个園竹語

營業中

休息中

个園竹語🎋去完上海之後·特別想食香港嘅上海菜🇭🇰今次試朋友力推的靚靚上海餐廳~🥢環境一流🖤食物方面都好啱口味😋比起甜甜的本幫菜·我更愛香港人口味的上海菜🇨🇳而且環境好舒適·超高私隱度！如果係一大班朋友聚會仲可以book房🤟🏻🐟海魚一夜情(馬友)往往無期離的·反而有最大嘅驚喜✨輕盈薄脆的魚皮·入口完全唔油膩·真係紙咁薄🤤好似食緊魚味薯片一樣🥔魚肉紮實⋯鹹香鮮味..適合慢慢食..配上茶·酸蘿蔔佢為前菜一流😬🦐黃金蝦球一上枱就聞到滿滿的鹹蛋黃香💛足足有8隻大蝦🍤肉質彈牙·加上惹味的’金莎’…值得欣賞嘅係擺盤好有心機…滿碟珍珠糖+藍莓🫐火龍果…色彩鮮艷🩵真係名符其實-見到都流口水🤤🐷雪裏紅梅菜紅燒肉上海菜必點-紅燒肉🐽梅乾菜絕對係經典的配搭❤️五花肉的肥瘦比例十分好～大部分都係2成肥肉·8成瘦肉❤️‍🔥醬香濃郁·一定要蘸滿醬汁食🤤更加分💯連皮嘅部位·帶帶少少脂肪..入口軟糯‼️必須要配上一配白飯🍚🥡上海生煎包白雪雪·睇落好似糯米糍一樣🤍生煎包最重要嘅脆底～我會比100分😆因為真係煎到金黃·脆卜卜肉餡調味剛剛好👍🏻

好耐冇見嘅朋友約我食飯，當然要搵一個寧靜方便傾偈嘅地方啦🤣🤣今次揀咗去尖沙咀食，貪呢度安靜而且每圍都有一個獨立包廂，好有私隱度。我哋叫咗雲吞雞、鐵板小籠包、海鮮炒飯。不得不說三樣嘢都高於水準🥰🥰完全對得住佢嘅價錢😍個人最鍾意雲吞雞，佢嘅湯底好似平時飲嘅湯一樣咁濃郁，而且雞肉唔會好嚡熠熠雖然煲完但係都仲有好嫩滑嘅質感😙而且呢度服務好好😋😋仲會幫手分湯、拎啲雞肉出嚟分切，值得一讚。此外小籠包亦都一定要試，平時食開嘅小籠包都係蒸熟，好少有鐵板上，原來都唔錯👍🏻個底脆脆哋，裏面保持肉汁豐富，整個體驗感覺好新鮮💕最尾海鮮炒飯係佢哋嘅招牌，食落覺得好足料，而且每粒飯都炒得好乾，瑤柱嘅味道同埋雞蛋好配合，睇落簡單的炒飯好有鑊氣🥳🥳下次嚟會再試吓佢其他菜式～🏠个園竹語 (尖沙咀)尖沙咀廣東道3-27號海港城港威商場3樓3202號舖

🍴🌃【尖沙咀精緻滬菜私房體驗｜个園竹語✨】今日同媽咪👩👧去咗尖沙咀海港城嘅《个園竹語》食上海菜，一入門口就俾佢嗰種江南庭院風吸引住～ 大廳座位闊落舒服，仲有隱私度爆燈嘅小包間🛋️，啱晒同屋企人傾偈歎茶！今次試咗幾道招牌菜，每碟都精緻到唔捨得食落口，味道仲正宗到好似飛咗轉老上海咁😍！🌟 私宴老上海燻魚 💨🐟必食推介！師傅用咗深海魚肉，外皮炸到脆卜卜🔥，咬落去「咔嚓」一聲，魚油香即刻爆出嚟💦！甜中帶燻香嘅醬汁完全鎖住肉汁，阿媽食到豎晒拇指話「同當年喺上海食嘅一模一樣」👍！🌊 海鮮酸辣湯 🥣🌶️呢碗湯真係「酸爽辣鮮」大集合！舀一羹滿滿嘅帶子、蝦仁🦐，仲有滑溜豆腐，酸辣比例啱啱好，飲完成個人暖笠笠☀️，阿媽仲偷偷哋加多碗白飯嚟撈湯汁😂🔥 煙燻脆皮三黄雞 🐔💨皮！脆！到！會！發！光！✨ 煙燻香氣似有還無，雞肉嫩到用筷子一夾就離骨🍗，阿媽大讚「連雞胸都唔嚡口」，仲即刻預約話父親節要再encore🎉🥙 酸菜肉末（配叉子燒餅） 🫓🌿全場最有驚喜！酸菜脆爽冇渣，肉末炒到油香四溢💥，用熱辣辣嘅叉子燒餅夾住食，外脆內軟嘅口感真係停唔到口～ 阿媽仲研究緊點自家複製個餅皮🤣總結：人均$400左右，環境同食物質素絕對值

經openrice訂座3位，後來修改人數為5位(4位大人1位4歲小朋友)，餐廳致電本身已經安排左卡位，本人亦知道臨時改人數未必有其他枱可調動，亦不介意小朋友坐迫d，餐廳職員以放唔到餐具及多放一張櫈係通道為理由要求本人轉包廂但要收min. charge $2000，安排欠缺彈性，好似迫你轉包廂咁

昨晚朋友介紹到這間餐廳一試，但實在太失望！1.大部份到來食物都是暖暖的，尤其我在期待的生煎包，送到時鍋上已經沒有熱辣辣的聲音，每一個包是黐在鍋上，需用力推起才能夾起包包吃，包裡面只是暖暖的，真是新鮮上菜嗎？😖2.在網上預約了從來沒有說明每一張枱入座需要最低消費，當時我們三人，希望能換大廳座圓枱坐時，服務跟我說每張枱都有最低消費，大廳圓枱需要$2000以上，那個橫座的枱需$1500以上，就這樣打發我們了，但我真的不明，記然有這些條款為不先列明，錢俾了但我感到真不值。

今日同媽咪提早慶祝母親節，去咗尖沙咀一間上海菜館食飯，整體都算滿意！ 首先個**砂鍋餛飩雞**好正，湯底好鮮甜，餛飩皮薄餡足，雞肉都算嫩滑。跟住試咗個**鐵板上的小籠包**，上枱時仲滋滋聲，皮薄多汁，咬落去真係爆湯，不過要小心燙嘴！ **五年陳皮爆汁牛肉餅**有驚喜，陳皮香氣好突出，牛肉餡 juicy 又唔會太膩，值得一試。 主食方面，**揚州蛋絲炒飯**炒得夠乾身，蛋絲同配料份量足，味道唔會太鹹。**上海粗炒麵**就正常發揮，麵條有咬口，醬油香夠濃，但略嫌油咗少少。 服務幾好，店員有禮貌，上菜速度合理。今餐食得開心，媽咪都話滿意，可以再encore

得個薰魚對得住價錢個松鼠魚細到得炸粉，又乾又柴，又凍又鞋，個汁過甜過酸，個汁都係凍，唔知係放左幾耐訂枱但比廚房circulation位人坐，明明周圍都有包廂位空置，但都比走廊位你住，d侍應出出入入，你成程飯就係望住佢地出出入入。無服務，未食完就收野，五個人，但比得一本menu，要主動問先拎多本比你。堆經理掛住傾計，又唔上菜上茶無問過你，移開你個茶杯，除左氣氛，其實同茶記無分別，侍應無禮貌之餘，亦無咩衛生意識。簡單講係無下次！

今日我同朋友去到尖沙咀个園竹語食飯，呢一間餐廳主打上海菜，餐廳裝修富麗堂皇，座位寬敞，非常之舒適。招牌鐵板煎小籠包依度嘅招牌菜式之一，鐵板仲係熱辣辣嘅，小籠包嘅皮煎得非常之香脆，加上小籠包入邊嘅肉汁非常之豐富，令到呢個小籠包味道非常好。紅燒獅子頭獅子頭嘅份量好多，入口充滿肉汁，有香濃嘅豬肉香味。呢個菜式由於比較肥膩，所以建議可以同多幾個朋友分享。擔擔麵擔擔面嘅份量唔少，麵條彈牙，入口唔會覺得太過辛辣。湯底有淡淡的花生香味，味道唔錯。拉糕依個甜品非常之特別，入口煙靭彈牙，味道唔會覺得太過甜。高力豆沙外皮唔會炸得太過油膩，入面有香蕉蓉同埋豆沙等等，作為甜品嚟講非常之唔錯。整體嚟講，我覺得今餐嘅食物都好有特色，食物質素亦都好高。

今日係自疫情後第一次同好朋友食生日飯，當然要食餐好揀咗个園竹語因為佢坐得舒服，傾計都開心啲。我哋懶得睇Menu 所以一坐低已經選好食套餐唔使煩。呢個套餐好吸引，有兩小碟、醬燒原隻虎蝦、紅燒竹笙魚翅、珍饈四寶（有鮑汁扣海參，鮑魚，花膠，花菇）、招牌海鮮炒飯、金牌蒸小籠包同芝麻湯圓，睇到個陣容都好期待歎完成個套餐我同朋友都好滿意，每人＄498不算平但食物質素絕對令你覺得值回票價，尤其係虎蝦、紅燒翅、同海參花膠鮑魚都好有水準好味到我連啲鮑汁都唔放過，清碟仲有夠姜湯圓做甜品簡直係 perfect，夠姜味，仲可以係呢個潮濕嘅天氣去去濕但可惜又係犯左一個香港食肆嘅大錯，限時90分鐘，明明冇人等位都要叫我地埋單走人，真係有啲掃興，又要轉場繼續傾

同家人到尖沙咀食上海菜，選擇了裝修復古典雅又不失現代感的个園竹語 整個用餐環境挺有氣派，卡座寬敞亦有半包廂 私隱度高～ 茶位$23/位 龍井茶香味都夠前菜 $25白飯魚仔花生🥜酸蘿蔔 泡椒毛豆蒜泥白肉 $108白肉切成薄片，陳醋調味帶甜，底部墊了粉皮乾燒蝦球 $298 明蝦球大大隻口感爽彈，醬汁帶甜多於辣上海粗炒 $178粗炒份量足，口感煙靱有嚼勁鐵板上的小籠包 $90將一般小籠包底部煎至金黃香脆，咬開一口爆汁食得多一般小籠包想試新野推介呢款！

今次試到一間好正嘅高級淮陽菜餐廳，環境典雅，充滿咗東方古典味，啲傢俬同佈置都好有格調，食飯氣氛真係一流，特別啱啱想同家人或者朋友一齊享受一餐精緻嘅淮揚風味。菜式方面，店家用料新鮮，烹調手法精細，味道層次豐富😋首先係蜜汁燒白鱔 ($288)，係用新鮮白鱔燒得外脆內嫩，蜜汁帶出甜香同微焦嘅味道即刻爆發。鱔魚肉質滑溜，帶啲彈性，蜜汁唔會太甜膩，配上啲芝麻同蔥花，食落好開胃，質素同份量都值回票價，絕對係一啲高級嘅享受！接住試咗鐵板上的小籠包 (五件) ($90)，呢個創意菜真係令人驚喜！小籠包蒸得皮薄餡嫩，湯汁濃郁，鐵板好熱，啲湯汁同肉餡嘅香味四溢。食法係要小心咬開啖啖吸湯，皮軟滑又唔會破，味道傳統又帶啲新意，五件份量啱啱好，作為開胃菜真係抵讚！再黎係原條椒鹽小黃魚 (兩條) ($148)，小黃魚煎得金黃酥脆，表面啲椒鹽調味恰到好處，鹹香中帶啲微辣，魚肉鮮甜無腥味。兩條份量唔算大，但炸得夠香，食落一口脆一口嫩，配上杯清茶或者啤酒，超級開胃！仲有鮮肉鍋貼 (三件) ($66)，鍋貼煎得底層焦脆，皮薄餡多，肉餡汁多味鮮，咬下去啲油香同肉香即刻爆發。店家用咗高質嘅豬肉，配上啲韭菜同蔥，味道傳統又正宗

呢間餐廳係我encore得最多次嘅上海菜！ 每次食，D食物質素都keep得住～今次試左新野，叫左松鼠桂花魚，招牌海鮮炒飯，海膽醬柴火老豆腐，同埋蘭梅桂花拉糕。佢個松鼠魚炸得好靚，睇見都開心～ 醬汁酸酸甜甜，皮脆肉嫩，我自己一個人KO左大半條！ 老豆腐原來唔係平時食開嘅硬豆腐，原來佢本身帶有煙燻味，所以味道都幾濃，幾特別～海鮮炒飯都好好食！米飯粒粒分明又唔會太油，令人想一啖接一啖。桂花糕有d 糯米酒味，飲酒釀丸子feel, 都幾好食～整體都唔錯，會繼續幫襯

平時食中菜都缺少儀式感，攞盤通常都好悶。今次介紹嘅「个園竹語」就主打中式嘅精緻料理，每道菜都整得好靚。同朋友、家人過嚟都會有驚喜。繁花年華套餐（2位起）（優惠價＄588）前菜个園煙燻溏心蛋•蜜汁脆膳•陳醋海蜇頭香濃煙燻流心蛋、香脆膳片、爽口微酸海蜇頭。湯品紅燒蟹肉竹笙魚翅熱辣辣嘅魚翅湯，足料蟹肉和竹笙。一絲一絲魚翅好有滿足感。主菜乾燒原隻虎蝦橙黃色新鮮大蝦，醬汁滲哂入蝦肉入面，口感彈牙又入味。脆皮安格斯牛肉煎到好靚嘅三角形，仲要加咗紅葉脆片做裝飾。外層煎到香脆，內層微粉紅又多汁。揚州蘿蔔扣鮑魚店員話蘿蔔先係主角，差唔多入口即溶嘅感覺。鮑魚就有嚼勁，肉質就軟腍。最後仲有上湯浸時蔬、鐵板上的小籠包和豆沙香蕉配什果杏仁豆腐，真係好豐富。

今日同女朋友喺海港城行街，晚飯時間就揀咗个園竹語開餐。鐵板上枱時熱辣辣，小籠包包得好好，夾嗰陣時無漏汁情況出現，咬開口勁多汁，而且有好多餡。燻魚味道甜甜地之餘炸到脆卜卜非常香口 😋 仲要每嚿都係冇骨嘅。自己本身唔鐘意食魚，但呢條馬友真係超級正，香口又鮮味，所以即刻叫咗碗白飯。蜜餞火腿第一次食，食之前要好似片皮鴨咁自己落手整，將夾餅放底，再放上薄脆、火腿、蓮子，起初以為火腿會甜到好油膩感，估唔到食落味道清甜一啲都唔漏。

小妹前排同屋企人系尖沙咀食左餐勁高汁既上海菜，到而家都仲係好回味🤓我地食左：⬇️⬇️✨私宴老上海燻魚✨$158燻魚外酥內嫩冇細骨，醬香甜味好特出，味道濃郁夠正宗👍🏻👍🏻✨紹興醉雞✨$138醉雞光滑Q 彈又乾淨既雞皮、粉嫩幼滑既肉質再加上恰到好處、香而不嗆既酒香之後清爽入味，－食就停唔到口🥰✨上海醃篤鮮✨$268湯料好多，好足料👍🏻用左火腿、鹹肉、豬肉、百頁結煨煮既上湯色澤乳白，鹹香鮮味超濃郁，入口正到叮－聲😍✨金牌小籠包（5件）✨$85皮薄餡靚又多汁，高質👍🏻👍🏻👍🏻👍🏻✨豆沙窩餅 ✨$88外脆內軟熱辣辣既窩餅入面包住滿滿都系口感綿密既紅豆餡，簡簡單單咁就已經好好食👅🎋个園竹語 (尖沙咀)📍尖沙咀廣東道3-27號海港城港威商場3樓3202號舖