影片
開飯介紹
主打粵式小炒，菜式豐富，適合與親朋戚友一同用餐。菜式新穎，擺碟精美，當中以冰鎮咕嚕肉、椒鹽豬扒最受食客歡迎。
繼續閱讀
營業時間
今日營業
11:30 - 16:00
17:30 - 23:30
星期一至日
11:30 - 16:00
17:30 - 23:30
公眾假期
11:30 - 16:00
17:30 - 23:30
以上資料只供參考, 請與餐廳確認詳情
有關獎賞計劃
做完運動餓到可以食咗成隻牛🤤，朋友突然話想食中菜，就帶我殺上觀塘成業街電訊大廈嘅「三小漁」。雖然佢唔係地舖，但果然好嘢自然有人識貨，平日夜晚都幾多人！ **✨驚喜半價招牌菜** 原來每日都有半價餸😍，今日係招牌冰鎮咕嚕肉！上枱賣相勁有仙氣，咕嚕肉外皮脆到似糖衣，入面肉質嫩滑，仲有肉汁，最正係用咗新鮮菠蘿，酸甜平衡唔會膩，份量多到兩個人食極都仲有😋。 **🧂黑麻麻嘅誘惑** 竹炭黑磚豆腐😚：一啖咬落去，外皮脆到「咔嚓」聲，入面豆腐滑過BB屁股！灑咗椒鹽吊味，簡單但超上癮，送啤酒應該可以KO多三舊👌🏻。 **🍲燉湯控必試** 姬松茸瑤柱烏雞湯，一飲雙眼發光！😍👍🏻湯頭好鮮好香，瑤柱鮮味同松茸香氣爆晒出嚟，飲完成個人暖笠笠，絕對係落足料嘅老火湯，連湯渣都好食。 **🌶️辣手「摧」牛腩** 川味脆牛腩嘅辣度啱啱好（唔食辣都接受到），牛腩唔知點處理淋晒，但又保留到筋膜咬口，個醬脆皮又薄又脆又惹味，真係食到停唔到口！ **🍮甜品玩Fusion** • 桃膠法式焦糖燉蛋：面頭脆糖片撞埋桃膠竟然好夾，燉蛋滑溜得嚟唔會死甜，食完成個滋潤晒～ • 桃膠菊花豆腐：師傅刀工簡直係藝術！豆腐切到菊花絲咁幼，浸住清甜菊花糖水，睇得又食得。 **💸性價比爆燈** 人均$250左右，但餸菜份量夠晒大，難怪以前聽講一定要提早訂位！而家易訂咗少少，但都係嗰句——想食就快啲約腳啦！
繼續閱讀
哩間觀塘粵菜，菜式精緻，而且擺盤有心思😍😍去觀塘一定要試下推介❤️🍍冰鎮新鮮菠蘿咕嚕肉一定要試吓佢呢個招牌菜，超大盤咕嚕肉😍😍😍😍😍成盤上台果下好有氣勢，冰鎮左既咕嚕肉，外皮香脆，好特別👏🏻用上新鮮菠蘿，配上惹味醬汁， 酸酸甜甜好正🦪酥炸特色脆蠔餅蠔餅外酥內嫩，外層炸到金黃酥脆，超香😍😍咬落去，裡面的蠔肉鮮嫩多汁，口感層次豐富，而且調味剛剛好，好好食😋😋🌼桃膠燉手工菊花豆腐非常養生甜品🥰🥰桃膠有助美容養顏，而手工菊花豆腐，好靚好驚訝😱😱😱刀工超勁，豆腐口感滑嫩，與桃膠的Q彈有2種口感另外推介💕🍨法式焦糖燉蛋🖤竹炭黑磚豆腐🥚煙燻糖心蛋🐷避風塘豬粉腸 🍰宮廷棗皇糕➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ 好味指數：😋😋😋😋😋環境指數：🪴🪴🪴🪴🪴回頭指數：💖💖💖💖💖🔖 三小漁 (觀塘)觀塘成業街10號電訊一代廣場1樓B01號舖
繼續閱讀
昨晚我朋友預訂咗10位，預定時間為1830時，幫我女兒慶祝生日，我大約1810時到達官塘三小魚餐廳，櫃檯有一位高高瘦瘦嘅女職員問我，有關定位嘅資料，我已經俾咗定位嘅姓名、人數、同埋訂位嘅時間給她，沒有辦法提供定位者嘅電話號碼，及後另外有一位女職員帶我入去預訂嘅餐枱，他即時喝止帶我入去嘅女職員，不准我進入，當時我非常之難堪我有一個問題想請教，點解你哋啲職員有兩個做法一個可以俾我進入，而另外一個完全沒有禮貌的高高瘦瘦的女職員就不比我到預定的餐枱，又沒有考慮俾我在其他位置等候，因為當時都有好多空置的餐枱，這一段痛苦嘅經驗使我明白點解香港嘅飲食業會如此低落？從此我和朋友都不會再來三小魚所有嘅餐廳！！！👎👎👎😡😡😡
繼續閱讀
竹炭黑磚脆豆腐及煙燻糖心蛋竹炭豆腐外脆內軟而且相當精緻👍🏼惹味程度令人食到停唔到😋至於糖心蛋除咗糖心效果做得好之外🥚香醇嘅煙燻味亦都好入味-🦐鮮菠蘿芥苿蝦球蝦球大大粒爽口彈牙🦐配上酸酸甜甜嘅菠蘿好開胃🤤仲有芥末令到簡單嘅蝦球變得味道豐富-🐥脆皮風沙雞外皮金黃酥脆😋肉質鮮嫩多汁🤤而且仲好細心咁特別處理過雞胸位置👍🏼切開纖維令入口更加軟熟-🥬啫啫通菜鑊氣爆曬棚既一道菜🤤而通菜清脆可口
繼續閱讀
今次係我第三次帶學生嚟呢間餐廳食飯，每次嚟都有新驚喜，今次嘅菜單依然令人印象深刻，菜式創意同傳統兼備，口味豐富又唔失平衡。以下係我對今次幾道菜嘅評價：竹炭豆腐一上枱就被呢道竹炭豆腐嘅外觀吸引，黑黑嘅豆腐外皮包住嫩滑嘅內裡，上面仲有脆口嘅碎料（好似係炸蒜或者肉鬆），口感好有層次。竹炭嘅加入唔單止令外觀特別，仲帶一絲清新嘅風味，配上底下的新鮮沙拉，清爽又解膩。同學仔都話呢道菜又靚又好食，係一道好適合開胃嘅小菜。麻辣西瓜呢道麻辣西瓜真係好有創意！西瓜切得好整齊，淋上麻辣醬汁，仲撒咗啲紅豆點綴，視覺效果好驚艷。西瓜本身嘅甜味同麻辣醬嘅辛香形成強烈對比，咬落去既清涼又刺激，紅豆仲帶少少嚼勁。雖然有啲同學覺得辣度稍為高咗，但大家都覺得呢道菜好新奇，特別適合夏天食，開胃又消暑。冰鎮咕嚕肉冰鎮咕嚕肉係今次聚餐嘅亮點之一！咕嚕肉本身色澤好吸引，裹上濃郁嘅糖醋醬汁，配菠蘿、青椒同紅椒，酸甜嘅味道好開胃。更特別係，呢道菜冰鎮過，口感冰涼又爽口，肉質嫩滑，菠蘿嘅清甜同醬汁完美融合，仲有一個金黃色嘅糖絲裝飾，增添咗幾分精緻感。同學仔一致覺得呢道菜好驚喜，同傳統咕嚕肉比，多了冰鎮嘅創意，特別適合熱天食。麻辣口水雞麻辣口水雞一端上枱，濃郁嘅辣油香氣就撲鼻而來。雞肉嫩滑多汁，配上紅油、芝麻同紅豆，辣中帶麻，仲有啲微甜嘅回味，層次感好強。底下的薯片吸滿咗醬汁，食落去軟硬適中，增添咗口感上嘅趣味。雖然辣度對部分同學來說有啲挑戰，但鍾意食辣嘅同學都讚唔絕口，覺得呢道菜夠味又下飯。小炒王小炒王係一道好下飯嘅菜，入面有筍絲、木耳、青椒同炒香嘅花生，仲有啲炸過嘅食材（可能係魚皮之類），口感酥脆又鮮香。整體調味偏清爽，帶點微辣，炒得火候啱啱好，蔬菜保持咗脆嫩嘅口感，同花生嘅香氣完美結合。呢道菜雖然看似簡單，但味道好均衡，同學仔都話食起來好舒服，特別適合配白飯。金銀蛋浸時蔬呢道金銀蛋浸時蔬湯汁好濃郁，入面有皮蛋、鹹蛋同時蔬，湯底濃而不膩，帶一絲蛋香。蔬菜吸咗湯汁嘅味道，入口鮮嫩多汁，皮蛋同鹹蛋嘅加入令整道菜嘅風味更加濃郁。呢道菜畀人一種溫暖嘅感覺，同學仔覺得湯汁好適合用來撈飯，係一道好溫馨嘅家常菜。避風塘鮑魚避風塘鮑魚嘅賣相好吸引，鮑魚表面裹滿咗香脆嘅蒜蓉同辣椒碎，香氣濃郁。鮑魚本身口感軟嫩，同外層嘅酥脆形成對比，避風塘風味嘅蒜香同微辣好突出，配底下的沙拉，解膩又有層次感。呢道菜令同學仔都覺得好高級，係一道好適合宴客嘅菜式。豆角豆角炒得啱啱好，綠油油嘅豆角配花生、木耳同少許辣椒，口感脆嫩，調味清爽中帶點鹹香。雖然係一道簡單嘅炒菜，但火候掌握得好，豆角保持咗新鮮嘅口感，花生嘅加入令整道菜更加香口。呢道菜好適合配其他重口味嘅菜式，同學仔都覺得佢好清新，可以平衡成餐飯嘅味道。話梅骨話梅骨係一道甜酸開胃嘅菜式，排骨燉得好軟嫩入味，話梅嘅酸甜同醬汁完美融合，仲配咗橙皮絲，增添咗清新嘅果香。排骨外皮微微焦香，內裡卻軟嫩多汁，酸甜嘅味道令人忍唔住多食幾件。同學仔都好鍾意呢道菜，覺得佢既開胃又有特色，食起來好過癮。炒通菜炒通菜係一道好經典嘅廣式炒菜，通菜炒得好翠綠鮮嫩，配蒜蓉同少許辣椒，簡單但好美味。通菜嘅口感爽脆，蒜香濃郁，調味清淡但不失滋味。呢道菜雖然簡單，但好下飯，同學仔都話食起來好舒服，係一道好適合配其他菜式嘅配菜。總結今次嘅用餐體驗依然令人滿意，菜式唔單止味道出色，擺盤都好有心思，感受到餐廳嘅用心。相比前兩次，今次嘅菜單更加多元化，由創意菜如麻辣西瓜、冰鎮咕嚕肉，到傳統菜如炒通菜、話梅骨，樣樣都令同學仔讚唔絕口。特別係冰鎮咕嚕肉同麻辣口水雞，畀大家留咗好深刻嘅印象。整體黎講，今次係一次好愉快嘅聚餐，同學仔都話下次仲想再嚟，繼續探索更多美味！
繼續閱讀