上海婆婆 (如心廣場一期)

營業中

休息中

上海婆婆的用心和手藝，讓每一口食物都充滿了家的味道和溫暖的情感。這種味道和記憶，是任何餐廳都無法複製的珍貴。家庭飯菜不僅僅是填飽肚子，更是情感和記憶的載體。//蟹粉小籠包皮薄餡多，蟹粉鮮美，咬一口湯汁四溢，帶有蟹粉的濃郁香氣。//蠔油炆小竹筍竹筍脆嫩，蠔油的鹹香完美地滲透進每一根筍，口感細膩且回味無窮。//醬香金錢牛展牛展煮得軟爛入味，切簿透明。帶有醬香和微甜的風味，口感豐富多層次。//鮑魚大蝦粉絲煲粉絲吸滿了鮑魚和大蝦的鮮美湯汁，帶有濃郁的海鮮風味，鮑魚軟嫩，大蝦爽脆。//係酒槽湯圓湯圓皮薄Q彈，內餡甜美，帶有微微的酒香，口感非常豐富。

雖然我們不是上海人，但上海婆婆卻是承載著我們對上海菜回憶的一間店，因為以前吃上海菜的店不多，每當想吃上海菜，時常選擇上海婆婆，而上海婆婆的價錢相宜，故不用擔心不好點菜。上海小籠包(4隻)的大小相當可觀，夾起時能感受到上海小籠包的份量，上海小籠包皮薄而有彈性，即使在蒸炊過程中也沒有破裂，在夾取時需小心，因為咬下後湯汁四溢，溫度頗高，肉餡豐富，沾點薑絲浙醋更能增添味道。除了點上海小籠包(4隻)外，紅油抄手(6隻)也是上海婆婆必點菜餚之一，抄手內餡裡緊實的豬肉留有些許肉鮮味，並沒有被誘人美味的紅油覆蓋著，紅油抄手一口接著一口會上癮，是一道令人食指大動的餐點。蟹粉撈麵絕對可以稱作上海菜系中的一道經典料理，蟹粉撈麵上桌賣相真好，金黃燦燦之色十分討喜，也符合秋天的氛圍，撈麵彈牙有勁不軟爛，最爽的莫過於每一口都能吃到滿滿濃郁鮮甜的蟹粉，口味真心一級棒。黃金蝦球炸得酥脆，跟鹹蛋黃拌炒過後，蝦球裹著慢妙的鹹蛋黃色澤漂亮，黃金蝦球吃進口中，馬上碰出味美的鹹香滋味，外酥內彈的咬感讓人無法抗拒，特別提一下，上海婆婆選用大蝦，所以吃起來非常的鮮美爽彈。平常較少吃到酸菜加福菜花的組合，因此姨姨點選酸菜炒福花菜試試

糖醋魚塊餐絲苗白飯, 例湯, 凍鮮豆漿, 酒釀丸子一位, 油炆小竹筍$104.00第一次品嘗油炆小竹筍，清新爽口入口無渣，學為餐前非常開胃。糖醋魚塊上桌還是熱辣辣的，外層炸得香脆，裏面還是嫩滑的，難怪係店裏的推介。吃著有松子魚影子。蟹粉小籠包 (4隻) $88.00一口一個，湯汁在口中爆發。滿滿的蟹粉味道👅在口腔中。值得下單。黃金蝦球 $138.00為口味重的朋友帶來重榜一擊。巨虾🍤穿上黃金戰衣，雖然最後還是成為胃中物，但無論視覺感觀味蕾都有震撼到。怕太濃味可伴上一粒青瓜🥒。綠茶芋泥餅 (3件) $28.00作為芋泥控，吃盡芋泥的產品，是最重大的使命 ，我哋鬆脆口感棉糯，芋泥恰到好處，不會太多也不致太少，好平衡，香港人口味的甜度。

點咗4樣嘢大概5分鐘全部上齊！蒸個小籠包咁快手？ 炸條魚咁快？松子魚： 啲汁有啲澀！乾煸四季豆： 完全冇乾煸嘅味道，d豆中有青澀味！黃金炒飯： 中規中矩小籠包： 皮厚，好彩中有d汁！

此餐廳‘上海婆婆’於今年年中開業，頭一兩個月午市時段每次經過都很多人排隊；今天竟然不用排隊，店員還帶我們坐四人卡位（我們只有二人）。餐廳環境舒適，坐得很舒服，餐廳平日有午市套餐，一款小菜配白飯例湯，最平$65起；另外有麵點套餐，一款上海拉麵配一款上海點心，只是$72。🌻椰菜回鍋肉$68: 豬腩肉半肥瘦均勻，用麵豉醬辣椒，椰菜香甜，很惹味🌻銀芽炒鱔糊$78: 標準的味道，鱔糊份量很多，看起來比銀芽更多🌻 水晶肴肉（加配$18）：薄薄的有六片，彈牙以往服務人員很快收拾碗碟，今天只有六至七成滿座，可以在此嘆了幾杯茶再離開也沒問題，唉，香港的餐飲業正式進入寒冬了！

好失望 小籠包個皮又乾又厚,個味ok嘅蟹粉粉皮唔知想點 淡味，大伏千祈唔好叫擔擔麵好食落單前請三思環境乾淨 職員服務態度好晚市人吾多 想去小人地方食飯可以考慮但係期望好食嘅話就千祈唔好

突然想食上海野，咁岩見到呢間，之前唔覺眼。店內座位不多，點心、甜品選擇相對多。婆婆粒粒炒飯 $82配料有蠟腸、蝦仁，再灑上蔥花。米飯粒粒分明，用秘製醬汁炒，但醬汁味道普通。蠟腸好香，整體唔太濃味。雪菜肉絲炒年糕 $82年糕煙韌，有咬口。雖然好多雪菜碎，但味道偏淡，唔夠味，肉絲淋。京蔥牛肉包 $48個包好香甜，煎到有D脆口，牛肉香濃，唔錯，一碟3個。紅糖糍粑 $48外脆內軟，賣相唔錯，紅糖好流心，但偏甜，一碟4條。

✨上海小籠包皮少少偏厚 肉餡鮮味 湯汁豐富 ✨生煎鍋貼上枱熱辣辣 底煎得金黃香脆肉餡鮮味多汁 調味適中 ✨雞絲拌粉皮午餐加錢加配 粉皮口感帶爽 配上雞絲同青瓜絲 拌上麻醬 清爽開胃✨菠蘿黑醋排骨菠蘿黑醋排骨 黑醋醬汁酸甜 菠蘿清甜排骨用左一字排 帶少少筋膜位 幾有咬口 送飯一流 午市套餐份量都唔少 仲會跟左絲苗白飯同例湯 ✨琥珀合桃芥末蝦球琥珀合桃鬆脆蜜甜 蝦球爽脆配搭芥末醬微甜帶少少刺鼻 幾夾✨綠茶芋泥餅外脆內軟 內餡芋泥份量唔算好多 但都幾香 味道唔太甜✨凍豆漿午餐加錢加配 豆味清香 唔太甜總結：食物可以 種類選擇唔少環境都唔錯 服務都可以 價錢可以

上海婆婆終於開到荃灣如心廣場，平時想食上海菜必定係首選餐廳款式選擇多，價值唔貴座位非常寬敞舒服！茶位費：每位$6D野好快上齊晒上海小籠包$45/4隻本身想試蟹粉系列，可惜已經售罄原味有湯汁、肉餡有嚼勁砂鍋雲吞雞小 $102 雞湯好好飲，上海菜肉雲吞肉餡比例多過菜雞肉整體都嫩滑雪菜肉絲炒年糕 $82 份量幾大碟，雪菜唔會過咸椰菜回鍋肉 $85 可揀辣度，唔辣都可以 腩肉部分肥瘦勻稱超惹味綠茶芋泥餅 $28 甜品選擇綠茶芋泥餅，芝麻圍邊夠香口，芋泥餡幾香甜！

一向都好鐘意鍾意食上海菜，如心廣場最近開咗新店，主打多款性價比高嘅上海料理。涼菜、湯羹、海鮮、豆腐、豬牛雞鴨、蔬菜、飯麵拉麵、點心、甜品、飲品，一家大細都啱食～ 招牌菜有上海小籠包，四小粒，外層薄身，餡料飽滿，記得要趁熱食。另外有上海粗炒，份量唔算好多，味道偏淡，麵條軟硬度適中，炒至乾身，唔油膩，搭配肉條同蔬菜，健康又飽肚。餸菜有銀芽炒鱔糊，醬汁濃稠，芽菜爽口，鱔帶咬口且夠掛汁，配飯一流。相對嚟講酸菜福花菜炒牛仔肉味道更濃，炒至入味，牛仔肉軟嫩滑溜，性價比高，值得一試。健康之選有乾煸四季豆，完全無渣，而且feel到幾有鑊氣，配埋肉碎可增添口感。小食有皮蛋豆腐，神奇地有杏仁味，入口滑溜，味道鹹香、三喜烤夫QQ彈彈，作為開胃前菜都唔錯。

今晚突然想食上海野，行過商場見到有間上海婆婆，就入去試吓，都幾驚喜喎👍🏻泡椒魚皮絲 - 前菜都已經好出色，魚皮絲爽口又彈牙，加上有少少辣味，加上少少麻味，真係越食越停唔到，食完更加開胃🤤青瓜伴海蜇 - 海蜇有驚喜，味道啱啱好，唔太咸，食完兩個前菜，胃部已經增加了分泌，準備好食主菜🤣水煮牛肉 - 辣度適中，牛肉鮮嫩，一啖牛，一啖飯，伴食佳品👍🏻 我要介紹埋個豆卜，吸收晒個湯嘅味道，勁正，精華所在😊婆婆粒粒炒飯 - 好足料，有好多臘肉，又有蝦肉，基本上無一啖都可以食到臘肉，增加咗口感。而且炒飯粒粒分明，可以睇得出厨師嘅功力👍🏻成餐飯都好滿意，下次去荃灣行街，如果想食上海嘢，一定要再去上海婆婆👍🏻

放假系附近體育館做完運動，過左去如心商場搵餐廳食晚飯，呢間上海婆婆見新開左一段時間都keep住有人排隊等位，我地都拎飛等左陣先入得，好彩佢上菜速度快。小籠包 $45皮吾會好厚，有肉汁，個人建議凍少少先食，太熱拎起比較易整穿個皮，流哂啲汁無得飲就哂左。紅油抄手 $62抄手有6隻，雲吞皮幾滑，豬肉餡料幾多，比想像中算大粒，配埋小辣既紅油，食落完全吾覺辣。蘿蔔絲餡餅 $382件餡餅黎講價錢貴左少少，入面餡料有蘿蔔絲同火腿碎，外面煎得少少脆。葱爆牛仔肉 $92牛仔肉肉質幾軟嫩，好易咬開，無筋，配大葱食吾錯，而且好夠味。除左大葱，仲有啲菇同筍。宮廷炒飯 $108即系鮑魚雞粒蝦仁炒飯，初初以為系乾炒飯，原來系加個芡落炒飯底，有啲似福建炒飯。有2隻鮑魚，雞粒同蝦仁都多，炒飯份量亦都多，略嫌覺得炒飯比較多油。

平時屋企人都好鐘意食上海菜，最近見如心廣場新開左間上海婆婆，當然要試下啦! 環境方面闊落坐得舒服，今次同朋友平日晚上黎都好爆場，味道同樣有驚喜糖醋魚塊 $85魚塊大大塊肉質嫩滑，糖醋汁酸甜開胃、另外仲加左啲菠蘿、椒，十分惹味京蔥牛肉包 （3個） $48必食之選! 外皮鬆軟，肉餡足料新鮮，嫩滑多肉汁迷你素春卷（4條) $42熱辣辣好香口，外皮香脆，內餡好豐富綠茶芋泥餅 (3件）$28芋泥香而不膩，外皮香脆，作為甜品大滿足川辣麻婆豆腐（辣）$75豆腐份量好多，入口嫩滑，川辣味十分惹味，送飯一流排骨擔擔麵 小辣 $72成塊排骨外焦內嫩，擔擔麵吸汁一流，麵質入口順滑，食既時候辣辣地好香口

蟹粉小籠包🦀蟹粉的鮮美。小籠包皮薄而韌，輕輕咬開後，豐富的湯汁瞬間迸發，蟹肉的鮮甜與豬肉的香嫩融為一體，每一口都是享受😀泡椒魚皮絲🐟泡椒魚皮絲以其獨特的口感令人驚喜。魚皮處理得恰到好處，爽脆而不失柔韌，泡椒的微辣與酸香提升了整體風味☺️砂鍋花膠雲吞雞🐔這道菜將花膠的柔滑與雲吞的鮮香完美結合。砂鍋燉煮的雞湯清而不淡，滋味濃郁，讓人倍感溫暖😄婆婆粒粒炒飯🍚粒粒分明的炒飯，充滿了家的味道。每一粒米飯都吸收了調料的精華，多種的配料，配料均勻分佈，口感豐富😀整體環境坐得好舒服☺️服務態度非常好態度也很親切👍🏻每一道菜都令人驚喜不已，呈現了傳統上海菜 ☺️

食館位於荃灣如心廣場, 交通便利, 環境闊落舒適, 午市套餐小菜配白飯例湯, 麵點套餐可選擇麵食加小食, 相當抵食。四川擔擔麵擔擔麵煙韌彈牙, 口感順滑有嚼勁, 醬料調味恰當, 花生醬和芝麻醬好濃香, 滋味可口。菜肉雲吞麵菜肉雲吞皮薄饀料鮮甜, 湯底鮮味而麵條幼滑, 口感清新。上湯小籠包小籠包湯汁豐富, 皮薄有韌性, 肉饀鮮香, 吃得滋味。京蔥牛肉包包身好軟熟, 牛肉饀料幼滑, 京蔥配料好惹味。松子大黃魚 賣相吸引有份量, 大黃魚外皮炸得香脆, 肉味鮮甜有質感, 加埋鬆化嘅松子和爽口蝦仁, 酸酸甜甜醬汁, 夠曬醒胃又美味, 吃起來完全不會有油膩感。乾煽四季豆 四季豆爽脆鮮甜, 配以豉味蒜香醬料, 惹味又鹹香, 鑊氣好足夠, 送飯最啱口味。