影片
更多
2018-07-24
322 瀏覽
第一次經過想幫襯係一個陽光普照星期日晏就，太曬嘅關係，排咗半個鐘就走咗⋯⋯今次係平日放工後六點半左過泥，都等咗一個鐘左右先可以入座。店入面有6張二人枱，但嗰晚有1張用作食物準備嘅用途。喺外面等咗成個鐘已經好肚餓，除咗每人一碗麵外，仲叫咗兩款小食。(想食嘅糖心蛋已賣晒)1)香炸花枝丸第一道上菜嘅係花枝丸，店員話係啱啱炸好，要小心熱，可能係太餓嘅關係，已經豁出去，無吹凍就食咗。味道同普通炸手打墨魚丸差不多，口感彈牙，冇食到成口油，唔錯。個人覺得唔夠味，所以食到一半沾咗肉燥茄子個滷水汁食。2)手工肉燥茄子一碟大概有12件(每件係半圓型嘅茄子)，肉燥煮到好腍好入面，肥瘦均勻。味道正常，不過不失。至於麵方面，今次叫咗兩個可以兩食嘅拌麵，兩者嘅分別在於壺入面嘅湯。3)二悅紅燒牛肉麵-深色嘅係紅燒湯，頭幾啖飲落好似飲緊羅宋湯，好重蘿蔔味，但再嗒真啲，會飲到少少藥材味，再加咗賣d湯落個麵到，同牛肉一齊食，就變咗紅燒牛肉麵湯麵啦！4)二悅濃湯牛肉麵-感覺似韓國嘅雪濃湯，飲落有好濃嘅牛脂肪味，好香，但唔油膩。餐牌上寫住麵係 「非油炸嘅純手工日曬麵」，食起上泥同KIKI麵相似，麵條幼細，食落唔油油膩，仲好易
第一次經過想幫襯係一個陽光普照星期日晏就，太曬嘅關係，排咗半個鐘就走咗⋯⋯
今次係平日放工後六點半左過泥，都等咗一個鐘左右先可以入座。
店入面有6張二人枱，但嗰晚有1張用作食物準備嘅用途。
喺外面等咗成個鐘已經好肚餓，除咗每人一碗麵外，仲叫咗兩款小食。(想食嘅糖心蛋已賣晒)
1)香炸花枝丸
花枝丸
16 瀏覽
0 讚好
0 留言
第一道上菜嘅係花枝丸，店員話係啱啱炸好，要小心熱，可能係太餓嘅關係，已經豁出去，無吹凍就食咗。味道同普通炸手打墨魚丸差不多，口感彈牙，冇食到成口油，唔錯。
個人覺得唔夠味，所以食到一半沾咗肉燥茄子個滷水汁食。
2)手工肉燥茄子
一碟大概有12件(每件係半圓型嘅茄子)，肉燥煮到好腍好入面，肥瘦均勻。
味道正常，不過不失。
至於麵方面，今次叫咗兩個可以兩食嘅拌麵，兩者嘅分別在於壺入面嘅湯。
3)二悅紅燒牛肉麵
-深色嘅係紅燒湯，頭幾啖飲落好似飲緊羅宋湯，好重蘿蔔味，但再嗒真啲，會飲到少少藥材味，再加咗賣d湯落個麵到，同牛肉一齊食，就變咗紅燒牛肉麵湯麵啦！
4)二悅濃湯牛肉麵
-感覺似韓國嘅雪濃湯，飲落有好濃嘅牛脂肪味，好香，但唔油膩。
餐牌上寫住麵係 「非油炸嘅純手工日曬麵」，食起上泥同KIKI麵相似，麵條幼細，食落唔油油膩，仲好易咬添。
牛腱
17 瀏覽
0 讚好
0 留言
牛腱炆得好入味同出奇地腍，接近入口就溶化(當然要咬幾吓啦);而牛肚就爽口，味道一般。
最後，食咗50分鐘左右，埋單嘅時候發現我哋已係嗰段時間食得最耐嘅一枱。
走嘅時候仲有好多人喺外面等緊⋯⋯
*食嘅時間因爲門口關唔晒/多人進出，所以有好多蚊飛左入嚟*
張貼
