丸作食茶 (德民街) (已結業)

經過紅磡黃埔附近呢度見到呢間野開左無耐就隨便買返杯黑糖鮮奶一試，發覺幾好飲，幾有驚喜。我叫左杯殿堂級黑糖珍珠鮮奶；呢間店嘅飲品包括黑糖珍珠鮮奶唔單止可以選擇走冰程度同甜度，而且係可以揀完全走冰同無糖，啱曬想飲杯來過下口癮但又驚肥嘅人。我選擇左完全走冰同半糖。飲落黑糖同鮮奶融合得幾好，鮮奶個種奶味好突出，半糖嘅甜度剛剛好，一啲都唔甜膩。呢間店仲特別有部機自家製珍珠，珍珠都好可口彈牙，唔會太硬或者軟淋淋。