三川居酒屋 (已結業)

話說本人好鐘意食日本菜 呢間真係令我好驚喜！呢間既環境好日本fill 都好舒服首先黎講佢地隻日本蠔 女店員推薦我地食 真係真心大隻又飽滿 又夠凍 一啖食落去 超juicy!另外佢個軟殼蟹卷同沙律都好低食 超大份 食完都有啲飽飽地雞泡魚干就係比起岀面較細 但係吾會有硬掘掘既感覺 燒到岩岩好 好香 蟶子都好大隻 仲要配搭蒜蓉同牛油 上面有木魚絲 超級好食我仲叫左個蘑菇批無影相 好令好大個但味道就偏鹹小小最後值得贊既係佢地既服務 食嘢佢地都會幫我地係禁fill茶而且我朋友個日生日 要俾驚喜佢 女店員都好貼心借左個happy birthday 牌俾我 仲要幫我拍片一齊唱生日歌真係超窩心

當日我哋去咗銅鑼灣開會，哇難得過海見客我梗係盛裝打扮著到成個中環OL咁，點知腦細tshirt look搞到我似係腦細多過佢😅開完會出面落雨，兩個大鄉里棟咗喺度唔知食乜好，好彩腦細英明即刻用app搵到呢間餐廳。呢間係喺sogo附近一棟大廈地庫，裝修都幾日本，lunch set包一罐汽水，除咗可樂忌廉呢啲大路嘢仲有日本汽水，我哋就叫咗哈密瓜同巨峰提子汽水。雜錦鍋燒手打烏冬味道正常，幾鍾意烏冬幼幼地幾煙韌，但我諗唔透炸雞同炸蝦天婦羅點解要浸落湯，咁咪浸到淋pat pat🤡雜錦鍋燒手打烏冬 ~$70（搵唔返個名同價錢）跟餐加芝麻雞翼 $28/3隻

鯛魚薄切 (8片) / 108正常發揮蟹肉蟹膏炒飯 / 128非常多蟹肉蟹膏 好香好惹味仲有好多蟹籽 好有口感鐵板米沢和牛肉眼配黑菌燒 / 198牛肉比較韌 肉味唔濃——————————————————推介度: 6/10——————————————————銅鑼灣軒尼詩道499號永光商業大廈地庫——————————————————

成日行開sogo 附近都會經過呢間地下的居酒屋，今次lunch 時間忍唔住試下，overall 係好食仲好有日本的味道！兩個人一個叫omakasae sushi set 一個叫丼飯set.先來個沙律，食材係新鮮的，味道不過不失。再黎sushi, 12 件，$24X, 個人覺得好好食(一定一定又新鮮又好味過美登X!), 帆立貝好鮮甜好厚切，蝦又肥又甜，海膽未去到100分但都有75分了，冇腥臭味，食得出係高質的。朋友叫的丼飯，$14X, 個人覺得CP值高過上面的sushi set.佢冇sushi set 咁多種魚但佢有三交魚籽，海膽仲要比sushi 上面的更多，有多一倍！由於我地兩個都比呢間三川新鮮的海鮮驚艷到所以再追加左日本蠔，睇落好似好細隻但咬落係要兩啖先食得哂(姐自問口已經好大！)真心蠔味剛到好處，唔會好淡亦冇好鹹的海水味。不過杯咖啡有待改善，太淡.....

入座後，坐低5分鐘後都係冇侍應比餐牌,要叫到先肯俾，亦沒有解釋menu，大致上食物質素不過不失，但講到明用餐時間90分鐘，但食咗一個鐘多10分鐘就開始趕人走，有一位短髮女侍應不斷喺枱邊徘徊，然後講一句:，但好明顯未到90分鐘，加上我仲有一大杯嘢未飲完，由此看出佢哋只係為咗翻枱，服務過程中冇耐性，都冇理到服務質素。總括而言，如果想有個休閒嘅晚餐，千祈唔好過嚟。依個服務質素只屬於快餐的質素，淨係呢個服務質素都唔值呢個價！

朋友提出想黎呢度食生日飯，話之前都食過好多次而且好味，咁就不虞有詐book o左位。點知係又貴又唔好食，雖然入去既第一個感覺係好近似日本居酒屋style其實如果d o野係好食..我絕對唔介意佢貴但海膽壽司係苦既…好似話係用加拿大海膽..我o地一坐低既時候，佢仲推介我o地叫一板海膽，好在我o地無叫除o左海膽，牛舌都好很失望，韌到一個點..而且佢又厚切，咬到我牙都軟埋都仲未吞到，最後兩串食剩一串中拖羅又貴，$68一件..但又薄切..仲要無入口即融既感覺，睇黎我要一改自己對中吞拿既認知，好在因為大拖羅太貴我先無叫ja…唔係真係揼心口魷魚鬚仲誇張..2個朋友都覺得唔好食..食o左一條就無再食過啦牛肉鍋係好普通，無咩特別，係牛有牛味既…雞泡魚干都正常既，但$98一碟實在係太貴啦全場最值回票價可能係枝豆，因為佢真心大碟，而且只需$42..朋友自己一個食，食到最尾都未食完不過個雪葩無論味道同個樣都係好驚喜既無諗過佢會用個桔黎裝住柚子雪葩，而且柚子雪葩味道勁fresh！！！全晚唯一覺得無伏既o野…整體黎講，d食物係靚既個樣..但又貴又唔好味，絕對唔值得再回頭食多次lor…

朋友請我食飯 叫我自己揀餐廳大家都中意食日本野 所以就搵港島區日本餐廳上網見到尼間居酒屋食評都幾好 所以決定試下尼間餐廳餐廳唔算好多位 個晚我地早食 所以就唔洗等位 我地兩個人叫左三樣野 慢慢食 都夠飽叫左幾串燒物 燒得幾靚 都幾好食再叫左個卷物 個吞拿魚魚蓉同帶子都好新鮮兩樣野都好岩夾 飯入面仲有牛油果 好好食最後我地叫左個刺身 因為我地都唔係好餓 所以店員介紹我地食尼個刺身 份量岩岩好 D刺身好新鮮 款款都好食 同埋種類都多連平時我少食魚刺身都中意食 尼間居酒屋價錢ok 同朋友一路傾計 一路慢慢食係坐得好舒服如果下次再食 我地應該會叫埋酒 邊食邊飲！

螢火魷魚，口感偏林但唔腥，有輕微醬油醃製，好適合送酒牛舌串燒厚切juicy。墨魚咀如果用大粒一啲嘅會更出色，但呢一串就大小不一，偏細粒嘅會燒到好乾。煙肉年糕好夾，外脆內軟。甜薯同雞軟骨就普普通通。整體串燒質量不錯鰻魚牛油果加州卷，鰻魚同牛油果上面再鋪咗蟹子同木魚碎，增加鮮味，整體配搭不錯好多人推介嘅火之夢壽司山，有蟹肉，三文魚子同海膽，再配埋飯卷外面粉紅色嘅甜姜粉，十分配搭。美中不足嘅係蟹肉無乜味似普通嘅雪藏貨，幸好海膽鮮甜搭救明太子玉子燒，有6大件，好足料，蛋略嫌煎得老咗少少，留一點蛋汁會更好一夜干，魚質調味適中，魚肉嫩滑，十分不錯，唯一挑剔係配汁太酸，沾少少已經完全蓋過魚肉嘅味道，建議唔沾汁更好最後叫咗蟹膏蟹肉炒飯，用料充足，每啖都食到蟹膏蟹肉，用米亦都粒粒分明，口感煙韌，推薦

COVID-19全球大流行！抗疫 >１年，生活習慣改變了！其中包括：不聚餐工作日午餐，多數１個人吃，日本料理是個合適的選擇。軒尼詩道上的三川居酒屋，是近期吃到比較好的店，來過２次：1月18日，天陰寒冷！點了日式牛肉鍋定食，牛肉片、雞蛋、豆腐、芋絲、冬菇、蔬菜，豐富的組合，配上白飯，吃了身體暖和！2月18日，農曆新年大年初七，亦是第４波疫情防疫措施放寬的第１天。點了九州湯叉燒拉麵，叉燒、溫泉蛋、魚板、蟹柳、紫菜、芽菜，配上豬骨湯底，好味！定食標配野菜沙律和飲品，性價比高的店！

今次我去左銅鑼灣試一間想試好耐嘅日本料理度開餐！三川~~~我以前返工係銅鑼灣時經常想去食，但又無時間，今次終於的起心肝拉埋食家  去食佢個刺身盛+打卡❤️😍睇下個餐牌先呢個刺身盛 $350/位，呢個盆係2人份🤪 全部都係最新鮮時令嘅海產刺身，超大盆呀😂❤️當日嘅刺身包括有生蠔、拖羅、金目線鯛、深海池魚、鰹魚、活帆立貝、活北寄貝、剥刺、牡丹蝦等等。生蠔比較瘦，但鮮味好濃，細細隻幾好無咁漏。牡丹蝦好大隻好似大頭蝦咁大，好鮮甜彈牙，真係好好味😍拖羅又係好甘香，不過我今果舊有少少筋。金線鯛好鮮味清新，好重魚油香，清新之選！整體黎講價錢唔算平，不過食得出佢地嘅刺身唔係雪藏魚，係冰鮮由日本即日空運送到果種，魚肉質地仲好腍好軟滑，所以貴得有道理除左刺身盛，我地仲叫左3串日式串燒+一個明太子蟹肉醬焗蠔肉大啡菇批。先講下串燒，我地好豪氣叫左個燒白鱔串燒、月見雞軟骨串、燒墨魚嘴。白鱔串燒$88 （鰻魚）有少少失望，因為質地唔夠鮮嬾順滑，有d梅+鞋，似係燒嘅時候無補水，搞到佢過乾，$88一串唔係平，我覺得佢需要改善下燒嘅手法先掂。反而白鱔上面果粒菊花好精彩，佢全部花都係食用花，一咬落去d香味爆哂出黎，我真係未食

係銅鑼灣嘅軒尼詩道，暗藏咗一間地下舖-三川居酒屋，平時行過可能都察覺唔到，係朋友介紹之下，我首次深入地庫試下有乜食！🤤燈飾係日式紙燈籠，配搭禾稈草營造每一廂座都有「屋」嘅感覺 🎶加埋熟悉既日本歌e.g. 太陽之歌、直到世界盡頭，好有親切感而家做緊季節刺身盛推廣，我點左個五點盛！（每位都有牡丹蝦、貝類一客同刺身三盤）揀完之後上盤就係牡丹蝦、帶子、中拖羅、深海池魚、皮剝魚我最鍾意係牡丹蝦，肉質有少少黏口嘅感覺；仲有大帶子，好鮮甜同有咬口，加埋重油分的三文魚籽，正🤤；皮剝魚都好食，未試過；拖羅都無筋新鮮不過都係嗰句，由於係季節限定，下次可能會轉其他款架☺️ 不過試下其他都好呀，反正師傅都會揀最新鮮嘅做拼盤，可能又有新驚喜😍另外熱食叫左串燒，厚燒牛舌，肉質好爽口; 墨魚嘴，燒到有少少脆，都新鮮同好食😋明太子蟹肉焗蠔肉蘑菇批，切開時非常Juicy，芝士同明太子本身偏鹹，有大啡菇中和夾得好好，重口味但不失衡，焗蠔肉比較結實，食落有質感，整體配搭唔錯，值得再試🤤無論係環境定食物，呢間居酒屋都令我覺得有日本嘅風味，可惜目前只能最多兩個人食飯，希望將來可以多啲人食嘢嘅時候再試多啲唔同嘅菜式，試下其他正野😆

個心成日就係日本野到..有日好想食好多刺身..最後黎左係銅鑼灣既呢間居酒屋食野.2人份既刺身盛(九點盛)好多野食!!除左牡丹蝦同生蠔係指定既,仲會有5款刺身同2款貝類.每一款都好新鮮而且係無可能係佢地身上搵到腥味!!我同友人一樣都係覺得佢既牡丹蝦係好出色.其次我就較為鍾意佢既貝類.好爽口彈牙除左刺身我地仲叫左份明太子焗蠔肉磨菇批同幾串串燒. 食完個刺身同磨菇批之後其實已經有8成飽..估唔到佢既刺身都幾飽下磨菇批既蠔處理得好好,就好似係平時去蠔吧食既焗蠔咁.個醬好濃好惹味.三樣野係好夾味.難怪每台都叫咁濟串燒其實都幾出色,特別係個煙肉露荀燒同雞軟骨!為呢一餐做左個好好既總結

好懷念喺日本旅行嘅日子！ 😩​前日同老友就決定食日本嘢止癮！今次我哋去銅鑼灣嘅三川居酒屋，餐廳雖然唔大，但全店以木板為主調裝潢，加上一系列日本懷舊海報、草屋卡位及裝飾等等，滿滿和風，啱晒我哋「偽」旅行。​▲懷舊居酒屋裝潢，好似去咗日本咁！✦ 嚴選季節刺身盛（九點盛）我同朋友都勁愛刺身，見到佢哋個嚴選季節刺身盛，當然立即Order！😍圖中嘅刺身盤係雙人份量，分別有生蠔、牡丹蝦、活北寄貝、活帆立貝、金線鯛、鰹魚、深海池魚、大拖羅、皮剝... 一共九款！一上枱我同朋友都嘩咗聲，份量超多耶！😍我個人最愛牡丹蝦，啲肉又爽又滑嫩，令人滿足！其次北寄貝都唔錯，好鮮甜，邊緣位仲脆脆地，正！其他刺身味道都唔錯，水準之上，只是生蠔及深海池魚就較一般。▲牡丹蝦好正！超肥美、鮮甜！▲帆立貝、皮剝爽口新鮮，令人有encore衝動！▲加拿大生蠔，不過對我嚟講唔夠肥美。相比下，北寄貝鮮甜爽口多了！✦ 明太子蟹肉肉醬焗蠔蘑菇批呢個蘑菇批超足料，一份入面夾咗焗蠔、肉醬、明太子醬及蟹肉，明太醬甜甜地帶微辣，食上口唔會膩，不過真係好多料，食完都飽咗一半肚！😂▲切開發現中間有焗蠔！味道仲意外地同大啡菇好夾！✦ 串燒活白鱔呢個

見到咁大盤刺身真係好難唔心動居酒屋除左壽司,串燒等仲有供應季節刺身盛.服務好,環境又唔錯!十分推薦比大家..♦ 嚴選季節刺身盛(九點盛) ⋆ $350位刺身盛好豐富!見到真係所有儀態即刻放埋一邊.當中有牡丹蝦,生蠔,貝類同每日到港既刺身. 刺身主要係唔同既鯛魚,池魚同赤身.而貝類就有帆立貝同活蟶子.基本上每一款都唔會令人失望.刺身來講赤真鯛真係好鮮同爽.而貝類既活蟶子又係我另一最愛.但講到最驚喜既係佢既牡丹蝦.口感好滑而且超鮮味!所以我會建議大家揀9點盛呢個,食多4款都只係比多$100.♦ 明太子蟹肉醬焗蠔肉磨菇批 ⋆ $98一份2件. 個焗蠔同明太子醬係絕配!!而大啡菇又夠哂juicy!.♦ 串燒四串 ⋆ 約 $120主要都係叫左D雞肉類同露荀卷.quality唔錯, 燒得好香口.值得一試.@fatpet_natalie

朋友 👧🏻 提議先知呢間位於鬧市嘅地庫居酒屋，地點就腳 👍 裝修彷彿令我去到日本嘅居酒屋，估唔到疫情嘅情況下，七點鬆啲嘅晚飯時間，都差唔多坐滿=========================鰻魚牛油果加州卷 $98每件卷物好大件，擘到口最～大先勉強一口一件，滿滿嘅飛魚子帶來爽脆口感，可惜鰻魚偏薄，俾飛魚子味道、口感搶咗focus，材料十足，好味道 👍鯛魚濃湯煮蜆 $128呢款係是日special，蜆大大隻，總共有八隻，蜆肉有一吋長，冇沙（呢樣緊要 🙊），配上奶白鯛魚湯，十分鮮～月見免治雞肉棒 $36朋友 👧🏻 點咗「月見免治雞肉棒」，到底「月見」係咩煮法呢 🤔  所謂「月見」，顧名思義「看見月亮」嘅意思，視蛋黃好似圓月咁解，就係雞肉棒附上一隻生雞蛋。食嘅時候，可先打散蛋黃同醬汁混和，再將雞肉棒蘸入醬汁中，有啲似食sukiyaki嘅感覺 😮 雞肉棒變得滑滑，蛋香，一啲都唔腥 👍七味雞軟骨 $22香脆、熱辣辣，七味粉喺上面，送酒一流厚燒牛舌 $68牛舌唔算厚，每塊如半隻 🀄️咁大，灑滿惹味調味粉去燒，juicy嘅， 不過四塊$68，唔抵 😕汁燒銀鱈魚 $148一客兩件，手掌咁長，魚肉雪白，