丸作食茶 (德民街) (已結業)

黃埔珍珠奶茶店「丸作食茶」，飲品選擇幾有特式喎，有仙人掌、鳳梨綠，現場見有一部珍珠製造機好吸睛，原來珍珠係自家製！成件事即刻吸引左😎。黑芝麻珍珠綠拿鐵($32)/招牌之一，要左半糖。黑芝麻手搖飲料唔算常見，所以每次都唔放過，珍珠真係手工粒粒唔同形狀，軟糯有韌度多於Q彈口感，黑芝麻醬主要係底，不過不失，唔係特別濃，茶味同奶味同樣好一般，無乜驚喜，正正常常咁，唔差唔驚豔。整體嚟講無伏嘅，衝著手作珍珠，一試無防。

黑糖珍珠拿鐵好中意佢呢度嘅黑糖珍珠，唔會好似出面咁得表面有黑糖味，佢地呢度嘅珍珠係食落入面都會有濃濃嘅黑糖味。原來佢地係毎日新解即製架，食落夠煙韌，配搭埋紅茶同鮮奶底，十分滿足。佢地呢個嘅拿鐵唔會太重奶味，茶同奶嘅比例都幾balance 唔係側重係其中一邊。

我記得呢間茶飲店當初喺銅鑼灣開張嘅時候，我同女朋友排左成半個鐘先飲到。後來佢喺其他地方都開咗分店，加上人氣已經冇咁勁，所以都飲過好幾次了。我認為丸作嘅茶底本身都唔差，味道幾清香。而佢最出色嘅就係佢啲珍珠，除咗係即整之外，珍珠亦有好多款口味揀，當中仲有啲係期間限定。啲珍珠除咗好fancy之外，佢個口感都好正，因為好Q彈好好咬。呢日我叫咗四季春配仙人掌珍珠同焦糖珍珠。我印象中價錢都只係$2x頭，幾抵飲。仙人掌珍珠就唔係好食得出係乜嘢味啦，不過就係粉紅色。至於焦糖珍珠呢就甜甜地，所以好易認。我每次行過丸作，都會忍唔住買返杯飲吓👍。

黑糖珍珠奶茶/鮮奶！！黑糖味超級濃，唔會好似出面嗰啲奶粉味！飲落好夾好中意！珍珠夠哂味，好濃黑糖味！！！茶底夠濃，好厚滑.不過只可以外賣，等候時間都唔算好長，黃店！！要支持，繼續大力懲罰！！💛💛

行去搭巴士經過忍唔住要飲一杯 下晝3點幾去 好好彩唔洗排隊 少有呀！今次叫左杯黑糖奶茶 平時就叫開有珍珠既 不過之後約左朋友食tea 費事咁飽啦 （雖然知道佢主打係每日新鮮自家製造既手作珍珠 不過佢D奶茶本身都好好飲 冇所謂啦）店員好細心 俾我果時提醒我記得搖勻先飲 因為佢d黑糖尋晒底既 味道方面真心好好飲 奶茶好香好滑 就算冇珍珠都好好飲 唔會太甜太膩 好清新 係外表飲唔到呢種味道 真心非常推介！下次會試下佢既芝麻珍珠 好多朋友飲完之後都話好正

台灣過江龍「丸作食茶」最出名就係佢每日新鮮自家製嘅珍珠，口味仲要非常獨特，有白玉、焦糖、竹炭、仙人掌和黑芝麻珍珠，時不時仲會有限定口味，標榜冇添加防腐劑和人造色素，以食物原材料為天然材料，天然又健康！小妹之前有飲過好幾次，覺得不錯，仙人掌珍珠真係好特別，之前只賣細杯，而家終於有大杯裝啦！☺我叫左一杯烏龍奶茶（$22）加兩款珍珠（+$8），同男朋友兩份飲，珍珠要左白玉同仙人掌🌵口味，不過有部份珍珠未煮熟！係咩玩法？😅本來珍珠味道已經唔係話好突出，口感仲要咁參次，咬落勁硬，烏龍奶茶味道一般，真係好失望！😟地址：丸作食茶 (紅磡)紅磡德民街29號德民大廈地下G4號舖營業時間：星期一至四：12:00-21:00星期五至日：12:00-22:00

平時飲開銅鑼灣店 今日經過想飲就幫襯銅鑼灣店不嬲都仲有加一款珍珠+$1有黑芝麻珍珠落單前問左店員 紅磡店冇 咁算啦叫左黑洞拿鐵加黑芝麻珍珠一飲落就feel到啲珍珠粒粒大小不一口感同銅鑼灣比真係高下立見..平時銅鑼灣飲完都仲會有唔少珍珠剩紅磡呢杯飲到一半已經冇咩珍珠總體黎講對紅磡店好失望以後淨係會幫襯返銅鑼灣店可能因為老闆(?)係度真係唔同啲 咩都親力親為....又好好禮貌同招呼..

只係口痕，想咬下珍珠，所以去買杯黑糖珍珠鮮奶飲下。一飲，d奶味唔算濃，黑糖味好濃！一定要攪勻先好飲啊，否則爆甜，攪勻後甜度適中（咁飲呢d一定要比其他野甜少少），最意外既係佢d珍珠好好咬，彈牙又唔痴牙，正，值得推薦

人客已經排長龍，鋪面已經3個人不停傾計，無心工作，冇禮貌，不停玩電話人客係到仲可以不停講人客是非，不知所謂，15分鐘一杯野都未整到，客人催仲可以話人地吾等得。我叫左杯無糖百香果綠茶加珍珠，珍珠又吾記得加，無糖變正常

今日同老公喺屋企附近撐枱腳冇意外咁嚟到我哋至愛嘅丸作食茶嘆返杯珍珠奶茶先去喫飯☺️☺️佢係有部機現場整黑糖珍珠畀你睇埋佢有咩配料唔使擔心係食塑化劑😁👍💟黑糖珍珠黑糖奶茶好濃好濃黑糖味奶好滑 茶底好香珍珠勁煙韌 有少少黑糖味 勁濃沃佢係用明治奶溝茶 仲要係日本進口奶味道同質素都有保證 珍珠勁多食完已經半飽勁開心好滿足🙈😘💟黑糖珍珠紅茶拿鐵其實同黑糖珍珠奶茶差唔多紅茶嘅味道 更加濃珍珠一樣好煙韌 夠曬多兩杯都係大大杯 價錢又唔貴😘喺地鐵站一出就到 好方便去隔離嗌個雞蛋仔一齊食 勁寫意！！ 無敵！！.🎀丸作食茶🎀紅磡德民街29號德民大廈地下G4號舖

有10款自家製珍珠的台式飲品店🥤有那麼多款味道的珍珠很少見。菊花丸、仙人掌丸、可可丸，全部都好像好味道🤤🤤點了超推介的殿堂級黑糖珍珠鮮奶~ 半糖甜度剛剛好，好香濃的鮮奶味，珍珠好有黑糖味好煙靭，平常不太吃珍珠的我都忍不住多吃幾粒🥰另一杯叫了丸仨冬瓜檸檬。夏天來杯清爽香甜的飲品真的特別消暑。丸仨有三種珍珠，分別是普通白玉、焦糖珍珠和仙人掌珍珠，全部都煙煙韌韌，好吃😋 飲品有陣陣檸檬味，不過稍微甜了一點。

有朋友話過呢間既黑糖珍珠鮮奶唔錯，隔左好一輪無飲珍奶之後呢日突然珍奶癮發作，就的起心肝去試下佢😳▪️ 殿堂級黑糖珍珠鮮奶（7.5/10）💲32 (M)不得不讚佢既黑糖掛杯都做得幾好，少甜後甜度會係啱好，可以成功滲透到入珍珠芯，粒粒都好濃味，珍珠亦帶有咬口😍鮮奶入口滑身既，不過感覺就未算好濃厚🙃▪️ 丸仨冬瓜檸檬（7/10）💲29 (M)屋企人鍾意飲比較清爽少少既，就叫左杯冬瓜檸檬🤔冬瓜茶會稍微甜左啲，但當中亦都帶有陣陣檸檬既清新🍋丸仨即係有三種珍珠，分別係普通白玉、焦糖珍珠同埋仙人掌珍珠，全部都煙煙韌韌，但係後兩者會偏甜，個人鍾意原味多一點🔎 整體評分（7/10）

今日雨勢磅礡 ，英雄被困紅磡，唯有找個地方停一停， 避一避， 醫一醫肚。這間奶茶店我已不是第一次光顧，每一次這裏也帶給我驚喜，除了這裏的奶茶質素高之外，這裏的珍珠也是一絕！😍這次我決定要試試新款（其實純粹自己未試過）， 仙人掌珍珠綠拿鐵。這杯飲料顏色呈奶白色，而珍珠則呈桃紅色，單單只是賣相已經把我吸引了。至於味道，由於我點是微甜，所以仙人掌的味道很出，有種回甘的味道，味道殘留在味蕾上久久不散。珍珠仍然是以往的高質素，口感極佳。飲完， 雨終於停了。

今次要咗兩杯嘢飲total $65 ，一杯係殿堂級黑糖珍珠鮮奶($32)，一杯叫黑糖珍珠黑糖奶茶($33)。Fresh Milk with brown sugar bubbles👇🏻Brown sugar milk tea with brown sugar bubbles👇🏻唔係間間鋪頭煮珍珠都煮得好食，丸作食茶嘅珍珠甜甜地，有咬口，份量夠多。整體來講佢嘅珍珠奶茶甜度適中，好飲，本來想試下佢嘅草莓沙冰，可惜已經售罄。

又嚟到丸作原來佢七月一日起所有飲品都有大杯裝！見佢出咗新嘢飲Strawberry 系列😍😍😍Pinkupinku好吸引趁唔係太多人排即刻嗌咗杯milkshake 天氣熱成咁飲台式飲品真係啱晒！佢同麥當當嗰啲完全無得比！（雖然我細個成日飲）😝😝😝哩杯係真材實料食到strawberry粒！香甜度level up!朋友嗌仙人草珍珠拿鐵 黃黃地色好特別！珍珠一貫無得彈！好有咬口份量亦唔少！味道清新值得一試😍