丸作食茶 (德民街) (已結業)

回到香港，媽媽告知附近開了很多小吃店飲料店的，吃晚飯之前便隨意逛了一下，看到了這家丸作食茶，被很多口味特別的珍珠款式吸引著了，還有的是最近哪裡都少不了黑糖系列。店員告知黑糖珍珠黑糖奶茶很受歡迎，還可以選少糖或半糖，便點了杯半糖的。媽媽則是要了茶味較濃的烏龍奶茶，微糖微冰加芝麻珍珠。黑糖珍珠黑糖奶茶 $33黑糖珍珠是珍珠質地帶有點點黑糖味道，口感是軟糯的。要了半糖所以黑糖味道不會很濃，卻比較貼近我喜歡的口味，烏龍奶茶 加黑芝麻丸 $26烏龍奶茶還是沒有想像中的濃郁，但黑芝麻珍珠也挺特別呢！黃埔紅磡這邊真的越來越多店舖，以後想喝珍珠奶茶又多一個選擇了呢。

今日食完晏有啲口乾乾，行過德民街就順便買杯珍珠奶茶返去公司飲，其實之前都試過專登嗌呢間丸作食茶外賣返屋企飲，用UxxxEat，都幾方便~~因為我同我friend都好鍾意呢到啲珍珠唔同款式揀😝 好似焦糖珍珠、白玉珍珠、仙人掌珍珠，呢啲都係獨家，其他地方都冇得飲！入到去我又有選擇困難症！~店員見我兩頭望~就比咗啲建議我😂😂~我嗌咗丸仨醇奶茶配白玉珍珠~啲珍珠粒粒都好彈牙又有口感！超鍾意😚我friend就order咗poster嗰款殿堂級黑糖珍奶，佢表示杯嘢黑糖味濃，奶味重，真係不愧為人氣排行榜no.1🥳

經過紅磡黃埔附近呢度見到呢間野開左無耐就隨便買返杯黑糖鮮奶一試，發覺幾好飲，幾有驚喜。我叫左杯殿堂級黑糖珍珠鮮奶；呢間店嘅飲品包括黑糖珍珠鮮奶唔單止可以選擇走冰程度同甜度，而且係可以揀完全走冰同無糖，啱曬想飲杯來過下口癮但又驚肥嘅人。我選擇左完全走冰同半糖。飲落黑糖同鮮奶融合得幾好，鮮奶個種奶味好突出，半糖嘅甜度剛剛好，一啲都唔甜膩。呢間店仲特別有部機自家製珍珠，珍珠都好可口彈牙，唔會太硬或者軟淋淋。

話說經過開成日見到好多人排隊，呢啲台式飲品已經開到成行成市。本着冇咩驚喜嘅心去試吓，點知有驚為天人嘅好味道出現！試過一次：黑洞拿鐵，真係返唔到轉頭，實在太太太太太好飲！加埋黑芝麻珍珠，只能夠講絕配兩個字！絕對值得咁多人排隊！已經回頭左好幾次仍然冇失望過！推薦！！

今日經開黃埔先知原來黃埔都好多野食，但可惜晚點要食大餐的關係，只好到附近找找有沒有什麼小吃。食得小吃，當然要買返杯飲品喇，香港的飲品店，諗起都幾十間。。今次試下丸作食茶，分別試左杯黑糖珍珠鮮奶同手燒焦糖奶茶試下。黑糖珍珠糖鮮奶飲過好多次，但次次我都覺得太甜，但這杯真係剛剛好的甜度，無咁甜反而更加飲到鮮奶的味。。。手燒焦糖奶茶，要贊的一定係個奶茶底，唔似一般開出來的奶茶底，的的確確飲得出有茶味。值得加分，加上少冰就剛好了。太多冰會令到個奶茶都調淡左味。飲完茶亦唔會覺得甜到膩。滿足。

早就聽過丸作食茶出名有唔同款式嘅珍珠，例如黑糖丸，白玉丸，黑芝麻丸、蕎麥丸等等。今晚終於有機會嚟試試。店入面張貼左人氣排行榜，列出最多人叫嘅第一至五位，對我呢啲揸唔定主意嘅人有好幫助！友人同我分別叫咗 <第一位> 嘅黑糖珍珠黑糖奶茶 $33，同埋 <第三位> 嘅手燒焦糖奶茶配焦糖珍珠 $29。先講黑糖奶茶，珍珠煮得軟硬適中。雖然冇美觀嘅虎紋打卡用，但係最重要都係味道，搖勻之後黑糖味唔會變得好淡，飲到最後嘅味道大致上都仲keep到好似一開始咁！至於焦糖奶茶，由於手燒嘅關係，比普通焦糖奶茶多出一份香氣，但係由於奶茶又焦糖，珍珠又焦糖，加起上嚟都比較甜，連我呢啲嗜甜嘅人都覺得有點over😂 下次經過我會再試埋其他款式嘅珍珠～唔需要加一 ，埋單2人約$60。⁣如果你鍾意睇我嘅食評，不妨關注我，支持吓我，謝謝你☺️💕

近期係紅磡如果想飲台式飲品，首選一定係丸作食茶我第一次飲呢間野既時候完全係係一個機緣巧合既情況下，果晚食完飯行過見到新開，比佢好多味道既珍珠吸引左，就去試下，結果一試返唔到轉頭，keel住幫襯近日試左佢杯黑糖珍珠黑糖紅茶拿鐵，比起就咁鮮奶，我比較鐘意多左份茶味既black tea latte, 呢杯野做得出色既地方係茶同奶既味道平衡得岩岩好，黑糖又唔會太甜，留意返佢係黑糖系列，所以珍珠一定係黑糖朋友就叫左杯烏龍奶茶配粉紅色既仙人拿珍珠，呢杯相對冇咁甜，飲得出係烏龍茶既茶底，完全冇呃人！仙人拿珍珠係甜甜地的，因為佢顏色幾靚同甜甜地既味好得我心，所以我地次次黎如果係買野飲加珍珍都好鐘意加仙人拿珍珠！紅磡有另一間個名同呢間好似，有次以為係分店買錯左，大家如果想試呢間要睇清楚d個名

自從港鐵黃埔站開通， 還未有踏足過黃埔半步，今日朋友決定故地重遊， 新道探訪舊同事。這是下午時分， 太陽夕照， 我和朋友皆感到口渴， 附近有間店舖門前人潮擠擁， 昂首一看，原來是間台式珍珠奶茶店。看看門外的介紹， 這間珍珠奶茶店的特色是力銷天然， 珍珠是每日即製， 奶是日本產， 所有元素都令顧客感受到店舖的誠意。我點了一杯宇治抹茶白玉， 選用靜岡抹茶，加上非常有咬口的白玉丸子， 是個經典配搭。邊走邊渴， 非常解渴， 黃埔真是個好地方。

呢間珍珠奶茶主打手作多色唔同味道既珍珠，好特別，可以簡唔同味既！行過被新推出既「芋頭丸綠拿鐵」吸引左！超香芋丸類產品$28，所以二話不說嗌左！另外妹妹嗌左一杯黑糖珍珠鮮奶！$30等左一陣就到手了，芋頭丸好多，層次分明！飲落帶帶淡淡芋香，綠茶味比較出，唔會太甜！重點，個芋頭丸口感唔係平時想像既煙韌芋丸味道，而係帶有芋頭味既爽口彈牙形珠，口感幾特別，好有咬口另一邊黑糖鮮奶有驚喜！靚靚既掛杯🥰終於飲到杯奶味比較出既黑糖鮮奶啦！個奶好厚重，完全唔會好水，撈埋底下既黑糖撞埋好出！個珍珠口感屬好軟糯，同平時既珍珠唔同口感，別有一返風味！值得一試👏🏻👏🏻👏🏻

丸作食茶終於開到紅磡都有了！等左好耐終於等到佢係紅磡開分店，就係黃埔地鐵站一出的德民街，行兩分鐘就到。小店門口唔算大，但佢部珍珠機就放左係門口，一睇就知道係丸作，透過玻璃窗可以即時看到珍珠即係點樣製作的出黎。今次就叫咗熱的黑糖珍珠黑糖奶茶， 最欣賞丸作就係連黑糖珍珠奶茶都可以揀幾甜，咁我揀左微甜。奶當然係味道最濃的meiji奶， 珍珠q彈，無色素，無防腐劑，口感煙煙韌韌幾好食，黑糖味真係好香 好吸引，叫微糖冇咁甜之餘仲可以品嚐到黑糖本身嘅香味。-而家用goodmalling 仲可以兌多兩款珍珠，一次過試晒兩隻味道tim啊!

飲品店開到成行成市，總有一間喺左近，但如果為左一杯野飲而要排好耐隊既話，基本上我都唔會買。今日lunch出左去買野食，途經呢間飲品店，佢標榜係手作珍珠，最重要係竟然無咩人排隊，於是我就買左一杯返公司。選擇困難症既我諗左一陣，最後問下店員妹妹有咩推介，佢話黑糖珍珠黑糖奶茶係人氣No. 1，不過佢個人黎講就會推薦No. 2既黑芝麻珍珠綠拿鐵，佢話黑芝麻珍珠比較特別，好，就要呢杯，妹妹仲問我駛唔駛少冰少甜，真係貼心。等左一陣杯野飲就搞掂，飲品顏色正常，至於個戲肉 - 黑芝麻珍珠，黑芝麻味好濃，每粒都係黑芝麻味，好正，而且珍珠幾有咬口，至於綠拿鐵就偏淡味少少，不過我覺得唔錯，因為我唔鍾意太甜，果然，妹妹無介紹錯。

在紅磡吃完飯後，珍奶癮又發作，見到丸作食茶，又未試過，知道佢珍珠款式多，咁就試試佢。現場有機器可即製珍珠。幾乎每間珍奶店都sell黑糖，這裡也有。菊花系列好特別喔！冰和甜度都可以調。紅茶拿鐵+焦糖珍珠 ($28)無糖微冰紅茶茶味很重，加了拿鐵就有雙重顏色，可惜，晚上來黑糖珍珠已經賣完了，試試配焦糖味珍珠，沒有黑糖味那麼濃，但也是很有嚼勁，不錯。菊花奶茶加菊花珍珠($30)微糖去冰菊花奶茶口感清新，以為會好唔夾，原來都幾夾，冇違和感，加埋有菊花味道的珍珠，菊花味滿滿的，很適合初春喝。唔知下次會唔會有檸檬珍珠奶茶呢~杯蓋也有不同圖案設計。

晏晝食飽，跟同事行一陣然後經過，仲唔齊齊飲番杯開心下咩 😂好多野揀，搞到我左度右度，眼花撩亂心大心細。同事好快揀定，揀左烏龍茶，芝麻珍珠同焦糖珍珠，微甜少冰。哇，可以雙珠入茶任人配搭，唔係間間有，於是幾經內心掙扎，決定要四季春，配焦糖同仙人掌珍珠，加奶蓋，少甜正常冰，豪飲一次 😂 同事話芝麻丸係佢最愛，好好食，而烏龍奶茶亦好飲。 我之前都有食過，真係好香芝麻味 😋 其他店食唔到。而我果杯四季春色澤清澈，混珠有粉紅同淡金色，望見咁多色已經開心😆 未搖勻前先飲一啖，茶味清新，焦糖珍珠夠晒甜，加埋淡味仙人掌珍珠，甜度剛剛好。飲下奶蓋，好香奶味，鹹鹹地 😋 四樣野加埋一齊，好夾～ yummy～買兩杯仲可以儲2個印，飲夠十杯送一杯，叫埋朋友飲，好快儲夠，又有得免費，正呀 👍🏻

最近珍珠奶茶店開得真多感覺比便利商店還要多隨手找來一間試試香芋奶茶超甜 雖然已經order少甜適合極度愛甜人仕I’m not sweet kind of fans But it was good fun tasting it

星期六去黃埔 見到媽咪雞蛋仔隔離有一間珍珠奶茶店，門口個牌寫住每日只限100杯 所以過去望吓啦但又冇乜人排隊喎 咁我就去試吓啦 原來佢啲珍珠有三種 有黑糖味，仙人掌味同芝麻味 我一聽到有仙人掌味 就問佢仙人掌 🌵味 ！？ 咁得意嘅 因為太過特別所以我都係試吓黑芝麻味啦 等左一陣就有好多人黎買啦鋪頭其實得兩個人，所以一個落單一個整珍珠奶茶，所以大概都要等10幾分鐘 黑芝麻味嘅珍珠奶茶，佢嘅芝麻珍珠我比10分，因為粒粒都食到有芝麻，同埋芝麻味好香好香好香 所以我相信應該真係用真芝麻去整，好好味 佢既價錢係比平時嗰啲貴少少，但我覺得物有所值