食，個開心果布甸真係好滑，蛋味亦算濃，開心果味就真係薄咗，菠蘿酥皮開始腍，雖然成個係甜品，但唔太甜，啱啱好，係好舒服嘅甜品，老公都讚好味，正。如果一個人食，唔share重爽。點解呢間嘢出品嘅嘢咁好食？真係過份。味道係 4.5分，抵食係2.7分上次食評係2024年2月25日刊登嘅呢篇 :https://www.openrice

17-2-2024（Sat）年初八晏晝,同老公由荃灣西行返出嚟,由於佢臨瞓前同翌日朝都要食藥,不如買定麵包,佢話去享樂買.好遠呀!果然係忠實fans,我哋嚟到,又睇到新口味嘅麵包,行完一圈,就買咗:1. $16.00嘅明太子麻糬燒2024年1月31日刊登嘅呢篇食評https://www.openrice.com/zh/hongkong/r-%E4%BA%AB%E6%A8%82%E7%83%98%E7%84%99-%E8%8D%83%E7%81%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r799746/reviews中提過,老公話好食,所以再買,今次呢個佢自己食晒,我冇食.2. $14.00一個,$24.00兩個嘅司康我哋要咗海鹽AOP法國奶油司康同蜜糖提子司康各一個,由於覺得呢個外面會脆口,所以呢晚食咗佢先.切開睇,海鹽AOP法國奶油司康固然冇餡,食落,外面係脆,內裡同鬆餅有少少唔同,應該可以話係鬆餅同麵包嘅結合?呢個就普通咗啲.3分蜜糖提子司康呢?呢個味道自然豐富啲,不過我本身應該唔係好鍾意食提子乾,我覺得如果用紅莓可能好味啲

14-2-2024（Wed）年初五兼情人節，放工後，老公喺呢喥買個蛋糕返嚟食，食完晚飯就拎出嚟。睇見佢係白色嘅蛋糕，咩蛋糕嚟呢？白朱古力蛋糕?切開睇，個樣咁似cheese cake嘅?老公話柚子奶酪味蛋糕，即係cheese cake，好，我哋食得喇。微酸又帶甜嘅柚子味道來自上面一層薄薄嘅柚子醬，食唔到澀味，幾好;面上軟滑嘅忌廉唔太甜;而芝士蛋糕嘅口感係正常軟軟的濕潤，唔錯。呢個令我諗起係Yolanda Cake (https://www.openrice.com/zh/hongkong/r-yolanda-cake-%E4%B9%9D%E9%BE%8D%E7%81%A3-%E8%A5%BF%E5%BC%8F-%E9%BA%B5%E5%8C%85%E5%BA%97-r433047)食過，食評係2016年10月24日刊登嘅呢篇: https://www.openrice.com/zh/hongkong/review/%E8%B3%A3%E7%9B%B8%E6%A0%B8%E7%AA%81o%E6%97%A2%E7%94%9F%E6%97%A5%E8%9B%8B%E7%B3%95-e2668

噚日（4-2-2024 Sun)朝落荃灣會合返完教會嘅老公 食早餐後去買餸，路經享樂，老公又問使唔使入去買麵包食？咁入去睇吓啦。點知一睇又出事啦，出咗好多款未見過嘅麵包，喺飽嘅情況之下都揀咗幾個，有:1. $20.00一個$36.00兩個嘅檸檬吉士冬甩呢個酸酸甜甜咁，餡料多，好味。5分2. $12.00一個， $22.00兩個嘅北海道奶油條奶油奶味算濃，呢個似走椰絲嘅椰絲忌亷賓，啱唔鍾意食椰絲嘅我。5分之後我食唔落，到夜晚至食埋另外嗰兩個。3. $12.00一個， $22.00兩個嘅墨西哥奶酥呢個個餡甜有啲椰絲，但好味。5分4. $20.00一個$36.00兩個嘅玉桂焦糖蘋果冬甩呢個晏晝老公食時話好甜，我食落係，真係好甜，原來有焦糖，唔怪得。4分服務:俾錢後，店員提醒如果今日食唔晒，就雪住北海道奶油條，其他三個唔好雪。抵食係2.7分題外話:佢哋有出賀年嘅鳳凰金元寶，有一件獨立包裝同一盒四個嘅禮盒裝賣，我哋唔可以買，所以冇得試。上次食評係喺2024年1月31日刊登嘅呢篇:https://www.openrice.com/zh/hongkong/review/yeah-%E5%BF%8D%

大前日 (28-1-2024 Sun)朝,老公去完教會,我叫佢喺呢喥買啲麵包返嚟食,點知佢一口氣買咗6個麵包返嚟,當中有啲係出爐冇耐,所以店員都唔綁實個袋,而佢買咗:1. $ 12.00一個,$22.00兩個嘅法國栗子包呢個仍暖暖地,所以要食先,佢嘅造型都係成粒栗子咁,掰開一半,見到裡面有好多栗子蓉,食落味道係對版亦唔太甜.3分2. $18.00嘅湯種藍莓乳酪貝果呢個我食到乳酪味,而麵包外層都開始有少少韌.2.8分3. $28.00嘅特濃抹茶麻糬小吐司食到呢個都已經開始唔暖,可能因為天氣凍啩,呢個抹茶味甘同濕潤,面嘅麵包微甜同脆脆地,加上煙韌麻糬,口感好豐富.5分4. $6.00一個,$16.00三個嘅巴馬臣香蒜包老公有食力,佢就先食半個,佢大讚咁普通嘅麵包都咁好食,佢話如果新鮮出爐應該好好食.我到下午茶時間至食到,味道好夠又唔太鹹,包身仍鬆軟,唔錯.5分5. $14.00一個,$24.00兩個嘅台式肉鬆菠蘿包老公喺下午茶時間食,入面有啲奶油,佢話個面仍脆,但肉鬆同奶油跳唔到舞,化學作用唔得.我就飽到要夜晚當晚餐食,甜甜地嘅菠蘿包面仍脆,台式肉鬆好乾身亦唔太鹹,而滑滑奶油令我記起以前嘅

今日經過荃灣呢間享樂烘焙買咗個菠蘿布甸包同埋抹茶冬甩試吓🥖菠蘿🍍布甸包嘅味道麻麻哋🥲，唔係好夾明明菠蘿包嘅口感係有咬口嘅但係中間嘅布甸味道好普通同埋太大個啦味道好似食緊齋布甸咁樣🍮抹茶冬甩🍩嘅味道好好食，啲cream係好多嘅出面有一包喺出面咬落去都可以feel到啲cream係好多同埋好好食啦麵包本身都係好煙靭，啲cream都唔會話太甜OK嘅，鍾意食抹茶嘅推介大家試吓🍵環境方面：如果係平日就唔使排隊幾方便，麵包舖雖然細細間，但係都有好多唔同種類嘅麵包可以揀👍🏻總結：推介大家食抹茶嘅冬甩🍩cream同埋抹茶好食，唔推介菠蘿布甸包🍍

27-4-2024（Sat）傍晚，老公剪完髮肚餓，就走嚟買麵包填肚，佢見到最後兩個開心果麻糬牛角包，於是買嚟食，佢自己就食咗一個先，然後拎一個返嚟畀我食，但由於我唔餓兼且都食晚飯，所以冇即時食到 ，唯有留到 28-4-2024（Sun）朝頭做早餐，由於27-4-2024天氣潮濕翳焗，所以都預咗呢個包會受潮，我嗰朝就攞嚟食，咬落去當然已經唔脆，麻糬依然煙韌，而裏面都有開心果醬，個包甜甜哋，味道都正常大路，不過都係因為我錯過咗而影響咗口感。價錢:幫趁咁多次，真係冇留意呢個幾錢，都應該係$2600-$30.00。2.6分上次食評係2024年4月23日刊登嘅呢篇:https://www.openrice.com/zh/hongkong/review/yeah-%E9%81%8E%E4%BB%BD%E5%9C%B0%E5%A5%BD%E9%A3%9F-e5422828

享樂烘焙 @ly_bakery 大甲芋泥麻薯維也納包 $18紅豆大福維也納包 $18———————————————————————享樂烘焙係每次經過都一定要入去消費嘅麵包店🥰Bagel好味就人人都知 下次有機會就畫✍🏻！今次畫呢款特別啲 少啲人推薦 但一樣好好食嘅維也納包🤤～麵包帶韌性 中間夾住煙韌麻薯 & 綿密芋泥/紅豆蓉🫘咀嚼麵包嘅過程將餡料同麵包融為一體🫦令每一啖都帶層次感 味道口感Matched💥.評分💫：味道：4/5環境：3/5價錢：4.5/5.地址🚩：荃灣荃灣街市街152號坤成樓地下6號舖新蒲崗大有街3號萬迪廣埸地下E號舖元朗元龍街9號形點 I L1樓1097號舖九龍灣常悅道21號The Eastmark地下3號舖

終於有得試下佢地超級引嘅布丁菠蘿包系列！見到大量開心果新品！太興奮了吧🔥布甸菠蘿包有開心果味、芋泥味、原味焦糖，老闆透露遲啲仲要出埋抹茶味🍵🥹-1️⃣「開心果布甸菠蘿酥💚($32)」🆕兩樣都係我鍾意食嘅嘢：菠蘿包同埋布甸🤪菠蘿包份外酥脆！要布甸啊超級重蛋味！明顯用咗日本雞蛋同忌廉，不過開心果味就唔係特別突出～Pistachio Pudding Pineapple Bun👍🏻

✧ 開心果脆脆酥 ($20)呢個外表好得之餘unexpectedly地好好食！首先佢好似千層包咁可以逐啲逐啲mit出嚟食質地方面 臨食前搵小焗爐烘一烘啲酥皮食落好夠脆🔥酥同topping大量開心果碎中間有層好厚嘅開心果醬呢層醬隱約食到嗰種白朱味但始終開心果味重啲咬時有脆脆感係因為醬入面加咗啲好似粟米片咗嘅薄脆平時茶飲/蛋糕底層用嗰種脆片每層包中間夾住嘅綠色包皮本豬想挑剔下係色素但朋友話食到微開心果味而且質地似雞尾包嗰種沙再加上開心果碎嗰種脆整體口感非常之唔錯ᙏ ʕ • ᴥ • ʔ 唯一批評係20蚊整到咁好食咁飽肚要同人share先啱啱好😂

周末去朋友屋企玩，所以帶埋啲嘢食上去當下午茶。買之前向身邊食過嘅朋友打聽過，佢大推宇治抹茶蜜瓜包同埋摩卡奶酒流心蜜瓜包！而另一位朋友就想試下大熱嘅開心果脆脆酥！果然無令人失望！開心果脆脆酥一如其名，上面充滿着好多開心果仁碎，口感豐富之餘，亦令個酥更香口！ 鍾意開心果嘅朋友食完應該會幾開心😆蜜瓜包都同樣出色，外面層「蜜瓜皮」脆脆的，而裡面唔會焗到太乾太韌，整體亦唔會過甜。宇治抹茶比重啱啱好，唔會有苦澀味，非常恰到好處。至於摩卡奶酒流心包，我哋食個陣無翻熱，所以睇唔到流心效果，不過佢嘅外層有咖啡味，入面嘅cream 嘅酒味幾香。

享樂烘焙🥯應該唔少人聽過，佢地開咗幾年，一直以黎價錢貴，而且經常會推出新款，所以都會有好多人幫襯🩷最近佢地不停出開心果新產品，作為開心果關注組成員一定要去試吓！今次去咗荃灣分店，終於都買到佢哋嘅開心果脆脆酥啦！仲搭單買咗兩個冬甩同埋一個大福酥菠蘿🫶🏼開心果脆脆酥係大推之選！食落去都幾香開心果味，而且加埋脆脆喺中間，食落去好有口感😍不過就甜咗少少，分兩餐食就啱啱好啦！大甲芋泥大福酥菠蘿個名有少少橋口，但係都幾好味，佢哋嘅芋泥一啲都唔甜，食落去完全冇負擔，中間白色嗰層係麻糬，佢哋嘅麻糬係比較軟身，襯埋菠蘿包食都幾夾，不過就會有啲飽肚，食晒成個都唔使食正餐😆特濃抹茶冬甩呢個幾香抹茶味！鍾意食抹茶嘅都應該會幾滿意🩷肉桂焦糖蘋果冬甩佢哋嘅肉桂唔會好重口味，所以驚玉桂味嘅朋友仔都應該食到，加上焦糖唔係好甜，一個人食晒成個冇問題🩷食咗咁多次都仲覺得佢哋嘅麵包好味🤩基本上對佢哋嘅產品都有信心，希望佢哋可以再出多啲新款啦🥰

依家搬咗黎荃灣…日日起身追巴士，所以早餐係食包🤫以前經過呢到，會覺得佢價格比較貴💁🏻‍♀️但佢又日日都好多人迫入去買，有一日婆婆黎買啲包俾孫食🤡嘩！我終於食到食包食飽嘅感覺😂食咗一個月，開始儲下啲相，介紹下呢到嘅包😋有啲都唔太記得名食物法國牛角酥今日細佬食呢個，佢俾咗啖我試🤩真係好正！佢又酥軟，又香杏片，又有朱古力！小朋友至愛🥰大過大人手掌🖐🏻4歲人仔食晒一個包抹茶紅豆吐司呢個感覺好似食提子包，佢啲紅豆又甜又冧！麵包又好軟熟，重點係佢唔貴！好過買磅方包麻糬bagel東：綠茶味南：黑糖味西：黑芝麻，呢個入邊唔係麻糬，佢係滿滿嘅黑芝麻餡，唔會好甜，老人家都啱食！北：伯爵茶（好似係…佢好香茶味）貓貓朱古力酥多士嗰日同細佬放學買包，佢見到呢個好得意，就lur我要買呢個🥰呢個就烘一烘熱佢超好食🤤好香濃嘅朱古力味，又好酥軟嘅牛角包感覺其他因為每日搭車都會經過，所以我哋係買完第二朝早做早餐。好耐都未試過食包頂到咁耐！一個包加一杯水，7點食完到中午都唔覺好肚餓…如果係以前，2個空氣包，唔洗3個鐘都已經咕咕叫…我同fd推薦呢間，佢哋竟然話🥱你唔係依家先知呢間呀？好食呀呢間！

徳式布丁撻 $20咬第一啖嘅時候，布丁撻撻皮好鬆脆！而且布丁嘅蛋味好濃郁，連埋個撻一齊食，絕配😋小山園抹茶麻糬牛角 $26呢個麻糬牛角用咗法國LESCURE發酵奶油製造，所以香味真係好獨特！而且面頭個層抹茶味都好濃郁好香，連埋個牛角包一齊食好香好好味😋桃膠杞子紅棗茶 $24飲落去紅棗味好重，建議飲之前要搖一搖先飲，咁就可以第一啖飲落去都可以連埋桃膠同杞子一齊食啦，會更加有咬口同特別😋𝗢𝘃𝗲𝗿𝗮𝗹𝗹𝘛𝘢𝘴𝘵𝘦:⭐️⭐️⭐️𝘌𝘯𝘷𝘪𝘳𝘰𝘯𝘮𝘦𝘯𝘵:⭐️⭐️⭐️𝘗𝘳𝘪𝘤𝘦:⭐️⭐️⭐️𝘌𝘯𝘤𝘰𝘳𝘦:⭐️⭐️⭐️

話說大前日(4-2-2024 Sun），老公同我喺呢度買咗幾個麵包，嗰日見到有好特別，$22.00一個嘅不完美鳳凰金元寶，由於戴孝中，我哋係唔可以買嚟賀年送禮，但噚日（6-2-2024 Tue）睇到人哋嘅食評（https://www.openrice.com/zh/hongkong/review/%E5%85%A8%E6%96%B0%E5%85%A9%E6%AC%BE%E6%96%B0%E6%98%A5%E8%B3%80%E5%B9%B4%E7%A6%AE%E7%9B%92-e5277353）講到好好食，於是忍唔住叫老公放工後買返嚟自己食。食完晚飯後我哋就攞嚟食喇，切開睇，不完美鳳凰金元寶見唔到嗰個食評裏面嘅蛋黃流心，咁算啦我哋照食。佢裏面嘅絲絲果肉唔係好甜，係偏酸 ，成個覺得係可以解膩，之後見到少少蛋黃， 但起唔到乜嘢作用，呢個同普通鳳梨酥冇乜分別。2分而$24.00嘅不完美流心大甲芋泥麻糬酥呢?切開睇，顏色係靚嘅，不過冇流心。食落芋頭味唔係太濃清清地，佢亦都唔係好流心，麻糬係有少少煙韌，我覺得普通咗，但係老公就話好食。3分抵食係2.5分