上海婆婆 (如心廣場一期)

營業中

休息中

今日夜晚我去咗位於如心廣場嘅上海婆婆食飯，上海婆婆喺香港都有好多間分店，喺如心廣場嘅呢一間分店就長期都有好多人幫襯。嚟得上海婆婆，就梗係要叫返啲特色菜式啦。排骨擔擔麵擔擔麵入口非常之彈牙，辛辣嘅程度亦可以同餐廳提出。排骨非常之大塊，亦都唔會炸得太過乾，味道唔錯。油爆大蝦蝦嘅數量都唔少，外皮炸得好香脆，醃製得好入味。蝦肉爽口彈牙，加上青蔥嘅點綴，係一道唔錯嘅菜式。小籠包小籠包入口有好多肉汁，價錢亦都唔算貴，小籠包嘅皮算係幾薄，味道唔錯。整體嚟講，我覺得今餐嘅食物質素都幾好，加上價錢亦都唔算好貴，所以都幾多人嚟幫襯。

一直係香港搵蟹粉撈麵食，見到上海婆婆出咗蟹粉系列，就去我最近嘅荃灣分店食吓。原來佢哋嘅蟹粉菜式都幾多，又蟹粉小籠包，又蟹粉豆苗，又蟹粉炒年糕真係乜都有。不過我最鍾意都係蟹粉撈麵，咁就順手食埋個蟹粉小籠包。佢哋嘅蟹粉都真係幾足料，夾起煮面裏面都仲有好多蟹粉，小籠包入邊都冇偷工減料，隻隻落足料，真係滿足晒我呢個蟹痴。另外又叫咗一個我覺得幾好食嘅太彫醉乳鴿，依個係坊間比較少食，一般都係醉雞，原來最乳鴿仲好食。佢將部份鴿肉已經去咗骨，食得真心方便。味道仲相當之好㖭。最後叫咗個綠茶芋泥餅做甜品，呢個係第二度食過我係幾鍾意嘅。整體嚟講都keep到水準係有平又正嘅上海菜。

🍖 **招牌必點｜菠蘿黑醋排骨** 排骨炸得金黃酥脆，黑醋汁酸甜平衡得剛剛好！最驚喜係加入新鮮菠蘿，果香完美中和油膩感～配埋粒粒分明嘅絲苗白飯，簡直係絕配！套餐跟嘅例湯足料清甜，酒釀丸子軟糯香甜，女生至愛💕 🍜 **老北京風味｜炸醬麵+小籠包** 手擀麵條勁道十足，炸醬肉粒鹹香濃郁，拌勻青瓜絲食超清爽！小籠包皮薄餡靚，咬開爆出滿滿湯汁～水晶肴肉凍晶瑩剔透，蘸鎮江醋食風味更昇華✨ 🌶️ **川味驚喜｜麻辣粉皮** 追加嘅川北涼粉超級開胃！粉皮滑溜彈牙，麻辣醬汁香而不燥，芝麻香氣撲鼻，嗜辣朋友一定要試～

有冇人同我一樣好鐘意食小籠包？去咗如心廣場嘅上海婆婆醫肚！新裝修環境闊落咗好多! 仲佈置得雅致!揀咗創意蟹粉系列：蟹粉小籠包（推介🩷🩷🩷🩷）蟹粉炒河蝦綠茶芋泥餅紅糖糍粑小籠包梗係要趁熱食啦😙😙😙鮮味! 熱湯流出嗰一刻有滿滿嘅滿足感!佢哋嘅蟹粉炒河蝦精緻得黎好好食! 每粒蝦都好飽滿！蟹粉同蝦嘅味道非常夾!!!甜品有我最鍾意嘅紅糖糍粑同綠茶餅！搣開黑糖流心!甜品果然可以治愈心靈🫶🏻🫶🏻

上海嘢嚟講選擇多，價錢又唔貴，晚市都幾多人食✅江南小排骨啲排骨外面嗰層醬汁濃郁到好似會黏住筷子咁，色澤深啲，估計應該係用咗豉油加糖慢火煮出嚟嘅。咬落去，啲肉超級嫩滑，啲調味入哂骨，甜中帶鹹，唔會話太膩。邊位啲醬仲有少少焦糖化，咬落去有微微脆感，真係幾有層次✅琥珀合桃芥末蝦球呢道菜一出場就好搶眼，蝦球炸到金黃香脆，成粒蝦球裹住啲芥末醬，聞落去就有陣淡淡嘅芥末香味。入口時，啲芥末味唔會好嗆鼻，係啲輕輕辣嘅刺激感，幾醒胃。蝦肉好彈牙，仲好鮮甜，炸得啱啱好，唔會太乾。而嗰啲琥珀合桃就係驚喜，糖衣包住啲合桃，又脆又香，仲帶少少甜味，同蝦球嘅鹹香形成好好嘅對比✅宮廷炒飯鮑魚鮮味濃郁，咬落去有少少彈性，幾有口感。雞粒熟得啱啱好，唔乾唔柴，味道啲清淡啲，唔會搶戲，襯托到炒飯嘅整體味道。蝦仁就新鮮彈牙，個頭唔細，食落去仲有陣鮮甜味。整體炒飯味道比較均衡，清清地，唔會話好重口味✅手撕包心菜好家常嘅味道，但又好夠味。啲菜葉仲留住少少脆口嘅感覺，冇炒到爛晒，口感好啱啱好

今日夜晚我嚟到位於如心廣場嘅上海婆婆食飯，呢間餐廳喺如心廣場都開咗一段時間，每次晚飯時間，都差唔多滿足咁滯。排骨擔擔麵呢個蛋白麵溶咗唔少花生去烹調，麵條爽口彈牙，配埋個湯一齊食，可以食到淡淡嘅花生香味。排骨唔會炸得太過油膩，啱啱好。上海小籠包小籠包入口充滿湯汁，小籠包嘅皮亦都算幾薄，價錢唔算太貴。琥珀合桃芥末蝦球琥珀合桃上碟嘅時候仲係熱辣辣嘅，入口有一陣焦糖同埋芝麻嘅香味。蝦球方面都幾大隻，數量亦都唔少。整體嚟講，我覺得今餐嘅食物都唔錯，我最欣賞嘅就係個擔擔面，價錢合理得來之餘，份量亦都夠多。

小籠包皮薄餡靚，一口咬下去，肉汁瞬間爆出，滋味十足，味道鮮美，唔會過咸，搭配一啖醋，簡直係絕配。蟹粉撈麵蟹粉撈麵菜色澤金黃，蟹肉用得相當慷慨，味道鮮甜。麵條非常Q彈，吸收咗醬汁嘅精華，口感順滑。上面嘅蟹粉更係提升咗整體嘅層次，撈埋一齊食，簡直令人陶醉。每一啖都充滿海鮮嘅鮮香，實在令人難忘。醬燒肉末茄子呢道菜色香味俱全，茄子吸收咗肉末同醬汁嘅精華，口感滑溜。肉末嘅香味同茄子嘅清甜相互融合，味道真係相當出色。醬汁調味恰到好處，唔會過於油膩，吃完之後令人意猶未盡。

今日到荃灣西工作，之後和同事去如心廣場一期這間上海婆婆食午飯。它的午市套餐向來豐富而實惠，是不錯的選擇。我們點了糖醋魚塊、菠蘿黑醋排骨、紅燒豆腐和擔擔麵配春卷，各有特色。糖醋魚塊外脆內嫩，酸甜適中；菠蘿黑醋排骨的醬汁濃郁，帶點果香，肉質軟嫩；紅燒豆腐滑溜入味，配飯一流；擔擔麵的花生醬香濃，春卷脆口不油膩。最後還追加了一個豆沙窩餅，外皮酥脆，內餡甜而不膩，大家都吃得滿心歡喜。整頓午餐既飽肚又滿足，性價比超高，值得推薦！

呢次叫嘅外賣 其中一樣蒸餃被換成薄餅 但店員無一個通知我 我攞嘅時候只係話我知邊幾袋係我就算 我知道唔係俾錯係佢哋自己擅自更改食物 因為貼係嗰袋上面張單寫明換咗 即係話我除咗不知不覺間被人更改落單食物之外 連更改嘅食物都無得選擇 我可唔可以理解為如果我堂食叫咗一種食物佢缺貨就可以隨便換第二種放係我枱面 但一粒聲都唔出我就要全單接受呢？ 相信店員自己係其他店食都唔會希望發生咁嘅情況卦 兩個字講哂離譜 就算下午落更休息都唔會咁對客人嘛 雖然我未必幫襯多只係區區七百幾元

📍上海婆婆 @shanghai.po.po味道：⭐️⭐️⭐️⭐️❶上海小籠包 $45一咬落去 湯汁隨即流出 湯汁濃郁同時又鮮甜🤙🏻而且餡料所選用嘅豬肉都好鮮嫩🐖建議大家趁熱食 一旦凍左就可能會影響味道😌❷桂花蜜汁火方 $118呢個即係金華火腿＋饅頭＋腐皮🤟🏻用薄薄嘅饅頭包住由桂花蜜汁熬煮而成嘅金華火腿🐽再伴以脆卜卜嘅腐皮同時一齊食👻食落甜咸交織 味道層次豐富🥰❸黃金四季豆 $78四季豆口感脆嫩🌳 加入咗大量嘅咸蛋黃去烹調🥚每條四季豆都被咸蛋黃包圍住🫢兩者二合為一 好邪惡 但好惹味🫶🏻❹川辣肉末炒薯粉 $82紅薯粉係平時食到比較幼身＋有扭紋嘅嗰種🤲🏻食到口感十足 好煙韌🦷加入咗肉碎同香料一齊炒 食落香辣又惹味😋❺綠茶芋泥餅 $28綠茶芋泥餅既外層係綠茶口味既麻糬 內層就係芋泥💚外皮食落帶點嚼勁 內層就綿軟滑順🤓甜度岩岩好 值得一試～🦭

呢餐喺「上海婆婆」真係食得幾滿足，每道菜都有驚喜，值得分享俾大家！陳年花雕醉雞 $88醉雞係佢哋嘅招牌，雞肉鮮嫩多汁，帶有陣陣花雕酒香，食落唔會太濃烈又唔會無味，平衡得啱啱好。雞皮滑溜帶有膠質感，連埋湯汁一齊拌飯，真係一流！賣相亦幾吸引，鋪得整整齊齊，睇住都開胃。鮑魚大蝦粉絲煲 $188呢個煲絕對係全晚亮點！鮑魚同大蝦都好新鮮，鮑魚有彈性，大蝦肉質爽甜。粉絲吸晒底汁精華，帶少少辣味，非常惹味，食完仲想添多碗飯！個煲端出嚟熱辣辣，成碟香氣逼人，真係好滿足。四川擔擔麵 $75擔擔麵辣度適中，麻香十足，面條彈牙，唔會煮到淋晒。配料亦幾豐富，花生碎同辣醬混埋一齊，好有層次感。唯一小小美中不足係份量偏細，食完會覺得未夠喉。紅糖糍粑 $48甜品糍粑外層炸得脆口，內裡煙韌，紅糖醬汁甜而不膩，幾有上海風味。4件$48性價比算高，適合朋友一齊分享。松子大黃魚 $178黃魚煎得外脆內嫩，松子增添咗香氣，魚肉無腥味，仲保持住嫩滑嘅口感。用嚟拌埋白飯食，有一種家常菜嘅親切感。銀芽炒鱔糊 $114鱔肉好入味，炒得幾乾身，仲有銀芽嘅清新爽口中和咗啲油膩感。份量都幾足，適合多人一齊夾菜。總括嚟講，呢間餐廳環境舒適有

今日同爸爸落樓下食 我哋食到9點都仲有好多人入去食陳年花雕醉雞個醉雞酒味好重 啲雞都好入味 仲要好多都係雞髀位 而且上餸速度都好快👍🏻干貝賽螃蟹賽螃蟹係傳統嘅上海菜 佢唔會好鹹 而且有好多蛋白 份量好足 感覺都好健康🤩酸菜福花菜炒牛仔肉碟牛仔肉就炒得好惹味 而且仲有好多椰菜花同酸菜 好開胃 熱辣辣 好好味🤤排骨擔擔麵個擔擔麵好貼心 喺揀嘅時候就已經可以揀辣另上 好啱我呢啲唔係好食得辣嘅人 個擔擔麵花生味好重 而且仲有粒粒花生 個排骨啱啱新鮮炸起😋上海小籠包最後就梗係要嗌上海最出名嘅小籠包啦 個皮真係好薄 一咬落去啲汁仲要噴出嚟添 好正 下次有機會一定要再食🤤

上海婆婆位於荃灣如心廣場一期，店內裝潢典雅，古色古香的裝飾營造出濃郁的上海風情。上海炒年糕，這道菜的口感層次豐富，年糕軟糯而不粘牙，搭配有小白菜……等，的醬料濃郁醇厚，甜中帶鹹，完美地襯托出年糕的風味。淮揚酸辣湯，湯汁酸辣適中，酸味來自精心熬製的米醋，酸而不澀，恰到好處地喚醒了味蕾，讓人忍不住多喝幾口。辣味則來自於適量的胡椒粉，辣而不燥，形成一種獨特的口感。湯中的食材豐富多樣，有嫩滑的豆腐、脆爽的木耳、鮮美的香菇等，每一口都能品嚐到不同的食材帶來的驚喜，口感層次分明。韭黃炒鱔糊，這道菜的口感鮮嫩可口，鱔魚肉質緊實而富有彈性，韭黃的加入為這道菜增添了一抹清香，與鱔魚的鮮美完美融合，使得整道菜的口感更加豐富，韭黃也保持了脆嫩的口感，兩者搭配在一起，令人回味。川辣麻婆豆腐，豆腐口感嫩滑，輕輕一咬便能感受到其細膩的質地，辣味濃郁而不失層次，辣中帶香，搭配的肉末鮮美多汁，與豆腐的嫩滑形成鮮明對比，辣而不燥，香而不膩，非常惹味。

一行幾個人叫咗好多道菜，整體體驗唔錯，講講個人感受。擔擔麵：呢碗擔擔麵睇落就好吸引，紅通通嘅湯底夠晒濃郁，芝麻香味十足，辣度適中，唔會太刺激，但啱啱好刺激味蕾。麵條軟硬適中，唔會過腍，配埋面上啲肉碎，真係一流！不過分量偏少，食完仲有啲唔夠喉。酒釀丸子：甜甜地嘅酒釀湯，帶有淡淡嘅米香味，丸子煙韌又彈牙，口感好滿足。呢道菜清清地，食完啲重口味菜之後嚟一碗，啱啱好平衡返。蒜泥白肉：豬肉切得薄薄哋，配埋蒜泥醬汁，味道濃郁又唔會太膩。青瓜絲帶嚟一啲清新感，增添層次，算係幾開胃嘅一道菜。清蒸雞：雞肉爽口滑嫩，雞皮帶有少少膠質，啱啱好唔會太油膩，湯汁有少少紅棗味，幾滋潤，但味道略嫌普通，唔算突出。紅燒魚：魚肉炸得香脆，外層吸滿咗紅燒汁，酸甜味道幾突出，加埋啲松子，增添咗口感。不過魚骨較多，食嘅時候要小心啲。炒鰻魚豆芽：鰻魚肉質鮮嫩，炒得幾入味，豆芽保持爽口，整體都幾有鑊氣，呢道菜係我比較滿意嘅一樣。招牌粉絲煲：粉絲吸晒啲湯汁，幾夠味，蝦同鮑魚都好新鮮，入口彈牙。湯底帶少少辣，食落暖笠笠，非常惹味。甜品拼盤（芝麻餅、炸奶黃）：芝麻餅外層香脆，內裏仲帶少少韌，幾有咬口。炸奶黃唔會太甜，口感鬆軟，奶味濃郁

今晚，我們一家四口一齊晚餐，由於今早送別姑姐/姑婆勞碌了一個早上，就在屋企附近晚餐。🌻 京蔥牛肉包 （3個）$48好味！ 即叫即做，熱辣辣，有肉汁，推薦（掛住食唔記得影相😅）🌻 雞絲海蜇 $78都算大碟，好多海蜇，反而雞絲得幾條，海蜇好爽口🌻 醬香金錢牛展 $75（個人覺得肴肉口感好啲，鍾意肴肉多啲）牛展都好林🌻淮揚軟兜 （鱔糊跟4片夾餅） $148鱔糊好大碟，味道一般，鱔亦不是好新鮮似的，都可以一試🌻 上海小籠包 4隻 $45皮唔算好簿，都有肉汁