三川居酒屋 (已結業)

三川位置好易搵，面對大街，喺SOGO隔離。行銅鑼灣成日經過都會見到，今次終於嚟左試。三川係地下，見到三川嘅門簾落樓梯就到。一穿過左門簾就播緊日本歌。三吋嘅設計走日式居酒屋風，入到黎瞬間好似就去左日本旅行。刺身二人盛刺身二人盛有五款魚生刺身、活赤貝加大甜蝦。五款刺身有油甘魚、劍魚、吞拿魚、帶子同左口魚邊，食得出全部都好新鮮肥美。特別推薦的是左口魚邊，食落好爽口，同一時間魚的鮮甜味漏曬出黎。活赤貝刺身就爽口彈牙。明太子蟹肉醬焗蠔蘑菇批 98焗批一份有二件，用了蘑菇做底，上面加了明太子、蟹肉、生蠔同芝士一齊焗，多種材料加起來，口感豐富。蟹肉蟹膏炒飯 128炒飯好豐富，放了好多材料。除左本身寫了的蟹肉同蟹膏，還有雞蛋、欖菜、蟹子、酸瓜......蟹膏都落重本，花下面是一大舊蟹膏，比我地自己撈。

今日約左朋友中午小聚, 提意食日本餐廳, 話哩間居酒屋佢放工黎過, 長期都會滿座, 所以今日中午就要旱D到, 我地係第二台客人(覺得自己好叻呀), 跟住好快就滿座了我最喜愛食新鮮野,  叫返個刺身拼拼先~有好多款(深海池魚、左口魚群邊、油甘魚、劍魚腩、帶子、赤身、大甜蝦及活赤貝，件件都好厚), 食材好新鮮.明太子蟹肉醬焗蠔肉蘑菇批, 未切開已經聞到好香, 芝味醬再配埋其他材料(明太子、蟹肉、蠔肉), 表面芝士燒香了脆脆的, 切開醬汁同配料滿瀉, 連埋蘑菇食唔會滯朋友再黎多個午市套餐, 鰻魚飯+芝麻雞翼, 鰻魚好厚好彈性而我就好想試試串燒, 燒雞腎, 雞軟骨, 活白鱔, 燒到岩岩好, 唔會好乾, 重好juice餐牌有好多選擇, 部份係由日本直送空運到港, 所以材料新鮮, 店員好親切好客, 就算繁忙時間, 都會主動同客人傾下計

去完Sogo購物完，朋友話想食日本菜，於是來到三川。同朋友點左三樣野,刺身,牛舌和蘑菇批。厚燒牛舌加雞翼厚度夠,咬下有點彈性,口感佳,胡椒鹽粉香噴噴的。前刺身盛賣相吸引,各式各樣的刺身擺放得好精緻,藝術融合食物,畫面感強。刺身有蝦,吞拿魚、帶子、左口魚等等。味道新鮮口感頗佳。明太子蟹肉醬焗蠔肉蘑菇雙菇厚大,底和側邊有些配菜,大啡菇上鋪了明太子醬。菇烤得香而不乾,姑軟汁香。整體而言，另人回味的刺身午宴。

同朋友黎居酒屋短聚～環境幾好，播住日文歌，仿似置身日本。叫咗梅酒同柚子酒，好出色，推介！而且啲酒杯好靚！酒量好嘅朋友可以試清酒放題，$250，都易回到本。如果好似我地咁淺嘗清酒/其他酒都係不錯嘅選擇。叫咗甜蝦、燒粟米、燒日本甜薯、燒煙肉年糕同炸雞野菜豆腐鍋～鍋一般，好淡口。燒物水準不錯，刺身無試很多款。整體黎講，性價比唔算高但都唔算貴，係同朋友傾計好地方。

黃昏五點八去到，已經有兩檯一坐底已經唸好食咩！環境方面，係幾舒服既野食方面，簡直一流！明太子燒玉子玉子蛋味好香，好嫩滑，完全唔乾！玉子包住明太子，明太子份量算多！本身舊玉子已經好好食，配埋個sauce 真係好正！明太子蟹肉醬焗蠔肉蘑菇批呢個係必吃item! 舊菇都大，上面舖滿明太子蟹肉同芝士！好juicy！入面重有蠔仔肉！蠔仔肉大細啱啱好！成個食落去感覺好豐富！呢個菜式喺出面其他日本餐廳無乜見過！欣賞唸到呢個配搭既師傅！有創意！重要係好好食！厚燒牛舌牛舌真係厚切既！好juicy ! 好好食！只係得兩舊有點少... 他他牛日式他他牛同西式既唔同！日式既他他牛只有蛋混埋一齊食，並無其他調味料溝埋！反而食到好鮮既牛味！👍🏻牛油果軟殼蟹卷呢個相對普通！不過不失甘！唔係唔好食，只係無其他甘有驚喜🤩蒜蓉牛油象拔蚌好多蒜蓉舖喺上面！象拔蚌係新鮮既！象拔蚌連埋成舊蒜蓉一齊食，好滿足😍值得一提既係佢差唔多每碟都有堆沙律，所以我地無另嗌沙津😂啲茶幾好飲！店員好nice ，都好主動幫客人抖茶! ☺️👍🏻 好有heart 既日本餐廳

同朋友行經鍋鑼灣，諗住搵間日本料理店食，上網搵資料五花八門，最後決定食呢間三川，雖然間鋪唔算好多大，但都幾多人，應該食物都唔錯。我哋點咗個兩人前刺身，食材都幾豐富，有帶子、呑拿魚、赤貝、蝦、劍魚等等，而且每一款刺身都大大件，而且仲好新鮮，同連鎖壽司食嗰啲跟本無得比。明太子蟹肉醬焗蠔肉蘑菇批，蟹肉加蠔肉嘅配搭都有新鮮感，而且都好夾，蘑菇應該係大啡菇，並不是蘑菇。鰻魚炒飯，用日本珍珠飯炒，加上上等鰻魚肥美可口，值得推介。

近來聽朋友講銅鑼灣開了一日式居酒屋，都唔知幾時先可以再飛，決定去一轉，當去轉日本啦。店內裝潢以木系為主，再放置了日式小燈籠、小木屋等，感覺像真的到了日本一樣，氣氛和諧又溫馨的感覺。這居酒屋都追得上潮流，以普通的菜牌查看菜式外、更有電子菜牌介紹食物，新潮。朋友介紹得當然做定功課，下單要個刺身拼盤先。拼盤中有多款新鮮刺身如：深海池魚、油甘魚、劍魚腩、帶子、赤身、大甜蝦及活赤貝，件件厚切，相當新鮮。活赤貝質感軟腍，口感爽彈，還帶陣陣海水味。赤身魚肉比較結實，且有咬口。明太子蟹肉醬焗蠔肉蘑菇批蘑菇批來到時已傳出陣陣香味，這蘑菇批當中加入了明太子、蟹肉、蠔肉、芝士真是超級豐富，一次過可以滿足胃食既我。下刀一切，已有拉絲的效果，香氣即是撲鼻。上層有香濃的芝士和明太子緊緊包著，中層有鮮甜蟹肉和肥美蠔肉，當然都仲有軟腍的蘑菇作底層，吃起來口感豐富，非常Juicy。不叫這款都唔好叫來過，必吃之選。厚燒牛舌 / 串燒甜薯每當我去居酒屋都必會叫串燒牛舌。這裡的牛舌非常厚身，而且入口有彈性，牛味濃郁，有嚼勁。一口甜薯真的非常方便，一口一啖，入口香甜，口感軟糯，幼滑軟綿。

呢間居酒屋🏮而經食過不下十次，但次次都覺得好正。呢度既刺身係厚到好似你去食自助餐咁。有圖有真相。 呢個兩人份量的刺身盤真係好新鮮，大件，好似去左日本咁！第二碟送就係明太子蠔肉蘑菇🍄批。 呢個真係出色！我好似記得之前係冇蠔🦪係入面？ 但而家就真係好正，大大件蠔，creammy 蟹肉醬，高質蘑菇，每一啖都係享受！出色！十分出色！成餐都冇菜落肚，我就叫左個鯛魚湯底豆腐雜菜煲。冇味精！菜好多！ 魚湯濃，冇理由唔好食啦～

今日嚟到銅鑼灣再揾食，一於支持好評如潮嘅三川。刺身二人盛：分量剛剛好足夠二人食用，帶子、三文魚、赤貝、煙燻吞拿魚、油甘魚、牡丹蝦，刺身一入口就食得出好新鮮，非常高質，特別是油甘魚，有入口即溶嘅感覺！明太子蟹肉焗煙肉蘑菇批：兩個大蘑菇上釀制了芝士、明太子和煙肉，食到明太子同芝士嘅咸香，同睇又有蘑菇的爆汁，口感多層次，一人一個蘑菇批，唔洗爭😛！蟹肉蟹膏炒飯：叫咗一個相對飽肚的蟹肉蟹膏炒飯，炒飯炒得好乾身之餘有少少濕潤，火喉剛剛好，簡單一個炒飯就可以睇得出師傅嘅功架！香港日本野食好多，但做得好嘅就唔多，呢間日式居酒屋的食物絕對對得起價錢。

點解話私隱度高呢？我地4個人被安排坐卡位，前後都有木版，完全見唔到前後座嘅人，好似私人包廂，所以一坐底，我哋已經好中意三川嘅環境🥰第二樣就係三川居酒屋嘅服務又好好，侍應會主動介紹今日精選菜式，又同我哋傾計互動下，未食嘢，我哋已經不斷加分🤣我地先揀左兩款特式卷物😋😋😋香蔥碎吞拿魚腩帶子魚籽卷 $138碎吞魚腩同帶子勁新鮮，呢個係必食，推介👍🏻牛油果軟殼蟹卷 $88呢個比較普通，軟殼蟹炸得唔夠香脆，如果要揀一款卷物，我哋都會推介香蔥碎吞拿魚卷清酒煮蜆 $128每次去親居酒屋都係必點清酒煮蜆，但呢個湯式偏甜，酒味唔太濃，蜆好鮮甜鹿兒島和牛他他 $188呢個好有驚喜，本身我有少少擔心會唔會唔好食，誰不知牛肉刺生係幾好食，肉質唔會韌，配合沙律同生蛋都幾好味青森廣島蠔濃湯粥 $168超級大碗，粥煲得好綿亦好有蠔味，入嘅蠔唔少，而且都唔係細隻，好味又抵食！我地一定會再嚟食過，環境，服務，嘢食樣樣都好滿意☺️

銅鑼灣有一間喺地庫嘅居酒屋，都幾有feel，裏面嘅裝修目係設計，好似去咗日本咁，特別最近疫情緣故去唔到日本，嚟呢度扮去咗日本，個心情都好好多！刺身拼盤有好多款式，最覺得特別嘅就係燒銀雪魚及燒𩶘魚，口感味道都比較特別，表面有啲油香，而且食落去個質感都比較滑～仲有其他例如吞拿魚，帶子，甜蝦，等等都非常新鮮，值得嘗試。 明太子蟹肉醬焗蠔肉磨茹批也是味道不錯，鹹香適中，而且裏面有很多蟹肉醬令鮮味提升不少，裏面的焗蠔肉也充滿水份，整體配搭甚佳。一份冷烏冬質感彈牙所以很清新，而且最重要夠飽肚！！他晚上有很多各式各樣的選擇，實在要慢慢看，也有是時令菜色可以睇睇iPad！

趁着疫情開始緩和，呢個星期日同男朋友去咗銅鑼灣掃貨。睇到openrice 係sogo 附近有呢間居酒屋，佢想試吓所以就嚟咗。本身我哋都想來食刺身嘅，跟住侍應就推介左當日嘅精選刺身俾我哋，刺身分別有甜蝦、帆立貝、口感滑嘟嘟嘅深海池魚、比較陌生嘅目仁奈（有咬口）、好爽既左口魚、油甘魚同吞拿魚，全部都夠晒新鮮串燒方面我哋嗌咗牛舌、雞軟骨串、五花腩串。調味我哋都覺得岩岩好，燒出尼唔乾。溫泉蛋係用嚟點雞軟骨串嘅，雞軟骨串好有咬口，推介燒海蝦，非常之大隻多肉明太子蟹肉焗蠔大啡菇，呢個要出動到刀叉嚟食，切開面頭嗰層就會見到啲明太子流心，連埋蠔同大啡菇一齊食好特別，有驚喜。

平時好少係銅鑼灣食飯，今次朋友就帶我嚟到一間居酒屋，發覺性價比都幾高，食物有水準之餘，價錢都ok~首先，我地order咗個刺身併盤，望落去好新鮮，食落都好正，帶子厚身鮮甜、油甘魚魚味香濃，大大塊赤身，肉身較實，比較有咬口，鮮蝦都好fresh~再嚟就叫咗個明太子蟹肉醬焗蠔肉蘑菇批，因為我見到網上好多人推介，一於嗌返個嚟食，果然無失望，一切落去好juicy,大大粒蠔，啲香味同醬汁滲透晒落個菇，正！最後叫多個飽肚嘅炒飯，鵝肝和牛炒飯，一上枱就感受到香氣撲鼻，配合埋魚子，口感新鮮，提昇呢碟炒飯嘅層次～

今日放工在銅鑼灣吃飯，這間餐廳在sogo附近，位置很便利。餐廳位於商廈的地庫，桌椅以木為主，以稻草裝飾，呈現大地風。入夜後，餐廳已經幾乎坐滿了客人。翻開餐牌，前菜、刺身、卷物一應俱全。⭐️刺身二人盛$298分別有青森帶子、池魚、魷魚、油甘魚、赤身、甜蝦等多款刺身。我最喜歡左口魚刺身，因為魚身經過炙燒，入口軟綿綿的，釋出香噴噴的油脂，非常美味！整體刺身都很新鮮，池魚切得厚厚一塊，吃起來很清爽緊致，味道鮮甜。魷魚入口爽脆，青森帶子肥厚甘甜赤身魚味清爽甚少吃甜蝦也吃了一隻，很爽甜呢！⭐️牛油果軟蟹殼卷$88牛油果蟹殼卷灑滿了蟹籽，入口軟蟹殼的酥脆滋味配搭軟香的牛油果，絕佳的配搭滿足了我的味蕾，真的很喜歡呢！⭐️明太子蟹肉醬焗蠔肉蘑菇批$98一共有兩個批，頂層是焗芝士，下層鋪滿了明太子和蠔，蠔尺寸中等，入口香甜，蘑菇肉汁充沛，蘑菇批整體很濕潤，明太子也沒有搶走其他食材的味道。▫️除了卡座，其他座位之間都要坐得比較親密，刺身和卷物質素都不錯，可以一試。

話說尬好耐無食魚生喇 今日就黎到呢到食好少少佢位置好方便 銅鑼灣廣場隔離就係今日食左三樣野 第一樣就係魚生拼盤魚生大致上都好厚切 當中油甘魚同帶子最好食 因為油甘魚個油份重D 食落特別香滑 帶子就非常之鮮甜另 樣就係磨菇批 佢芝士 加明太子 再加大啡菇 味道夾得黎食落又滿足 不過芝士都好多下 最好都係同朋友分享最最最最最最驚喜就係燒白鱔 佢白鱔燒到好爽 啖啖肉 但又一D都唔鞋 仲好jucicy 個皮又脆wor 真係好想再encore !!