三川居酒屋 (已結業)

今天剛好經過SOGO，看到這間在地庫的居酒屋的餐牌好像不錯，便入來一時，發覺這間裝修充滿日式風格，而且員工非常有禮，一坐低便馬上派發每人一張濕紙巾抹電話，一張紙巾包好口罩，看得出這間店舖非常細心。事不宜遲，馬上食評！二人前時令刺身盛這個刺身正真的令我有驚喜，每一樣食材都非常新鮮，尤其是元貝和甜蝦，完全是入口即溶，後來問員工原來所有食材都是是日本直送的，在香港非常少有。明太子蟹肉醬焗蠔肉蘑菇批大啡菇配上明太子原來也出奇地配合，焗完之後不會非常乾身，配上蠔肉依然濕潤多汁，而且明太子醬非常Creamy， 10分推介！七味雞軟骨和豬肉串燒兩味串燒也燒得非常香口好味，七味粉配上雞軟骨超級搭！最後一味，魷魚燒想不到這味也不輸蝕，洋蔥燒汁配上魷魚食到舔舔脷，整碟的洋蔥也比我們吃掉，一片不留。

三川喺銅鑼灣好容易搵到嘅餐廳，就係SOGO條街經過見到，喺銅鑼灣食個lunch好就腳。刺身盛(並)$298一上枱就見到整整一隻活赤貝，成個拼盤最矚目就係佢，另外仲有三文魚，劍魚腩，牡丹蝦，八爪魚，油甘魚，同埋啲黃金魷魚，其中個劍魚腩切到非常之厚，直頭一塊可以當其他人2塊，劍魚腩嘅甘香味非常濃郁，又有口感，魚肉夠晒軟身，入口即溶嘅感覺。另外當然係隻活赤貝，分量夠晒多，貝身爽脆彈牙，仲有海水味，食得好過癮，其他嘅刺身都10分新鮮，八爪魚一啲都唔韌，黃金魷魚更加係鹹得啱啱好。仲有就係兩隻牡丹蝦，幫我剝咗個尾，好細心呀。明太子蟹肉醬焗蠔肉蘑菇批$98你睇吓佢個擺盤靚到，用咗嘅沙律醬同埋意大利黑醋再加少少蟹子，睇得又食得，個蘑菇批切開裏面極豐富，上面嗰一層酸酸鹹鹹有甜甜嘅明太子蟹肉醬好creamy，淨係食過一層都夠晒飽，中間夾住左一隻都幾大嘅蠔，以為會比上面嘅明太子蟹肉醬琴晒啲味，有冇喎，蠔味係成個味道裏面佔一份子，加上加咗啲芝士，造成牽連嘅效果，成個餸好連貫。牛油果軟殼蟹卷$88一客有六件都算幾夠份量，每件嘅size都幾大，裏面嘅軟殼蟹炸到卜卜趣，放耐少少都唔覺得變淋，牛油果嘅比例佔咗三份一，

店內裝潢充滿日式居酒屋風味，以木質為主調，加上柔和的燈光、特色草屋卡位和日式小燈籠，讓整體環境帶有溫馨的感覺。刺身盛(並) ($298)有7款刺身，包括：深海池魚、油甘魚、劍魚腩、帶子、赤身各2片、大甜蝦2隻及活赤貝1隻，款款新鮮厚切。深海池魚味道清爽，入口爽脆，甘甜味美。油甘魚油脂豐富，甘香嫩滑有彈性。活赤貝肉質爽厚，口感彈潤，味道鮮甜。串燒甜薯 ($24) 厚燒牛舌 ($68)牛舌相當厚身，入口爽彈，有嚼勁。甜薯肉質綿滑軟糯，味道香甜。明太子蟹肉醬焗蠔肉蘑菇批 ($98)香氣四溢，蘑菇非常飽滿，釀入滿滿的明太子蟹肉醬和蠔，一切開就令人心花怒放。蘑菇肉厚多汁，明太子和菇味濃郁，蠔肉肥大肉厚，香口惹味。

餐廳係地庫位置，一入到去感覺好似身在日本，滿滿東瀛風，以木為主，仲有一個個草屋咁嘅卡位，再播埋香港人嘅歌，心情都特別好。非常時期，入到坐底就見到每張枱都有一支消毒消毒雙手，仲會比四張紙巾你抹咀同包口罩，仲有消毒濕紙巾比你抹電話，相當貼心，令你食得安心。環境同服務好之外，食物質素都相當高，做到色香味俱全，見到咁多都話刺身同菇批正，我都叫黎食下真係好好味。今次叫左四樣，每人平均$320。牛油果三文魚野菜沙律 $88醬汁用左日式和風汁，酸酸甜甜，特別開胃。三文魚份量都唔少，非常油潤鮮嫩，配上滑口牛油果，相當美味。二人特選刺身盤 $298 一盤有七款刺身，色彩繽紛，晶瑩通透，好新鮮，完全無腥味無雪味，仲要厚切大塊。鰻魚牛油果加洲卷 $98 鰻魚熱辣辣，軟嫩口感，無渣無腥。而且個鰻魚汁同沙律醬分量配得幾好，唔會太多令到味偏埋邊。面頭上仲加左木魚片，食落多左個份香味。明太子蟹肉醬焗蠔肉磨菇批 $98 一碟兩大個，表面滿滿嘅明太子，味道甜甜地，味道濃，食落相當Juice，而且啲蠔唔腥，份量都幾多。

簡單食飯就可以的話當然要支持黃色經濟圈既餐廳啦。朋友選了這餐廳，看了幾篇食評都好像不錯，就決定試試。環境裝潢環境其實不差，一般居酒屋裝潢，不算特出。坐位都算幾貼心，廂座有簾隔開，唔會看到隔壁枱坐了什麼人，就算講秘密都沒人知你是誰。特別抵讚抵讚的地方就是現在正值抗疫期間，人人罩不離口，餐廳一開始就提供兩張紙巾，一張用黎包口罩一張用餐時使用，十分貼心。其次，每張枱都放置左酒精搓手液，食客就不用走來走去去洗手間，加上她的洗手間數量唔多，排長龍就浪費時間啦。食物賣相食物方面，我們兩個人就隋意點了一個二人套餐，盛惠$598或是$568，餐廳好貼心的先上頭盤刺身前菜，再來主食和鍋物等等。我地選了－蟹肉沙律－味道唔錯，新鮮，特別係藍莓，粒粒都脹卜卜魚刺身　－實話，比唔上市面的普通日本餐廳，不過勝在夠大碟魷魚　　－調味不錯，處理魷魚合格，爽口牛肉烏冬－烏冬正常，牛肉反而有驚喜。牛味濃，鬆化。湯底濃而不膩雞丸鍋　－還需努力雪糕　　－正常結論整體來說，雖然位於銅鑼灣，預左係食租食位置食方便，但是食物味道賣相亦不能太甘。性價比來說，我會給6/10。I prefer having casual dinner

好耐冇出街食飯，今晚就同朋友黎到銅鑼灣呢間三川居酒屋食日本菜。餐廳嘅裝修好有特色，座位好闊落，仲好貼心，每張枱上面都放咗一支酒精搓手液，另外每人仲有一片酒精抹手紙，成餐飯都食得好安落。店員介紹我哋嗌刺身二人盛，落單嗰陣同佢講budget，餐廳就會跟據budget整時令刺身。我哋嘅刺身盛好豐富，有鯛魚、甜蝦、劍魚、吞拿魚、油甘魚、燒咗少少嘅帶子，仲有赤貝，全部都超級新鮮。鯛魚同赤貝好爽口，甜蝦同帶子都好鮮甜，其他魚生都好正，好好味。另外我哋嗌左個明太子蟹肉醬焗蠔肉蘑菇批，一共有兩粒大啡菇，上面有芝士，再放咗一隻好肥美嘅蠔，加埋明太子蟹肉醬，口感好豐富，好有層次，重點係佢嘅菇焗完都係好juicy，值得一試。牛油果軟殼蟹卷一共有六件，上面有好多蟹籽同埋紫菜碎，加埋沙律醬，同牛油果軟殼蟹真係好夾，好飽肚，好好食。最後嗌咗個炸大蝦天婦羅，隻蝦超長，炸粉落岩岩好，蝦肉爽口，食得出係新鮮嘅蝦。另外仲有天婦羅茄子同菇，外面好脆，入面又好juicy，真係好高質。希望下次可以試吓其他菜式啦。

三川居酒屋係呢個時勢都咁多人食！總有佢既吸引之處😆 餐廳會同每位客人先量體溫再係每枱放咗消毒紙巾同搓手液比客人用。真係好體貼同好窩心令每位客人都食得放心❤️刺身二人盛呢個刺身盛有油甘魚腩、劍魚腩、魚背、吞拿魚、帶子 、赤貝同蝦。新鮮就唔在講啲油甘魚仲好厚身tim 👍👍👍食到我地舔舔脷😋😋😋明太子蟹肉醬焗蠔肉蘑菇批呢個真係必食之選！蘑菇批大隻新鮮仲好多汁 明太子醬 配埋大大隻蠔肉真係好好食👍👍👍🍄🍄有意想不到嘅好味好驚喜😋😋😋鰻魚牛油果加州卷呢個加州卷鰻魚配上牛油果再加埋啲配料同個汁都好好味😋😋😋餐廳裝修得好有日本居酒屋既感覺係真材實料👍👍👍

因為疫情嘅關係好耐冇出街🤦🏻‍♀今個禮拜六頂唔順要出外走走食返餐好👫我倆想食日本野🇯🇵就去到銅鑼灣三川居酒屋 ❤️❤️音樂，環境令你覺得好似係日本咁店員好細心比濕紙巾同餐紙比你收口罩每張枱上面都有一支消毒洗手液 好貼心❤*我哋叫咗二人刺身拼盤七款刺身全部都好新鮮 最鍾意就係厚切啖啖肉 好滿足*軟殼蟹手卷鋪滿住蟹子同紫菜碎軟殼蟹真係卜卜脆 唔似有啲鋪頭係淋既*食完凍野緊係要食返熱野暖肚啦叫咗個明太子蟹肉醬焗壕肉 大啡菇好Juicy ah...外面燒得啱啱好 上面覆蓋住大量蟹子入面又有2隻壕食到利利地 夾住沙律中和返口感豐富

第一次來這裏幫襯，今日叫了四樣餸，鵝肝多士，龍蝦粥，黑松露老虎蝦，服務生非常好服務，餐廳亦提供了很多防疫措物品給我們，包括搓手液，消毒濕紙巾及每人也有一对公筷，最重要的食物，我不懂怎樣用冠冕堂皇的說話去形容，只知道四樣也好好食，值得推介👍

2020•03•07 每次食日本菜都會心情好靚😌😌今次去左銅鑼灣食 “三川居酒屋”。環境好有Feel，暗暗地，都幾適合帶另一半去 (下次如果有人想慶祝節日，不訪黎呢間試下，幾有feel)。設有卡位，私隱度好夠，唔怕俾其他人嘈住二人刺身拼盤 HK$300。有7款刺身(劍魚腩，赤背，帶子，甜蝦等等...)每件都好厚切。 全部都好新鮮，一d腥味都無，呢一點好抵讚。 每啖都好滿足明太子蟹肉醬焗蠔肉蘑菇批 HK$98食呢道菜食得好安靜🤫小弟未試過係其他餐廳食過呢道菜。層次非常豐富，一啖有晒蘑菇，蠔，明太子醬同芝士，味道十分好，鹹中帶鮮味。必食推介。😍北海鮪盛丼 HK$208成個賣相十分之靚 (松葉蚧肉，蒽拖羅溶，北海道海膽，三文魚籽)CP值好高，呢個價錢，食到咁多款😍😍🤫松葉蚧肉鮮味十足，做到一絲一絲效果👍蔥拖羅溶，入口冇筋 👍北海道海膽，鮮甜冇腥味👍三文魚籽，鹹中帶鮮👍

太耐冇出街食飯亦都太耐冇去銅鑼灣行街，所以忍唔住了，唔食好d 都對唔住自己，所以就試下呢間充滿日式風味嘅餐廳先😋每張枱都有支消毒洗手液，而店員都俾一疊紙巾我哋包住口罩，仲要消毒濕紙巾俾我地抺電話㖭，實在太窩心喇，當然食得更加放心啦！餐牌種類繁多，圖中2人set 同酒類只喺一少部分。嗜酒嘅朋友一定好滿足！二人刺身好耐冇食刺身喇，唔食真喺對唔住自己😝擺盤好靚又豐富，所有刺身都好新鮮，而且喺厚切，啖啖肉好滿足呀！明太子蟹肉醬焗蠔肉磨菇批 $98見到明太子已經雙眼發光，我本身好鐘意明太子，加上涵料有蟹肉、蠔肉，口感豐富，咬落去好juicy 又唔漏，好好味。燒雞皮 $22月見免治雞肉棒 $36燒雞皮脆卜卜，好香口。而雞肉棒咬落去食到軟骨，好有咬口，沾上溫泉蛋嚟食多一份蛋香更美味，最後剩下嘅蛋汁都K.O 埋了🤣牛油果軟殼蟹卷 $88賣相極之靚，可見師傅都用左好多心機做擺盤，食慾大增！ 面頭落左勁多魚子和紫菜碎。而軟殼蟹唔油膩，飯又唔會過多，恰到好處，可一啖放曬落口。坐得舒服選擇又多，想食日本野嘅朋友可以試下呢😝

今日朝早起身去做嘢，收工已經兩點幾，記得同事之前介紹過呢間餐廳，立即入去醫肚先，裝修房充滿日本風，好似芧屋的卡位很有趣辛苦搵來志在食，當然要慰勞一下自己，先來點個刺身，原來餐廳可以因應客人的預算幫忙選擇時令刺身，豐儉由人，我的特選刺身內有爽口的赤貝，爽口的帶子，鮮甜的甜蝦，光澤的吞拿魚，魚脂香滑的劍魚腩，香甜油甘魚，清新的鯛魚，全部都新鮮味美 三文魚腩壽司出奇地大塊，又夠厚，非常新鮮，食落滿口油脂，正!帶子壽司亦好新鮮，咬落爽口，帶子味濃郁海膽壽司最正，份量足，幾塊大海膽，雖然海膽成日都食，不過呢件真係幾正，又多又鮮甜。見到大部份枱都點了這個明太子蟹肉醬蠔肉蘑菇批，就點來試試，大大個蘑菇被明太子蟹肉醬包著，切開見到大大粒蠔肉，明太子蟹肉醬入口creamy 加上蘑菇的香味，食落很有層次感，怪不得咁多人order

武肺肆虐，街上行人少之又少，商店關門或提早收工，香港人感覺不是味兒……逛街也沒什麼好看的情況下，提早至五時半到這間位於地庫的日本餐廳，以為時間尚早會沒有客人，怎料……這麼早到，都已經有兩枱客人到著，原來餐廳的防疫措施十分充足；每張枱均有防菌噴霧，大大紙巾收藏口罩，酒精濕紙巾抹電話，一人一碟及每個人兩雙筷子……務求令顧客食得放心！既然放心就食得開心！先來一客刺身二人盛，冰鎮的刺身令人感覺很新鮮！接下來就到這個名物：明太子蟹肉醬焗蠔肉磨菇批，最震撼就是批內大大粒的熟蠔！另外，原來串燒也是招牌菜式！一口氣叫了地雞串，燒雞皮，鳥手羽燒和月見免治雞肉棒，每款都燒得香口！怪不得未夠七時已坐無虛席！後記：付款後收到一張印刷精美得像獎狀的意見書，真的是吃得開心，填得更開心！

今次安排坐私隱度幾高嘅座位，有個curtain 隔住我哋同其他客人。而佢都有個按鈕喺隔離，俾我哋可以通知店員加水同埋點餐，好細心！今次嘅食物都比較重醬汁味。明太子玉子燒($98)好重玉子味，加埋個明太子沙律醬仲有啲heavy🤣明太子蟹肉醬焗蠔肉蘑菇($98)個大啡菇好大舊，咬落好juicy.😍蠔都好鮮甜🥰配埋嗰醬口感豐富！蟹道樂($228)with sea urchin, salmon roe, crabmeat.如果海膽同蟹肉新鮮點會更好！ •

呢間餐廳🟡係銅鑼灣想食居酒屋一定要支持！由一入到去，餐廳的環境佈置很好，職員很友善，連餐廳播放音樂都聽得出有細心挑選，好適合香港人去既日式居酒屋！我地4個人叫左清酒蜆蟹子沙律，八爪魚三文魚蝦刺身，特別喜歡八爪魚好新鮮爽脆炒雜菜玉子燒，配搭很好，左口魚壽司👍🏼鰻魚蛋飯，個汁唔會糊口，好香送飯一流最後叫左幾串燒，牛舌日本蕃薯仔雞皮牛舌都比較嫩，外面燒得香。蕃薯仔暫時我就覺得間間都差不多好食，好香脆邪惡既雞皮，係我既最愛！試左以上不同既款式，我覺得食物整體都不錯，加上環境舒適，價錢合理每人百幾蚊，值得推介比你地。