三才魚蛋粉麵

營業中

休息中

銅鑼灣核心地帶，食一餐閑閑地都幾百蚊落樓。想食清d、食好d、食平d 又或者食得有良心💛d ，「三才魚蛋粉」係一個選擇！魚片頭河粉唔講唔知原來呢間小店嘅魚蛋同魚片等等，由自家設廠手打而成，極有心思！同外面既魚蛋河唔同，呢度魚蛋同魚片唔會乾爭爭，都幾新鮮彈牙！湯底不需要過多調味，只有羹上蔥、炸蒜，清清淡淡反而凸顯魚蛋魚片的鮮味。魚皮餃牛肉丸雙拼米粉如果想試多d 花款，都可以選擇雙拼。今次選擇了魚皮餃同埋牛丸。對比起河粉，米粉更清爽。牛肉丸黑椒味濃郁，令到整碗米粉味道更豐富。至於魚皮餃，餃皮煙韌有嚼勁，餡料好多！另外再叫左一碟生菜，生菜大大碟，兩個人都夠分！