个園竹語

營業中

休息中

今日黎咗好靚嘅餐廳食飯，“个園竹語”，位於港威3樓。地點方便。黎到門口好靚，好切合佢主題，竹。而且佢空間感好夠，坐得好舒服。今次，點左5樣野，食物好味。“松鼠桂花魚”，職員會係你面前切開魚變成魚塊。方便食客享用。廚房刀工好好，成條魚切開一格格，炸出黎好靚，好有松子感覺。食落去，魚塊無骨，唔怕小朋友老人家會俾魚骨刺到，入口魚肉嫩滑，唔會炸到好老，而且魚皮好有咬口。不過，酸甜汁比較重，有點蓋過魚肉鮮味。“鐵板的小籠包”，佢個名好得意，同平時食開嘅小籠包唔同，唔係蒸籠上，係鐵板，但比起生煎包，佢皮係薄嘅，肉都比較嫩，仲可以飲到入面嘅肉汁。佢個底食嘅時候，仲有啲脆，幾好食。不過就覺得細隻左少少。“個園揚洲蛋絲炒飯”，炒飯粒粒分明，而且配料多，蝦爽口彈牙，蛋絲真係一絲絲咁，好靚，而且仲好有蛋味。“豆沙鍋餅”，一件切開八份，入面嘅紅豆溶好好食，唔太甜，仲有好重紅豆味。“杏仁湯丸”，杏汁好香好滑，有濃濃杏仁味。甜品仲附上2粒黑芝麻湯丸, 入面芝麻細滑，唔太甜，而且好香芝麻味。如果有外國朋友想黎香港食中餐，个園竹語都係一個好好嘅選擇。

同朋友們一齊黎咗海港城，呢間中式餐廳，非常適合聚會和家庭用餐。煙熏脆皮三黃雞 $298/半隻 色香味俱全，外皮香脆，肉質鮮嫩，口感絕佳。石鍋竹笙蟹粉燉豆腐 $208 餐廳招牌菜，鮮美的蟹粉配竹笙絕配，豆腐滑嫩，獨特風味相得益彰，再配一碗白飯，已經非好味。東坡草扎肉 $188 經典的傳統菜式，一定必食，半肥瘦豬肉煮到腍，東坡肉肥而不膩。上海生煎包 $66/3個即叫即煎，外酥內多汁，肉味鮮香。

一直想來「個園竹語」這𥚃裝修好有格調，融入竹林元素，古色古香，環境清幽，座位寬敞，私隱度高。週末下午和好友來品嚐「鮑魚龍蝦下午茶套餐」抵食又好味！當中的有鮑汁扣鮑魚，好鮮嫩，而主食開邊龍蝦湯麵，龍蝦肉彈牙，搭配精緻嘅點心，感受到食材嘅新鮮同廚師嘅用心，性價比超高，值得一試。另外還叫了宋嫂鮮魚羹及海鮮酸辣湯，其中海鮮酸辣湯真係招牌菜，酸辣適中。而金牌小籠包亦係鎮店之寶，皮薄多汁，肉餡鮮美，搭配薑醋，味道一流。侍應會主動為你介紹菜式同搭配，服務細心。這𥚃吃到傳統嘅上海味道，不錯！

▫️石鍋竹笙蟹粉燉豆腐🦀 ($208)👉🏻上檯嗰陣仲係熱辣辣bulubulu滾緊😚豆腐份量超級多，蟹粉味道甘香濃厚，鮮味十足，滲入豆腐同竹笙，餸飯一流😋.▫️慢燒煙燻脆皮雞🐔（$298)👉🏻雞肉色澤金黃，雞皮超級脆口，肉質飽滿嫩滑仲帶肉汁，煙燻香氣濃郁.▫️鐵板上的小籠包（$90)👉🏻小籠包外皮透薄，擺咗落鐵板底部煎到微微脆好香口，咬落肉餡鮮嫩亦都爆哂汁☺️.▫️五年陳皮爆汁牛肉餅 ($98)👉🏻牛肉餅外皮煎到金黃色，層次分明超級酥脆，牛肉餡陳皮味突出仲好Juicy😋.▫️蘭梅桂花拉糕（$60)👉🏻桂花拉糕軟糯煙靭好有咬口，帶有淡淡桂花香，面頭有藍莓醬酸酸甜甜好開胃🫐——————評分：8.5/10.平均消費：~$465

个園竹語係海港城嘅高級淮揚菜滬菜餐廳以中國四大名園个園為餐廳設計靈感將中式庭園典雅美學融入室內餐廳備有卡座及多間廂房非常適合多人用膳坐得舒服可以慢慢食慢慢傾菜式選擇多新派上海菜必能滿足老饕口味鐵板小籠包小籠包係用鐵板上好特別！底部微焦有脆邊外皮唔算超薄但夠彈性咬落仲爆汁🔥肉餡新鮮有肉香配埋醋同薑絲就更開胃～果種鐵板香煎感幾有新意！東坡草扎肉一上枱已經見到靚到閃嘅紅亮色包得整整齊齊似足禮物一樣精緻！一刀切開入面層層瘦肉肥肉夾得啱啱好唔膩之餘仲好入味滷汁濃郁唔死鹹如果你鍾意食東坡肉類型一定要試埋呢個「進階版」鹹肉煮津白奶油感重津白軟淋鹹肉鮮香惹味翅湯浸腍白菜翅湯認真足料鮮甜真係有翅群😍白菜軟嫩簡單但不落俗套招牌海鮮炒飯一睇就知炒得乾身分明飯粒炒得唔黐粒粒油光閃閃蛋絲切得幼細相當有心機炒飯鑊氣但唔會蓋過海鮮味份量唔細多人share都夠～个園竹語水準穩定擺盤靚、味道有誠意價錢中上但配合環境同服務都合理推介比鍾意中菜精緻化嘅朋友特別適合帶長輩或聚餐場地舒服唔嘈啱晒坐耐D食餐好 👍

📍 个園竹語 ｛尖沙咀｝呢間餐廳好大膽，竟然叫我寫真實食評，唔洗作假，要真寫😏😏就睇吓係咪真係有咁好食？？以下係真係本人嘅感受，並冇誇大成份‼️但係個鐵板小籠包，雖然寫係招牌菜，但係就有少少失色！反而個海鮮炒飯同金牌小籠包，真係好有驚喜🩷✨ 招牌海鮮炒飯不得不讚，鍋氣十足，一上枱已經係聞到鑊氣嘅味道，炒飯粒粒分明微微濕潤的口感，超級讚‼️我最鍾意佢係材料十足，海鮮份量都好多，雖然切到好細粒，但係每一啖都可以食到海鮮同粒粒分明嘅飯😍✨ 鐵板上的小籠包第一次食鐵板小籠包，平時都只係食蒸嘅小籠包🥢今次係鐵板，竟然有驚喜，個包皮底唔再係軟綿綿，有少少硬，但係上枱嗰陣時沙沙聲，好吸引🤩食落去仍然湯汁彈晒出嚟，外內一樣熱辣辣，好食😋✨ 蟹粉小籠包小籠包皮薄且軟硬適中，筷子夾起完全冇問題😉內藏大量湯汁，咬下瞬間湯汁四溢，蟹粉加蟹籽嘅份量都算多，鮮味在口腔徘徊🦀🦀✨ 金牌小籠包小籠包餡料好豐富，一籠5個，份量正常。一咬落口湯汁熱辣辣，鮮肉味突岀🐷

个園竹語一開張時便被佢吸引,單單名字便已經十分有意思,以座落江蘇省揚州市,四大名園之一的「个園」為店名, 一睇便知主打淮揚及滬菜, 內裏裝修更是一絕,將竹林元素加入,裝潢典雅氣派, 充滿中國色彩, 絕對是與朋友食飯或宴客的好地方🌟本幫糖醋小排骨滬菜的前菜是一定要點的，今天特別想吃酸的，所以點了糖醋小排骨，份量相當充足，排骨色澤紅亮油潤，味道酸甜誘人，濃稠的醬汁包裏著小排骨，一口一舊，非常好吃🌟海魚一夜情呢個必食推介，將馬友風乾一天然後炸香，咸香鮮味共存，魚味更濃郁，炸得酥脆不油膩，連魚骨也可吃，美味🌟石鍋竹笙蟹粉粉豆腐石鍋上枱，保溫做得非常好，大大的加分💯。豆腐的豆味濃郁，再加蟹粉及竹笙，鮮味甘香，加上陳醋，畫龍點睛之作，鮮味再提升，更立體。🌟鐵板小籠包非常創新的鐵板小籠包，熱辣鐵板上放上小籠包，薄皮的小籠包底帶微微焦脆，但內裏充滿燙熱的湯汁，一只咬吓，鮮味肉汁滿溢，好味又特色，盡顯師傅功架。🌟个園蔥油鮑片拌麵傳統的蔥油拌麵，將香蔥用油慢煮出成蔥油，再加上醬油及糖，拌上上海麵，蔥香無法抵抗，再加上蔥油煮過的鮑魚片，更加美味

呢間餐廳環境舒適，食物質素好。見到有揚州臭豆腐，鍾意食臭豆腐嘅我即刻忍唔住叫。臭豆腐味道處理得好好，臭豆腐味道好香，炸得外脆內嫩，好好食😋鐵板上的小籠包幾有創意，熱辣辣嘅鐵板上，小籠包保持到溫度，而且底部煎得香脆，增添咗一份口感。小籠包嘅皮薄餡靚，湯汁鮮甜😍葱油鮑魚片拌麵，麵嘅味道係甜甜地。面上有一片片鮑魚。另外，叫咗紅油抄手，辣度適中，唔會太辣，啱晒我呢啲唔太食得辣嘅人。抄手嘅皮薄餡靚，肉餡鮮嫩多汁。小菜獅子頭嘅份量都幾大，肉丸口感鬆軟，而且非常入味。醬汁味道濃郁，送飯一流。

🍖 東坡肉 而家唔係度度有東坡肉食，首先佢嘅賣相已經滿分，四四方方嘅五花肉，上面淋住一層閃閃發亮嘅濃郁醬汁，切開肥瘦層次分明，肥肉部分晶瑩剔透，瘦肉則係粉嫩嘅色澤。肥肉部分唔膩，入口即化，而瘦肉則係口感軟嫩，醬汁偏甜帶少少酒香。佢哋嘅東坡肉唔會過鹹，食完之後口腔仲留有淡淡嘅回甘，撈飯一流。  🐟 蜜汁脆鱔 脆鱔炸得啱啱好，外脆內嫩，蜜汁甜度適中，食落好開胃。不過如果鱔肉可以再厚身少少，口感會更加滿足。  🍲 招牌干燒魚翅 魚翅份量足，用濃湯干燒嘅做法令到魚翅更加入味，適合用黎魚翅撈飯，食完先飲碗雞湯，有好重雞味。  🍑 壽包 壽包造型精緻，豆沙餡料唔會太甜，作為飯後甜品好適合，仲可以插個happy birthday牌，中式慶祝。🍵 茶嘅選擇幾多，人參烏龍清香解膩，配搭濃味菜式好合適。  總結：个園竹語嘅菜式幾有上海浙江特色濃油赤醬，環境幾闊落同服務都主動，不過價錢有些少進取，想舒舒服服食餐精緻浙江菜既話不失為一個好選擇。  

尖沙咀海港城呢間餐廳裝修好典雅，有好多竹林元素🎋，一入去就覺得好有氣派✨。佢哋主打淮揚菜，菜式細緻精美。座位好舒適，每個枱都係一個私密嘅小包廂，啱晒同家人食飯，或者招待商務客戶。🥢 金牌小籠包（五件） $85一啖咬落去，湯汁爆流，肉汁鮮美，外皮輕薄又不易破，超滿足！🥢 蜜汁脆膳 $148蜜汁脆膳炸到脆卜卜，外層被甜甜嘅蜜汁包裹住，口感酥脆可口！🥢 紅油抄手（六件）$88外皮薄身包住豐富嘅豬肉餡，豬肉餡甜甜地，個汁帶點麻辣，加埋蒜蓉一齊食好惹味！🥢 慢燒煙燻脆皮雞（半隻） $298外皮酥脆，肉質嫩滑有肉汁，入口食到陣陣嘅煙燻香味滲入雞肉入面。🥢 高力豆沙香蕉（兩件） $46熱辣辣新鮮整起，外層非常鬆軟，入面係豆沙餡同香蕉，豆沙餡綿滑香甜，如果份量多啲就仲好！🫖晚餐茗茶/ 開水（兩位） $46📍个園竹語尖沙咀廣東道3-27號海港城港威商場3樓3202號舖

位於尖沙咀的‘’个園竹語‘’環境雅致，兩個人坐四人座卡位非常舒適。餐牌內傳統及創意上海菜俱備，今晚我們點了以下菜式：🥟金牌小籠包～小籠包一籠5件，皮薄爆汁。當我一啖咬下去時，湯汁立即濺落到我的白色上衣呢！🥘石窩竹笙蟹粉燉豆腐～石窩一上枱時熱騰騰，竹笙、蟹粉，蟹膏及蟹肉份量十足，搭配豆腐同吃，鮮味甘甜。🐔慢燒煙燻脆皮雞(半隻)～脆皮雞皮脆肉嫰，肉質順滑，充滿煙燻香味。雞皮已燒至脂肪盡除，可放肆吃進肚內！🍌高力豆沙香蕉～高力豆沙軟腍腍，熱騰騰。香蕉及豆沙餡料甜而不膩，令人滿足。

裝修典雅又有氣派，設計走庭園風格且加入竹林元素，主打淮揚及滬菜傳統美食✨ 餐廳內設有多個卡座及包廂房，私隱度高，好啱約埋朋友或親人聚會☺️❀ 石鍋竹笙蟹粉燉豆腐 🥘燉煮豆腐口感滑溜，吸滿蟹粉精華濃郁入味💕 蟹粉嘅鮮甜及竹笙嘅清香相互融合，好啱送飯呢🥰❀ 煙燻脆皮三黃雞 (半隻) 🐥經煙燻慢燒嘅三黃雞外皮香脆，肉質嫩滑多汁😍 煙燻香氣滲入雞肉，帶出獨特風味，搭配醬油更加滋味👍🏻❀ 東坡草扎肉 🐷東坡肉將半肥瘦五花肉及醬料經長時間燉煮而成，口感軟糯而不肥膩，加上濃稠嘅醬汁，鹹甜惹味😚❀ 上海生煎包 🥢以鐵板呈上保持熱度✨  生煎包底部煎至金黃酥脆，內餡飽滿鮮香，咬開有滿滿嘅肉汁好正🥰

今日同朋友出尖沙咀行街，見到一間裝修精緻嘅餐廳，原來由著名獲獎室內設計師創作，重溯「个園」雅緻之美，以江南園林的風雅意境。🥢鐵板上的小籠包（五件） $90～ 🌟招牌菜，結合了傳統小籠包的鮮美和鐵板料理的香氣，使小籠包的底部變得酥脆，小籠包內部的肉餡和湯汁完美保留，咬開時湯汁會瞬間溢出，十分美味。🥢蘭梅桂花拉糕（四件） $60～ 桂花帶來的自然甜香，蘭梅的酸味與桂花的甜味相互平衡，拉糕本身的柔軟和彈性，讓人感受到滑順的口感。🥢私宴老上海燻魚 $158～ 經典上海菜，用上深海魚，豐富魚油，入口酥脆爆汁，味道層次豐富。🥢花雕醉乳鴿 $188～花雕酒的香氣滲透到鴿肉中，帶來獨特濃郁酒香的風味，乳鴿經過醃製和慢燉後，肉質鮮嫩且多汁，口感滑順。🥢薺菜肉絲炒年糕 $188～年糕吸收了薺菜和肉絲的味道，口感滑順，嚼勁十足。🫖午餐茗茶 $20@🥜餐前小食 $25

尖沙咀海港城想食上海菜🥢，這家精緻典雅風又帶點氣派的中菜廳會是你的菜嗎❓店名取自中國四大名園之一的「个園」，裝潢融入竹林元素🎋，典雅富氣派又不失現代感，主打精緻淮揚菜，適合和家人聚餐或招待商務客戶，呢日下午趁有時間來吃個午餐吧。【午市套餐】 設有2款 分別 $308 / $498 p.p. 仲可以優惠價 $188 追加 Red Wine🍷 bottle🔸陳醋海蜇頭．煙燻溏心蛋🔸芙蓉炒三鮮 (大蝦`海參`毛豆）🔸上海薺菜肉絲豆腐羹🔸百頁結紅燒肉🔸乾貝竹笙扒時蔬🔸金牌蒸小籠包🔸桂花酒釀丸子菜式精緻，而且大量卡位 & 包廂，更設有竹簾間隔，私人空間十足，坐得舒服～逐道菜式慢慢上，不急不忙，午市套餐分別有：前菜，主菜、時菜、主食、甜品～其中必吃的小籠包～爆湯充滿肉汁是金牌之選。湯羹濃稠度剛好，也值得一試。晚間菜式更高級精緻，設有名貴食材：遼參、魚翅、花膠、鮑魚、虎蝦、松葉蟹、經典巧手滬菜，有空可以來試試。..×××××ש尖沙咀廣東道3-27號海港城港威商場3樓3202號舖..

.🐷📌 #豬西食尖沙咀 #豬西食九龍.个園竹語係尖沙咀海港城一間有特色嘅中菜餐廳‼️主打創新同傳統結合嘅粵菜，適合一家大細或者朋友聚會。就算食午市套餐都唔係特別貴，而且個質素亦都係非常之好，每一台都有自己卡位嘅空間，所以成個環境係非常舒適😆🐷个園煙燻糖心蛋配陳醋紅蜇頭煙燻糖心蛋煙韌入味，配埋陳醋紅蜇頭，酸酸甜甜，口感層次豐富，開胃又特別。🐷金牌小籠包小籠包皮薄多汁，肉餡鮮甜，湯汁豐富，食落去熱辣辣，好有滿足感。🐷百頁結紅燒肉百頁結吸收晒紅燒肉嘅醬汁，味道濃郁，肉質軟腍，配搭得好好，令人回味無窮。🐷瑤柱菜螃蟹（仿蟹肉）瑤柱菜螃蟹味道鮮美，仿蟹肉口感彈牙，配埋瑤柱嘅鮮甜，係一道滋味十足嘅佳餚。🐷桂花酒釀丸子桂花酒釀丸子香甜軟糯，酒釀味道濃郁，桂花香氣撲鼻，係完美嘅甜品結尾。🐷蘭梅桂花拉糕蘭梅桂花拉糕口感細膩，帶有淡淡桂花香，甜度適中，食完唔會太膩，清新又滋味。.个園竹語📍尖沙咀廣東道3-27號海港城港威商場3樓3202號舖.