三川居酒屋 (已結業)

因為疫情慢慢停落嚟嘅關係星期日終於可以兩個人拍下拖去食嘢👏👏👏今次去咗銅鑼灣嘅一間日本居酒屋度食lunch。我哋叫咗一個二人前時令刺身，當中包括五款既刺身，有甜蝦，帶子，吞拿魚，左口魚，油金魚，池魚，劍魚。刺身十分新鮮，鮮甜肉質爽口👍明太子蟹肉醬焗牛肉蘑菇批蘑菇批面焗到十分脆口，切開入邊充滿咗明太子蟹肉醬多到流出黎仲有大大粒嘅生蠔喺入邊😋😋😋非常之驚喜👍牛油果軟殼蟹卷軟殼蟹炸得十分脆口再加上牛油果嘅清新口感，口感十足加埋上面嘅蟹子沙律分量十足😋😋

一直想試試這間位於銅鑼灣站附近地庫的居酒屋，今天終於有機會！餐廳以竹、蔗等裝飾，別樹一格。每張桌都提供消毒酒精，很衛生。叫了一款二人刺身，有甜蝦、劍魚腩、帶子等，每款都非常厚身，味道又新鮮，值得推介！另外點了明太子蟹肉焗煙肉磨菇批（$98），大大的磨菇上是厚厚的芝士、明太子和蟹肉,非常惹味的配搭，蘑菇烤過後口感仍然嫩滑，而且非常juicy。真材實料的關係，大蘑菇很有飽肚感。但我們還想試一款主食，故點了牛肉湯烏冬（$108）。湯烏冬熱騰騰地上菜，牛肉呈半生熟的狀態，鮮嫩可口。

三川居酒屋位置非常方便，就喺SOGO嗰條街，所以決定係去SOGO之前就去食個lunch，舖頭12點開門，我哋早咗幾分鐘去到，餐廳仲係準備中，不過都好好人俾我哋入去坐住先。餐廳用咗擋板去擋住每一枱之間嘅距離，每台都配有一支消毒洗手液，客人入餐廳之前都要探熱，每個人都有帶住口罩，都幾重視衛生。餐廳嘅裝修好東瀛風，仲掛住啲日文歌，有種去咗日本居酒屋嘅錯覺。見到特盛二人餐係特定時段食有優惠，非常之抵食。而且餐廳好受歡迎，去到12:30已經坐滿晒人，如果唔係book定枱嘅話walk-in 可能要等耐啲。首先上咗刺身拼盤先，每塊刺身都好厚切，左口魚邊裙口感特別，味道清淡，帶子肉厚，味道清甜，甜蝦好大隻，食落好creamy，另外赤背口感非常彈牙，其他魚生肉質都好肥美鮮甜，食完滿口魚油味。明太子蟹肉醬焗蠔肉蘑菇批呢個真係好驚喜，蘑菇好大個，上面一層全部都係明太子加芝士，非常惹味，下面就係蟹肉加沙律醬，然後蠔肉就係中間，食落口感真係好豐富，好刺激個味蕾，以為中間蠔肉嘅味道會比明太子遮蓋，但係無蠔嘅味道都係好突出，然後蘑菇焗完之後仲好Juicy，咬落會出水。另外中間仲會有少少嘅沙律菜，可以中和返個味蕾，食

1. 二人前刺身份量都算大份！入面有幾款魚，重點係全厚切，坊間有好多薄切，食完都冇感覺，厚切大塊食落好實在😌 同時魚生都好新鮮，食到清甜既味道，隻蝦又好大隻，朋友唔食蝦，所以我食哂2隻，好開心2. 明太子蟹肉醬焗蠔肉蘑菇批（$98）呢個個兩粒大啡菇入面有蟹肉蠔肉咁，屬於重口味之選，極多明太子同芝士忌廉，加上菇菇都有一定既份量，我分開左幾次食，避免覺得太膩，佢中間亦有沙律，都係可以解膩既，沙律菜都新鮮，配芝麻醬3. 串燒活口鱔（$88）呢個大推‼️上次食另一間饅魚饅肚屙到依家仲未敢叫饅魚，又想食wor，就叫左串燒鱔（明明都係果條魚但整法唔同好似安心左）嘩！好好食🥺 超級滑，冇骨，一啖一件，燒完好香，調味唔濃鱔既鮮味出哂黎，表面又脆脆的，下次要獨食2-3串at least

好耐冇食日本菜，朋友話想試試呢間居酒屋，各方面嘅食物都好值得推介，令人忘懷！食日本嘢當然要食刺身，呢度有唔同款嘅二人前刺身拼盤，豐儉由人。拼盤又多款刺身，款款都相當厚身，口感好彈牙，每一樣都好有鮮味。另外我哋仲叫左日本生蠔，冇諗過係咁大隻！而且肉質爽脆清甜，有蠔嘅鮮味，所以整體每一款都比人感覺相當時令，價錢又相宜！嚟到居酒屋當然要試唔同嘅燒物，厚燒牛舌應該係呢度必點嘅串燒，好厚身而又唔會燒得太乾，咬落彈牙Juicy，另外仲試咗雞翼同埋雞軟骨，外層撒上少少嘅鹽味道剛剛好。厚燒紐西蘭羊架同其他串燒一樣都係燒得剛剛好，保留到肉汁同時肉質好嫩，味道都好惹味必食！明太子蟹肉焗蠔肉蘑菇批淨係睇個名都知呢件蘑菇批有幾豐富，除左肉餡豐富係一大賣點序外，味道亦係令人食指大動！醬汁調味令人停唔到好，仲有芝士嘅香味，超正！燒三文魚頭大大件而且仲配有燒三文魚腩，魚肉好多，香味十足炸大蝦天婦羅天婦羅份量十足！除咗大蝦夠大隻，口感彈牙之外，另外茄子同埋冬菇都炸得好好食，粉漿唔會太厚，又炸得好脆口，送酒一流！柚子、鮮檸檬梳打酒喺居酒屋要飲番杯酒先夠完滿！酒份量足，柚子嘅甜味令杯酒好易入口，怕飲酒嘅女仔不妨試試

許久未試過咁熱鬧，位於銅鑼灣的三川居酒屋呢個星期六中午去好熱鬧，坐滿人，近的枱有鮮色膠板隔著，每張枱有搓手液。今日想食刺身，拼盤可以度身訂造，我哋冇特別要求，點了玄海，師傅話事，五款刺身包括貝殼類及牡丹蝦，每片都幾厚，口感涼快，肉質結實，夠晒新鮮。之後食熱的，明太子蟹肉醬焗蠔肉蘑菇批賣相好，肉汁爆瀉，有豐富的明太子，所以鹹香很明顯，要做肉醬但唔係肉，巨型蘑菇肉厚軟熟，感覺食素很健康。蟹肉蟹膏炒飯即點即做，炒得好，因為有蟹膏，飯很有蟹香，而且本身已經有味，裡面有些似雪菜的菜，蟹粉絲必定滿足。

銅鑼灣搵到一間都比較隱蔽嘅餐廳，原來係日式居酒屋，雖然舖頭嘅位置唔係好大不過呢靜靜地同朋友飲杯燒酒傾偈都唔錯我哋就叫咗個刺身拼盤有差唔多七款刺身 吞拿魚三文魚左口魚拖羅等等特別推介佢哋嘅左口魚 平時嘅左口魚都會燒一燒，迫左啲油香出嚟，估唔到左口魚刺身都幾好食，同埋食得出好新鮮，口感同平時燒左口魚唔一樣，但係每咬一啖左口魚嘅香氣都係口爆發晒出嚟我哋另外都叫咗熟食芝士蠔焗蘑菇好香嘅芝士味，蘑菇都好Juicy,最估唔到加埋蠔落去唔會腥之外都幾爽花魚一夜干食落去鹹鹹香香配清酒就最啱啦，魚肉都幾結實，一啖酒一啖魚傾住計時間好快過

最近疫情冇咁嚴重，所以開始出街食飯同朋友試吓呢間居酒屋，我地中午時段去，都幾多人食，但餐廳嘅防疫措施都做得足，每張枱之間用紙板隔住，每張枱都有提供消毒液同消毒濕紙巾，好貼心。作為居酒屋，哩間都算多野食。我地叫左刺身，有鮮帶子、魷魚、油甘魚同甜蝦，全部都好新鮮！又鮮又甜另外員工推介左明太子蟹肉醬焗蠔肉磨菇批，就咁聽個名好似奇奇地，點知原來好好食！平時都淨係食開普通嘅蘑菇批，冇諗過中間加咗生蠔都咁夾，每咬一啖就食到鮮味， 超級juicy同埋因為啲料太豐富，自己食完一個都飽飽地。 最後叫左碟蟹肉炒飯，飯好乾身同埋炒得好香下次決定同朋友再黎試佢嘅清酒放題同埋串燒

今日去試呢間居酒屋一入到生意唔錯好彩有book 位叫左個燒牛舌蘑菇批軟殼蟹手卷最尾黎左個牛肉鍋全部都好好食 牛舌唔會太韌，厚度適中蘑菇批好香，汁好好食 生蠔足料， 芝士勁好食牛肉鍋湯汁唔錯， 牛肉唔會好韌，成餐飯最差係落單漏單漏得好勁追左三四次先上得齊明明塔半叫左野之後等左一段時間冇黎再問時原來漏左單之後又等左一段時間冇黎再問下話張單塔八落搞到食到到喉唔到肺。。。。。。

暫時未有得返鄉下（日本🇯🇵）🤣，唯有又去食日本菜，一解相思之苦！星期日嘅6點左右，差唔多全場爆滿，非常受歡迎！大家有興趣試，記得要book定枱呀！刺身二人盛 $298 嘩！非常豐富呀！😍有赤身、大甜蝦、帆立貝、劍魚腩、油金魚等等！款款都好厚切，而且新鮮甜美！最令我印象深刻嘅係赤身，入口綿滑，富天然油脂嘅甘香，正呀！明太子蟹肉醬焗蠔肉 $98最面層係微微焦香嘅芝士，中間有勁creamy 嘅明太子蟹肉醬及蠔肉，底層係又香又juicy 嘅大啡菇！口感及味道層次豐富，好滋味！牛油果軟殼蟹卷 $88軟殼蟹炸至香脆，加上大量鮮甜嘅蟹籽、牛油果及沙律醬，好味道！

第二次幫襯呢間日式居酒屋，對上一次已經係萬聖節個排，晚餐時段叫咗二人餐，仲點選咗果汁梳打酒，印象都唔錯。今次晏就2點幾去幫襯，估唔到略隱蔽嘅鋪頭依然吸引到唔少食客，幾乎全場爆滿，都幾旺場。二人前時令刺身拼盤拼盤賣相精緻，甚具和風感。內有多款厚切時令刺身，如拖羅、帶子、牡丹蝦、魷魚等。拖羅甘甜肥美，入口綿軟。帶子新鮮程度令人驚艷，鮮甜厚身。魷魚亦較坊間食開嘅厚肉好多，爽口彈牙。明太子蟹肉醬焗蠔肉蘑菇批 $98蘑菇批亦令我喜出望外，本身諗住健康啲所以叫焗蘑菇。面層鋪滿黃金芝士同明太子蟹肉醬，切開即時湧出大量蘑菇汁，十分juicy。食食下仲會食到小巧可愛嘅蠔肉，增加海鮮風味。牛油果軟殼蟹卷 $88一碟8件嘅飯卷，被大量蟹籽同沙律醬包圍住。軟殼蟹好酥脆香口，以牛油果蓉作伴，可惜份量唔多，容易令人遺忘佢嘅存在。

本來係諗住去銅鑼灣試美式龍蝦餐廳過唔記得打電話訂位去到攞飛話要等兩個鐘😌跟住行行吓街就見到呢間喺地庫嘅日式居酒屋咁就試試佢啦😏登記咗叫我地45分鐘再返去order 咗原條細池漁👌活赤貝刺身👌生蠔 下次可以唔叫大拖羅刺身 唔夠肥美衹算係中拖羅級數火炙左口魚裙邊壽司👍sukiyaki OK汁燒銀雪魚👌厚燒牛舌👍極上和牛串 可以唔叫總括黎講食物👌環境👌服務態度好好👍👍👍

Weekend同朋友去銅鑼灣行街，行街之前先填飽個肚，我地搵左間食日本野既黃店食lunch。呢間店喺地庫，入面既裝修都幾靚。佢有好多唔同既日本菜選擇！我地點左二人前刺身，佢有成5款刺身咁多，全部都勁新鮮，我最鐘意就係帶子，勁鮮甜。我地仲點左明太子蟹肉醬焗蠔肉蘑菇批，呢個燒大蘑菇真係超過質，蘑菇上面有蠔、明太子要加埋芝士，焗到芝士半溶，一啖咬落去，好多層次，個蘑菇仲要好多汁，正！最後，我地仲點左炸軟殼蟹天婦羅，新鮮熱辣辣！

餐廳是位於銅鑼灣Sogo附近的日式居酒屋，店內裝潢以木系為主調，充滿日系感覺。居酒屋有一系列的燒物、刺身、丼飯，仲有不同種類的清酒。選料新鮮、價錢大眾化❗️位於銅鑼灣都預價錢有翻咁上下，點知價錢十分大眾化❤️而且店內員工老闆都係年輕人，值得支持下！-🤍刺身2人盛 $298🤍明太籽蟹肉醬焗蠔肉磨菇批 $98🤍牛油果軟殼蟹卷 $88-🤍刺身2人盛［滿星］⭐️⭐️⭐️⭐️⭐️‼️咁大盤都只係$298，每件刺身都厚切，口感很不錯，份量又多，每款刺身都有2件！好似食緊放題咁，不過係更高質既放題！餐廳更會配時令及最豐富嘅刺身，性價比高❗️/🤍明太籽蟹肉醬焗蠔肉磨菇批［滿星］⭐️⭐️⭐️⭐️⭐️‼️原理就好似其他居酒屋都有既大啡菇咁，不過依個好特別！明太籽蟹肉醬，加埋一齊味道濃郁，口感豐富，升華到另一個層次，一切開更會爆汁，十分juicy！/🤍牛油果軟殼蟹卷［滿星］⭐️⭐️⭐️⭐️⭐️‼️擺盤好靚🥰依個價錢，壽司有6件而且每件都好足料，鋪滿明太籽、炸軟殼蟹更有啲花瓣係上面，食落好清香既花味🥰軟殼蟹都炸得好香脆juicy，不會乾，值得一試！-環境：9/10服務：9/10好味指數：10/10回頭率：10/10

重質不重量嘅我，梗係要食啲高質野！呢一間居酒屋喺銅鑼灣嘅地庫，都幾隱蔽，但就勝在夠私人度！我同朋友就嗌左呢個刺身二人前，啲刺身嘅種類非常之多，而且每一舊嘅水準都中上！尤其係佢嘅油甘魚，食落去好鮮甜！之後嗌左佢呢個蟹肉炒飯，啲蟹肉超級多而且個炒飯都炒得好好，唔會好乾或者好濕。個味道唔會話好重，食落去食到蟹肉嘅味道！如我哋上網見到呢個芝士蠔蘑菇好吸引，所以都嗌咗一個嚟試吓！佢嘅芝士超級多，但係食落去又唔會好流。入面隻蠔都幾大隻，個蘑菇都好厚身！食落去都好飽！