上海婆婆 (如心廣場一期)

營業中

休息中

一行幾個人叫咗好多道菜，整體體驗唔錯，講講個人感受。擔擔麵：呢碗擔擔麵睇落就好吸引，紅通通嘅湯底夠晒濃郁，芝麻香味十足，辣度適中，唔會太刺激，但啱啱好刺激味蕾。麵條軟硬適中，唔會過腍，配埋面上啲肉碎，真係一流！不過分量偏少，食完仲有啲唔夠喉。酒釀丸子：甜甜地嘅酒釀湯，帶有淡淡嘅米香味，丸子煙韌又彈牙，口感好滿足。呢道菜清清地，食完啲重口味菜之後嚟一碗，啱啱好平衡返。蒜泥白肉：豬肉切得薄薄哋，配埋蒜泥醬汁，味道濃郁又唔會太膩。青瓜絲帶嚟一啲清新感，增添層次，算係幾開胃嘅一道菜。清蒸雞：雞肉爽口滑嫩，雞皮帶有少少膠質，啱啱好唔會太油膩，湯汁有少少紅棗味，幾滋潤，但味道略嫌普通，唔算突出。紅燒魚：魚肉炸得香脆，外層吸滿咗紅燒汁，酸甜味道幾突出，加埋啲松子，增添咗口感。不過魚骨較多，食嘅時候要小心啲。炒鰻魚豆芽：鰻魚肉質鮮嫩，炒得幾入味，豆芽保持爽口，整體都幾有鑊氣，呢道菜係我比較滿意嘅一樣。招牌粉絲煲：粉絲吸晒啲湯汁，幾夠味，蝦同鮑魚都好新鮮，入口彈牙。湯底帶少少辣，食落暖笠笠，非常惹味。甜品拼盤（芝麻餅、炸奶黃）：芝麻餅外層香脆，內裏仲帶少少韌，幾有咬口。炸奶黃唔會太甜，口感鬆軟，奶味濃郁

今晚，我們一家四口一齊晚餐，由於今早送別姑姐/姑婆勞碌了一個早上，就在屋企附近晚餐。🌻 京蔥牛肉包 （3個）$48好味！ 即叫即做，熱辣辣，有肉汁，推薦（掛住食唔記得影相😅）🌻 雞絲海蜇 $78都算大碟，好多海蜇，反而雞絲得幾條，海蜇好爽口🌻 醬香金錢牛展 $75（個人覺得肴肉口感好啲，鍾意肴肉多啲）牛展都好林🌻淮揚軟兜 （鱔糊跟4片夾餅） $148鱔糊好大碟，味道一般，鱔亦不是好新鮮似的，都可以一試🌻 上海小籠包 4隻 $45皮唔算好簿，都有肉汁

今日係荃灣如心廣場行街後食飯，見到中庭有間上海婆婆👵分店，門面好開揚好闊落，有很多卡位坐得舒服。冷盤三小拼（肴肉、江南小排骨、三喜烤夫）中　三小拼賣相吸引，最鍾意涼拌肴肉，透明肥膏＋深紅色肉質好靚。咬落肥膏個部位似食啫喱入口即溶；肉部份鹹香實實的，唔錯👍。酸辣湯（位）酸辣湯幾好味，多料無渣。味道偏酸只是少辣。雪菜魚羹🥣依款湯清清地幾好味😋。魚片🐟份量好足。雲吞麵🍝個麵底好好食🤤，麵軟身可以大啖食，配少少🤏豆瓣醬更正！雲吞啖啖肉好彈牙！炒蝦🍤D蝦幾大隻，連殼。蝦肉質感彈牙。

好似好耐冇食上海菜，好想食小籠包，喺荃灣附近就去咗食上海婆婆，平日夜晚去人都好多坐得都好舒服,由於好肚餓，我哋都叫咗好多嘢食，有蟹粉小籠包、菠蘿黑醋排骨、黃金炒飯、酸辣湯雲吞、紅糖糍粑😏見到有張蟹粉系列，我哋本身都鍾意食，於是就揀咗蟹粉小籠包，呢個小籠包好多汁，而且入面夾雜着蟹粉都幾好食菠蘿黑醋排骨，份量都唔少，幾惹味叫咗個黃金炒飯，炒得好好粒粒分明，而且蝦好多份量好足酸辣湯雲吞，呢個份量啱啱好，一人幾粒雲吞，再加一細碗湯仔，佢個酸辣湯好啱味唔算太辣，而且雲吞皮薄餡靚，好食最後食上海菜必叫紅糖糍粑，上海婆婆嘅糍粑係紅糖包裹住喺入面，但脆卜卜一樣好好食😏今餐食得好滿意，而且性價比都好高

✅蟹粉撈麵呢碟蟹粉撈麵一上枱就聞到陣陣蟹香，好吸引！麵條煮得啱啱好，夠彈牙唔會爛晒，口感一流。蟹粉醬好濃稠，鮮味十足，仲帶少少甜味，每一啖都好滿足🥹✅砂鍋花膠雲吞雞（小）呢個砂鍋真係暖胃之選，湯底好鮮甜，應該係用雞湯慢慢熬出嚟，入口好有層次。花膠爽滑又吸晒湯汁，食落好嫩滑，口感一流。雲吞餡料飽滿，豬肉同蝦仁比例啱啱好，咬落去好有口感。雞肉都好嫩滑，完全唔柴。一煲幾樣嘢，味道好豐富又滿足，啱曬冷天享用。✅排骨擔擔麵（辣另上）擔擔麵係另一個亮點，麵條煮得好彈牙，掛滿濃郁嘅芝麻醬，香滑得嚟好有層次。排骨份量唔少，肉質嫩滑，仲有少少焦香味。辣醬分開嚟上好貼心，可以自己控制辣度。我試咗加少少辣醬，辣味香而唔嗆，配埋芝麻醬嘅濃香係啱啱好😋✅生煎包（3個）生煎包真係一個驚喜！底部煎得金黃香脆，好有焦香味，包嘅皮又夠軟，唔會太厚或者太硬。咬開之後湯汁爆滿，鮮甜又唔覺油膩，內餡係豬肉為主，味道偏清淡，食落唔會太重口呢幾道菜都好有水準，特別係蟹粉撈麵同砂鍋花膠雲吞雞，真係值得回味。如果下次再嚟，生煎包一定會再點，仲想試埋其他菜式！

上海婆婆如心分店 ， 主打精緻傳統上海菜式 , 俘虜不少粉絲， 佈置簡潔明亮， 充滿中國色彩。 上海小籠包/4隻 $45剛剛蒸起的小籠包 , 皮薄而柔韌， 大口咬下時 , 爆出滋味的肉汁，味道鮮香吸引。炸一口小饅頭/4個 $25剛剛炸起的小饅頭 , 炸到金黃酥脆，外脆內軟 , 沾上煉奶 , 簡單又好吃。砂鍋雲吞雞/小 $102奶白湯底 , 鮮甜濃郁，雞肉好鮮嫩， 雲吞皮薄餡豐富，娃娃菜吸收湯底精華， 特別柔軟美味。乾煸四季豆 $78四季豆表面焦香帶脆口感， 加入了肉碎、蒜頭、薑、乾葱爆香快炒， 特別惹味爽脆， 拌飯一流。排骨湯麵 $65剛剛炸起的排骨 , 炸到金黃香脆， 香氣十足 , 外皮香脆， 肉質軟嫩 , 與滑溜的麵條， 滋味搭配 。黑糖冰粉配芋圓蜜豆 / $28滑捋捋的冰粉 , 晶瑩 Q彈，芋圓煙靭嚼勁， 入口冰冰涼涼， 充滿黑糖的甜香。

荃灣的上海婆婆，復古的裝飾和暖色調的燈光，及溫馨舒適的環境，是享受美食的理想之地。首先品嚐的是砂鍋粉皮魚頭湯，粉皮的細膩與魚頭的鮮美完美融合，湯汁濃郁而不膩，每一口都能感受到食材的新鮮和湯底的深厚。紅燒豆腐則是一道色香味俱全的佳餚，外皮經過恰到好處的煎炸，呈現出微微的金黃色，內裏依舊保持着豆腐的嫩滑，紅燒汁的甜鹹平衡，讓人忍不住一嘗再嘗。宮廷炒飯是這裏的招牌之一，每一口都能吃到鮑魚的鮮美、雞粒的香醇以及蝦仁的彈牙，這些高級食材的搭配，讓簡單的炒飯也變得奢華起來。最後是蘿蔔絲餡餅，雖然看似簡單，但蘿蔔絲的清脆與餅皮的酥軟相得益彰，簡單的調味更能突顯食材本身的清甜，讓人回味。在上海婆婆，無論是口感還是味道，都讓人難以忘懷。這裏的美食不僅僅是味蕾的享受，更是一次文化的體驗。

最近如心廣場有許多新食店，所以夜晚放工多了一啲新選擇，今日來上海婆婆晚飯。新店裝修都幾典雅，帶點古色古香，店子細細，但晚市坐滿人。茶位每人$6蚊，排骨擔擔麵小辣先上，麵的份量頗多，口感煙韌有致，重點係湯底有好多肉碎和花生碎，食落好香口。排骨口感夠肉夠，肉質亦彈牙。砂鍋雲吞雞(小）湯頭熱辣辣好清甜，入面的津白好多，岩晒鍾意食菜的我。仲有雲吞和雞肉，仲有金華火腿的咸香，作為餐湯，飲得又食得！松子雞米配叉子，雞米一啲都唔油，炒得好香口，而且切得細細粒好入味，松子增加左口感。叉子鋪滿芝麻，釀入雞米，真係好好食，我最愛呢道菜！鱔糊炒年糕，大大一盤料足年糕又多，鱔食得出彈牙，加上濃油醬醋去炒，煙韌又入味。幾道菜份量都幾多，基本上二人食已經好夠，最後飽到食唔落甜品。呢間分店服務幾好，大件又抵食。

泡椒鳳爪$68爽脆開胃🤤唔算好辣上海小籠包（4隻）$45每個小籠包都充滿了鮮甜的湯汁，外皮厚薄適中，一口咬落去，肉汁四溢，再醮上生姜絲浙醋，可減除油膩感，更加好食🤤一口小饅頭（蒸/炸）（4個）必叫炸饅頭，炸饅頭外脆，咬落是柔軟質感，再配上煉奶，甜而不膩婆婆粒粒炒飯$82一上台已聞到炒飯香氣撲鼻！米飯炒到粒粒分明，配上臘腸、蝦仁🍤及蛋！味道鹹淡適中😋蟹粉炒粉皮 $118粉皮炒至香氣四溢，口感Q彈煙韌，再吸盡蟹膏蟹粉的鮮味🥰，每一啖都令人欲罷不能，食完一啖又一啖！醬燒肉未茄子🍆$75十分惹味！送飯一流綠茶芋泥餅 $28綠茶的清新配上芋泥的香甜。外皮酥脆，綠茶的微甘與芋泥的香甜，在口中形成完美平衡💚整體味道清爽而不腻黑糖冰粉$28冰粉係透明長條狀，口感滑捋捋，再配埋芋圓、蜜豆，口感豐富美味，餐後黎一份冰粉，正啊！紅糖糍粑$48外皮香脆，口感軟糯，配埋紅糖，超好味😋

上海菜食肆連鎖店之中 我shortlist嘅只有上海婆婆 除咗分店多 亦因為價錢合理 食物保持穩定水準-🥒小黃瓜拌海蜇先嚟一小碟涼拌彈牙海蜇 令胃口大開-🥓桂花蜜汁火方切片金華火腿色澤棗紅 用冰糖蜂蜜水浸過無數次 鹹味大大減低 席前淋上桂花糖水 即時清香撲鼻 火方鹹甜相間 再夾埋脆炸腐皮🥠青瓜🥒同刈包 一啖食入口 真係令人一吃難忘-🥢婆婆粗炒老抽醬油勁上色 粗條麵掛汁 味濃唔算鹹 韌度亦剛好 食到底部 難得又唔會成碟都係油-🫔紅糖糍粑我嘅必吃甜品‼️ 糍粑軟糯黏牙 紅糖漿小甜唔膩 令我食唔停口🤪

多人飯局本人覺得中菜會是首選, 所以今次選了食上海菜，餐廳設有多間分店在港九新界十分方便大家。以下是跟友人點選的食物：🦀蟹粉炒粉皮食蟹的季節當然要食跟蟹有關的食物啦！只睇賣相已夠哂搶眼鮮黃色好吸睛，本人建議要拌勻一齊食因為蟹肉是在底部，蟹肉和粉皮粉量都多基本上每一啖都可食到蟹味道好鮮唔太腥。🐔泡椒鳳爪 餐前作開胃小菜一流，份量足味道微辣微酸的感覺好開胃。🍤黃金蝦球炸到金黃色的蝦球賣相鮮豔奪目，而且蝦球粒粒都滿佈咸蛋黃味道相當惹味香口，旁邊再拌上酸青瓜味道酸甜爽脆可作解膩。🐷椰菜回鍋肉食上海菜點少得回鍋肉，這道菜適合配白飯一齊食因為其醬汁或回鍋肉味道跟白飯一起食會好夾，回鍋肉層次分明豬味肉唔羶，椰菜好甜。 🍆醬燒肉末茄子同樣好適合配白飯的一道菜，茄子吸入大量醬汁後出奇地味道唔會好咸跟肉末一齊食時好開胃令人不其然食多幾啖。🍚 婆婆粒粒炒飯這道菜遞上來時已香味四溢，未食已口水流😋。賣相雖然有點似糯米飯但味道原完唔同。粒粒飯都炒到好分明，唔會好油，飯份量好足，配料仲有好多臘腸粒和蝦仁飯味道煙韌香口本人一口氣吃了兩碗😂。🥢上海小籠包 必點之一道菜，小籠包皮薄咬開有爆汁效果餡料又夠足。 🍞一口小饅

依間係荃灣開左一段時間既上海菜，今日終於有時間同朋友一齊黎食了我地叫左一碗湯，一份小籠包，兩個餸，以及一碟炒飯。淮揚酸辣湯依碗湯份量十足，一份兩個人飲都夠，又開胃，湯濃郁且酸辣分明。酸味開胃，辣度適中，而配料豐富，一道讓人開胃的菜。蟹粉小籠包小籠包皮薄餡多，一咬落去先食到豬肉既鮮，之後蟹粉既味道再湧出嚟，湯汁濃郁，每次既第一口都爆汁，食既時候要小心🤣干貝賽螃蟹及砂鍋花膠雲吞雞干貝賽螃蟹是一份炒蛋白配上干貝另外有一啲毛豆同埋紅蘿蔔片，創意十足。要落埋佢地配既醋汁提升味道，每一啖都食到瑤柱嘅味道👍砂鍋花膠雲吞雞一大煲，花膠有四塊左右，夠諗，雲吞大大粒，不過雞既份量有啲少，湯夠哂暖胃👍最後婆婆粒粒炒飯，炒飯粒粒分明，配上幾個細蝦仁和臘腸粒，是一道令人滿足的主食。

極度差服務態度，全間餐廳員工都係平日1:30諗住入去食lunch,門口經理掛住傾偈擋住門口都算，個0靚妹員工帶位入去，帶到入到一半佢無端端去咗幫人落單，都算之後我落單 ，講咗我想食乜，我仲諗緊要唔要加嘢飲佢就走咗，無覆單好啦，啲餸嚟啦，嚟咗個小籠包個阿姐係掉落我張枱，真係”嘭”一聲嗰隻，然後急急腳走開咗，但係明明嗰個時段係一啲都唔係繁忙時段，仲要好多吉枱，之後真係有樣嘢佢落錯單，我問另一個服務員，我話我唔係嗌呢個喎，跟住佢睇返我張單話係我自己落錯，之後！又係掉返張單俾我，點解啲員工咁鍾意掉嘢？我忍唔住話佢 喂！係你哋頭先個靚妹落單仲要唔覆單走咗！平日1:30應該時段明明就唔係繁忙時段，仲要本身呢間餐廳都唔算多客人，啲態度差到咁又唔係趕住落場，極差奉勸各位千祈唔好嚟！

在荃灣西站落車, 往附近嘅如心廣場購物, 先吃個午飯, 大家想吃上海料理, 這間餐廳有卡位, 坐得幾舒服, 食物大眾化, 套餐多款式。午餐有多款選擇, 包括湯和白飯。酸菜魚魚肉鮮嫩幼滑, 湯底鮮味, 鹹酸菜份量適中, 還有晶瑩彈牙嘅幼薯粉, 掛滿湯汁好滋味。水煮牛肉湯底唔算辣, 牛肉滑溜又有牛味, 同樣有幼滑薯粉, 配以惹味湯汁, 醒胃爽口。酸菜福花炒牛肉福花清甜爽脆, 酸菜甜酸開胃, 加上嫩滑牛肉, 炒得夠鑊氣。下午茶都有好多選擇, 還配有豆香順滑嘅豆漿餐飲。四川擔擔麵湯底濃度適中, 少少辣度帶有花生香味, 幼麵順滑彈牙。菜肉雲吞麵雲吞皮薄幼滑, 菜肉饀料鮮味, 清湯幼麵夠清爽。綠茶芋泥餅芋泥餅外層香脆, 內層芋泥帶有陣陣綠茶芳香。蔥花薄餅餅底薄脆, 又有蔥花香氣, 趁熱食好香口。

放工去荃灣如心廣場搭巴士，經過見到上海婆婆開了分店，客似雲來，決定擇日來試一試水準。精心設計的燈光效果，增強了空間的層次感，營造出溫馨的用餐環境。卡位旁邊展示藝術作品增加文化氛圍，綠化植物，大自然的感覺。酸辣湯雲吞（5粒）大大隻雲吞爽口彈牙，酸辣湯濃郁的調味，不會蓋過雲吞的鮮味，酸辣作為前菜很開胃。酸菜福花菜炒牛仔肉牛仔肉煮得非常軟嫩，肉質柔軟，酸菜味香，配上福花更加香口，帶微辣很滋味。糖醋魚塊我對於上海菜其實並沒有什麼認識，不過經理介紹我們點這款糖醋魚塊，更加適合這個天氣食。糖醋魚塊酸甜醒胃，外層酥脆，魚肉軟糯，醬汁好味。婆婆粒粒炒飯粒粒炒飯都好飽滿，炒得夠腍和入味，臘腸帶鹹香，蝦仁提升了飯的整體質感，份量也很多。一口小饅頭（蒸/炸）（4個）鍾意食炸饅頭，甜品想試下配煉奶，甜而不膩，炸饅頭外脆，咬落是柔軟質感，容易吸收煉奶味。