丸作食茶 (德民街) (已結業)

夜麻麻諗住去黃埔食串燒 🍢經過見到呢間新開丸作食茶 見有人排隊 人氣幾旺咁 加埋門面幾靚就諗住試吓 店員介紹左每日即場製造嘅珍珠 我見有好多款 ，諗左好奈就決定試下雪浮奶茶 因為個名好聽 好特別 hahah 另外加埋仙人掌珍珠🌵 等左陣就叫到我 第一眼見到！嘩😍😍杯野好鬼靚😍😍 一層層唔同色 影相一流 然後當然要即刻試吓味道先 味道相當唔錯! 個茶好滑 重點珍珠又彈牙又容易咬 新鮮整真係唔同啲^_^ 唯獨係最上面嘅奶蓋 味道唔差 但係略嫌厚身 老闆話鋪頭新開，頭一星期試業中 會努力改善咁話有9折 我覺得已經算好好☺️👍🏼 ps. 老闆好好人 員工夜晚都好有精神 haha 以後會繼續幫襯💪🏼💪🏼

自從丸作喺紅磡開左之後，差唔多每日飲兩杯😂😂🤦🏿‍♂️即製珍珠真係好Q、好彈牙！珍珠黎講都算係數一數二好食👍👍唯一要講既係茶味唔算係好頂級🤔今次試左丸仨醇奶茶，一杯入面有齊焦糖、仙人掌同白玉珍珠😋因為尋晚太夜黎賣晒珍珠，所以今日一次過補返數😁😁😁hahaha講返間舖就唔算好大，但又唔算等好耐試業黎講都算好順暢收銀哥哥都會推介你飲邊款，不過如果有埋飲品的相俾客人就會更好已經拎左張menu返屋企，準備試晒咁多款

今日行過見佢新開，諗住試下手作珍珠，叫左一杯焦糖琥珀拿鐵，兩杯宇治抹茶白玉，叫完等左15分鐘先同我講無晒白玉，叫我轉焦糖珍珠，咁我又無乜所謂不過可以叫嘅時候同我講，唔好俾哂錢先講😡再等多15分鐘，杯焦糖琥珀就放左係度，出左3杯我後面單嘅抹茶，都未到我，問佢佢先話佢次序做亂左，仲要一啲唔好意思都無，態度奇差😡最後取消order個店員仲要萬般不願意咁講左句喔🤬麻煩控制番個quality講返杯焦糖琥珀拿鐵 杯野飲落似奶水 完全無茶味 結論係無下次

銅鑼灣人龍台飲店👍應該係九龍第一間分店黃埔站A出口轉個彎就見到，位置好易揾民泰街一直都係食街，有雞蛋仔、雞翼，成日黎覓食😋😋丸作出名係現場即製珍珠，好Q好彈牙😍😍試左黑芝麻珍珠阿薩母拿鐵，黑芝麻珍珠好夠味😋😋仙人掌珍珠粉紅色好吸引，女友讚擺上IG打卡一流🤪🤪今日試業第一日就去左，試業期間仲有9折，so lucky 啱啱試業唔係太多人知，所以排左10mins就到了，希望之後唔使好似銅鑼灣店咁排咁耐😆😆