影片
更多
2018-10-20
181 瀏覽
好耐冇食過食完會令人回味嘅牛肉麵，呢間嘅牛肉麵真心唔錯🤤舖頭有啲細，得12個位。當日去到都等左超過半個鐘！裝修簡約，都坐得舒服嘅。可惜等到大概夜晚八點就話紅燒湯底賣晒，冇得試到大家推介嘅湯底。但最後揀左呢個二悅濃湯牛肉麵 ($68) 已經係好好味！店員會講解食法，首先可以喺個壺倒啲湯出黎品嚐下先。然後可以就咁食下已經用汁調味過嘅麵。最後可以根據個人喜好倒啲湯落麵度食。一試個湯就覺得有驚喜，清甜又好有牛味，未撈落麵度已經忍唔住飲左成碗😂 之後就咁食個麵啲汁已經好夠味，麵質唔錯，軟硬度啱啱好，最後個人喜好中意食湯麵多啲，加埋湯黎食就最好味😋 重點係啲牛腱同牛肚都炆到超淋超入味，勁厚切牛腱都絕對食得輕鬆！另一個嗌左肉燥拌麵($62)，有配兩個配菜，一個青菜小碟同一碗牛湯。啲肉燥有肉粒，肥肉同冬菇，撈埋啲麵食夠晒味！兩個配菜就揀左台灣腸同牛腱。台灣腸係蒜香味，係好味嘅，而啲牛腱就係薄切嘅，唔似得湯麵啲牛腱咁軟腍，爭咁少少。再叫左個小食，肉燥茄子($25)。都係肉燥拌麵啲肉燥，整體黎講都幾好味嘅。全部野食都唔錯，如果有機會嘅話想試埋紅燒湯底呀，不過應該要早啲排隊先得喇😩
舖頭有啲細，得12個位。當日去到都等左超過半個鐘！裝修簡約，都坐得舒服嘅。可惜等到大概夜晚八點就話紅燒湯底賣晒，冇得試到大家推介嘅湯底。
但最後揀左呢個二悅濃湯牛肉麵 ($68) 已經係好好味！店員會講解食法，首先可以喺個壺倒啲湯出黎品嚐下先。然後可以就咁食下已經用汁調味過嘅麵。最後可以根據個人喜好倒啲湯落麵度食。
一試個湯就覺得有驚喜，清甜又好有牛味，未撈落麵度已經忍唔住飲左成碗😂 之後就咁食個麵啲汁已經好夠味，麵質唔錯，軟硬度啱啱好，最後個人喜好中意食湯麵多啲，加埋湯黎食就最好味😋 重點係啲牛腱同牛肚都炆到超淋超入味，勁厚切牛腱都絕對食得輕鬆！
另一個嗌左肉燥拌麵($62)，有配兩個配菜，一個青菜小碟同一碗牛湯。啲肉燥有肉粒，肥肉同冬菇，撈埋啲麵食夠晒味！兩個配菜就揀左台灣腸同牛腱。台灣腸係蒜香味，係好味嘅，而啲牛腱就係薄切嘅，唔似得湯麵啲牛腱咁軟腍，爭咁少少。
再叫左個小食，肉燥茄子($25)。都係肉燥拌麵啲肉燥，整體黎講都幾好味嘅。
全部野食都唔錯，如果有機會嘅話想試埋紅燒湯底呀，不過應該要早啲排隊先得喇😩
張貼
