三才魚蛋粉麵

營業中

休息中

三才魚蛋粉麵銅鑼灣充滿嘅餐廳琳琅滿目，越開越多，越開越新穎豪華。但唔好忘記橫街小巷入面傳統嘅魚蛋粉麵店。分分鐘令你搵到片刻嘅寧靜，搵到一直努力嘅初心。墨魚蝦條拼牛腩米線鮮炸腐皮墨魚蝦條， 釀入口感彈牙嘅鮮蝦墨魚，加咗粟米粒，增加清新嘅層次。牛腩肉質鮮美，口感軟腍。我更可以選擇轉米線。廚師加入蔥花，蒜粒，以及菜心，令營養更豐富。凍檸檬菜蜜九月香港夏天溫度又破紀錄，令涷飲特別吸引。凍檸檬菜蜜，解暑又滋潤。一口米線一口冰凍飲品，十分享受。

講起香港嘅地道美食，「魚蛋粉」一定唔少得，要喺眾多魚蛋粉中突圍而出，食材嘅講究就係關鍵所在🥴 多次到訪銅鑼灣嘅「三才」，每日新鮮手打魚蛋，原塊炸魚皮更係令人一食難忘🤤《 牛腩牛筋河 》 4 / 5除咗魚蛋之外牛腩牛筋亦係好多食客摯愛👍🏻 牛腩入味肉質好嫩好綿唔柴口；牛筋亦好彈牙有勁道😋 湯底雖然加咗腩汁，但仍然唔會油膩，仲帶點清甜😋 加埋秘製辣椒油，份外惹味🤤《 炸魚皮 》 5 / 5 🌟🌟🌟🌟🌟必食炸魚皮，完整一大塊咁炸所以片片都手掌咁大👍🏻 而且確保每片都脆卜卜，而且無油益味，食得出嘅新鮮👍🏻🤤 《 腐乳通菜 》 4.5 / 5好抵食，通菜新鮮葉嫩翠綠😋 腐乳亦好鮮甜👍🏻除咗堂食之外亦有好多人外賣配料作火鍋之用，例如手打魚片、韭菜餃等，價錢亦都好親民👍🏻———————————————🏠環境舒適度：外賣自取🥡👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度：💛💛💛💛———————————————

銅鑼灣行街行到lunch 都冇食，見唔算太餓所以簡單吃個魚蛋粉, 每次黎都係有條小小的人龍排隊，男女老幼都有，魚蛋粉真係老少咸宜呀。雲吞魚蛋片頭麵-雲吞好足料，蝦肉大隻又爽口-魚蛋真的有魚味，有微微胡椒粉調味過，唔係超大粒個隻但好彈牙牛腩麵-牛腩好淋滑，唔係最肥嗰啲位置但唔需要點咬，欣賞！-個湯底好清甜，食完個麵都唔口乾下午茶時段另外加的-魚皮：大大塊，十分脆口！微微有胡椒粉調過味。如果餓啲下次一定會叫淨魚皮-時菜：呢度係一人份量，蠔油菜心，抵食

銅鑼灣數一數二人氣魚蛋粉麵店，無論什麼時候來到都是滿店狀態。下午茶時間有魚皮/熱飲或者油菜送，銅鑼灣鬧市這個價錢這個質素邊度搵？是日例牌照舊點了牛腩米，三才牛腩汁特別濃郁，牛腩肥瘦均勻，一點都不韌，配上特製辣椒油就最滋味！鍾意的話更可以買一罐回家慢慢享受魚皮炸得鬆脆，口感不會硬繃繃！話雖如此贈送，但份量都不會馬虎。腐乳通菜個醬冇得輸，有淡淡酒味，非常之香牛腩魚蛋魚皮撈粗比想像中大份，女仔的話兩個人都可能夠食，粗麵非常有咬口，好煙韌。牛腩好似牛扒咁大舊，肉質入口鬆軟，而且非常入味，必定用了很長時間熬制一邊用餐的時候，一邊都有客人買馳名的魚蛋魚片，而的確三才的魚蛋及魚片都非常彈牙，而且魚味十足，推介必定要試！

唔知幾時開始將 三才 擺咗喺自己個魚蛋粉list裏面，今日經過去食返碗，第一啖嘅魚片有微微嘅腥味，覺得胡椒粉可能唔夠，跟住第二啖食魚蛋⋯⋯ummmm 好努力咁慢慢咀嚼但始終食唔到魚鮮味，非常淡口，只能說調味適中，沒有嘗試用濃烈嘅調味來掩蓋不足之處，但質地較實唔彈牙，實在係失望嘅⋯⋯到炸魚皮，偏厚偏硬，唔鬆化⋯⋯食到一半有啲想放棄。其實一路食，一路見到有幾多街坊來買生料，雲吞水餃菠菜餃牛丸樣樣都有人買，但點解偏偏我食碗魚蛋魚片好似咁令人失望⋯⋯

跟朋友在銅鑼灣逛街後順道晚餐，上openrice見到這間非常多好評的粉麵店，價錢相宜，於是入去一試。雖然地方細細，但座位都頗多，即使有一人入座要搭枱亦有擋板隔住，地方幾乾淨，感覺不錯。我跟朋友點了以下粉麵及小食：泰式鳳爪香辣味十足，非常開胃。鳳爪份量幾多，爽口彈牙，以22元的價錢來說，對比一般泰國菜餐廳，性價比十分高。鮮炸魚皮魚皮炸得香脆，份量同樣多？而且每片魚皮完整，不會碎上。另外味道亦不會過鹹，沾上湯汁吃，半淋半脆就更滋味。魚蛋魚片麵招牌菜果然係高質，魚蛋魚片的魚肉彈牙爽口，而且亦魚味十足。魚片頭的炸外皮有煙韌香口感覺，很不錯。另外材料十分豐富，四粒魚蛋，三片魚片頭，另外有香蔥，炸蒜以及生菜作配料，想不到一碗普通的魚蛋粉居然都做到色香味俱全，售價亦便宜，性價比十分高。牛腩河牛腩份量頗多，絕不吝嗇，肉質腍身，另外亦有肥肉及根位令到牛肉更加充滿油香。35元的牛腩麵如此足料，在現今香港的粉麵舖亦較少見。總括而言，三才魚蛋的食物質素不錯，在銅鑼灣旺區亦能做到街坊價實屬難得，難怪入座到離開都見人流不絕。雖然位置在於小巷中，但仍有很多人慕名而來，日後有機會再試試其他粉麵，支持一下小店。

落雨濕濕，走入一間土炮本地粉麵店，本身都只係諗住飽肚就算但竟然喜出望外，食物質素高而滿滿感受到人情味先講食物先.金錢肚拼貢丸紫菜米 & 牛根拼墨魚餅米喜歡食到金錢肚同牛根嘅原味道，無過份用滷水醃料，份量極多🤤 / 墨魚餅足料食得出墨魚粒 /推介推介 .白味鳯爪本以為係白雪雪無味嘅鳯爪，但食落又係有驚喜 / 有膠質味道足而唔係需要狂飲水嘅味精味 / 係令人食上癮嘅鳯爪😍.清湯生菜雖然係普通生菜但喜歡能人性化，配合全走🤞🏿一路食一路到聽到老闆(?)同顧客嘅對答，感受到久違而濃濃嘅小店味道。無論係食物定小店形式經營都推介🙌🏾

看似一間簡簡單單的小店，但嚐試過後就知道他真的不簡單。在入店的第一步已經看到有甚麼是必須要嚐嚐，原因是明顯地大大的字清楚顯示出來。😂當然，大大張貼出來的辣椒油，不但有相當的辣度，亦做到辣椒的陣香。另外亦要提提與醋混在一起亦有另一番滋味。😋牛腩牛雜米粉🐂$41牛腩有不同部位，當然有爽滑味濃，但亦有看似粗乾的位置，但最意想不到的竟然完全沒有粗乾的情況，牛味亦濃。魚旦水餃河粉🐟$38魚旦真的不可不試，叫得魚旦粉麵店，就必須試試。入口已經知道其魚旦不會是普通貨色，再配以辣椒油，就是食粉麵應該有的味道。河粉滑而不厚身，亦不會有粉碎的情況。🤣真的有驚喜。凍檸蜜甜度不會過份。👍凍檸樂檸樂絕對是大多數人的喜愛，重點是有Zero選擇，夏天之選。

雲吞麵，魚旦河係廣東人不可缺少美食，無論你身處何時何地，總會心思思想食番碗。香港係福地，隨時可以食到。銅鑼灣渣甸坊就有一間小店主打多款人手打製而成魚旦。眼見食客多為熟客，認真不得了。魚旦魚片河魚旦果然彈牙，隱約有魚嘅鮮香。魚片亦不遑多讓，彈牙爽口。湯頭絕無味精。還有炸蒜，蔥花，冬菜作為調味，增加了香味。腐乳通菜頗大碟，抵食，腐乳好香，惹味，跟通菜好夾。杏仁霜久違了的飲品！味道不會太甜，順滑，好飲。

今日去銅鑼灣行街，行咗入渣甸坊，見到好多幾抵買嘅衫，偶然見到呢間貼咗好多明星相兼寫咗好多食評嘅魚蛋粉店。片頭牛腩河加紫菜片頭好有魚味兼爽口，牛腩入味兼腍滑，肥瘦均勻，湯底不是清湯，明顯是熬出來的濃湯🍲好味😋水餃河每隻大大隻，材料豐富，木耳令咬落更爽脆、哈也是大大隻，用料十分靚😍檸檬利賓納、奶茶差不多用左半個檸檬切片，係我最鍾意嘅飲品。我老公話啲奶茶非常濃！這間算是意外發現！ ！好店👍🏻👍🏻

之前經過嘅時候朋友話依間好好味同幾出名但上次唔係好肚餓所以冇食到今次經過就入去食下.牛肚幼麵湯底顏色應該係落咗腩汁 但食落又冇腩汁嘅香味湯底都幾鹹 而且食完都頸渴 我諗都落咗唔少味精不過牛肚就值得一讚（金錢肚要另外加$10 我冇加）唔會太韌 唔會食到有渣 唔會太淋麵淥嘅時間啱啱好 上枱時晶瑩剔透 彈牙 唔會過淋.我朋友食菜肉餃幼麵湯底較清 菜肉餃皮薄朋友冇講太多評價所以都唔太清楚.$3x一碗又唔算貴嘅 下午茶時段仲會送熱飲/油菜/炸魚皮不過你話真係好好味就唔係啦當係想食碗雲吞麵嘅程度都係OK嘅.CP值：🌕🌕🌕🌑🌑

今晚做完運動，諗住食碗粉當晚餐，意外在渣甸坊發現呢間魚蛋粉麵，見好多人幫襯就入去試一試！ 估唔到銅鑼灣都有$30一碗魚蛋粉食！ 每加一個餸都係加$6~ 因為做完運動好肚餓，所以我就叫咗幾個餸 ! 魚片頭有4件! 好多！魚蛋彈牙有魚味～水餃幾好食, 皮好薄! 啖啖肉！湯底比較淡，主要係要炸蒜頭同冬菜調味～我想要多啲，然後店員比左一大羹我！牛筋有5件！份量都幾多！又好"林"～唔錯菜心幾新鮮墨魚蝦條幾好食:呢度服務好親切！見到我地拎左好多野仲會主動比椅你放袋~ 

近年黎通漲得咁勁，普普通食碗米線/茶記都要50蚊以上。今次就比我發現左係銅鑼灣地段有間超抵食嘅魚蛋河，最岩糧尾嘅時候食！✨菜肉雲吞拼墨魚春卷河我自己就覺得個墨魚春卷好好味！食落口感彈牙食到有墨魚粒。菜肉雲吞一共有三粒，味道就冇墨魚春卷咁出色。湯底就比都清淡，味道濃啲嘅話會更佳。✨炸魚蛋拼墨魚春卷河朋友就叫左呢碗炸魚蛋拼墨魚春卷河，我試左一粒炸魚蛋，味道都唔錯幾彈牙。✨炸魚皮最鍾意就係將炸魚皮浸淋佢食，幾好味。

銅鑼灣都有平嘢食😱收工食咗間好抵食嘅魚蛋粉麵店😚喺銅鑼灣都係30幾蚊咋！慳錢之選，而且都好好食😋牛雜河 $35朋友仔好鍾意食牛，佢話腩汁味香濃😚😚 $35真係好抵食呀，邊度搵😉全個麵都大大碗。牛肚份量都幾多，食落去好有咬口，香味濃郁。河粉好滑溜，食完都好飽。紫菜四寶河 $45四寶係魚蛋、豬肉丸、魚皮餃、貢丸。魚皮餃係我嘅至愛，食落去皮唔算太厚，餡料充足。紫菜減低油膩感覺，湯底清清地幾好飲。整體感覺非常唔錯，咁抵食一定會再嚟食。油菜 $15呢個價錢有咁大兜生菜真係好抵🤣🤣🤣

銅鑼灣核心地帶，食一餐閑閑地都幾百蚊落樓。想食清d、食好d、食平d 又或者食得有良心💛d ，「三才魚蛋粉」係一個選擇！魚片頭河粉唔講唔知原來呢間小店嘅魚蛋同魚片等等，由自家設廠手打而成，極有心思！同外面既魚蛋河唔同，呢度魚蛋同魚片唔會乾爭爭，都幾新鮮彈牙！湯底不需要過多調味，只有羹上蔥、炸蒜，清清淡淡反而凸顯魚蛋魚片的鮮味。魚皮餃牛肉丸雙拼米粉如果想試多d 花款，都可以選擇雙拼。今次選擇了魚皮餃同埋牛丸。對比起河粉，米粉更清爽。牛肉丸黑椒味濃郁，令到整碗米粉味道更豐富。至於魚皮餃，餃皮煙韌有嚼勁，餡料好多！另外再叫左一碟生菜，生菜大大碟，兩個人都夠分！