上海婆婆 (如心廣場一期)

營業中

休息中

一直係香港搵蟹粉撈麵食，見到上海婆婆出咗蟹粉系列，就去我最近嘅荃灣分店食吓。原來佢哋嘅蟹粉菜式都幾多，又蟹粉小籠包，又蟹粉豆苗，又蟹粉炒年糕真係乜都有。不過我最鍾意都係蟹粉撈麵，咁就順手食埋個蟹粉小籠包。佢哋嘅蟹粉都真係幾足料，夾起煮面裏面都仲有好多蟹粉，小籠包入邊都冇偷工減料，隻隻落足料，真係滿足晒我呢個蟹痴。另外又叫咗一個我覺得幾好食嘅太彫醉乳鴿，依個係坊間比較少食，一般都係醉雞，原來最乳鴿仲好食。佢將部份鴿肉已經去咗骨，食得真心方便。味道仲相當之好㖭。最後叫咗個綠茶芋泥餅做甜品，呢個係第二度食過我係幾鍾意嘅。整體嚟講都keep到水準係有平又正嘅上海菜。