九鬼居酒屋 (耀華街)

營業中

休息中

今天來到銅鑼灣時代廣場後面的耀華街有間紅色招牌「九鬼居酒屋」午餐。店內裝潢以武士風為主，大幅武士壁畫，另外有超多動漫Figures擺設仲貼滿唔同品牌嘅sake 招紙同作為裝飾，最吸睛的其實是可愛動物造型的筷子托。午餐提供多款日式定食套餐$78起，有魚生飯、刺身、串燒、壽司定食等等任君選擇，餐廳更有少見嘅生酮餐定食，迎合各人需要。跟餐有餐湯和魚生沙律。 //明太子雞翼 $28//去骨的雞翼釀入明太子和肉碎餡料，雞翼外皮燒至香脆，明太子味夠出，內裡啖啖肉又飽滿多汁。 //唐揚一口雞 $48//炸至金黃色的雞件，輕輕的灑上檸檬汁，雞肉仍然嫩滑鎖住肉汁，是一個好高質的小食。 //特上刺身定食$168//特上刺身定食有厚切的刺身好新鮮，有三文魚、帶子、鰹魚，油甘魚，每款都係鮮甜新鮮，刺身由日本新鮮直送，每一片都係厚切的肥美刺身，每一片厚度都是一致，睇得出師傅刀工好純熟另配一碗味素飯，銅鑼灣以這個價錢可以食到高質新鮮刺身，很不錯。 //蘭王蛋拖羅蓉丼 $108//在日本九州大分縣出產的蘭王蛋被冠以貴族蛋的名號，蘭王蛋深得香港人喜愛，與一般日本雞蛋與別不同蛋黃呈橙紅色，色澤光亮，而且蛋香非常濃郁。至

行完中午時代廣場，我就去左附近嘅居酒屋搵飯食估唔到依間 @kukiizakaya 九鬼居酒屋 又幾有驚喜除咗普通嘅午市定食之外，亦都會有生酮套餐俾各位生酮人士食而我哋兩個就普普通通叫咗一個特上壽司八貫（配湯烏冬）($168) 定食同五款串燒定食 ($178)首先佢嘅壽司好新鮮，而佢嘅醋飯同壽司好夾，人手整嘅，所以同機整嘅完全唔一樣。加上佢嘅烏冬係魚湯烏冬，好似食緊魚蛋咁，都幾吸引而佢嘅串燒分別有秋葵，雞皮，牛舌，京蔥牛肉同埋雞翼，味道唔會好似一般串燒舖咁多調味料，令人覺得健康啲而每一款定食都會配碗湯同埋沙律，佢嘅味噌湯有勁多海帶，覺得幾滿足。而環境雖小，但乾淨同有風格，而服務都唔錯🤣

作為酒鬼，有咩開心得過有酒飲，仲要係無數咁多選擇。早排去咗銅鑼灣「九鬼」，餐廳主打日本菜及清酒放題，佢地嘅清酒庫存多到嚇親。😆😆餐廳有駐場唎酒師推薦清酒，而且每個月會入唔同款式清酒，個個月去都會有驚喜。食物選擇都幾多，有刺身、壽司、串燒、一品料理等，仲有大黑板寫住當日新鮮日本食材。點咗三文魚 ＆ 鰤魚刺身，兩款都好厚切，啖啖肉，鰤魚刺身好新鮮，帶點魚油脂香，好味。👍壽司盛 (6貫)由師傅發辦，壽司有赤貝、三文魚、帆立貝、鰤魚、池魚王及吞拿魚赤身，店員好貼心講解番由淡至濃嘅食用順序，每款都好新鮮，池魚王肉質肥美，個人喜歡赤貝好鮮甜，另外壽司飯嘅調味剛好，Level up咗件事！😋原塊雞皮串燒，好脆口，好似食緊雞味薯片。😆雞心串燒，口感爽彈有咬口，調味亦剛好。牛舌串燒，切到同牛柳粒差唔多size，所以比平時一片片既更有口感，油脂好香好豐富，好味！❤️❤️飲酒點可以無佐酒小食，點咗炸池魚同唐揚豆腐，池魚好飽滿而且炸到好脆身，食到停唔到口。😆餐廳仲有個每位$298清酒之旅放題，可以試6款由唎酒師配搭好嘅清酒，另外每個月都會轉換配搭，真心幾吸引，不過當日想少酌所以無叫到，已經bookmark咗下次同

ᴋᴜᴋɪ ɪᴢᴀᴋᴀʏᴀ 銅鑼灣耀華街日本居酒屋-九鬼地點好方便環境亦好有日本居酒屋氣氛廳牆壁有型格日本武士壁畫座位旁貼滿不同品牌的sake 招紙原來他們還有sake experience 可以勁試多款sake食物精緻好味,menu上的食物選擇多看到好多人點串燒, 也好想試不過最後還是點我最愛的鵝肝😋餐廳午市有套餐會較抵食不過夜晚氣氛又很好✧三文魚籽爆丼三文魚籽好好味，與飯的比例剛剛好，不過份量較少不夠喉😋✧焦糖蘋果鵝肝鵝肝是優質的味道，與焦糖蘋果好夾✧芝士波有拉絲的效果✧燒飯糰想不到這個份量夠厚身也不錯飯糰好入味❐憑收據一個月内再恵顧晚市可獲9折優惠❐看到他們西營盤高街也將會開分店

今次介紹嘅日式居酒屋，以武士為主題，牆上面掛咗好多武士嘅圖畫同埋一盞好搶眼嘅霓虹燈。九鬼五點刺身盛 $438原條池魚師傅將原條池魚起哂肉，切成一片片魚肉。然後可以用紫菜包住一齊食，呢個食法都幾特別之後各有四片八爪魚三文魚同獅魚！比較特別嘅係佢嘅八爪魚真係好軟，唔會好硬好難咬九鬼特上壽司盛：平目魚、三文魚、蜜柑鯛帶子、鰤魚、赤身和鰤魚。我自己就最鍾意蜜柑鯛，充滿啖啖橘香。串燒青椒串用左比較細小嘅青椒，上面鋪左木魚片，比較腍身又唔辣。山芋口感綿密又爽脆。雞胸軟骨雞胸軟骨是雞胸肋骨末端的三角軟骨，好脆口！人均💰350如果唔想錯過其他好介紹，記得follow我呀😘多謝大家！！！∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴ ୨୧ ∴∵∴九鬼居酒屋 (銅鑼灣)銅鑼灣耀華街21號華耀商業大廈地下7號舖 ∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴ ୨୧ ∴∵∴

銅鑼灣行完街就去左耀華街搵嘢食，見到多數都係酒吧西餐，唯獨是依間係日本菜，於是乎就決定試下佢。依間居酒屋隨處都係武士嘅裝飾，我諗店主都好鍾意日本武士。九鬼刺身盛 $438首先當然要試下佢地主打嘅刺身，總共有四款：原條池魚、櫻煮八爪魚、油甘魚、三文魚。原條池魚廚師好貼心咁起哂肉，仲有成條魚骨做裝飾，魚肉切粒可以伴紫菜一齊食，啖啖魚嘅鮮甜味。另外八爪魚用左櫻煮方式，極之軟身又有嚼勁。九鬼特上壽司盛六款唔同嘅刺身，分別有平目魚、三文魚、蜜柑鯛、帶子、鰤魚和赤身。鰤魚就啱晒我嘅口味，肉質爽口又清甜。串燒就試左雞心、豚肉 （頰心肉）和雞尾，都值得一試。九鬼居酒屋 (銅鑼灣)銅鑼灣耀華街21號華耀商業大廈地下7號舖

之前去The Chippy 看到對面有一個很吸引人注目的餐廳，牆上畫了武士，好好看😆就bookmark了下次要來試試。九鬼主打日式刺身／串燒 / 丼飯 🍚 🌼 廚師推介魚生丼 198刺身包括有三文魚、油甘魚、拖羅溶和魚子等它們完美地融合在一起，令人回味無窮😚 每一件都厚厚的，飯量剛好，不多不少 ❤️🌼 明太子火灸左口群邊丼 98明太子的濃郁口味與火灸的獨特風味相結合，令人眼前一亮。在每一口中，你都能感受到明太子的美味與火灸帶來的口感。🌼 明太子雞翼 28這是追加小食其中一個選項。雞翼很香脆！✨⭐️ Deal收據🧾一個月內，惠顧晚市可獲9折

去銅鑼灣的話喜歡到耀華街吃飯和甜品，小店林立又旺中帶靜，其中有間紅色招牌，大幅武士壁畫的「九鬼居酒屋」很搶眼球。居酒屋取名來自日本戰國時代著名的水軍大將家族「九鬼氏」，最有名的要數獲得織田信長和豐臣秀吉重用、以鐵甲船擊破毛利水軍的九鬼嘉隆。店內裝潢以武士風為主，另外逗趣的動漫Figures擺設、黑板上的手寫餐單和繪圖、還有可愛動物造型的筷子托也帶來小驚喜🗾👹🍶✏️🎨🐈🐓🥢😍午餐定食和丼飯選擇頗多，價格$78至$198：🔸明太子火炙左口裙邊丼 ($98)非常推薦這款丼飯。左口魚裙邊是背鰭和臀鰭之間的那一條邊，這位置正正是最肥美的部份。柔軟細膩的魚肉經火炙後油脂香更突出，油份滲進飯裡，再搭配鹹香微辣的明太子特別開胃，連不太喜歡米飯的我也變成「飯桶」🔥🐟🍛😋👍🔸特上刺身定食 ($168)是日刺身包括赤身、鰤魚、三文魚和池魚，由日本直送。這幾種魚都適合作為厚切刺身享用，每一片都足足2cm的肥美刺身，令人充分品嚐魚肉的質感和甘鮮🗾🐟🍱🔸甲羅燒 ($88)愛吃蟹的老公和我都對這道小吃讚不絕口。甲羅就是蟹蓋，而甲羅燒可謂物盡其用，先把松葉蟹肉、蟹膏放在蟹蓋裡烤煮，一般還會加入鵪鶉蛋和蔥粒，燒烤後的蟹膏

銅鑼灣耀華街酒吧同咖啡小店林立，今日就喺呢條小街道揾到一間日本武士風嘅居酒屋🏺。餐廳牆壁有型格日本武士壁畫，仲貼滿唔同品牌嘅sake 招紙同作為裝飾，而且本身都有下好多清酒選擇，仲有sake free flow添🍶 。 中午時分就唔飲清酒啦，試一試個set lunch先~Set lunch配有味增湯同鴨胸沙律，仲有生酮餐選擇，迎合唔同人嘅口味。我就點咗一個壽司拼盤同埋一個串燒拼盤定食🍱，擺盤色彩繽紛，好吸引🤩~ ❤ 極上壽司八貫配湯烏冬（$168）8件壽司🍣包括三文魚、吞拿魚、帶子、劍魚、池魚等等。首先手握壽司飯整得好好，用筷子夾唔會鬆散，而且本身已經有醬油味，飯粒亦好彈牙。上面嘅刺身好鮮甜，肉質好厚。 湯烏冬顏色雪白，係用鮮魚熬製嘅稻庭烏冬👍。 ❤ 五款串燒定食（$178）五款串燒🍢有牛舌、牛肉、雞軟骨、大蔥雞肉同淮山。大蔥雞肉好有驚喜，係用雞翼肉包住大蔥燒，所以一啖咬落去有雞皮香味，鹹度啱啱好，大蔥內部嘅濕潤感令烤雞肉唔會太乾。

明明係openrice book左枱，7pm，去到好似唔知有booking 咁，安排左張枱無幾耐叫我地8點鐘還枱。但個時已經7點10分。痴線。最好笑仲話whatsapp 搵唔到我，佢自己講完唔笑先好野。大家係openrice book 枱之前諗清楚。

位於銅鑼灣耀華街，以武士為主題的居酒屋，店內佈置不同武士掛畫，別具特色。居酒屋都有自己的特色，除了啤酒外，特色日本酒也是不可少的、日式下酒菜。雞皮餃子以雞皮取代傳統餃子皮。外皮金黃酥脆，內餡多汁爽滑。鰤魚肉質緊實，油脂豐腴，鮮美且醇香濃郁，肥而不膩。帆立貝色澤白晢，肉質厚實，味道鮮甜。池魚王肉厚刺少，肉質鮮嫩肥美，油脂非常厚，魚油甘香細膩。三文魚肥美，肥甘味美、肉嫩油豐。赤目張魚味超鮮超濃郁，口感彈牙。A4和牛壽喜燒，牛肉油花豐富，口感嫩滑，配上冬菇、蔬菜，湯頭清甜。一人份量剛好，蘸上蛋漿更滑溜惹味。免治雞肉棒雞肉打製而成，雞肉細滑，口感多層次，配上生蛋更滑溜。黑豚胛心肉，油花豐郁，口感鬆化香口，口感軟嫩適中。

早幾日行開銅鑼灣耀華街呢個彈丸之地，途經發現座落住一間日式居酒屋。可能因為又想飛日本，味蕾突然滲出魚生嘅味道，情不自禁就推門入去。餐廳喺午市時段已經有提供清酒放題， 仲要款式夠多，一共有六款純米吟釀。而我最like 嘅就係呢款 花邑 純米吟釀。味道夠重，好濃烈嘅熱帶水果香，易入口。Wasabi 味付螺肉居酒屋飲酒一定要有佐酒小食，呢客螺肉十分有嚼勁，螺肉鮮味中又附有wasabi 嘅刺激感，送酒一流！三文魚沙律非常好彩撞正佢哋三文魚啱啱新鮮到貨，魚肉異常肥美，配合埋芝麻醬味道幾開胃。串燒 六款全部交哂俾師傅發辦，最主要係睇吓有乜嘢新鮮食材。而今次串燒最出色嘅係佢哋嘅招牌燒厚切牛舌，外皮香口得嚟夠脆，入面仲要係Juicy 而嫩身嘅肉質，一定要襯熱食！今次難得有新鮮運到嘅白鰻，識食一定食串燒。白鰻嘅口感有別於普通星鰻，少細骨可以啖啖肉，魚皮燒得脆脆地啱啱好，味道非常甜一啲都唔腥。自家製免治雞肉棒又係must try item。 軟骨好好𡁻，食嘅時候沾蘭王蛋汁是常識吧！大蔥雞雞皮脆卜卜包住半乾身嘅日式大蔥，雞皮嘅油膩感剛好俾大蔥嘅Joice 中和，味道幾balance。壽司 八貫全部都好放心交

今次見到呢間走型格風嘅居酒屋，就決定試lunch set 😆🤩🤩大壁畫係牆身，充滿日本居酒屋feel🤗🥞●「蘭王玉子燒」($58)●好有蛋香味!! 可以吃到濃濃的蛋黃味，每塊都好似吃了10個蛋黃甘.🍣●「特上壽司八貫（配湯烏冬）」($168)● 唔好講笑，呢間居酒屋老闆對食材新鮮&質素要求盡顯喺壽司之中。本身諗住係居酒屋食魚生都唔會有驚喜得去邊，點知就！係！咁！好！食！先唔講擺盤勁有心思😍每條魚生都絕對唔係hea你，又夠大又厚切。老闆上咗嗰陣時仲勁有心介紹左右邊款雨除咗一半嘅吞拿魚同埋三文魚，仲有真鯛、銀鱈魚、鰤魚等等比較少見嘅魚種，估唔到lunch set 嘅壽司定食都食到，仲要勁厚身新鮮!! 以我嘅笨拙舌頭，最淡味到最濃應該係真鯛>銀鱈魚>鰤魚。連烏冬都好好吃TT 湯呈乳白色有魚香，濃郁的可以掛湯，太感動啦TT .🍢●「五款串燒 5 Type Kushiyaki」($178)● 包括牛肉、雞軟骨、椒鹽雞腿、牛舌同秋葵椒鹽雞腿好好吃, 幾惹味🤩外脆內軟————💭💭💭————好味(9.5/⑩)抵食 (9.5/⑩)————💭💭💭————📍 九鬼居酒屋地址：銅鑼灣耀華街21

Lunchtime同同事嚟銅鑼灣搵食丼飯同定食嘅價錢都算合理，最平$78就有交易最特別係竟然有生酮餐啱晒啲生酮人士餐廳幾裝修都幾有心 好多細節位連筷子托都係一隻ho cute cute geh貓貓Lunch set ：前菜+丼飯+味噌湯前菜：煙鴨胸沙律胡麻醬沙律都好少合出事味噌湯味道就正正常常啦蘭王蛋安格斯牛小排丼 $168牛小排嘅肉味幾濃而燒肉汁 + 蛋黄 咁樣嚟撈飯食 真係無得輸蘭王蛋拖羅蓉丼 $108同事嘅丼飯 望落都幾吸引明太子雞翼 $28好香好脆 唔錯太卷 $38好多料

餐廳位於銅鑼灣，地理上方便快捷，餐廳主打的是日式料理。這天和朋友一同前往定啲好好享用。明太子火灸左口群邊丼，左口魚裙邊邊個火焰小小的烹調更為可口，配搭明太子味道更為豐富，如有香味十足，推介之選。蘭王蛋拖羅蓉丼，正正式式來自日本的雞蛋可以生食用，無需擔心食物安全。蛋味香濃，不在話下，配搭新鮮的拖羅蓉，更為鮮味。壽司兩貫，絕對是廚師發辦，不知道是那種，最後居然是火灸吞拿魚，表層帶點焦香。壽司飯出色，人手製作就是帶有這樣的溫度。炸芝士，開皮香脆可口，不油膩，芝士拉絲，效果一流。