二悅

營業中

休息中

今晚屋企冇飯開，要食自己😅放工後搭巴士落元朗區搵食興之所至行經過行條街在小學校社旁邊發現排哂長龍，多數是一雙一對情侶排隊，原來食台式牛肉麵小店叫🎉二悅🎊於是同店員說一位有冇位呀？好好彩不须要等👏就有位✌️入座後看餐牌-🤔選擇困難症出現了🤣🤣分別有主食🍜，定食🍱，小吃🍗，飲料🍹於是選擇了手工肉燥亁拌麵定食😋仲有可選擇兩款小食😬😬小店製作時間需時，要耐心等🤤🤤定食套餐賣相非常精緻擺設，牛肉湯濃郁好味⋯⋯豐富美味嘅一餐值得推介👍👍

我已是第三次去幫襯，因為深深被佢嘅紅燒牛鍵麵吸引了，飲落湯底濃爆而清甜，老板落足時間心機去淆湯底，食落個牛鍵好腍而中間啲筋做到溶與未溶之間，剛剛好，恰到好處，而且老板娘服務細心態度非常好，所以推介比各位必食紅燒牛鍵麵和二悅紅燒牛肉麵，如想飲頭啖湯可在下午12點開舖前半小時去排定隊喇 ^ ^ 😋😀👍👍

八點幾等到十點先入到座，雖然佢哋收九點，不過唔會截龍，所以十點仲清緊條龍，餐牌選擇唔算多，貴精不貴多，主打牛肉麵，我哋一個叫咗紅燒牛肉麵，另一個叫咗牛肉湯麵，紅燒牛肉麵會有一個碗仔比你試吓湯底先，湯底唔算太鹹，好夠味，麵條做咗調味，一開始可以單食麵試吓本身個調味，麵身有咬口，最好食係牛腱同牛肚，好入味，各自得兩塊真係唔夠食，仲叫咗肉燥茄子，同樣出色，不過肉燥偏少，整體黎講排兩粒鐘係值得嘅

最近發現左尼間小店第一次去時明明話開12點點知話人手不足就改為開1點白行一次今次再去1點半到前面大約有4至5張枱等緊鋪頭很細只有約10個位結果等到2點半先入到去食等左1個鐘又有咁多人排隊自然對尼間小店有d期望小店內有2位哥哥煮野食但出菜真係好慢等左好耐先有野食諗住慢工出細貨好食既我等下都無所謂但結果係幾失望牛肉唔入味麵好普通同係超市買既伴麵無咩分別仲有d牛肉唔太熱根本一整定變左佢地出菜耐但質素普通食完仲好口渴冷氣又唔夠所以好失望唯一我覺得可取既係有個壺俾你倒d湯出黎有少少特別但我唔會去第2次

二悅。真係唔知這間小店有什麼魔力，晚市一到，六時正立刻排隊，結果花了足足兩個小時，七時五十五分才可入座，而且在未到八時，已經截龍。這店子小小，約只有十個座位。裝修簡潔的現代風格，空間狹小，有點兒肩並肩坐的感覺。二悅供應就只是牛肉麵，分別有紅燒或濃湯麵、肉燥乾拌麵同蔥油乾拌麵，價錢由$58-$62. 除牛肉麵外，還設有十款簡單小吃,有花枝丸、肉燥青菜、茄子同雞翼等等，全是台式風味。二悅紅燒牛肉麵$68這個牛肉麵賣相吸引，麵上有大大件的牛腱及牛肚，湯以茶壼盛着，分開上。這樣的安排，可按個人口味吃拌麵或把麵放湯，一麵兩吃。牛𦟌厚度十足，帶肉香，炆得軟腍入味；牛肚也唔差，帶一點咬感又唔會韌。麵條是幼身的，口感軟滑又帶點醬油味，其實乾拌麵條的味道已經唔錯。這個紅燒牛湯味道濃香，用上兩小時熬製，牛骨味濃，帶一點豆辧醬的辛香，又唔油膩，配上麵條，十分惹味可口。二悅濃湯牛肉麵$68相對紅燒牛肉麵，這個濃湯有點兒比下去。牛𦟌沒有紅燒汁的調味，顯然清淡。牛肚本身有調味，帶一點嚼勁。清湯味道清淡，帶點牛骨的鮮同蔬菜的甜味。若是單飲，味道唔錯，但當拌麵遇上清湯，味道就淡淡然的，沒有紅燒湯咁惹味。手工肉燥燙青菜

癮世真係唔夠膽亂用，但如果唔係元朗人或者唔係熟元朗既呢間鋪比較難搵，佢係backstreet kitchen隔離。雖然食台灣牛肉麵，但老細就話佢哋唔係做台灣嘢，黑人問號？💁🏿‍♂️ 來到2:30，排隊排10個人左右，我3:45先有得坐低啊😭 鋪得8個位左右，等位時間極耐，上菜速度有待改善。價錢非常合理，紅燒牛肉麵$68。個麵可以兩食，撈麵/湯麵，個湯佢分開一壺俾你，可見佢對個湯之信心。湯係唔錯，夠濃，麵身lum左小小，可以改善。牛腱同牛肚好食，夠lum身同入味。唯一唔好處係湯熱度嚴重不足（店員中提醒我太熱，但其實只係暖...）。元朗又多一間推薦，不過只限於唔多洗排隊先好食。🤦🏻‍♂️🤦🏻‍♂️

朋友屋企樓下開咗一間新嘅台灣小店。所以專程去試一試。大約晚上八點，門外已經有幾人排隊。大約經過半小時的等候，終於到我們了。餐廳面積雖小，但裝修好光鮮。餐廳有五張枱，大約可以坐到10個人左右。二悅紅燒牛肉麵＄68牛肉麵和湯底是分開上的。啲牛肉本身都好入味，加埋啲牛肉湯，更加濃烈。仲有啲蔥花，好香。而另外啲牛肉湯，有個杯俾你直接飲。蒽油乾拌麵定食＄62呢個餐包左兩款小食，選擇了花枝丸加糖心蛋。麵又唔太硬又不太軟，够彈牙！手工肉操茄子＄25個茄子唔係好入味，有少少硬！可以再好一點！

難得放三日假，同朋友來個元朗快閃遊，朋友提議去D間新開的台灣牛肉麵，所以第一站就去二悅試下啦!我地大約12:40到，但估唔到因為人手不足，要等到1點先開門。店舖入面得10個位左右，如果遲左真係冇咩機會試啦~餐牌選擇唔多，叫左最招牌的手工肉燥同牛肉麵試下!手工肉燥茄子 - 先來個小食手工肉燥茄子，肉燥分量唔多，茄子好Fresh好清新，味道唔錯。手工肉燥乾拌麵定食 - 都係個句，肉燥分量唔多，配左花枝丸同糖心蛋，花枝丸比較一般，糖心蛋係夏天凍食一流啊! 二悅濃湯牛肉麵 - 牛腱同牛肚，牛肚比較有咬口，牛腱燘得好淋好入味，強烈推薦叫牛腱! 牛湯清香，唔係味精湯的味道!!兩個麵的麵質都好有口感，淨係食個麵+湯已經好好味!整體而言，二悅係有誠意的用心小店，性價比夠高，絕對值得支持，唯一美中不足係坐位太少，好大機會要等位架!

假日做完yoga，老公要帶我食好西，去支持下新開小店。小店店舖門口有餐牌介紹小店製作食物既理念同堅持。人手製作、手工調配、著重健康既概念。店內座位不多，只有三張二人枱和一張四人枱。假日等候時間都較長，我哋等左約40 分鐘。我哋二人叫了一碗二悅濃牛肉湯麵、麻辣牛肉乾伴麵、手工肉躁茄子🍆同埋一杯洛神花蜜。牛肉湯麵🍜湯底用壺上，另有細碗比客人先品嘗一下湯底，牛肉湯清甜不油膩且帶淡淡牛骨味，唔錯麵質煙靱有口感，牛腱好讚，燜得勁焾又入味麻辣牛肉湯、乾伴麵：麻辣湯底帶一點麻香但唔夠嗆亦唔夠辣，比較清。牛肉係一般肥牛。乾伴麵反而做得較出色，醬料伴得好均勻，亦唔會有多餘醬汁係底，配上香葱，清新可口。另，魯水溏心蛋係凍食，入味，流心蛋黃，好味。至於手工肉躁茄子🍆，係炸茄子件上面淋上手工製造嘅肉躁，肉躁嘅肉碎比平時食開較大粒，口感更豐富，醬汁香濃獨特，好味，若果肉躁份量可以多一點更好😜。最後，洛神花蜜，味道比較淡，洛神花味唔突出，我個人覺得一般。總括來講，食物質素有佢嘅獨特風味，員工態度有禮貌，價錢定位都合理，希望小店能繼續努力，維持到佢嘅食物質素同服務。