上海婆婆 (如心廣場一期)

營業中

休息中

今日夜晚我嚟到位於如心廣場嘅上海婆婆食飯，呢間餐廳喺如心廣場都開咗一段時間，每次晚飯時間，都差唔多滿足咁滯。排骨擔擔麵呢個蛋白麵溶咗唔少花生去烹調，麵條爽口彈牙，配埋個湯一齊食，可以食到淡淡嘅花生香味。排骨唔會炸得太過油膩，啱啱好。上海小籠包小籠包入口充滿湯汁，小籠包嘅皮亦都算幾薄，價錢唔算太貴。琥珀合桃芥末蝦球琥珀合桃上碟嘅時候仲係熱辣辣嘅，入口有一陣焦糖同埋芝麻嘅香味。蝦球方面都幾大隻，數量亦都唔少。整體嚟講，我覺得今餐嘅食物都唔錯，我最欣賞嘅就係個擔擔面，價錢合理得來之餘，份量亦都夠多。