三川居酒屋 (已結業)

三川居酒屋- 日本新鮮刺身最近銅鑼灣SOGO週年慶，又是大出血的日子，當然不能錯過，逛完後拿著一袋二袋，去了附近一間在地庫的居酒屋午餐補充一下體力。二人前刺身盛。並應有盡有的刺身盛，把各式各樣的時令食材放在一起，擺得非常精緻，藝術品般，影相一流，各類刺身有大甜蝦、吞拿魚、帶子、劍魚腩、油甘魚、左口魚和𩶘魚，刺身非常新鮮，口感極佳。三文魚加州卷大量的蟹籽在加州卷上，當中的青瓜粒爽口，甜甜的蛋捲，牛油果的忌廉感，加上厚切的三文魚，魚油滿滿，加上惹味的蛋黄醬，惹味得很。明太子蟹肉醬焗蠔肉蘑菇批滿滿的明太子加上蟹肉醬佈滿了整個大啡菇，，烤焗方式令外部微微脆身，當中加入了蠔肉，一切開時非常Juicy，蠔肉鮮甜，蟹肉醬和明太子帶鹹香，再利用厚身的大啡菇一拼吃，一點也不膩口。

從前熱鬧繁榮嘅銅鑼灣，因為疫情都變得清靜， 行過sogo見到好多人排隊等開門, 再望下menu又唔係話好貴, 趁人少少早啲出嚟食個高質日本菜，支持下經濟。柔和的燈光加上稻草嘅設計, 感覺置身於日本嘅居酒屋， 令人忘記外間嘅壓力。太耐冇食過好嘢 ，坐低梗係先呢一個刺身拼盤, 嘩擺盤好靚呀，全部都係厚切嘅魚生， 先試油甘魚， 味道鮮甜，再試帶子， 肉質肥厚，非常新鮮。 仲有大大隻嘅甜蝦、 油脂分明嘅三文魚腩、 爽甜嘅赤貝， 除咗鮮甜之外我都唔知點樣形容。再試下明太子蟹肉醬焗蠔蘑菇批， 佢用咗珍寶慶菇做底， 上面擺咗好同埋蟹肉去加芝士焗， 清新得嚟又有啲邪惡😋， 欣賞磨菇焗得好juicy， 食嘅時候要注意畀菇汁燙到。身為飯桶嘅我梗係要嗌返個卷物， 炸軟殼蟹牛油果卷物做good fit, 廚師控制得好好，軟殼蟹唔會索曬啲油， 食落去都好乾身。要康復香港一定要去多啲小店支持！！！

疫情開始過去, 工作變得加倍繁忙, 昔日可以抽幾天到日本散散心, 享受當地美食. 但現在日本旅遊遙遙無期, 唯有在香港本地尋找, 有日本空運食材的食店, 享受日本原味道, 為自己在繁忙的工作上打打氣. 三川位置好方便, 位於SOGO, 銅鑼灣廣場一期中間. 午時門外有個易拉架, 多款日本美食, 而且價錢大眾化. 由於銅鑼灣上班一族基本上回復得八九成, 中午要稍等片刻才有位入座. 要嘗日本原味道, 有咩好過點海鮮剌身. 所以, 分別點了套餐價$138, 及$168的活玄海丼, 及三川名物丼. 其中活玄海丼, 有3款日本空運刺身. 海鮮刺身丼之前, 先食沙律開開胃.  只想講, 空運剌身真係無得頂, 肉質油脂啱啱好, 口感非常好, 比食客的滿足感就是不一樣. 其他海鮮剌身都非常新鮮. 但當然跟空運刺身比, 味道會比下去. 沒辦法, 食材決定一切. 再想講店員服務細心, 有禮, 就算客人多, 每個客人都照顧周到, 沒有忽略任何一個客人，抵讚！

I’ve got nothing to do today but smile and food其實有陣時我覺得最好解決唔開心既方法就係食野食野真係能醫百病 特別係日本野今次同朋友去左銅鑼灣一間CP值好高既居酒屋食飯 呢間就係叫三川居酒屋我地分別點左 二人刺身拼盤 明太子蟹肉醬焗蠔肉蘑菇批 同埋 北海鮪盛丼佢地個刺身真係誠意推介二人刺身拼盤 包左 吞拿魚 赤背 帶子 甜蝦…等 每一件都係好新鮮 食落口都好鮮甜仲要係件件厚切 個CP值係勁高北海鮪盛丼 都絕對唔馬FU 啲刺身都係鮮甜同厚切 同埋有埋海膽 最重要係海膽好新鮮Location: Causeway BayPrice (10 is expensive): 6.5/10Yummy (10 is delicious): 7/10

銅鑼灣日式餐廳林立，明明鋪頭位於大街邊，但因為位於地庫，唔係朋友介紹，真係唔會知有間咁高質嘅居酒屋。次次食日杯嘢都要嗌！三川嘅枝豆熱辣辣上桌，咸度適中，美中不足係啲枝豆都偏細條😂勝在份量搭救！燒玉子表面淋上沙律醬同燒汁，十分開胃。玉子熟度適中，配上滿溢嘅明太子，味道一流。呢個係當晚嘅Special menu，整份的刺身都十分高質！赤身魚味濃郁，油甘魚同白身係我最鍾意，新鮮不在話下，咬落肉感一流，令人回味。日式居酒屋的家常菜，蜆大隻，咬落啖啖肉，湯底清酒味濃。當晚等左好耐呢條燒魚，一上桌，魚香四溢！魚肉緊實，份量十足，不過底部略焦，但已經十分高質！全店氣氛好好，特別欣賞員工服務周到，值得幫襯！

朋友喜歡吃居酒屋，店子於銅鑼灣廣場一期旁邊的地庫位置，不細心看還真的很容易被忽略，下樓梯後可以看到一個水吧區域，也是一個等候區。記緊要早點訂位，很多人也會在午餐時來呢，生意非常好！ 小店提供前菜、漬物、沙律、刺身、壽司、鍋物、一品料理和串燒等等，選擇相當豐富，當中還不乏較少見的菜式，店員有著日本的服務態度，非常充滿著禮貌為你下單喔！三川雜錦魚生有吞拿魚赤身、三文魚、油甘魚、生蠔、帶子，全也是份量很大，很新鮮，且厚切令肉更有口感。上來時，看出大廚憑巧手，透過魚生擺盤，配合不同魚類刺身的紋理，在碟上拼砌出一個藝術品。明太子蟹肉醬焗蠔肉大啡菇明太子新鮮爽脆，配搭鹹香的蟹肉，算是居酒屋要吃之選。無論口感味覺也有層次呢。焗蠔肉的肉比較結實亦味濃，至於大啡菇比較清新，各有了互相平衡之效果，蟹肉焗蠔肉加菇鮮，很match喔。日式三文魚蟹子飯矜貴食材於一身的飯，用料亦很新鮮，三文魚蟹子份量也非常多呢！暖暖的三文魚飯已加入食鹽調味，邊聊邊吃故也很快把它消滅。好～

這間居酒屋於大半年前已bookmark定，但直到最近才有機會試。當日是星期日，疫症期間他們都準備充足，餐廳入口已預備好幫你探熱，入座後再提供hand sanitiser、紙巾、濕紙巾等清潔用品，而且客人不多，可以坐到空間十分寛敞的卡位，感覺安心又舒服環境裝修以木色為主，充滿日本壞舊居酒屋風味。店員很有禮貌，也主動介紹及推介食材。不過個人覺得既然已有一部平板，倒不如將整個meau輸入平板，概方便也環保。我們二人最後點了一個當日推介的魚生拼盤、牛肉鍋、蠔串及雞腎串。食物味道不錯，魚生感覺新鮮，擺盤也很美。串燒很香，蠔咬下去不會乾，很juicy。不過對牛肉鍋的牛肉少許失望。整體而言感覺很舒服的一餐，感受到餐廳的誠意（好食是良知）。即使價錢不便宜但絕對會再幫襯。最後店員讓客人做的問卷我也有填好，不過建議給QR code客人掃，用google form做就好，都係嗰句，唔環保呀嘛哈哈。

令人懷念既冬天已離我而去，面對立春之時，疫情既情況已去到全球升溫狀態，令人擔憂。與此同時，各行各業正要面臨重大既考驗，係呢個情況，當然要揀返自己既心水餐廳支持下當出一分力啦。係銅鑼灣就有一間令我再三回味既平民日式餐館「三川居酒屋」，世界咁大。世界咁大，而我只係隻小小螞蟻，雖然能力有限，都希望身邊既朋友安安全全，共渡難關。👇📌二人前刺身盛 · 並 - $298👉一個刺身盛除左對刺身既要求要新鮮之外，份量同埋擺盤都要有睇頭咁就掂啦。呢個二人前就一野滿足哂咁多願望，首先Size夠巨型，有齊哂我平時想食既刺身。包括活赤貝、赤身、甜蝦、金目鯛、劍魚腩、深海池魚同埋我最鍾意既北海道帶子，刺身整體都好新鮮，特別係劍魚腩切得夠厚身，入口甘香濃厚，口感軟腍，唔錯；而活赤貝爽脆彈牙，帶少少海水味，相當鮮甜；金目鯛油潤感十足，肉質肥美；甜蝦食落啖啖肉，口感幼滑；赤身有咬口，唔會太硬身，食得過；帶子鮮甜爽口，整體我同朋友都好滿意！📌明太子蟹肉醬 · 焗蠔肉蘑菇批 - $98👉當然要嗌埋佢地招牌小食啦，呢個蠔肉蘑菇批，用左滿滿既蟹肉醬，一切開就瀉哂出黎，非常滿足。食落味道鹹中帶甜，蠔肉肥厚肉嫩，焗完出黎特別香口

想吃日本料理，上網搜到了這家日本料理。疫情關係進店前必須探熱，桌上放有消毒液，又有消毒紙巾抹電話，真細心！每日精選刺身盛可以把自己的budget告知店員，由店員配時令刺身。刺身應有盡有，很適合喜歡什麼都吃一下的人。刺身盛配上三文魚籽、食用花等作點綴，打卡一流。明太子蟹肉醬焗蠔肉蘑菇批 $98兩件大啡菇，放滿了明太子蟹肉醬等等，非常惹味！原條蒲燒鰻魚飯 $168上菜超震撼，一整條蒲燒鰻魚在長碟呈上。鰻魚口感、味道不錯，蒲燒醬送飯一流。建議最少兩人分享，因為飯量也真的很多！

肺炎肆虐好耐無食日本野😢終於有得食高汁野店內的裝修幾復古，入到店聽到野豬大改造的主題曲，勁懷念😆舖頭提供左酒精搓手液、酒精紙抹手機同紙巾放口罩，非常貼心👍🏻二人特選刺身盛總共有7款刺生，分別有赤貝、帶子、赤身、劍魚腩、金鯛、甜蝦、油甘魚，每一款都好新鮮勁好食😍而且係時令刺生，可能每次去食都會有驚喜🤭厚切刺生😋明太子蟹肉醬焗蠔肉磨菇批 $98我本身就好鍾意食菇，食大粒菇簡直係高級享受🤤雖然名字係明太子蟹肉醬焗蠔肉磨菇批，但我只係食到明太子、磨菇同類似芝士醬的味道，不過都好好食，正👍🏻三目茶冷麵 $98舖頭好貼心比左2碗冷麵汁一人一碗share食麵質比較乾，入口不太順同埋只有芥末可以加入冷麵汁鰻魚牛油果加州卷 $98每舊卷物都好大件，好勉強先可以一口一件材料十足，抵食👍🏻卷物達到應有的水準蓮子鯛壽司 $36赤身壽司 $42壽司都係大大件，啱啱好可以一啖食晒蓮子鯛上面有薑蔥，因為我唔食薑，食左覺得好難受😣壽司飯有少少偏硬，食卷物的時候唔覺，食壽司時就比較明顯清酒煮鮮大蜆 $88一共有8隻大蜆，有一兩隻有少少沙，濃濃清酒味，好啱宵夜食🤪

近排因為疫情少咗出街食野，但難得同朋友出黎，當然要搵啲又好食又有良心嘅餐廳！一睇倒餐應店面果幾句屬於香港人嘅口號，就知道係良心店無誤！衛生起呢個時候真係特別重要，而呢度係做得非·常·出·色！一入門口就見倒個好震撼嘅畫面，係每枱都有一大支酒精搓手液，每枱都有！都知而家啲搓手液係幾咁難買，呢度竟然好慷慨咁俾客人任用，食野係真係好常會用到，好貼心！唔止係咁，侍應仲每人俾塊酒精紙消毒手機，額外紙巾包住口罩，同埋公筷！！！我個心即刻覺得暖到一個點，係愛呀！好感受倒餐廳對客人有幾關心，完全照顧倒防疫時聚餐嘅所以需要！每間餐廳都好應該學習！一間咁細心嘅餐廳，通常食物水準都會幾好，因為佢地真係好關顧客人嘅感受。我同個frd一於食豪佢！二人份嘅刺身拼盤，有好多樣海鮮，最常食嘅三文魚係冇嘅，因為佢選用咗好多更特別，更好食嘅刺身。所有刺身都好新鮮！特別係帶子同埋吞拿魚，唔單止肉質有彈性，而且鮮甜味好夠！跟住上嘅係三文魚麻醬蕃茄。係，作位一個香港人食日本野係一定會食三文魚的，呢度嘅都冇令我失望，同刺身拼盤一樣嘅級數，好正。啲蕃茄真係要讚一讚！完全冇草青味，而且唔係因為麻醬蓋過咗，係舊蕃茄本身就好味，絕對唔係平

出開銅鑼灣,就想搵啲貴啲嘅好嘢食,男朋友同我都好鍾意食日本野，就搵咗間黄店試。二人刺身盛 $298我哋都係好鍾意食刺身，首先當然要叫番個刺身拼盤啦，298都幾抵玩，因為佢都有五款刺身再加兩隻有頭甜蝦同埋兩切嘅帶子😋特別推薦劍魚腩，肉質爽口細嫩。明太子蟹肉醬焗蠔肉磨菇批(二人前) $98呢個見到台台都係必叫之選，就試吓佢有咩咁特別。明太子味好濃郁，切開菇之後，就見到有豪肉同埋有好誇張嘅芝士拉絲🤣唔怪得知個個都叫🤭醬油燒茄子 $24厚燒牛舌 $68食完唔夠喉再叫多兩個串燒，笑得火候啱啱好，唔會太重口味，好好味🥺📍三川居酒屋銅鑼灣軒尼詩道499號永光商業大廈地庫

白色情人節想同男友食好dd,就來到cwb的一間就腳居酒屋，一入到去日式的裝橫令人感到溫馨舒適我地首先叫咗個「二人前刺身」，有帶子、吞拿魚，甜蝦等等，全部都係兩件，就係無三文魚，全部肉質鮮甜爽口，我手機打卡左15分鐘都依然keep住個鮮味，值得一試「明太子蟹肉醬焗蠔肉蘑菇批」一咬落去層次豐富，芝士辟咗蠔嗰陣腥味，蘑菇亦唔會燒到乾晒，一咬落去必左好多汁出嚟，調味亦都好出色「蟹子牛油果鰻魚加州卷」鰻魚係冇燒到嘅，所以非常甜，幾鍾意佢加牛油果呢個配搭呢個份量我同男友食完覺得啱啱夠飽，之後仲可以去飲多杯野

三川居酒屋位置極方便, 就在銅鑼灣b出口一出。佢係一間地下居酒屋，落樓梯後別有洞天，好似去咗日本，裝修佈置得好有和風。到居酒屋一定試下佢嘅二人刺身拼盤，非常新鮮，每一片魚生都是厚切，好有份量。另外試咗明太子蟹肉醬焗蠔肉蘑菇批，入邊有大大隻嘅焗蠔，好特別，有特色。紅酒百里香寶雲酥烤焗羊架，係一道fusion菜，店員介紹畀我哋食，話煮法特別。羊架好肥美，唔會overcooked，好juicy。餐廳內播放著九十年代日文歌曲，令人勾起不少過往回憶。

今日嚟到一間鬧市中嘅日本居酒屋🏮呢度啲店員好友善，播着輕快嘅日本歌曲，令人用膳嘅時候都心情愉快☺️刺身二人盛 $298 刺身款式有好多，有好多款我都好鍾意食，最鍾意嘅當然係油甘魚，厚切，味道甘甜，吞拿魚魚味極濃，蝦就鮮甜，其他刺身有啲爽口彈牙，有啲就肥美，非常唔錯❤️❤️和風魚生沙律$98有好多魚生啊，切出黎都幾大粒，三文魚好新鮮，八爪魚彈牙可口，仲有油甘魚粒等等😋我好鍾意個醬汁，酸酸甜甜好開胃，同埋佢有藍莓喺裏面，正！明太子蟹肉醬焗蠔肉蘑菇批(二人前)$98 呢一個有驚喜喎！超多芝士，可以拉絲！同埋蘑菇裏面裝左好多嘢，有唔少鮮甜蟹肉，仲有大大粒嘅蠔，灑埋明太子，最正係蘑菇超級juicy 😋😋一定要叫！香蔥碎吞拿魚腩帶子魚籽卷$138 用料豐富，帶子甜美，香蔥吞拿魚茸令到成個卷好清新，同埋有好多魚籽，一d都唔腥，加咗沙律醬點綴，更加美味呢度啲嘢食好高質喎，價錢都好合理，環境唔錯，推薦！