三才魚蛋粉麵

營業中

休息中

同朋友一齊喺銅鑼灣，肚仔餓，但係非常趕時間，最多只有30分鐘可以食嘢，行咗2分鐘，見到呢間麵店，咁啱啦，應該可以好快搞掂一餐，咁就唔諗唔搵啦😆，嗱嗱聲入咗去醫肚😆叫咗 牛腩🐂牛肚🐂麵🍜、菜肉雲吞🥟魚蛋🐟米粉🍜、郊外油菜🥬、熱奶茶☕️😆。呢啲地道嘢食簡簡單單，基本上全部都幾好味，特別係牛腩同埋牛肚，煮得軟熟又幾好牛味😋仲有，係銅鑼灣區算係非常之抵食；同埋，我哋唔使20分鐘就食飽搞掂😆

今日去咗銅鑼灣行街，行到四點幾肚餓，諗住求其食啲嘢醫下肚。喺渣甸坊好多檔仔賣衫嗰條街行入去有間三才魚蛋粉麵。我4，5點去食，又唔係lunch時間都仲坐滿曬客，受歡迎到咁嘅。餐廳2:30-6:90有下午茶，食粉麵有得送菜或者熱飲。我就揀咗嘢飲，Coke Zero +$2啫。我見OpenRice好多人都話墨魚蝦條同菠菜餃好味，咁就試吓呢兩個雙拼。墨魚蝦條菠菜餃河 $41墨魚蝦條幾彈牙，食到一粒粒🦑+🦐菠菜餃包得好飽滿👍🏻我就習慣落埋醋同埋辣椒油😋鮮炸魚皮 $17三個字 : 脆卜卜，浸落湯到滋滋聲一路食嘢係咁見到啲人專登去買魚蛋同丸，等我下次試下先

好想食地道嘅魚蛋粉！ 今日好想食一碗好美味的魚蛋粉。經過銅鑼灣所以就來這間三才魚蛋粉。話明個餐廳名名為”三才魚蛋粉”， 它的魚蛋一定是最出名的。 所以就入來試試，入到店舖內，座位不算太多。但也是座得可以的。見到它貼上本店的魚蛋粉故事。 不感好想了解一下它們魚蛋粉的由來，原來是家族爸爸起家的。除了魚蛋外，餐牌上有多款粉面的選擇。也有其他的小食例如泰式鳳爪。見到附近食客人也叫了它們的炸魚皮，所以試了。味道及質感好脆及厚皮。 調味料沒有太多味精，所以味道較淡。 魚蛋魚皮餃粉， 河粉是滑捋捋，魚蛋就較為淋身質感。有魚味。魚皮餃外皮不是溥身的那種。裏面的肉味相對就比較突出。朋友叫了魚蛋豬肉丸粉，豬肉丸就略為實身。有豬肉的香味。這一餐豐富的晚餐不需要$100就可以品嚐到！

價錢取勝嘅小店！紫菜四寶米粉 ($45)：四寶係魚蛋、豬肉丸、魚皮餃、貢丸。魚蛋幾彈牙，其他丸就屬正常水平。唯一比較失望就係個湯底，味道較淡，要落啲辣椒油黎提升返湯嘅味道牛什粗麵+墨魚蝦條($45+雙拼$6)：牛腩湯底味道比清湯濃郁啲，牛什就包括左牛肚、牛腸、牛肺、牛磅等等。粗麵煮得啱啱好，唔會過腍。墨魚蝦條嘅墨魚味唔算好出，不過就勝在夠彈牙。整體嘅食物質素就普普通通啦，不過員工幾有禮貌，地方都算乾淨企理

公道講句，個人口味偏向清淡。但係湯底真係淡過滾水，成碗野最重口味就係嗰炸乾蒜，唔知以為自己中咗肺炎冇咗味覺，下午茶去食嗌咗一個腐乳通菜，結果嗰醬又係好似溝咗水咁稀。雖然黃嘅魚蛋粉唔多，但係唔代表黃店就可以俾啲咁嘅質素食客，完全唔明白點解網上可以咁多好評，一碗30零$40嘅普通河粉俾咗呢啲咁嘅質素我，咁我不如自己去煮？我食完就覺得好似入咗方艙醫院一樣，啲魚皮我自己去樓下買仲好食過佢。魚皮不過不失。蝦醬失敗。湯底=淡如滾水。

喺銅鑼灣想搵平嘢食，除非幫襯茶記，否則非常困難，好彩渣甸坊仲有間良心粉麵店，三十零蚊就有碗雙拼麵。聽聞三才自設工場製魚蛋，當然要試下，於是叫碗魚片拼菜肉雲吞麵。魚片爽滑彈牙有魚味，雖然唔係最好食嘅級數，但係比起平時食開嘅，水準已算不俗。菜肉雲吞粒粒飽滿，入面嘅餡料菜同肉比例唔錯，幾好食。唯一覺得麻麻嘅係湯底，幾淡下，食麵時味道就唔太夠。

🍪【#銅鑼灣】【#糧尾精選】三才魚蛋粉麵💥味道平庸價錢取勝 下午茶送小食油菜💥.🍪 價錢實惠但味道一般的粉麵店～ 2002年開店，主打自家製手打魚蛋。牛腩份量得好少🥲，兼且切得好幼細，牛肉味淡🙈。魚片偏薄。✧ Definitely a budget-friendly eatery but the food is not up to my standards… Beef brisket is thin and of a small portion, lacking a distinctive taste of beef. Fish slice is rather thin as well. 🙁~~~~~~~~~~~~~🍽 牛腩米粉 Rice Vermicelli with Beef Brisket $33（2/5）.🍽魚蛋魚片米粉 Rice Vermicelli with fish ball and fish slice $36 （3/5）.送小食或油菜，連飲品。👏🏻Afternoon tea comes with snacks (fried fish skin)/ vegetables

係銅鑼灣渣甸坊嘅《三才魚蛋粉麵》，舖頭細又毫不顯眼，但卻總是人流不絕…舖面雖然地方不大，座位之間不算太逼夾，雖沒有特式裝修，但乾淨整潔，好有家庭式食店的感覺，貼地又親民，“樓面姐姐”眼明手快，殷勤有禮！😃【泰式鳳爪】$22 ~ 鳳爪的酸辣可口、不但爽口彈牙，仲配上自家制醃製的紅蘿蔔青瓜絲一齊食，醒胃！👍🏻😋【豬肉丸蠔油撈麵】$40 ~ 湯的味道有驚喜，不但熱辣辣，仲滿有肉香鮮甜，豬肉丸賣相平平，但肉質彈牙，配合彈牙粗麵一齊食，好！👍🏻😋【墨魚蝦條湯麵】$35 ~ 墨魚加蝦滑卷上薄滑的腐皮，食到不同層次，而伴上的菜芯，滿有鮮魚湯的清甜！👍🏻😘【蠔油芥蘭】$15 ~ 芥蘭同樣都食到鮮魚湯的清甜，份量又夠！ 🤞🏻😚

銅鑼灣魚蛋粉想不到銅鑼灣竟然有$30以下的粉麵，而且食物質素很好，喜出望外。西洋菜餃、魚蛋魚片米粉西洋菜餃很特別，在其他地方沒有見過。西洋菜和肉都新鮮，西洋菜的味道特別突出。魚蛋魚片是用鮮魚製成，很有鮮味，而且非常彈牙，很推薦。雲吞、魚片麵炸魚片又厚又彈牙，很重魚味，感覺真材實料。雲吞也很大一顆。另外點了菜心，菜心新鮮，不會煮得過熟。大概有半斤才$15，非常優惠。這裏CP值很高，staff 有禮貌，推薦。

午飯時間和友人忽然想吃點兒暖暖有湯的麵食，於是在銅鑼灣近希慎的位置揀了食魚蛋粉。湯麵配魚蛋粉，魚蛋非常爽口彈牙，加上麵食亦軟硬適中，正合我口味。一定要食嘅係炸魚皮，係銅鑼灣見到咁價廉物美的菜式，爽爽脆脆又香，簡直係配魚蛋粉的最佳配搭。餐廳最細心的位置是會把配料放在勺子上，咁樣我地就可以決定加幾多，或者唔加落去都得。另外再配上汽水，真係飽到可以捧住個肚走。加上餐廳出餐快，所以好快就可以食到野食，節省了很多時間可以順便食飽去逛街。

來到銅鑼灣搵間抵食既餐廳都難難地，但都未我搵到，仲要係平！靚！正！ 「蝦條菠菜餃河粉」蝦條零捨好食，爽口有蝦肉😌 菠菜餃皮滑餡香👍🏻 另外河粉十分滑😍 （出面有時又鞋又碎架），這間就正喇🥰「魚蛋牛腩麵」魚蛋為這店鎮店之寶，果然唔錯😌彈牙魚蛋👍🏻 我牛腩都好淋，正呀🤩「炸魚皮」好脆口😹 塊塊大不特止，仲好厚身😍😍備註：🔺由於抵！靚！正！有時會有人龍呀🚶🏽🚶🏼‍♀️🚶🏿‍♂️🔺雙併抵食呀👍🏻😂

臨近聖誕, 週末行街購物, 行到攰便隨意選擇了一間魚蛋粉休息醫肚.餐廳店面不算大, 但亦乾淨企理, 加上店員們的友善招待更令人窩心牛腩, 墨魚蝦條麵牛腩份量不少, 亦不會有大量肥膏, 炆得入味,口感軟身, 簡單而高質. 墨魚蝦條彈牙又充滿鮮味. 麵身亦不錯. 配上自家辣椒油, 香口惹味而不太辣鮮蝦水餃河水餃皮薄更突顯飽滿的肉餡, 蔬菜與蝦的比例平衡, 河粉亦不會碎濕濕, 口感剛好炸魚皮與一般超市買到的包裝魚皮完全不同, 香脆之餘更帶有淡淡魚鮮味, 浸1浸湯中更加美味.總結: 無論是份量和味道都十分超值, 再加上店員的溫暖服務態度, 令人一再回味. 💛💛💛💛💛

今日下午去到銅鑼灣，看見三才魚蛋粉麵門外有不少人排隊，我們都排隊試下，店員會為排隊的客人先下單，有位的時候食物就會立即到。我今次就試下他們的片頭河、牛什河、炸魚皮和白味鳳爪。片頭河：片頭魚味好濃，口感彈牙，湯底就清清甜甜，河粉是較幼身的可以連埋湯一起吸入口中。牛什河：是用滷水汁滷的好入味，牛什包括牛肚，肺，磅，腸等，湯中加入了腩汁，令湯底更濃味。炸魚皮：好脆口，魚皮本身就已經調了味，鹹味適中，可以放湯都可以淨食。白味鳳爪：鳳爪肉質彈牙，有種砂礓雞腳的感覺。三才魚蛋粉麵有個下午茶有個叫淨粉麵，三選一：油菜、炸魚皮或者一杯熱飲，十分優惠。

都未試過未消化完嗰餐就要寫食評！同朋友誤打誤撞咁嚟到呢間三才魚蛋粉，見門口有人排緊隊就肯定食得過，於是我哋就排埋一份。排緊嘅中途已經有個叔叔話幫我哋落單，等咗幾分鐘後就有位坐，仲要一坐低就即刻有得食！絕對啱哂香港人咩都要快嘅精神！今次我同朋友點咗一碗牛腩雲吞粗麵、魚蛋墨魚丸粗麵、一碗淨西洋菜餃同埋一碟芥蘭。牛腩雲吞粗麵嘅牛腩夠淋；雲吞嘅蝦好爽口；粗麵估唔到嘅麵質好滑，成碗都好好味。朋友就比咗魚蛋墨魚丸吞一粒我試，魚蛋好彈牙；墨魚丸彈牙之餘，仲食到入面有一粒粒嘅墨魚好有咬口。而西洋菜餃入面超多西洋菜，好好味！最抵嘅係下午茶，叫一碗麵可以三揀一咁跟多樣嘢，包括嘢飲、油菜或者魚皮，好抵食。我哋叫咗咁多都只係$131，抵到爆。

閒日來吃下午茶，想不到太多人要等位了，所以選擇外賣回公司吃，今天突然心血來潮想吃牛腩和牛筋，但如果叫牛腩牛筋麵，我會覺得不夠吃，所以最後決定一個人叫了一客剩食牛腩牛筋，雖然下午茶來說價錢並不便宜，但可以一嚐心頭愛，止一止心癮，絕對可以耐不耐一試。但買回公司吃都引到不少同事過來用牙簽拮走一兩嚿，哈哈。好食的食物要開心些牙，最驚喜是底部有些菜心墊底，將所有腩汁索起，變得最入味的油菜。牛筋軟糯入味，牛腩又夠林，非常正的一餐下午茶