二悅

營業中

休息中

二悅這裡採用一麵二食，一來的時候，店員會同你講試左個湯先，個湯唔錯，再食個撈麵，因為有醬汁所以唔會覺得無味，然後你先再加湯去麵度，變成湯麵。至於牛肉比較大，食落去粘粘地，有小小似花膠既感覺。另外個金錢肚就比較硬，不過味道都夠。只試了濃湯牛肉麵同埋紅燒牛肉麵，因為本身個麵有醬汁關係，所以紅燒果個湯會比較好，濃湯會有小小比醬汁搶左個味道。店鋪比較細，座位比較小味道：8/10

今次係我第二次黎食，我都係同上次一樣揀星期日6點黎食，因為唔洗點排隊，由於落雨既關係，今次係無人食既，排都唔洗排就直接入去。我同上一次一樣都係叫左個招牌二悅牛腱麵（$75）。牛骨湯用茶壺上，可以直接飲或加湯變湯麵，味道好清甜，牛腱炆得好淋，麵係用台灣進口既手工麵，口感好彈牙。要批評既係蔥油比上次就遜色左d,上次既蔥油係非常香，聽講係要經過兩個鐘既炒炸整出泥，但今次係一d香味都無，仲有上次食完都覺得好口渴，我以為係天氣熱所以口渴，今次食完都係禁，試真d呢碗麵既味精麵真係幾重。

轉登同朋友黎試! 上次夜左, 上網睇到收9點幾, 所以無得食. 今次早d, 所以黎試下!鋪頭細細, 黎到門口, 要係出面排隊. 但好多蚊呀, 又無得拎飛, 搞到要企係度, 感覺唔係咁好!鋪頭得幾張細檯, 人多嘅, 唔建議黎啦. 我一行二人,等左一陣, 就有位.揀左個牛肉濃湯牛肉麵. 個presentation 好靚呀!!!店員有講解點樣食. 可以倒湯出黎試一試個湯先, 同埋可以就咁食左撈麵先. 鍾意湯麵嘅, 可以倒湯落麵, 整成湯麵咁食.湯係白色濃湯, 每人一壺, 味道濃郁.再試下個麵, 本身都濃味, 口感唔差, 唔會太稔.唔想太濃味, 所以只係倒左一大半湯落麵. 味道剛好!朋友一次過倒晒落麵, 味道就會較濃, 所以要睇個人喜好.兩個人, 又唔知食咩嘅時候, 都推介黎呢度呀!!

二悅紅燒牛肉麵（$68）有兩種食法：拌麵同湯麵。厚切嘅牛腱屬半筋半肉，富含膠質，甚至有少少黏口嘅口感。牛肚亦非常入味，爽口唔韌。建議大家先食拌麵，之後就可以用湯碗試下紅燒湯底嘅味道，最後按自己口味加湯變湯麵。湯底聞落有好香嘅蕃茄同香料味，而且用茶壺奉上有助保溫。帶蔬菜嘅自然甜味，無油膩感，香濃討喜。手工肉燥乾拌麵定食 ($62)肉燥瘦肉有咬口而唔柴，肥肉入口即溶。醬油嘅鹹香、豬肉嘅油潤，同冬菇嘅香味拌以滑溜嘅手工麵條，食落味道啱啱好。奶白色嘅牛湯聞起嚟已經相當香，味道帶牛骨嘅淡淡甜味，滑而唔膩。手工肉燥茄子（$25）茄子炸過再加肉燥，配搭很好#CP值高 #支持小店 #有心理準備要排隊

雖然是專程來嘗試這間店，但一開始沒有抱太大期望來這間台式料理餐廳。我和友人二人等待了不用太久便可以入座，我點了牛肉麵，友人則點了手工肉躁拌麵。拌麵可以選兩款小食，我們點了台式香腸和糖心蛋。意外發現其牛肉麵湯底比平常吃的牛肉麵入味濃郁。😳店鋪雖小，但裝潢不錯，店員服務更令人感到其用心經營。她會向你解釋壺內的是牛肉湯，這樣你可以跟據個人口味控制湯的份量和濃度。就算吃完麵，光喝湯也不錯。而且賣相打卡味濃，精緻特別，令人念念不忘。

基於我條女幾鍾意食台灣野，所以見過喺元朗後行入邊開咗呢間台灣野，就好奇試吓啦，裏邊得幾張枱，座位唔係好多。我哋要咗個伴麵，另外佢仲可以配兩款小食，啲小食都幾好食嘅至於個面嘅份量亦都夠多。唯獨是叫咗嘅嘢飲兩杯都好甜，飲到唔想飲

今日起身睇到「食在元朗」有人介紹！火速出門！我個人好鐘意食牛肉麵！不過元朗無一間好味架！（Sorry囉，真係唔岩我口味嘛)😅抱住一試心態去呢間「二悅。」我老公食完好興奮咁同我講「CP值超高，歡迎你來踩踩點，不會中伏的」笑到我死！勁弱智！😂😂😂😂我覺得好味！個湯飲完一杯先食麵，但又唔會好想飲水。因為就算台灣食都好重味精。食完要狂飲水。呢個份量唔好覺得少。因為價錢係相對的。如果唔係我老公強搶我一片牛展。我覺得係好夠飽。最終我飲咗兩杯湯。仲有清左碟前菜。唔知係咩😂好開胃　好明顯牛係用咗好多心機。好好味！下次再來食！服務好好，最鐘意親切有禮嘅人💕👏🏻二悅在一條小巷中間。正正在一間小學旁。如果唔係有人介紹。真係唔會路過😂😂😂真心讚！元朗合益路9-15號紀業樓地下

今日同朋友來試試這間的紅燒牛肉麵。但我們太晚來了，紅燒湯品已售罄。 唯有只可以試試它的拌麵。店舖的地方不太大，隔壁的是熱石吉列牛。等待了差不多半個小時多，才入座。因為我們兩個都不可以食雞翼，所以就算看到別人那碟雞翼如此吸引，也沒有點。一整個的套餐看似份量不大，但真的會食到好飽。牛肚超入味，喝完牛湯真的會很飽。店員很細心，還會詢問飲品甜度是否需要再調整。下次來一定要食紅燒湯品，一定要早點來，不然又售罄了傷心。

最近喺元朗試咗兩間人龍台式料理，CP值都好高！第一間介紹嘅係二悅，雖然喺後巷，但都好多人幫襯啊。手工肉燥乾伴麵定食 $62肉燥咸香，麵質彈牙，而且汁醬夠多，每條麵都可沾滿醬汁，正。配料我揀咗牛腱同牛肚，雖然只係碎上，但份量頗多，味道亦不錯。再配上前菜同牛湯，都係$62咋！可謂物超所值。紅燒牛肉麵 $58牛肉麵湯底夠濃，而且有瓜菜嘅清甜味，放湯後麵質依舊彈牙，牛肉淋滑，夠肉味。午市同晚市間會有落場時間，好在我哋今次趕喺落場前last order，大滿足~

據說元朗開了一間新的台灣小店, 專程特登去吃吃看我們去到的時候大概下午的兩時左右, 已經過了午飯時間, 但門口仍然有不少人排隊, 我們大概等了30分鐘有多, 在門外等待期間已被蚊子叮了幾口後才被安排入坐對於冇耐性又俾蚊咬的我來講簡直係極限小店的舖位的骰, 坐不下太多人數, 大夥兒的朋友們應該不用考慮了, 適合兩位用餐的座位佔多他們的菜單先點了一份台式腸作為小食, 熱辣辣的 主菜點了招牌1號的牛肉麵和另一款牛肚麵, 湯是在碗裏, 你可以干吃或者濕吃, 自由選擇, 我一開始選擇了乾吃, 吃到了三份二便直接把湯到出變成湯麵, 味道足夠, 餐前的鹹酸菜好吃, 牛肚夠林, 灑上蔥花簡直完美點綴了對於一位女士來講麵的份量是足夠的, 可是如果對方是男士的或者未必足夠再者, 店員只有兩人, 一位負責點菜, 另一位在廚房的, 上菜速度有限啊, 再加埋之前排隊等位嘅時間, 建議想前來光顧的朋友需要有足夠時間啊如是者已經光顧了數次, 此刻如果你問我值得排隊等候嗎? 我會答你如果唔駛等的會再吃

今次經過呢間位於元朗既小店見佢12點開門，但係未夠鐘就已經有人排隊好奇之下排埋一份.今次選擇左紅燒牛肉麵同牛骨濃湯牛肉麵呢間既湯底會用茶壺另上，能保持溫度未放湯前已經有肉汁於麵底，可以先食拌麵再放湯.兩款既牛肉都好腍好入味而個湯分別在於紅燒牛肉麵湯底偏濃有隱隱的蔬果味但係就咁飲可能會覺少許太濃適合配麵.牛骨濃湯牛肉麵唔好捭「濃湯」呢個字呃左濃湯反而湯底清甜，就算就咁當湯飲都完全無問題！比紅燒牛肉麵湯底清.除左小店環境迫少少同要等位外基本上都無咩好挑剔建議係想試就預多少少時間排隊

美味滿足的台灣牛肉麵🤤用木盤盛好一set麵、湯壺茶壺盛有紅燒湯底，食麵之前先試試湯嘅味道，有少少辣但又不會蓋過濃湯味道👍🏻試完湯可以先試拌麵的味道再按個人喜好加入濃湯一碗麵可以試到拌麵味道又可試到湯麵味道對於有選擇困難症的我很讚😜✨✨✨✨✨✨✨✨✨✨✨✨✨✨✨✨✨二悅紅燒牛肉麵——有牛腱及牛肚，特別喜愛牛腱❤️厚厚的軟林林的質感，而且好入味手工肉燥茄子——茄子炸過再加肉燥，配搭很好店員亦很有禮貌，會問你試過食未未的話會跟你介紹有什麼方法進食😊

呢度好少位, WEEKEND勁多人排, 都要等好幾個字。每人限要叫最少一碗麵。蔥油麵: 單點左一個蔥油麵, 其實就係甜豉油煮成GE麵+ 大量蔥, 幾香,不過就咸左少少, 同普通左少少。魯肉拌麵SET: 佢果D 5係肉燥, 真係魯肉切左一粒粒, 有肥有瘦, 5錯, 肉燥汁偏甜, 伴麵一齊食5會太乾。另有一碗牛骨湯, 幾重牛味, 如果再淡D 更好。小食叫左花枝丸*同台灣腸, 每樣有2,3 條, 花枝丸5係出面GE貨色, 應該自製, 5會炸得太勁, 岩我, 味道5錯, 都彈牙台灣腸咸咸甜甜的幾好食,但偏肥膩另有九菜做配菜。

見到朋友share話元朗呢間主要食台灣牛肉麵嘅小店好食。呢日終於落嚟食，平日夜晚差唔多8點，坐滿哂，多數都係年輕人嚟食。入面得幾張枱，空間小，所以個個食完就走，唔會坐喺到太耐。想食咩自己喺張紙到剔，有淨牛肉麵，亦有套餐定食。牛都有分幾個部位，所以食落冇咁單一，呢樣幾好！我今次叫咗個拌麵定食，有湯，有蛋，有小菜，幾豐富。原本仲諗住睇下有咩小食，過下口癮，望下先知冇乜輕食嘅選擇，所以冇嗌。都好彩，食落先知，都幾飽下！分量算大，配菜都幾足料。所有野都幾新鮮，幾鐘意個溏心蛋。•食物幾靚又幾好食•店舖細得嚟幾有格調•店員服務態度幾好•睇得出各方面都幾有心•輕食類選擇小、飽肚食物居多•地方細•有機會會再嚟試其他

二悅紅燒牛肉麵($68)紅燒偏重口味，牛骨濃湯則偏滑淡。牛湯用茶壺盛載，可按個人喜好選擇單獨品嚐，還是搭配乾拌麵一起享用。每碗有齊牛腱、牛肚，切得好厚身，煮得好入味又唔會韌，麵條軟硬恰好ϵ( 'Θ' )϶