二悅

營業中

休息中

台灣牛肉麵係賣飛佛之一, 去親台灣都一定食返幾餐紅燒牛肉麵先肯收手。 講真香港無乜幾間做到我好鍾意食紅燒牛肉麵既味道。二悅係元朗小店, 身為九龍人入元朗搵朋友, 朋友問我想食乜, 第一時間就諗起想食呢間既牛肉麵, 朋友之前都食過都推介。店舖位於新B仔附近後巷, 平日1點去到門口已經有6個人排緊隊, 之前睇食評已經有心理準備要排隊等, 可能係lunch time, 我同兩位朋友等咗45分鐘先有位, 咁啱仲要好猛太陽, 曬住太陽咁排隊其實都幾辛苦。店舖環境偏向簡潔裝修, 店面只有十零個位, 確實係精緻小店無誤。。。我叫咗二悅紅燒牛肉麵加蜂蜜菊花露, 另外仲加咗個手工肉燥燙青菜, 全店只有一男一女招待, 男既煮麵, 女既點菜同傳菜, 係需要少少耐性等待的。野食黎到, 會見到湯底會另外一小壼上, 未加湯已經係牛肉蔥油乾拌麵, 一味兩食既方法, 完全解決哂我既選擇困難症。首先要食蔥油乾拌麵已經好好味, 蔥油好香, 牛腱同牛肚都好腍好入味, 再黎係加埋紅燒湯底一齊食, 湯底偏甜好重紅蘿蔔味, 非常濃郁。 但就一定要先享受咗蔥油乾拌麵先, 因為加咗 湯底會遮曬啲蔥油味, 但都好好食我個人係喜歡偏甜既

九月尾窩夫與蝦子餅剛從台北回來幾天，去元朗延續台灣的味道。二悅只有十幾個位，星期日午市繁忙時間要排隊等位。窩夫與蝦子餅都點了二悅的招牌牛肉麵($68)，賣相相當吸引。茶壼裡放著牛湯，雪白色的是窩夫的牛骨濃湯，味道鮮甜，喝得出不含味精，是店主每日用新鮮牛大骨長時間熬製的，誠意十足，值得多多支持。蝦子餅的紅燒湯則較重口味，比較接近傳統台灣牛肉麵的味道。牛肉麵有齊牛腱和牛肚，都煮得很入味，牛腱腍滑，牛肚軟硬適中，水準之作。喝完幾口湯，便先嚐乾拌麵。台灣製造的純手工日曬麵不經油炸，非常健康，口感彈牙而且滑滑的，用適量豉油、蔥油拌過，味道非常好。吃完乾拌麵，在麵裡加入靚湯便變身成湯麵，很欣賞店主一麵兩食的好主意呢。

元朗吉列牛隔離間台灣牛一直都想試埋佢 呢日中午經過竟然兩間都冇乜人 唔洗排成個鐘先食到😎🤟🏻店員話紅燒牛肉湯係喺牛骨濃湯之上再加入唔同材料黎熬煮 所以比較深色香濃重口味😈 先飲一啖 幾rich幾濃厚 絕對唔係平日稀liaoliao既感覺 仲有蔬菜既甜帶微辛🔥牛腱牛肚各有兩件 牛展超級厚肉的 一咬落去係超軟熟 筋位煮到好淋好膠好啫喱! 比我搵到少少坐忘既感覺😇 邊位仲有d脂肪 連埋牛肉湯一齊飲好正😍 迫不及待試埋第二舊 可惜冇頭先果舊咁多筋位咁神級 肉質亦都冇咁軟淋 即刻由天堂跌返落人間🙈 不過都幾入味既 牛肚相對上薄身 爽彈唔韌幼身麵條軟硬適中 就算加左湯黎食 個麵本身撈左鹹鹹地既醬汁味道慢慢滲入口 想像到唔加湯就咁乾食都好惹味😋 (太衝動落湯 其實應該落湯之前先試啖麵) 個紅燒湯同就咁飲相比亦有另一番風味然後友人係我食完走左冇幾耐之後係冇夾過之下黎呢度食左個白雪雪清澈d既牛骨濃湯 佢話仲正過紅燒牛肉湯 只差一點點我就可以順便偷飲啖試下🤣

好耐冇食過食完會令人回味嘅牛肉麵，呢間嘅牛肉麵真心唔錯🤤舖頭有啲細，得12個位。當日去到都等左超過半個鐘！裝修簡約，都坐得舒服嘅。可惜等到大概夜晚八點就話紅燒湯底賣晒，冇得試到大家推介嘅湯底。但最後揀左呢個二悅濃湯牛肉麵 ($68) 已經係好好味！店員會講解食法，首先可以喺個壺倒啲湯出黎品嚐下先。然後可以就咁食下已經用汁調味過嘅麵。最後可以根據個人喜好倒啲湯落麵度食。一試個湯就覺得有驚喜，清甜又好有牛味，未撈落麵度已經忍唔住飲左成碗😂 之後就咁食個麵啲汁已經好夠味，麵質唔錯，軟硬度啱啱好，最後個人喜好中意食湯麵多啲，加埋湯黎食就最好味😋 重點係啲牛腱同牛肚都炆到超淋超入味，勁厚切牛腱都絕對食得輕鬆！另一個嗌左肉燥拌麵($62)，有配兩個配菜，一個青菜小碟同一碗牛湯。啲肉燥有肉粒，肥肉同冬菇，撈埋啲麵食夠晒味！兩個配菜就揀左台灣腸同牛腱。台灣腸係蒜香味，係好味嘅，而啲牛腱就係薄切嘅，唔似得湯麵啲牛腱咁軟腍，爭咁少少。再叫左個小食，肉燥茄子($25)。都係肉燥拌麵啲肉燥，整體黎講都幾好味嘅。全部野食都唔錯，如果有機會嘅話想試埋紅燒湯底呀，不過應該要早啲排隊先得喇😩

食過二次～水準如一、牛味極濃。牛𨫡牛肚整得好淋～面本身已撈汁再加湯係提升湯既美味😋要挑剔既係每次食完成身由頭到腳都吸左勁重油煙味⋯頭洗幾次都洗唔走啲味😶呢個係食好野既代價⋯

今晚返左元朗食晚餐, 大家唔算好肚餓, 所以諗住輕食.之後都想試下呢間, 不過店舖太細, 位子太少, 所以經常造成出面有一條人龍, 而且係要排隊入座...原本打算食隔離果間, 不過被個職員陰左, 所以最後決定排呢間!都真係等左陣先有位.入面既menu其實唔算話好多款式, 不過好食的話, 少一點也沒所謂!我地要左一個青檸波籮冰 : 味道幾清甜, 有濃郁菠蘿味, 加兩塊青檸, 飲落口, 好新鮮解渴.洛神花蜜食物賣相好靚好精緻二悅紅燒牛肉麵(含牛腱及牛肚) $68，賣相好靚好吸引，佢既麵質好彈牙軟滑, 好好食. 側邊既茶壺就係牛肉湯底。職員仲好細心向我地介紹食法：1) 建議先食左一啖麵先； 2) 將麵沾上牛肉湯食： 3) 最後可以按個人口味將牛肉湯倒入碗內，混入麵黎食。不過有可能我要要顧小朋友既關係, 食物要涼左, 唔係好夠熱, 所以未能食到最好味的效果.手工肉粒乾拌麵定食 (花枝丸, 糖心蛋)拌麵味道相對淡一點，但都係好味的, 麵同上面既一樣, 只是呢個有一些鹵肉粒。骨湯好清, 同牛肉湯的味道有好大的對比。味道真係唔錯, 好有台灣風味, 牛肚、牛腱都炆得好腍。花枝丸外層好脆口, 有華鹽在面

元朗的一間小店子。需要有耐性排隊等候。店子內只有16個位子。只有兩位員工。女員工十分有禮貌和友善。食品的賣相十分精緻。食物味道是好好好好好味。其實不需要80個字去寫。一個字就可以 ：excellent

在網上看到這店鋪的介紹，食物好像很好吃，環境也不錯，於是就來了。找到店舖後發現原來分時段，而且不是每天都經營。我們等候的營業時間是6點，已經很多人在排隊了。進到裡面，確實很文青的裝修，但是有點細，只能容納大概10個人左右。我點了紅燒牛肉牛肚麵，等了大概半個鐘才有得吃。店員也很熱情地告訴我吃法，沒淋上牛肉湯時可以試下拌著吃，試完可以加湯再吃也可以，或者就這樣喝湯也可以，湯真的很入味，很好喝，麵條也嚼口，牛肉真的很厚，起碼有1cm，但是我個人比較喜歡薄一點，整體值得一試！

一間開設在後巷嘅台灣麵店，裝修好有文青 style，舖面不大，只有4張要2人台和一張4人台， 雖然舖頭唔抵又開咗係唔顯眼嘅地方但係出品非常有水準，雖然慢，可慢工出細貨，出品不錯，麵很有咬勁，可味道有點淡（可能我吃得比較濃），而伴菜也不錯牛肚也不會有筋，燉得非常軟爛，牛腱也不會有根，另外雞翅脆脆的， 鹹鹹的，非常好吃😋😋肉燥茄子，茄子煮得非常入味，也不會有茄子個d瀝味，配合得非常好👏👏只可惜我哋去到嘅時候已經冇曬湯麵， 唯有留下待下一次再食😏

每次見到門前都大排長龍，有時間就去試試。門面光鮮企理，店內陳設簡約舒適。店員用心有禮貌，抺枱有噴應該是消毒的噴劑，感覺很乾淨舒心。可惜台灣麵食一般主打的紅燒湯是日售罄，有點大失所望。我們點了麻辣牛肉乾拌麵，濃湯牛肉乾拌麵及肉燥茄子。食品賣相不俗，失分是湯品沒有濃厚牛肉味，牛肉濃湯說是牛肉清湯還好；麻辣牛肉湯，像味精辣粉加進湯裡；茄子賣相很好，不入味。最失分的是「牛肉」麵，用的是肥牛，是打邊爐用的肥牛，有點失望。其實還挺喜歡小店形式，食評不是批評，只是希望店家能加以改進，盡善盡美。

紅燒牛腱麵($58)其實原本諗住試牛肚加牛腱麵，可惜一早賣哂😭小店選用牛腱，而唔係牛腩，切得厚身又唔會韌，相對上爽口彈牙！湯底充滿濃郁既牛香味，但係絕不油膩同鹹，加上食完之後一d都唔口渴，證明真材實料，冇加味精，值得一讚👍🏻蔥油乾伴麵定食 配花支丸，雞翼($62)又係因為肉燥一早售罄，唯有揀蔥油。乾伴麵相對失色，麵質係好食，但味道偏淡，用肉燥伴麵應會更為好食。小食則正常，普通炸物。-好味指數: 7/10推薦度: 7/10性價比: 7/10

週末黃昏過嚟，六點左右已經有大概10人喺門口排隊，等左一個鐘頭有多先有位，因為鋪頭太細只有10個位揀咗店家推薦嘅牛肉麵，賣相精緻，有一個小茶壺裝住啲湯，另外一碗已經拌好嘅麵同埋一小碟酸菜店家推薦三種食法，首先食拌麵，跟住再飲湯最後將啲湯倒落啲面度一齊食，個人覺得直接將啲湯倒落去食就可以，因為啲湯就咁飲會好鹹，拌麵就咁食又會好淡，所以倒啲湯落去食就啱啱好，湯頭煲得唔錯，非常濃郁，有牛肉味又有淡淡的蕃茄酸香平衡一下，麵條煮得軟硬適中，有咬口而不會過淋配料方面有金錢肚同埋牛腱，金錢肚鹵得入味唔會太硬，牛肉亦軟淋入味，略嫌筋位少左啲，配嘅酸菜都好好味，可惜只得幾粒太少飲品叫咗一杯菊花蜜糖，冇乜特別都係濃縮糖漿開水出嚟嘅，但係完全飲唔到菊花味，可以不喝可惜要排太耐，唔係都會多啲黎

呢間餐廳有落場時間之前試過三點後黎摸門釘記得佢哋係有落場時間㗎！今次六點準時排隊 轉入後行已經見到長長嘅人龍啦 因為店舖舖位空間有限 只有六至七張二人枱但招牌既二悅紅燒牛肉麵 含牛腱同牛肚店員細心講解先飲湯再試下乾拌麵後再加湯撈麵我仲加咗一隻糖心蛋同試左台式蜜糖腸值得推介！

第一次經過想幫襯係一個陽光普照星期日晏就，太曬嘅關係，排咗半個鐘就走咗⋯⋯今次係平日放工後六點半左過泥，都等咗一個鐘左右先可以入座。店入面有6張二人枱，但嗰晚有1張用作食物準備嘅用途。喺外面等咗成個鐘已經好肚餓，除咗每人一碗麵外，仲叫咗兩款小食。(想食嘅糖心蛋已賣晒)1)香炸花枝丸第一道上菜嘅係花枝丸，店員話係啱啱炸好，要小心熱，可能係太餓嘅關係，已經豁出去，無吹凍就食咗。味道同普通炸手打墨魚丸差不多，口感彈牙，冇食到成口油，唔錯。個人覺得唔夠味，所以食到一半沾咗肉燥茄子個滷水汁食。2)手工肉燥茄子一碟大概有12件(每件係半圓型嘅茄子)，肉燥煮到好腍好入面，肥瘦均勻。味道正常，不過不失。至於麵方面，今次叫咗兩個可以兩食嘅拌麵，兩者嘅分別在於壺入面嘅湯。3)二悅紅燒牛肉麵-深色嘅係紅燒湯，頭幾啖飲落好似飲緊羅宋湯，好重蘿蔔味，但再嗒真啲，會飲到少少藥材味，再加咗賣d湯落個麵到，同牛肉一齊食，就變咗紅燒牛肉麵湯麵啦！4)二悅濃湯牛肉麵-感覺似韓國嘅雪濃湯，飲落有好濃嘅牛脂肪味，好香，但唔油膩。餐牌上寫住麵係 「非油炸嘅純手工日曬麵」，食起上泥同KIKI麵相似，麵條幼細，食落唔油油膩，仲好易

好味，本來見倒排晒長龍都諗住不如下次先，但天氣又唔係真係非常熱，所以決定排，排左約45分鐘，終於到我啦，味道唔錯，45分鐘係直得既will go back again 。