三小漁

營業中

休息中

之前一直有bookmark呢間中式小炒餐廳但舊店係牛頭角個邊真係唔就腳搬咗過黎新鋪好近地鐵方便勁多 立刻來試試款式比同類小廚餐廳少 以海鮮為主中等價錢碟頭正常冰鎮鮮菠蘿咕嚕肉 | $148賣相就肯定💯 大大盆冰夠哂大陣象選用新鮮菠蘿唔用罐頭抵讚咕嚕肉炸粉層好薄好出色煮完放冰鎮令外面特別香脆 裡面肉質非常爽彈加上酸甜咕嚕醬汁 真係非常好食😋大推！話梅骨| $98賣相冇咕嚕肉咁吸引但都好好食雖然係骨位但依然多肉 肉質夠爽話梅汁調教得好好 酸甜比例恰到好處上面加左少少橙皮帶出香味啫啫通菜 | $78個菜勁大煲 唔係求其炒個菜放入煲有加蒜、肉碎、蝦米同蝦皮多了份鹹香而且超級熱烘烘 特別惹味脆皮風沙雞 | $128最為失望的菜式 皮係香脆既但味道認真麻麻雞肉冇味但背脊位就好鹹 明顯醃得唔均勻肉質亦唔夠嫩滑

今日親愛的你生日，當然要做好功課，朋友介紹這間餐廳質素有保證，所以就選取了。 餐廳環境寬敞，裝潢設計亦帶高貴感，坐得很舒服。蓮藕蜜椒骨, 蓮藕炸到似食脫了水的蔬菜片零食，脆脆爽口的蓮藕片。 蜜椒骨炸得外脆內軟，非常香口，配上香甜的醬汁，正!鮮菠蘿芥末蝦球, 每粒蝦球均沾上沙侓醬，蝦球爽彈，入口豐富，沙律醬帶有淡淡的芥末味， 下面的菠蘿 還不是罐頭菠蘿，誠意十足。黑蒜蒸海斑件, 海斑蒸的時間剛剛好，剛剛熟, 肉質細緻，唔會靭, 最正既就係佢有厚厚的皮富 含膠質，配上香濃的黑蒜，非常滋味。大愛呀！

朋友話帶我食好野，環境幾企理，估唔到係最近最好食既一餐。青雪菜蠔仔海鮮泡飯 ($138)本來唔期望係打冷舖以外食到好食嘅蠔仔粥，一試之下驚為天人。 店員首先將一碟脆米倒落粥度，即時渣渣聲，好有戲劇效果。 蠔仔粥好鮮甜足料，啖啖蠔肉。金沙鮮魷皇 ($128)平時食到比較大隻嘅鮮魷都好淡味，估唔到鮮魷皇厚得來都幾甜，粉漿上得好薄好貼，撈埋鹹蛋黃好惹味。金湯小米獅子球 ($98)金湯味道好清新，雖然獅子球啖啖肉，淋左汁之後完全唔會膩，食唔停口。日本限定柚子雪糕 ($18)味道同居酒屋食到原個桔上嘅柚子雪葩一模一樣，清新自然，仲食到一絲絲柚子皮，性價比一流。自家製雪梨水 ($18)就係真材實料用大量雪梨煲出嚟嘅感覺，係媽媽嘅味道。

估唔到係冇啖好食嘅日子， 俾我遇到一間很有質素嘅中菜小炒。地點唔算偏僻， 好近觀塘地鐵站。餐廳乾淨企理， 除咗有大家都喜歡吃嘅酸菜魚仲有各款中式小菜。先來一壺黃金麥茶（$12一個 茶包計）如果驚茶味太濃瞓唔著， 一壺熱嘅麥茶係最佳選擇， 舒服暖胃又解膩。秘製牛肉汁麻婆豆腐$78未試過牛肉汁＋ 麻婆豆腐， 用一個小火爐慶住，keep 住暖👍😋 麻婆豆腐味道冇一貫食開嘅咁麻辣， 輕度嘅麻帶牛肉嘅香氣， 味道有層次， 加上豆腐大大件唔會兜碎，而且滑溜溜， 味道超讚！！食麻婆豆腐點少得一個白飯~ 用砵仔上，熱辣辣， 好有米香！話梅骨$98這碟話梅骨也是我吃過最美味，做法最到家的。食得出係生炸， 肉質鬆化甘香， 所選用嘅排骨部位肉多骨細， 話梅獻汁薄薄的掛著每件排骨， 晶瑩透麗， 味道酸酸甜甜， 仲有橙皮同整粒話梅～ 話梅骨越吃越上癮～胡椒湯浸大蜆$128胡椒湯浸滿粉絲， 盡吸大蜆嘅鮮甜和精華。大蜆肉質飽滿，剛剛熟， 鮮味又冇沙。三款小菜也做得美味可口， 上網check過大廚果然大有來頭， 疫情過後一定和全家人來光顧～

觀塘區小菜❤️❤️❤️..觀塘一間中菜館，主打粵式小炒。菜式豐富，有傳統小炒、特色菜式、海鮮類別，裝修好新、座位好寬敞，真係好適合一家人 或者朋友一同用餐。而且擺盤精緻，一點都不馬虎呢。-餐廳服務💁🏻‍♀️ 仲好周到`好細心，一黎到會先用滾水幫你消毒碗碟🥣🥢，確保衛生乾淨呢。抗疫功夫做到足，讓食客安心。仲會耐唔時問下菜式味道意見呢，貼心服務。-ll $108牛仔骨🐮 好嫩滑，滿有油脂香。份量仲不少，真係好惹味，送飯一流。ll $88豬油渣🐽 香噴噴，炒餸真係會香好多，粉絲吸盡豬油渣香 真係好邪惡 好香口，不過確係吸引，略嫌粉絲有點碎散呢。ll $108半隻雞🐥 份量不少呢。霸王雞肉質嫩滑，薑蔥基本既味道，確能簡單地帶出雞既味道。ll $12砵仔蒸飯平日已經好少見，蒸出粒粒分明白飯，確有一點不一樣。配上各種小菜：雞🐥、牛🐮、豬🐽，呢餐確係滿足吧。..一邊食飯，一邊見餐廳不斷有食客入座，可見質素不差，有一定客源呢。而且價錢合理，環境寬敞舒服，仲冇收加一添，觀塘區一間唔錯既中菜廳。..

今日同男朋友係觀塘行完街就打算食埋晚餐，但又唔想又係apm食，所以就係附近揾左呢間評價唔錯嘅餐廳。餐廳好大好闊落，裝修得好靚好高尚，入到去成個感覺都好好，特別一提待應服務態度都超好好有禮貌，我同男朋友都驚嘆好少有餐廳可以保持到。見大家都讚佢地嘅雞，所以我哋都叫咗半份。原來半份都好多！由於我哋唔想食咁熱氣所以冇叫到風沙雞，可能因為咁食囉冇其他人講咁驚艷，但蔥油都好香，雞都好嫩，下次有機會一定要試埋風沙雞！流心蛋秘製牛腩煲另外仲叫咗一個牛腩煲，牛腩煲係以石鍋上，上枱嗰陣時仲係熱辣辣，不得不讚佢嘅牛腩醬汁真係整得好好，好惹味，而且牛腩肉質嫩滑，入口即溶，好食！另外仲有一隻煙燻流心蛋，流心效果好好，不過我個人就麻麻地煙燻嘅味道，但都幾得意！最後仲叫咗個金銀蛋莧菜，同樣份量好多，雖然係普通嘅一碟菜式但都冇令我哋失望。總括嚟講呢間真係幾正幾好味，唔怪得之有咁多好評，而且價錢都好合理，因為份量真係幾多下。

同朋友係apm買完野,佢話想食中菜,用openrice搵,就見到觀塘成業街10號電訊一代廣場 - 三小漁,收工時間人太多,行過去大約10分鐘路程疫情關係,餐廳都要求客人先量體溫,再潔手後方可入內用餐,做得十分好。餐具經過高溫消毒,店員溫馨提醒小心會熱親手,。自家製涼茶,估唔到會用呢種杯裝,相信係整好後直接雪入雪櫃,唔加冰,就唔會令飲品變淡,諗得十分細周到,涼茶唔太甜,入口好清潤,好fresh!半隻風沙雞,雞皮燒得香脆,雞肉仍然能夠保持肉汁, 不會太乾身,外脆內多汁,送飯一流,十分推介!和牛粒炒飯,煲上既炒飯,保持住"獲"氣,每粒飯炒至粒粒分明,吸收哂和牛既香味,一家大細來到,必點!炸蠔餅,蠔仔數量夠多又夠哂大隻,炸粉唔厚身,抵食,配上酸酸醬汁,同樣是送飯佳餚,同樣推介!啫啫通菜煲,食飯總要有菜中和下,通菜新鮮爽口,配上啫啫醬汁,無論就咁食定係送飯,同樣出色!炸鮮魷,炸至黃金色既鮮魷同樣大大舊,外層炸皮唔會太厚,可見呢間餐廳真材實料,絕無搵笨,良心餐廳!再來一些close up,超高質的中菜晚餐,皮夠薄,絕無戲場!推介給每一位!

最近都係屋企附近搵食，難得外出用膳嘅機會，當然要做足功課揀間高質嘅。 搵到呢間新開中菜一致好評，大家都好真誠咁大讚，今晚就黎試吓。鮮菠蘿芥末蝦球 ($148）蝦球好大隻新鮮，輕輕炸過粉唔會好厚又香口。 值得一讚蜜糖芥茉醬好清新開胃，墊底嘅菠蘿更加好有驚喜，多汁爽甜，食得出係新鮮菠蘿。 略嫌蝦球只係暖暖地，味道略打折扣，但明白太熱會令醬汁溶化，整體令人滿意。川味脆牛腩 ($138)近乎每一台都有叫到，原隻乾指天椒同炸好嘅牛腩一齊炒，牛肉完全沾染左麻辣香味，本身牛味都好濃，夠晒香口。 牛腩脆皮夠晒薄身，唔會好油膩，份量仲好多。金沙鮮魷皇 ($128)鹹蛋黃醬幼滑甘香，鮮魷皇勁厚身爽甜，感覺到師傅炸野嘅功力唔錯。金湯小米獅子球 ($98)純粹因為朋友鍾意食獅子頭而叫，本來冇咩期望，因為怕南瓜湯會太甜味道唔夾，估唔到會零違和。 金湯鹹甜得宜，天然南瓜香味可以解膩。 獅子球當中加咗少少馬蹄，肉質軟滑多汁，配埋有少少口感嘅小米，味道好豐富。青雪菜蠔仔海鮮泡飯 ($138)本來只係想叫個飯餸下，估唔到係全晚最精彩嘅菜式。 同預期中一樣，蠔仔泡飯同潮式蠔仔粥好類似，意料之外係湯底居然超級鮮甜，好重方

一行四人，想食d精美的中菜，有人提議去觀塘試呢間三小魚。呢度座位舒服，裝修精緻。職員都有禮貌，未食都覺得第一感覺良好。先沖左桂花烏龍飲下。前菜是煙燻糖心蛋，唔錯的。第一道菜脆皮風沙雞，皮炸得脆，雞肉保持到嫩滑無太油膩，醃得好入味。第二味係，金沙鮮魷皇，咸蛋黃係表面，魷魚彈牙鮮味，咸蛋黃既香味加埋，超正。另一味清蒸龍躉仔，只賣198其實性價比好好，也十分鮮味。另一味就艇家醬香炒大蜆，味道濃烈，辣辣地，好搶口！ 由於屋企人一企人一定要粉麵，就叫左個擔擔麵，勁大，好抵食。呢度性價比高，適合一家大細食。

係觀塘番工多年，哩度好多美食餐廳，放左工約左家人食晚餐，我就book左三小漁中菜館。三小漁環境優雅闊落，座位舒服，而且性價比高。我地一家四口，點左飲桂花烏龍茶，另外點左5個小菜。脆皮風沙雞半隻：哩度招牌菜，必叫之選，皮脆肉滑，啖啖肉，十分美味😋金沙鮮魷皇：哩度鮮魷份量十分足料，夠大條，又唔多粉，炸得香口。艇家醬炒大蜆：炒得好有鍋氣好野味，大蜆勁大隻。煙燻糖心蛋：煙燻糖蛋唔多中菜館會有，小食必點之選。清蒸龍躉仔：蒸得夠火喉，汁甜肉滑。私房担担麵：哩度担担麵份量超級大碗，賣相相當吸引，足夠4個人食，味道微辣開胃。

早幾日去咗觀塘食飯，網上面見到開咗一間新鋪就同老公入去試吓喺出邊望入去見到裝修都好靚感覺都算高尚座位又夠闊落唔使擔心同啲枱好近每張枱上面都有大燈職員為每位入去進食嘅客人都會量度體溫非常細心椒鹽鮮魷$108魷魚炸到金黃色，卜卜脆，非常惹味魷魚又夠爽口彈牙炸到非常乾身，粉漿完全唔厚鹹味啱啱好口感極佳鑊氣十足食落口感豐富用了新鮮非常好味冰鎮咕嚕肉$148豬肉非常爽口，甜甜酸酸非常惹味放在冰上10分鐘之後食，更令外皮香脆，非常出色嘅小菜配埋新鮮又甜嘅菠蘿，加埋青椒去炒非常健康牛油炒蟹一放上桌子上已經聞到鑊氣嘅香味一隻蟹大大隻夠晒我哋兩個人食非常重嘅牛油味調味又很出色味道滲入左蟹肉入面香濃既蟹鮮味，蟹鉗部份更是啖啖肉，十分滋味，學到已經拆咗，不在辛苦拆殼，食得非常方便見到非常多膏，夠晒肥美

幾個朋友食飯, 還是吃小菜形式的中菜最開心, 可以方便分享食物, 二人世界比較難做到, 自己也喜歡中菜款式多變, 及有鑊氣, 朋友選了這間在觀塘區的餐廳, 聽它的名字三小漁, 以為吃辣魚那些, 但原來吃高質小菜呢。裡面環境是新裝修, 所以感覺特別舒適乾淨, 坐位也很闊落, 和其他客人距離很遠。桂花雪梨$18 我們的坐位望到放在餐廳中央的雪櫃, 餐廳的自家製飲品很是吸引, 叫了一杯桂花雪梨, 清甜滋潤, 又不會太甜, 最後還可吃了那一小片雪梨。椒鹽四季豆$88用椒鹽的做法, 四季豆變得香口, 趁熱吃, 外層還脆的, 裡面不會乾, 豆很嫩綠, 而份量也很多, 如果兩個人可能吃不完, 適合多人分享。另外還有一款黃金四季豆, 也很吸引, 下次都想試。家鄉海鮮炒米粉$108看樣子已經很吸引, 材料均勻散佈於米粉中, 芽菜選用脹卜卜的, 特別甜, 海鮮以細隻的為主, 包括蝦、八爪魚、青口等, 更能融入於炒米粉中, 加雞蛋同炒, 米粉爽口條條分明, 個人幾欣賞這炒米粉。脆米咖喱蟹$368 來到重頭戲, 一隻蟹三百幾真不算貴, 而且還有20兩, 可給2-4個人吃, 咖喱蟹的汁是靈魂, 夠香, 香中帶辣

而家冇得出街，唯有睇反以前d相，食的好西。。依間係以前由小店食到換左上黎大舖的中菜舖頭，我一路都好支持架！次次都要叫的脆皮風沙雞，叫左半隻！依然都係咁脆咁香，雞肉好嫩滑，而且份量好多！如果少少人叫半隻已經好夠！椒鹽炸鮮魷同樣好大份，唔太咸，仲好香口好脆，真心好味，份量好多所以最後拎走。酥炸特色脆蠔餅你見到幅圖都知好大份😂😂😂然後又係香口好脆，蠔份量都ok，然後佢唔同潮州個種，唔係一大餅既，反而係好多碎碎的脆餅，唔同食法！最後係中餐舖竟然叫到個甜品食😃😃😃叫左豆腐雪糕，入面好驚喜有柚子粒！唔知係佢比錯左柚子味定點呢😂😂😂不過點都好啦，依間真係大件夾抵食！最後飲埋桂花烏龍茶，解下滯，就好滿足了！

今日我地黎到觀塘搵食去左一間叫三小漁既中菜館呢度既掌廚師傅係好多間有名氣既中菜館,經驗豐富,一身好本領呢隻環境非常好,有如去了高級酒店既中菜餐廳食飯部份菜牌更加要預訂先有得食用料靚,加上手藝,成就最好既味道唔怪得係咁既環境下仍然都要排隊等位我地今次點了一客脆皮風沙雞,半隻$128椒鹽鮮魷 ,炒通菜 平均價位都係$100上下,價錢唔算貴,但食落水準真係出色先講脆皮雞,半隻份量都非常多,外皮脆而薄身少油脂雞肉雪白嫩滑,啖啖肉,味道不會過濃,已經好少食到咁出色既脆皮雞肉椒鹽鮮魷,魷肉厚身彈牙有鮮味,本身已經均勻咁上好左椒鹽,唔洗另外點鹽食,呢種係最好既食法炒通菜,上菜時隻煲仍然超夠熱,仲係燙手,炒得岩岩好,唔好過左火,仍然脆綠爽身有肉碎有蝦米有蒜,食落特別濃味,但唔會口乾,配返個白飯就岩岩好埋單都係平均200零蚊一位,好抵食唯一就係上菜會比較慢,但係值得等~

在限座令下，午市揾位食飯真頭痛，我見派宣傳單張上堂食/外賣9折，最重要係仲有座位就二話不說前去光顧，打工仔午市時間好寶貴 ，真係爭分奪秒！這間食肆是新開張不久， 裝修簇新，環境舒適！簡簡單單點了兩款午餐 -流心蛋私房擔擔麵及菠蘿咕嚕肉及砵仔蒸白飯午餐包1杯飲品，有汽水及自製養生飲品- 紅棗桂圓及雪梨茶任擇整體味道都不錯，而擔擔味道是麻辣跟傳統不同，價錢尚算都合理。