三小漁

晚市聚餐同屋企人試左多款煲仔菜、冷盤、甜品, 味道有質素, 最驚喜係每日晚市都有不同主打菜式做半價, 食完最後仲可以玩轉轉抽獎, coupons 留番下次用, 唔怪之得晚市都滿座. 我哋去嗰晚啱啱係🉐 鍋巴芥末蝦球（原價$188 → 半價$94） 蝦球外脆內滑, 芥末微嗆唔搶味, 底層鍋巴香脆 雙冬羊腩煲 $328湯底好香濃, 羊腩軟腍無羶味, 點埋腐乳醬, 正. 加左馬蹄增加爽脆口感同減少燥熱. 枝竹煲得軟腍吸湯. 仲有一籃生菜, 食完成個人暖哂冰鎮新鮮菠蘿咕嚕肉 $148每枱都有一盤, 呢度signature. 酸甜開胃, 糖雕擺盤好搶眼超吸睛, 打卡一流蜜椒蓮藕片 $48蓮藕片切得薄身炸後爽脆似薯片, 蜜椒味道微辣帶甜蜜, 仲有少許苦瓜香味, 係好有特色冷盤啫啫芥蘭煲 $88上黎仲冒住白煙滋滋作響, 芥蘭用肉碎炒得惹味, 好岩下飯竹炭黑腐豆腐$72炸得外脆內嫩, 咬開外黑內雪白嘅色差好fancy宮廷棗皇糕（6件）$68口感軟中帶Q, 棗香突出甜度剛好桃膠燉手工菊花豆腐 $48顯刀工一道, 豆腐切成菊花在桃膠糖水上浮沉. 用左滑嫩百福豆花茶位 $8位茶價唔算貴, 欣賞有菊花茶選, 咁晚上都唔怕飲完茶濃瞓唔好. 而且花香清雅, 解膩下火配羊腩煲剛剛好@threeminnows.hk九龍觀塘成業街10號電訊一代廣場1樓B01號舖 …查看更多

之前喺中環都有食開三小漁依家中環店無咗，原來餐廳老闆依家集中火力喺觀塘店！果然座無虛席💪🏻 好食而且份量十足，每款都係百幾蚊每晚仲會🈶一做半價！～食滿$300仲有抽獎🎁*茗茶 $8/位*🖤《 竹炭黑磚豆腐（件） 💲54 》比一般椒鹽豆腐更有口感，放涼咗外層都係keep都好脆㗎，完全冇膩感，好食👍🏻🧡《 蜜椒蓮藕片 💲48 》 蓮藕薄片脆口，甜甜哋唔會辣～🍍《 冰鎮新鮮菠蘿咕嚕肉 💲148 》差唔多每枱必點！賣相吸引，份量好多！用上豬頸肉冇骨之餘，每粒外層都係冰脆，肉又爽口！而且用上新鮮菠蘿而非罐頭菠蘿，所以每粒都係純果甜～ 🍤《 鍋巴芥末蝦球（6隻） 💲188 》蝦超大隻，新鮮爽甜，加上芥末好惹味，連埋鍋巴增添口感！大推🙌🏻🥬《 金銀蛋豆苗 💲128 》豆苗好鮮嫩無渣，加埋金銀蛋好提味～～最後連甜品都好讚！🍵《 桃膠燉手工菊花豆腐 💲48 》 清甜養生，豆花又靚～🍮《 宮廷棗皇糕（6件） 68 》每底糕用上斤半紅棗，所以每口都富棗甜，清而不膩又滋陰，而且口感彈牙又不過於煙韌～依家已經好想再食啦！ 🔖呢晚嘅份量係3-4人份，平均每人$200有找！如果嗌埋是日半價菜式仲抵食！👍🏻👍🏻埋單抽獎我抽到兩碗桃膠燉手工菊花豆腐花😆下次去就可用免費食啦！…查看更多

晚市滿座之謎！半價驚喜＋轉轉抽獎玩住食😍同屋企人喺觀塘搵食，試咗呢間「三小漁」果然有驚喜！晚市全場滿座，好彩有訂枱，建議大家想食一定要預早book位啊～🌟今次試咗幾款招牌：▫️竹炭黑磚豆腐｜外脆內滑好特別，點少少淮鹽已經好惹味▫️煙燻糖心蛋｜流心效果💯 淡淡煙燻香好過癮▫️冰鎮新鮮菠蘿咕嚕肉｜冰火口感好正！酸甜開胃▫️脆皮風沙雞｜必點！皮脆肉嫩仲超多蒜酥▫️豬油渣野菜粉絲煲｜香口到停唔到口▫️金銀蛋浸時蔬｜清清地平衡返剛好▫️砵仔蒸絲苗白飯｜飯粒分明仲有飯焦香最抵係晚市每日有唔同主打菜半價🤩 我哋撞正咕嚕肉特價，真係抵到笑！食飽仲可以玩轉轉抽獎，抽到下次用嘅coupons，抵食又好玩，唔怪之得咁旺場～環境夠闊落，啱晒一家大細聚餐，服務都幾快手。會encore試埋其他煲仔菜！👍…查看更多

走進呢間新潮中式餐廳，環境設計摩登又帶少少復古味🥢 蜜椒蓮藕片蓮藕片炸得香脆，外層薄薄蜜椒醬甜中帶微辣，入口清爽又爽口，食落停唔到手。🥢 竹炭黑磚豆腐外層竹炭炸衣黑亮有型，咬落酥脆，裡面豆腐滑嫩細膩，口感反差強烈，好有驚喜。🥢 黑蒜蒸大龍躉頭腩魚腩肉質厚實，蒸得啱啱好，黑蒜香氣濃郁卻唔嗆，帶出魚肉鮮甜，入口油潤又帶少少膠質感。🥢 冰鎮新鮮菠蘿咕嚕肉呢道菜真係打破傳統，冰鎮上枱，酸甜菠蘿同香脆炸肉結合，凍食更突出果香清爽，口感特別。🥢 啫啫芥蘭煲煲底滾熱，芥蘭爽脆中帶微微甘香，平衡咗前面幾道菜嘅濃味，令人覺得惹味…查看更多

下午同幾個同事去咗三小漁叫咗幾份午餐同小菜，可以一齊share食ღ 竹炭黑磚脆豆腐 豆腐外脆內嫩，入口保留到豆腐嫩滑嘅口感，真係外脆內軟好嫩滑ღ 蜜椒蓮藕片 蓮藕片脆爽蜜汁裹勻，脆身唔油膩，食落甜甜地好開胃，蓮藕控必點～ღ是令羊腩煲羊腩軟嫩入味，食落唔羶，熱騰騰好暖身，加上冬菇等配料，口感豐富，配菜索滿醬同羊肉精華後滋味十足，冬日暖胃之選5-6位仲送濃湯浸時蔬🥬濃湯鮮美滑順，時蔬脆嫩吸汁，健康解膩，簡單卻滿足～ღ 青麻剁椒蒸龍躉件 龍躉蒸得鮮嫩彈牙，剁椒辣香撲鼻，青麻提鮮唔腥ღ 菠蘿咕嚕肉咕嚕肉外脆內嫩，菠蘿酸甜爆汁，經典粵菜送飯一流ღ 三小漁手作棗茸糕 棗茸糕手工精緻，內餡紅棗香甜綿密，外皮軟糯彈牙，暖心解膩整體菜式家常靚味，價格親民環境舒適…查看更多

「三小漁」可算是觀塘隱世粵菜天堂，人氣高企，如果冇訂枱可能都未必有位，今次叫咗幾款招牌，絕對值得介紹！🔸煙燻糖心蛋：蛋黃流心，視覺金黃誘人，開胃的小食。🔸竹炭黑磚豆腐：竹炭外層脆黑，內裡嫩滑入味，配避風塘蒜頭香脆，好味。🔸迷你古法東坡塔：東坡肉層疊肥瘦，慢火燉得軟嫩入味，塔形視覺美，一上枱已經相機食先。🔸冰鎮新鮮菠蘿咕嚕肉：咕嚕肉外脆內嫩，酸甜醬汁適中，冰鎮菠蘿鮮甜多汁，果然是招牌菜。🔸沙薑蔥油雞：每日都有一款特價菜式，今日就係沙薑蔥油雞，雞肉嫩滑鮮香，沙薑蔥油鑊氣十足，抵食！🔸金銀蛋娃娃菜：娃娃菜脆嫩，簡單不失風味!🔸宮廷棗皇糕：棗泥濃郁，糕身鬆軟不黏，不錯！…查看更多

今日經開去睇吓有咩食，入到去都算多人，坐低會問你飲咩茶，但當時未諗到飲咩無叫到，但是一掉抵個餐牌後我睇咗一陣就叫女職員，第一次叫女職員叫我等等，咁我都等咗一陣，等咗陣都唔見有個女職員來理我，我就等多陣見女職員經過叫住佢落單，落了脆皮風沙雞半隻、椒鹽鮮魷、本來想叫多個啫啫通菜，通菜話無有芥蘭，之後又話無芥蘭只有生菜咁我就算叫住兩樣先一陣再落，咁我又睇咗一陣餐牌，諗到想食咩加單想叫人又無人理我，見到個男職員叫一次無理我去送餐，想叫返頭先個女職員又無理我，之後比我又見到個男職員叫佢又叫我等等，等咗一陣個男職員先理我，再加單石鍋花膠濃湯魚翅，加完單就有個阿姐問飲咩我就叫個陳皮普洱後出椒鹽鮮魷，椒鹽鮮魷食落都好厚肉，但無咩椒鹽味，之後出石鍋花膠濃湯魚翅，飲了啖湯好淡無咩味道，之後食魚翅都算可以，但個花膠一啲味道都無又偏硬好似食緊舊無味嘅香口膠咁，食到尾仲有啲魚骨同一片辣椒皮仔，當時諗點解會有辣椒皮仔，之後來脆皮風沙雞，食落去皮唔算好脆，但雞好滑，食飽食唔哂叫個阿姐比個外賣盒我仲會問我要唔要袋，咁等咗陣我包好個外賣，想飲多兩杯茶再走頭先個比外賣盒個阿姐來收嘢，連我放茶杯隻碟都收埋，心諗我飲多兩杯茶都唔得？洗唔洗咁收嘢趕客？茶係有茶介的，之後埋單走人，整體來講唔會再食第二次，無咩服務，啲職員一係唔理人，一係就趕人走咁，味道無驚喜又唔無特別好食又貴又要收加一，佢個價錢我有好多選擇，今次純粹試下。…查看更多

我覺得$138一細碗是否少了點，打電話問過佢地回覆只得一個size既膠兜，我問如果個兜細，外賣是否應最少都加多半碗來呢，得來回覆係佢收左線。所以我建議堂食，外賣好唔低…查看更多

三小漁的川菜在觀塘來說也算是正宗，特別是麻辣的調控也做得不錯，它之前在中環開分店還以為能夠守住，但結果還是結業收場，果然這是一個艱難的季節，堅守在觀塘這個所謂的商貿區，繼續做好自己，也許是在這項東之下生存的方法。它的黑磚豆腐依然是這裏必點的前菜，豆腐嫩滑，蓋皮炸得香脆，豆香也ok，其實外表看起來有點令人卻步，但吃下去其實就是高質素的炸豆腐，沒有什麼奇怪的味道。另外水魚魚用上古代鼎泰豐狀容器承載，更為矜貴，味道麻香夠，辣勁相對柔和，魚肉沒有泥味，所以味道調配得可以顯示出其鮮味，容易入口。沙薑蔥油雞是特價套餐裏面提供的，但並沒有揸流攤，至少份量真的有半隻，沙薑味帶微微辣香，就算雞肉本身不是新鮮雞，也能做出相當不錯的配搭。唯一試炸蠔腩比較乾身，口感有點柴口，這點要努力一點，但作為比較獨特的存在，還是希望他能夠堅守下去。San Xiao Yu’s Sichuan cuisine remains authentic in Kwun Tong, with well-balanced málá spicing. After their Central branch closed, surviving in this commercial district proves challenging. The black brick tofu—crispy exterior, silky interior—remains essential despite its intimidating appearance. Water-boiled fish arrives in ornate vessels, delivering fragrant numbing spice with tender, mud-free fish. Sand ginger scallion oil chicken offers generous portions with subtle heat. Only the fried oyster belly slightly disappoints with dry texture, though this unique establishment deserves continued support.…查看更多

上網看了很多家觀塘附近的餐廳，想要找一家不限時的餐廳，看了看食評，看到很多特色菜式，感覺不錯，而剛好有朋自遠方來，所以就相約朋友去試下菜，我們點了黑磚豆腐，冰鎮咕嚕肉，風沙雞，是晚特價菜酸菜龍躉及啫啫通菜煲，每一樣菜式都很出色，黑磚豆腐皮脆內嫩，冰鎮咕嚕肉整餐飯食到最後外皮都還是脆，賣相出色，難怪人人推薦，風沙雞真正做到皮脆肉嫩是我食過最好食的風沙雞的頭3位，啫啫通菜煲正常發展揮，香口惹味，酸菜龍躉雖然是特價菜賣相同份量都不算少，味道都很好，最後雖然已經好飽，但都不得不試打卡甜品菊花豆腐，豆腐很有豆味，刀功厲害的師傅把豆腐變成外型像朵菊花的甜品，甜味適中，味道清甜，有機會下次想帶家人去試試。…查看更多

好耐冇試過叫得咁開懷，今次一行六人慶祝生日飯，真係食得開心又滿足！呢間餐廳啲餸真係每一道都令人好想試，結果證明每一道都好好食！必試推介， 竹炭金磚豆腐，外皮炸得酥脆，內裡豆腐軟嫩，層次感十足，入口即融，令人回味無窮。 咕嚕肉脆漿薄而香，火喉控制得恰到好處，肉質保持嫩滑，酸甜味道剛剛好，絕對係必食之選！ 另外牛仔粒選用優質牛肉部位，香濃多汁，鑊氣十足，令人一試難忘。總結餐廳出品鑊氣十足，味道適中唔會過鹹，每一道菜都見心思。難怪我會經常幫襯，今次更加印證咗佢嘅水準！…查看更多

已經過咗嚟食好多次，竹炭豆腐真係冇得輸！竹炭豆腐係全晚嘅大明星，絕對係必點！塊豆腐外層炸得金黃酥脆，帶住一陣好淡好特別嘅竹炭香氣，咬落去完全唔油膩，仲要無半點燶味，火候控制得啱啱好。入面嘅豆腐嫩滑得像雲朵，一啖放入口即刻化開，食得我好滿足！老實講，如果唔係要留quota試其他菜，我一個人可以連嗑四五件，實在太正！真心建議各位嚟到三小漁，呢個竹炭豆腐係非試不可嘅招牌！炒花甲花甲份量略為少咗啲，對於大胃王嚟講可能覺得唔太夠喉。但味道中規中矩，算係OK。花甲新鮮，炒得入味，蒜香同辣味都幾惹味，唔會過鹹或者過濃，配飯食都幾啱。不過同竹炭豆腐比起來，呢碟花甲就顯得普通咗啲，無咁搶眼。冰鎮咕嚕肉係餐廳嘅打卡招牌菜，賣相同味道都畀足十分！菠蘿切成一粒粒大粒嘅形狀唔係細細粒，甜度啱啱好，酸酸甜甜好開胃。咕嚕肉一嚿嚿炸得超脆，外面裹住薄薄嘅粉漿，咬落去有種冰火交加嘅感覺，因為佢哋會將咕嚕肉冰鎮過，食落涼涼地但又唔會凍到牙痺。肉質嫩滑，肥瘦比例啱好，完全唔覺肥膩。影相打卡一流，食落更加過癮，推介畀鍾意酸甜口味嘅朋友！魷魚鬚表現中規中矩，無特別驚喜但都唔差。佢炸得幾香脆，魷魚本身新鮮，無嗰種韌到咬唔開嘅感覺。調味偏簡單，略為鹹香，作為小食嚟講合格有餘。不過同竹炭豆腐同咕嚕肉比，呢個魷魚鬚就無咁出彩，食完無乜深刻印象。餐廳員工都好Nice嘅位置都坐得舒服，佢哋仲有房間可以預訂，但係有低消大家要先問一問。呢間晚市長期都好爆棚！大家記得提前訂位啊，尤其是大時大節會分兩輪…查看更多

昨晚我朋友預訂咗10位，預定時間為1830時，幫我女兒慶祝生日，我大約1810時到達官塘三小魚餐廳，櫃檯有一位高高瘦瘦嘅女職員問我，有關定位嘅資料，我已經俾咗定位嘅姓名、人數、同埋訂位嘅時間給她，沒有辦法提供定位者嘅電話號碼，及後另外有一位女職員帶我入去預訂嘅餐枱，他即時喝止帶我入去嘅女職員，不准我進入，當時我非常之難堪我有一個問題想請教，點解你哋啲職員有兩個做法一個可以俾我進入，而另外一個完全沒有禮貌的高高瘦瘦的女職員就不比我到預定的餐枱，又沒有考慮俾我在其他位置等候，因為當時都有好多空置的餐枱，這一段痛苦嘅經驗使我明白點解香港嘅飲食業會如此低落？從此我和朋友都不會再來三小魚所有嘅餐廳！！！👎👎👎😡😡😡…查看更多

竹炭黑磚脆豆腐及煙燻糖心蛋竹炭豆腐外脆內軟而且相當精緻👍🏼惹味程度令人食到停唔到😋至於糖心蛋除咗糖心效果做得好之外🥚香醇嘅煙燻味亦都好入味-🦐鮮菠蘿芥苿蝦球蝦球大大粒爽口彈牙🦐配上酸酸甜甜嘅菠蘿好開胃🤤仲有芥末令到簡單嘅蝦球變得味道豐富-🐥脆皮風沙雞外皮金黃酥脆😋肉質鮮嫩多汁🤤而且仲好細心咁特別處理過雞胸位置👍🏼切開纖維令入口更加軟熟-🥬啫啫通菜鑊氣爆曬棚既一道菜🤤而通菜清脆可口…查看更多

今次係我第三次帶學生嚟呢間餐廳食飯，每次嚟都有新驚喜，今次嘅菜單依然令人印象深刻，菜式創意同傳統兼備，口味豐富又唔失平衡。以下係我對今次幾道菜嘅評價：竹炭豆腐一上枱就被呢道竹炭豆腐嘅外觀吸引，黑黑嘅豆腐外皮包住嫩滑嘅內裡，上面仲有脆口嘅碎料（好似係炸蒜或者肉鬆），口感好有層次。竹炭嘅加入唔單止令外觀特別，仲帶一絲清新嘅風味，配上底下的新鮮沙拉，清爽又解膩。同學仔都話呢道菜又靚又好食，係一道好適合開胃嘅小菜。麻辣西瓜呢道麻辣西瓜真係好有創意！西瓜切得好整齊，淋上麻辣醬汁，仲撒咗啲紅豆點綴，視覺效果好驚艷。西瓜本身嘅甜味同麻辣醬嘅辛香形成強烈對比，咬落去既清涼又刺激，紅豆仲帶少少嚼勁。雖然有啲同學覺得辣度稍為高咗，但大家都覺得呢道菜好新奇，特別適合夏天食，開胃又消暑。冰鎮咕嚕肉冰鎮咕嚕肉係今次聚餐嘅亮點之一！咕嚕肉本身色澤好吸引，裹上濃郁嘅糖醋醬汁，配菠蘿、青椒同紅椒，酸甜嘅味道好開胃。更特別係，呢道菜冰鎮過，口感冰涼又爽口，肉質嫩滑，菠蘿嘅清甜同醬汁完美融合，仲有一個金黃色嘅糖絲裝飾，增添咗幾分精緻感。同學仔一致覺得呢道菜好驚喜，同傳統咕嚕肉比，多了冰鎮嘅創意，特別適合熱天食。麻辣口水雞麻辣口水雞一端上枱，濃郁嘅辣油香氣就撲鼻而來。雞肉嫩滑多汁，配上紅油、芝麻同紅豆，辣中帶麻，仲有啲微甜嘅回味，層次感好強。底下的薯片吸滿咗醬汁，食落去軟硬適中，增添咗口感上嘅趣味。雖然辣度對部分同學來說有啲挑戰，但鍾意食辣嘅同學都讚唔絕口，覺得呢道菜夠味又下飯。小炒王小炒王係一道好下飯嘅菜，入面有筍絲、木耳、青椒同炒香嘅花生，仲有啲炸過嘅食材（可能係魚皮之類），口感酥脆又鮮香。整體調味偏清爽，帶點微辣，炒得火候啱啱好，蔬菜保持咗脆嫩嘅口感，同花生嘅香氣完美結合。呢道菜雖然看似簡單，但味道好均衡，同學仔都話食起來好舒服，特別適合配白飯。金銀蛋浸時蔬呢道金銀蛋浸時蔬湯汁好濃郁，入面有皮蛋、鹹蛋同時蔬，湯底濃而不膩，帶一絲蛋香。蔬菜吸咗湯汁嘅味道，入口鮮嫩多汁，皮蛋同鹹蛋嘅加入令整道菜嘅風味更加濃郁。呢道菜畀人一種溫暖嘅感覺，同學仔覺得湯汁好適合用來撈飯，係一道好溫馨嘅家常菜。避風塘鮑魚避風塘鮑魚嘅賣相好吸引，鮑魚表面裹滿咗香脆嘅蒜蓉同辣椒碎，香氣濃郁。鮑魚本身口感軟嫩，同外層嘅酥脆形成對比，避風塘風味嘅蒜香同微辣好突出，配底下的沙拉，解膩又有層次感。呢道菜令同學仔都覺得好高級，係一道好適合宴客嘅菜式。豆角豆角炒得啱啱好，綠油油嘅豆角配花生、木耳同少許辣椒，口感脆嫩，調味清爽中帶點鹹香。雖然係一道簡單嘅炒菜，但火候掌握得好，豆角保持咗新鮮嘅口感，花生嘅加入令整道菜更加香口。呢道菜好適合配其他重口味嘅菜式，同學仔都覺得佢好清新，可以平衡成餐飯嘅味道。話梅骨話梅骨係一道甜酸開胃嘅菜式，排骨燉得好軟嫩入味，話梅嘅酸甜同醬汁完美融合，仲配咗橙皮絲，增添咗清新嘅果香。排骨外皮微微焦香，內裡卻軟嫩多汁，酸甜嘅味道令人忍唔住多食幾件。同學仔都好鍾意呢道菜，覺得佢既開胃又有特色，食起來好過癮。炒通菜炒通菜係一道好經典嘅廣式炒菜，通菜炒得好翠綠鮮嫩，配蒜蓉同少許辣椒，簡單但好美味。通菜嘅口感爽脆，蒜香濃郁，調味清淡但不失滋味。呢道菜雖然簡單，但好下飯，同學仔都話食起來好舒服，係一道好適合配其他菜式嘅配菜。總結今次嘅用餐體驗依然令人滿意，菜式唔單止味道出色，擺盤都好有心思，感受到餐廳嘅用心。相比前兩次，今次嘅菜單更加多元化，由創意菜如麻辣西瓜、冰鎮咕嚕肉，到傳統菜如炒通菜、話梅骨，樣樣都令同學仔讚唔絕口。特別係冰鎮咕嚕肉同麻辣口水雞，畀大家留咗好深刻嘅印象。整體黎講，今次係一次好愉快嘅聚餐，同學仔都話下次仲想再嚟，繼續探索更多美味！…查看更多